Блерим Река – Kurir.mk

Блерим Река – македонски претседател не стана, од денеска ќе биде косовски министер за евроинтеграции

Љупчо Цветаноски — Mon, 03 Feb 2020 09:38:41 +0000

Проф. д-р Блерим Река, човекот кој влезе во трка за македонски претседател, денеска ќе биде изгласан за косовски министер за евроинтеграции. Река беше кандидат за претседател на државата поддржан од Алијанса за Албанците и БЕСА на изборите кои се оддржаа пролетта на 21 април 2019 година. Претседателството на косовското Собрание за денеска закажа пленарна седница на која ќе се гласа за составот на новата Влада на Косово. Собраниската седница е свикана на барање на мандатарот за состав на новата влада, лидерот на партијата победничка на октомвриските избори, движењето Самоопределување на Албин Курти. Курти побара одржување на пленарна седница, на која ќе го предложи составот на неговиот кабинет. Приштинеските медиуми ги објавија имињата на 15 министри. Шеф на дипломатијата ќе биде Глаук Коњуфца, актуелен претседател на Собранието, а министер за европски интеграции Блерим Река.

Блерим Река скептичен за отворање преговори со ЕУ во октомври

Ивана Ефремовски — Wed, 28 Aug 2019 07:24:06 +0000

Поранешниот македонски дипломат и кандидат за претседател на последните избори, Блерим Река гледа со скептицизам по прашањето за добивање датум во октомври за отворање преговори на Македонија со Европската Унија. Гостувајќи во дневникот на тиранската телевизија Ора њуз изјави дека Македонија треба да исполни два услова ако не „ќе се збогува од датумот за започнување на преговорите во октомври“. Според него станува збор за два критериума поврзани со владеењето на правото, случајот „Рекет“ и усвојувањето на Законот за јавно обвинителство. Посочува дека прашањето за членство во ЕУ е и техничко, кое бара стандарди, критериуми, итн. за кои се сомнева дека Македонија ќе ги исполни. -И во април оваа година реков дека Македонија нема да добие датум во јуни и сега велам, бидејќи е многу тешко да се добие датум во октомври. Зошто? Три држави членки, Франција, Холандија и Германија, не се убедени дека Македонија постигнала напредок во реформирањето на владеењето на правото. Случајот „Рекет “ не беше случај во пресрет на датумот во јуни, тој се обелодени на 15 јули. Ова значи дека сега имаме две ограничувачки лимити за датум. Прво, е расветлувањето на случајот „Рекет“ односно потврда дека земјата има менаџерски капацитет за спроведување на владеењето на правото. Вториот, на 15 септември завршува мандатот на Специјалното јавно обвинителство, изјави Река. Објасни дека во тек се преговорите меѓу македонската влада и опозицијата за новиот закон за јавно обвинителството, во кое „ќе биде инкорпорирано Специјалното јавно обвинителство“. -Доколку не се донесе Закон за јавно обвинителство до 15 септември, ќе можеме да му кажеме збогум на датумот во октомври. Со други зборови, јас сум скептичен дека во октомври Македонија ќе добие датум за преговори доколку не ги исполни овие два услова што се поврзани со владеењето на правото, констатира Блерим Река. (МИА)

Пендаровски остана без гласовите на Река- Река ги повика граѓаните да гласаат по сопствено убедување

