блиндирано возило – Kurir.mk

Бајден беше единствен кој дојде со „блиндиран ѕвер“ на погребот на кралицата, дали сте се запрашале како лимузината пристигнала во Лондон? (ВИДЕО)

Дарко Андоновски — Mon, 26 Sep 2022 10:01:51 +0000

Минатиот понеделник се одржа погребот на кралицата Елизабета втора, а главна тема во светските медиуми беше веста за доаѓањето на американскиот претседател Џо Бајден со неговата блиндирана лимузина. На момент неговиот автомобил заглави во толпата, па тој и првата дама на САД мавтаа насмеано на насобраните луѓе. Повеќе од 500 шефови на држави и достоинственици пред седум дена дојдоа во Вестминстерската опатија за да ѝ одадат почит на кралицата, а многумина од нив отпатуваа до црквата со специјални автобуси за да го избегнат сообраќајниот метеж, но американскиот претседател доби специјална дозвола од Стејт департментот да присуствува на погребот со неговата лимузина отпорна на куршуми.

American President comes to a standstill in London traffic near Marble Arch. Might as well have taken the bus. pic.twitter.com/lJ2nNE5kC9
— Joe Armitage (@joe_armitage) September 19, 2022

Инаку доколку некој се прашувал како таа цела „колона“ на возила и „армија“ на луѓе пристигнува некаде каде што е претседателот, во случајот во Лондон на погребот на кралицата Елизабета, сега ќе ви стане јасно. На Јутјуб се појави видео како се превезува целиот тој конвој, технички апарати, луѓе и автомобили – а сето тоа се превезува со авион, уживајте во нешто што никогаш нема да ви падне на памет дека можело да се прави.

Полицијата мислела дека ова е најлудата шега која може да постои: Пари испаднале од блиндирано возило среде автопат, па започнало грабањето

Дарко Андоновски — Sat, 20 Nov 2021 19:53:55 +0000

Пари кои испаднале од блиндирано комбе недалеку од Сан Диего предизвикале вистински хаос меѓу луѓето, тепачки и апсења. Видеата објавени на социјалните мрежи покажуваат расфрлани пари и луѓе кои се обидуваат да зграпчат што е можно повеќе долари по автопатот „Интерстејт 5“ во областа Сан Диего во Калифорнија, јавува Би-би-си.

Cash is scattered across a highway in San Diego after an armored vehicle was in a minor traffic incident on Friday morning:@DemiBagby pic.twitter.com/4PSNeh1gyH
— Alex Salvi (@alexsalvinews) November 19, 2021

Полицијата соопшти дека уапсила неколку лица и ги повикува сите што земале од парите да ги вратат. Една од вратите на блиндираното возило се отворила на патот, поради што испаднале вреќи со готовина, а банкнотите се разлетале. „Поради некоја причина, парите испаднаа од блиндираниот автомобил“, изјави полицаецот од патната патрола во Калифорнија, Џим Бетенку. „Ова е најлудото нешто што сум го видела“, вели фитнес инфлуенсерката Деми Багби во своето видео.

Од блинидрано возило во Словенија украдени милион евра

Ивона Петрова — Fri, 18 Jan 2019 09:07:44 +0000

Од блиндирано возило на словенечка агенција за обезбедување во градот Цеље, кон крајот на минатата година биле украдени милион евра во готовина, објави денеска мариборскиот весник „Вечер“, посочувајќи дека словенечката полиција се уште трага по крадците. Кражбата се случила кога двајца вработени во агенцијата за обезбедување го оставиле возилото без надзор во дворот на фирмата, без да почекаат да дојдат колегите од наредната смена. Во време на кражбата во возилото покрај пари, имало и хартии од вредност. Полицијата смета дека крадците најверојатно имале „инсајдерски информации“ од агенцијата, што им помогнало да украдат толкава сума пари, а не е исклучено и дека знаеле каде стоел клуот од возилото. МИА

ФОТО: И Меркел се возеше во Мерцедесот за чија набавка е осуден Груевски

Ивона Петрова — Sat, 08 Sep 2018 10:28:38 +0000

Германската канцеларка Ангела Меркел беше пречекана денес во Скопје со сите почести и превезувана со блиндираното возило марка „Мерцедес“, за чија набавка беше осуден поранешниот премиер Никола Груевски во случајот Тенк. Очигледно дека возилото е во одлична состојба и не е уништено и гребено од мачки, како што тврдеа премиерот Зоран Заев и министерот за внатрешни работи Оливер Спасовски, штом сега се користи за делегацијата предводена од канцеларката Ангела Меркел. Овој владин Мерцедес кој Заев и СДСМ го критикуваа додека беа опозиција, изминатава недела го користеа и Јенс Столтенбер, генералниот секретар на НАТО и Себастијан Курц, канцеларот на Република Австрија при нивните официјални посети на Република Македонија. Патем Зоран Заев пред некое време тврдеше дека Мерцедесот ќе го продаде за со тие пари да се набават амбулантни возила. Јавноста сведочи дека ова возило се користи за намената за која е купено, односно со него да се превезуваат делегации на странски земји и странски високи функционери, како и за други намени кога тоа го пропишуваат строгите протоколарни и безбедносни стандарди. Јавноста оправдано се прашува за што беа осудени Никола Груевски и Ѓоко Поповски, кога изминатиот период, па и денешната посета на Меркел, ги побиваат обвиненијата на СЈО и пресудата во случајот Тенк. Оправданоста на оваа набавка денес доби уште една целосна потврда.