Во Приштина убиен еден од осомничените за двојното убиство во „Шиша Бар“, по него имало и меѓународна потерница

Ристе Здравков — Thu, 15 Jun 2023 10:46:50 +0000

Првичните полициски информации во Косово, објавени во тамошните медиуми, синоќа е убиен македонскиот државјанин Блерим Даци кој имал документи на име Блерим Шабани. Според сознанија на Телма потврдени од извори во истрагата станува збор за лице осомничено дека учествувало во нападот со двојното убиство во локалот „Шиша Бар“ во старата скопска Чаршија пред три месеци. За сега нема информации дали двата настани, убиството во Приштина и нападот во Чаршијата се поврзани. Од скопскиот Кривичен суд ни одговорија дека на Блерим Даци алијас Шабани уште во Ноември минатата година му била определена мерка притвор за нелегално поседување на оружје но никогаш не бил приведен и по него е распишана меѓународна потерница. Претходно судот на Даци му определил куќен притвор но мерката била преиначена во затворски, а МВР потврдило дека осомничениот ниту еден ден не ја испочитувал одлуката на судот и оттогаш се води дека е во бегство. Инаку, автомобил со македонски регистарски ознаки доцна синоќа се нашол под огнена канонада од автоматско оружке на сред Приштина, а во инцидентот убиено е едно лице кое било во македонското возило. Дека станува збор за македонски државјанин потврди и министерот за надворешни работи Бујар Османи, но не кажа повеќе детали за инцидентот. На еден километар од местото на убиството било пронајдено друго запалено возило за кое се претпоставува дека било користено од извршителите на ликвидацијата. Косовските медиуми објавија дека во близина на местото на злосторството биле најдени две автоматски пушки калашњиков.

Косовски медиуми: Убиениот македонски државјанин во Приштина е Блерим Даци

Катерина Бојаџиева — Thu, 15 Jun 2023 09:10:12 +0000

Државјанинот на Република Северна Македонија кој синоќа беше убиен во Приштина во оружена пресметка која наликува на мафијашка пресметка е идентификуван од неколку косовски медиуми како Блерим Даци, јави дописникот на МИА од Приштина. Според порталот „Инсајдери“, кој објави и фотографија на жртвата, Даци им бил од порано познат на органите на правдата и полицијата поради неговата вмешаност во трговијата со дрога. Во денешното соопштение на косовоската полиција се вели дека убиениот бил откриен од надлежни полициски единици во возило со македонски регистерски таблички, а недалеку од местото на настанот е пронајдено изгорено возило за кое се претпоставува дека е користено за убиството. - Засега непознати сторители пукале со огнено оружје врз жртвата, маж, државјанин на Република Северна Македонија. Надлежни полициски единици излегоа на местото на настанот, каде што забележаа дека во возило со македонски регистерски таблички се наоѓа едно лице, а надлежен лекар констатира дека лицето нема знаци на живот. Околу еден километар од местото на настанот е пронајдено запалено возило со германски таблички, за кое постои сомневање дека осомничените побегнале од местото на настанот, се вели во соопштението. Портпаролката на косовската полиција, Флора Ахмети синоќа изјави за медиумите дека во запаленото возило се пронајдени и две автоматски пушки „калашников“, со кои се претпоставува дека е извршено убиството на македонскиот државјанин.

Блерим Даци – Kurir.mk

Во Приштина убиен еден од осомничените за двојното убиство во „Шиша Бар“, по него имало и меѓународна потерница

Косовски медиуми: Убиениот македонски државјанин во Приштина е Блерим Даци