Дарко Андоновски — Thu, 02 May 2019 13:37:08 +0000

Блерим Река преку својот Фејсбук профил ги повика граѓаните да гласаат по сопствено убедувања во недела на вториот круг од претседателските избори. -Во пресрет на вторито круг на гласањето за Председател, дозволете ми уште ендаш да ви се заблагодарам за вашите гласови за мојот концепт за “Една Република за сите, со законот над сите”: како члeнка на НАТО и ЕУ. Близу 80,000 гласови, за само 3 недели во полииката и не се малку, oсобено дадени на председателски избори со досега најниска излезеност (42%) и највисок број на незажечки гласачки ливчиња (33,000!) Почитувајќи ги вашите гласови, уште ендаш ќе повторам: тие се само ваши гласови. Тоа е ваше свето право и на вас е да одлучите за кого ќе гласате на вториот круг. Ќе го повторам истото што го реков на почетокот на мојата председателска кампања: јас, не сум трговец со вашите гласови и нема да ве убедувам за кого ќе гласате оваа недела. Трговијата со вашите гласови е спротивно со мојот концепт за Републиката, особено со нејзиниот главен столб владеење на правото. Зашто тогаш се потребни избори, ако како досега во вториот круг за вашите гласови одлучуваат партијските лидери како обични трговци со гласовите на народот? Од моја страна, јас би ве замолил да на 5 мај, излезете масовно на гласање, за да го спасите Еуро-Атланскиот процес, стои во неговиот пост на Фејсбук.

Силјановска Давкова: Гласовите на Река покажаа дека и албанските гласачи се незадоволни од власта

Ивана Ефремовски — Mon, 22 Apr 2019 17:57:09 +0000

Професорката Гордана Силјановска Давкова во гостување во централниот дневник на ТВ Сител нагласи дека апстиненцијата е поголема во албанските средини бидејќи Албанците веќе не дозволуваат никој, па ниту премиерот Зоран Заев, да прави трговија со нивните гласови. -Апстиненцијата може да се гледа од повеќе агли. Прво, факт е дека таа е далеку поголема во албанските средини отколку во македонските, а јасно ни е зошто. Зашто по појавата на еден граѓански ориентиран, едуциран кандидат каков што беше господинот Блерим Река, Албанците односно албанските гласови не се согласуваат веќе да служат нивните гласови за етнопартиска трговија туку се спротивставија на тоа, додаде Силјановска Давкова.

Опозицијата вчера освои 75.000 гласови повеќе од власта

Ивана Ефремовски — Mon, 22 Apr 2019 15:02:21 +0000

На првиот круг од претседателските избори кој се одржа вчера, власта во бројот на гласови доживеа голем пораз. Имено, ако се споредат гласовите кои ги освои Стево Пендаровски како кандидат на владејачките СДСМ и ДУИ, со гласовите кои ги освоија Гордана Силјановска Давкова и Блерим Река од опозициските партии, се забележува разлика од цели 75.000 гласови. На вчерашното гласање, Силјановска Давкова, според официјалните податоци од ДИК има освоено 319.240 гласа, а Блерим Река 79.915. Заедно, тие имаат 399.155 гласови. Стево Пендаровски освои 323.846 гласа. Разликата меѓу гласовите на власта и опозицијата е 75.309 во корист на власта. Во својот вчерашен говор, за ова зборуваше и професорката Гордана Силјановска Давкова. -Ако се спореди бројот на гласовите за опозицијата значи и на оние кои гласале за господинот Блерим Река и неговите поддржувачи и ако се собере со гласовите кои што јас веќе ги спомнав разликата е повеќе од 75.000 гласови. За некој како мене кој во целата кампања укажуваше на неодржливоста на систем на режим, во кој отсуствува владеењето на правото, систем потонат во корупција, криминал и непотизам тоа е најважно. Значи опозицијата успеала навистина не само да им предочи туку и да ги убеди граѓаните дека во отсуство на право и правда ние може да си раскажуваме приказни за ЕУ и НАТО зошто само со исполнување на основниот Копенхагешки критериум и владеење на правото може да се добие почеток на преговори. Тоа е задоволство за еден професор по уставно право и политички систем, кој вели дека мора да се стави крај на транзицијата на транзиционите профитери материјални и интелектуални, недоучени, нереализирани, фрустрирани кои во сиот период на самостојна и независна Македонија трчале од функција на функција колку години стаж имаат толку имаат и функции и сега сакаат да завршат со највисоката претседател на Република Македонија, порача синоќа Силјановска Давкова.

