близначиња – Kurir.mk

Манекенката Розман се омажи за 24 часа, па раскина за неколку недели – сега е бремена и тоа не со едно туку со две бебиња! (ФОТО)

Дарко Андоновски — Wed, 12 May 2021 07:25:17 +0000

Македонската манекенка и модел Емилија Розман изненади на својот Инстаграм профил со објавата дека за неколку месеци ќе стане мајка. Имено, таа објави фотографија на која се гледа нараснатото трудничо стомаче, а како што стави во описот, таа е во третиот месец од бременоста и чека не едно туку две бебиња, односно носи близнаци. -Едно е подобро од две – пишува убавата Македонка која неодамна го прослави својот 29-ти роденден, но и стана тетка по вторпат и доби внука од својот постар брат. Изминатиот период Розман не откриваше детали од својот љубовен живот, па непознато е кој е нејзиниот партнер и татко на децата. За потсетување,Емилија Розман минатата 2020 година ја обзнани свршувачката со момче кое го познаваше едвај 24 часа.

View this post on Instagram

A post shared by Emilija Rozman (@rozmanticna)

Но, љубовта на прв поглед не траеше долго. Мисицата Розман после неколку недели од романтичното запросување, „се разведе“ од својот невенчан сопруг.

View this post on Instagram

A post shared by Emilija Rozman (@rozmanticna)

ВИДЕО: Трогателна прва средба на седуммесечни близначиња

Магдалена Андонова — Tue, 24 Nov 2020 10:40:43 +0000

Родени во 30-та недела од бременоста, идентичните близначки Кора и Милер од Атланта во американската сојузна држава Џорџија, беа разделени три недели по раѓањето. Но, нивната средба по повеќе од шест месеци, покажа дека ништо не може да ги уништи односите меѓу нив. Имено, девојчињата се родени со здравствени проблеми кои требало да се лекуваат во различни болници. Сепак, работите на крај се средија, па девојчињата се сретнаа во кардиолошкиот оддел во Детската болница во Атланта. На фотографијата од нивната емотивна средба, се гледа нивната очевидна и нераскинлива сестринска врска, додека се гледаат во очи и се држат за раце. - Кора и Милер знаат доста за оваа сила. Поради нивниот престој во различни одделенија, сестрите се немаа видено повеќе од 200 дена. Кога конечно беа заедно, тие инстинктивно се фатија за рачињата… Никој не можеше да си ги задржи солзите, напиша некој покрај објавената фотографија на инстаграм-профилот на болницата во Атланта. Линдзи Меккој, мајката на девојчињата, исто така беше таму. – Моето срце експлодира од среќа, изјави таа. На близначките им биле најдени проблеми околу нивниот раст, што влијаеле на нивниот развој во матката. Кора е родена со тежина од 1.615 грама, а Милер со само 500 грама. Милер се уште заздравува од операцијата, но семејството се надева дека наскоро сите ќе бидат дома заедно. (МИА) Видеото може да го погледнете ТУКА

Мајка си ги продала близначињата за да исплати долгови и да си купи мобилен: Тогаш се појави таткото со уште поужасен чекор!

Ивана Ефремовски — Wed, 11 Sep 2019 15:59:43 +0000

Изреката „крвта не е вода“ не значи ништо за оваа жена. Парите, за неа, се поважни од било што, па дури и од родените деца. Новопечената мајка од Кина ги продаде своите близначиња за 7.400 фунти (околу 8.300 евра) за да го исплати долгот на кредитна картичка и да си купи нов мобилен телефон. Таа ги продала момчињата кои имале само две недели на две различни семејства кои живеат 700 километри оддалечени од нејзиниот роден град, пренесува „Дејли меил“. Жената и нејзиниот партнер биле уапсени од полицијата, а на семејствата кои ги купиле децата им се закануваат по 10 години затвор. Бебињата биле предадени на грижа кај нивните баба и дедо. Полицијата откри дека презимето на мајката монструм е Ма. Близначињата ги родила минатиот септември, а бидејќи се родени предвреме, тие биле сместени во инкубатор. Нејзиниот партнер, со презиме Ву, не се појавил во болницата, па мајката решила да ги продаде децата на странци. Кинеските медиуми јавуваат дека изјавила дека го сторила тоа бидејќи била без пари и во големи долгови. Според нејзината изјава, родителите не сакале да помогнат бидејќи забременила, а не била во брак. Сега следува нешто исто толку шоканјтно. Таткото во полиција изјавил дека на почетокот не знаел дека неговите деца се продадени. Но, кога дознал, експресно се појавил. Мислите дека се обидел да ги најде? НЕ! Тој се појавил за да си го побара делот од парите кој му следува. Со нив сакал да си ги подмири коцкарските долгови.

