Блејк Грифин – Kurir.mk

Грифин: Во Бостон се работи сериозно, не е секаде така

Дарко Андоновски — Mon, 10 Oct 2022 07:53:43 +0000

Дебитантот во Бостон селтикс, Блејк Грифин ги сподели своите впечатоци од тренинзите со тимот. – Овде има различно ниво на став кон оваа работа, посериозен. Не сум навикнат на ваква атмосфера, на добар начин. Тренингот беше фокусиран и корисен. Возбуден сум. Не го земам ова како задолжение, бидејќи тоа не се случува насекаде, призна Грифин. Претходно, кошаркарот настапуваше за Бруклин нетс. Минатото лето, ѕвездите на Нетс, Кевин Дурант и Кајри Ирвинг бараа можности за промена на тимовите. Ирвинг ги пропушти повеќето домашни натпревари на Бруклин минатата сезона поради неговото одбивање да се вакцинира. Ваквата ситуација во Бруклин го натера Грифин да ја смени клупската средина.

Блејк Грифин потпиша за Бостон

Бошко Тасиќ — Fri, 30 Sep 2022 19:49:55 +0000

Блејк Грифин во новата сезона ќе игра за Бостон селтикс и тоа за ветерански минимален договор од 2,7 милиони долари. Потпиша на само една сезона и тоа како слободен агент откако лани играше за Бруклин. Во таборот на Нетс имаше просек од 6,4 поени, 4,1 скок и 1,9 асистенции по натпревар. Одигра вкупно 56 натпревари што е најмногу во една сезона уште од 2018/2019 кога беше дел од Детроит. Шесткратниот олстар играч во 2019 и 2020 година имаше неколку операции на двете колена и тотално ја загуби својата експлозивност и мобилност што го правеше фантастично аткрактивен играч.

ДРИМ-ТИМ: Блејк Грифин нов играч на Бруклин Нетс

Бошко Тасиќ — Mon, 08 Mar 2021 18:09:31 +0000

Одличниот кошаркар Блејк Грифин е нов член на тимот на Бруклин Нетс, со што оваа екипа дефинитивно станува еден од најсериозните кандидати за титулата во НБА лигата. Грифин им се приклучува на Џејмс Харден, Кевин Дурент и Кајри Ирвинг со што оваа екипа станува и тоа како силна во продолжение од шампионат во најсилното кошаркарско натпреварување. Грифин доаѓа од тимот на Детроит Пистонс како слободен играч.

Блејк Грифин си замина од Детроит

Бошко Тасиќ — Fri, 05 Mar 2021 20:26:24 +0000

Американскиот кошаркар Блејк Грифин повеќе не е играч на Детроит Пистонс. Шесткратниот играч на Ол-Стар натпреварите се согласи на откуп на договор со тимот од Детроит и од денес е слободен играч. Грифин нема да биде долго време без тим. Според информациите од САД ,интересот за неговите услуги е огромен, а во моментов во играсе интресно ЛА Клиперс, ЛА Лејкерс,Портланд Трејл Блејзерс и Голден Стејт Вориорс.

Неколку НБА тимови покажуваат интерес за Блејк Грифин

Дарко Андоновски — Wed, 21 Oct 2020 12:41:10 +0000

Неколку екипи од НБА лигата се интересираат за кошаркарот на Детроит пистонс, Блејк Грифин, објави инсајдерот во ЕСПН, Зак Лоу. Минатата сезона, 31-годишниот Грифин одигра само 18 натпревари поради две операции на левото колено. На кошаркаор му остануваат уште две години од договорот со Пистонс, за што треба да добие 36,8 и 38,8 милиони долари по сезона. Детроит го донесе Грифин од Лос Анџелес клиперс во 2018 година.