Силјановска со порака до Река: Искрено жалам што не влезе во втор круг

Предраг Кукиќ — Mon, 22 Apr 2019 11:36:35 +0000

Силјановска Давкова му честиташе на Блерим Река за изборите. - Ми беше чест да учествувам на претседателските избори заедно со колегата Блерим Река. Дискусиите кои ги имавме, и по прашања за кои се сложувавме, како и за оние за кои не се сложувавме, беа на високо ниво и го подигнаа квалитетот на дебатата. Му честитам на освоените гласови и искрено жалам што не влезе во вториот круг, напиша таа.

Река: Задоволни сме од гласањето, ние не тргуваме со гласови

Предраг Кукиќ — Sun, 21 Apr 2019 20:08:20 +0000

Кандидатот на Алијансата и БЕСА, Блерим Река на прес конференција изјави дека изборите ги оценува како фер и демократски, дека немаат забелешки, дека се за концепот на држава, односно дека се против заробена државата. Ние се уште немаме реален список, реално имаме само 1 500 000 граѓани, тоа е реалност и затоа немаше доволно излезеност. Ние сме презадоволни од гласањето, особено во општините со албанско население, а исто и во Македонските општини. Со над 50 000 гласови, очекуваме дека ќе стигнеме до 80 000 гласови и тоа е одличен резултат, но не важна бројката туку поддршката. Ова најавува една нова политичка пролет која ќе се цементира во идните претседателски избори. Кога рековме дека нема да тргуваме со гласачите, така и се случи, тоа се нивни гласови и ние не тргуваме со гласовите на граѓаните, рече Река на прес конференција.

ВО ЖИВО: Следете ги резултатите од претседателските избори

Катерина Бојаџиева — Sun, 21 Apr 2019 18:10:30 +0000

Во Македонија денеска се одржа првиот круг од шестите претседателски избори. Блерим Река, Гордана Силјановска Давкова или Стево Пендаровски? Резултатите може да ги следите во живо на веб-страницата на ДИК.

Река: Со денешното гласање ќе докажеме дека сме држава која е спремна да ги почне преговорите за членство со ЕУ

Ивана Ефремовски — Sun, 21 Apr 2019 17:23:40 +0000

Кандидатот за претседател, Блерим Река, по остварувањето на своето гласачко право во општина Бутел рече дека очекува мирен изборен ден и ги повика граѓаните да излезат и да го исполнат своето право на глас. -Го искористив моето гласачко право и гласав во Бутел, општината во која живеам. Со ова, се надевам дека и граѓаните ќе го искористат нивното уставно и законско право и ќе гласаат за претседател. Со вака убаво време, јас мислам дека и расположението кај граѓаните е такво и се надевам дека со ова ќе докажеме дека сме држава која е спремна да ги почне преговорите за членство со Европската Унија, со што ќе докажеме дека имаме и институционално, административен и политички капацитет државата да ни оди кон евроатлантските интеграции, порача Река.

Река: Немаме испорачано деполитизирано судство, немаме испорачачано јавна администрација и немаме реформа но разузнавачките служби

Предраг Кукиќ — Fri, 19 Apr 2019 20:54:16 +0000

Ние не сме подготвени технички за преговори со Брисел. Немаме испорачано деполитизирано судство, јавна администрација ослободена од непотизам, нема одговор каква ќе биде иднината на СЈО и не испорачавме конкретни судски резултати за мега коруптивните скандали и организираниот криминал, реформа на службите за разузнавање, рече Блерим Река, кандидат за претседател на дебата на телевизија 21. -Не се работи дали јас сакам или не да добиеме датум, во мој мандат како евроамбасадор во 2009 добивме прва позитивна препорака за отпочнување преговори, посочи Река. Според него, а се повика и на изјавата на министерот Манчевски дека ни недостасува административен и институционален капацитет, и немаме врвни експерти на тој план кои треба да го водат процесот. Како што рече Река, би сакал да не сум во право за скпетицизимот, но како што стојат работите тешко може да се добие датум во јуни.