Грифин: Лос Анџелес е град на Лејкерси, а не на Клиперси

Ивана Ефремовски — Thu, 12 Sep 2019 07:56:06 +0000

Напаѓачот на Детроит, Блејк Грифин, верува дека Клиперси секогаш ќе бидат подобри од Лејкерс, но ривалот го има приматот во Лос Анџелес. Претходно, кошаркарот играше за Клиперси. -За кошарката во Лос Анџелес, она што го направија Лејкерс и Клиперс е величествено, но Лејкерси се толку моќни. Ова го говорев кога сè уште играв тука. Не мислам дека Клиперс некогаш ќе го одземат од Лејкерс приматот во градот. Но, барем тие се обидуваат да ја зголемат конкуренцијата и да се приклучат во борбата, изјави Грифин.

Грифин со 44 поени против својот поранешен тим

Ивона Петрова — Sun, 13 Jan 2019 09:26:38 +0000

Крилото на Детроит Пистонс, Блејк Грифин реализираше 44 поени при успехот на „клиповите“ со 109:104 над Лос Анџелес Клиперс во натпревар од НБА лигата. Грифин, кој беше избран под број 1 на Драфтот во 2009 година токму од Клиперс, одигра еден од најсилните дуели во целата кариера против поранешниот тим и заедно со центарот Андре Драмонд, кој забележа „дабл-дабл“ учинок од 20 поени и 21 скока, беше во основата на едвај третиот успех на тимот во последните 10 средби. Детроит имаше предност во текот на целиот натпревар, а пред почетокот на последната четвртина имаше цели 10 поени предност (90:80). Во завршните 12 минути, сепак домаќините од Клиперс се обидоа да дојдат до пресврт и беа сосема блиску до него, но неколку грешки во нападот, како и две последователни тројки на бекот на Детроит, Реџи Булок ги откажаа. Најпрецизен за тимот од Лос Анџелес беше Данило Галинари со 23 поени, а резервите Лу Вилијамс и Монтрезл Харел додадоа 22 и 21 поени, соодветно. Резултати од НБА: Лос Анџелес Клиперс – Детроит 104: 109 Мајами – Мемфис 112: 108 Орландо – Бостон 105: 103 Минесота – Њу Орлеанс 110: 106 Оклахома – Сан Антонио 122: 112 Феникс – Денвер 102: 93 Сакраменто – Шарлот 104: 97 Јута – Чикаго 110: 102.

Рекордни педесет поени за Грифин

Ивона Петрова — Wed, 24 Oct 2018 06:30:37 +0000

Кошаркарот на Детроит Пистонс, Блејк Грифин постигна 50 поени во победата остварена ноќеска над Филаделфија по продолжение со резултат 133:132. Грифин во финишот на основните 48 минути успеа да изедначи на 120:120 за продолжение, а во дополнителното време погоди под фаул на две секунди пред крајот и обезбеди триумф за својот тим. Покрај рекордните во неговата кариера 50 поени, Грифин мечот го заврши и со 14 скока и шест асистенции. За Детроит ова беше трета победа во третиот натпревар оваа сезона, додека Филаделфија е на половичен биланс од две победи и два пораза.

ВИДЕО: Познатиот НБА кошаркар се струполи на паркетот, претрпел потрес на мозокот

Ивона Петрова — Sun, 07 Jan 2018 11:22:09 +0000

Првата ѕвезда на Лос Анџелес Клиперс, Блејк Грифин одигра неполна четвртина во дербито против шампионот Голден Стејт. Грифин на паркетот мина неполни десет минути, кога при еден влез од десната страна, несмасно се сопна од противничкиот играч, по што со главата удри во лактот на Џавејл Мекги. Грифин веднаш падна на подот и остана неколку минути додека тимските лекари му укажуваа помош. - Блејк е силно момче и мислам дека ќе биде добро, изјави по средбата неговиот соиграч Де Андре Јордан. Сепак првичните информации се дека Грифин претрпел потрес на мозокот, па неизвесно е колку ќе паузира. - Ја следиме неговата состојба и мораме да бидеме внимателни. Ќе се потрудиме брзо да закрепне од контузијата, изјавија од лекарскиот тим на „Клиперси“. Грифин се придодаде на долгата листа на повредени играчи на оваа екипа на која веќе се наоѓаат Оустин Риверс, Милош Теодосиќ, Данило Галинари и Патрик Беверли за кој оваа сезона е завршена.