Огромна трагедија: Едногодишни близнаци починаа, таткото ги заборави осум часа во автомобил (ВИДЕО)

Ивана Ефремовски — Sun, 28 Jul 2019 07:45:45 +0000

Едногодишните близнаци Феникс и Марица, биле на задното седиште од автомобилот, кога татко им ги оставил пред болница во Њујорк каде работел како социјален работник. Родригез ѝ рекол на полицијата дека не знаел дека тие се во возилото. Автомобилот го оставил во 8 часот, а се вратил во 16 часот. Дури кога тргнал сфатил дека децата се внатре во автомобилот. Излегол и почнал да вика. Лекарите не можеле ништо да сторат. Полицијата го привела таткото за смртта на двете деца, кои неодамна го прославиле нивниот прв роденден. -Ова е голем шок за нас. Неодамна имаа забава во нивниот двор, на која го прославија нивниот роденден. Имаат и четиригодишен син. Никогаш не сум видел да ги занемаруваат децата, ниту да ги пуштаат надвор без надѕор. Беа добри родители. Како сега да живеат со ова?, рекол еден сосед за „Њујорк Пост“. Во Америка секоја година во просек умираат 38 деца, кои остануваат заробени во автомобилите.

Оваа жена е монструм: Кога ќе дознаете што им направила на близначињата, ќе барате смртна казна за неа!

Ивана Ефремовски — Sat, 08 Dec 2018 13:19:52 +0000

Полицијата во Калифорнија ја уапсила Хедер Ленгдон (37) поради сомнеж дека своите синови, 10 месечните близначиња, ги удавила во мотел во централна Калифорнија. Само ден пред тоа полицијата помогнала да се сместат во тој мотел, откако таа претходно поради проблематично однесување, била исфрлена од прифатилиште за жени. Во полицијата објасниле дека никогаш порано немале контакт со оваа жена и дека би повикале психијатриска установа доколку се посомневале дека Хедер може да биде опасна за децата. Телата на децата биле пронајдени во четвртокот наутро. Првата екипа која дошла на повик се обидела да ги реанимира бебињата. Тие ги одвезле во болница, каде пробале да ги реанимираат, но набрзо биле прогласени за мртви.

УЖАС: Ги заклучувале тригодишните близначиња во дрвен кафез додека се на работа (ФОТО)

Ивана Ефремовски — Sat, 14 Jul 2018 13:15:15 +0000

Тригодишни близначиња биле најдени од полицијата во дрвен кафез, каде ги оставале родителите додека се на работа. Во кафезот направен од штици немало ниту играчки или перниче за да има каде да седнат тригодишните момчиња. Тие биле разделени со преграда за да не може да се допираат. Полицијата добила анонимен повик и влегла во куќа во местото Апарецидина, во бразилската држава Еспирито Санто. Дечињата биле заклучени со синџир на вратата од кафезот и со катанец. Децата им биле одземени на родителите и биле сместени во прифатилиште. Родителите, откако биле приведени, се правдале во полициската станица дека имале многу работа во полето и морале да ги чуваат децата врзани. Тие се обвинети за малтретирање на сопствените деца. Шефот на полицијата Сонимаркос изјави: -Родителите, кои се фармери, ни рекоа дека ги чувале момчињата во дрвената кутија за да може да ги извршуваат работите дома и во полето. На телата на децата немало знаци на физичко насилство.

Најслаткото видео кое го имате видено: Мајка ги оставила своите близначиња во креветче, а потоа…

Ивана Ефремовски — Thu, 08 Mar 2018 08:54:32 +0000

Иако многумина во првиот момент имаат страв дека нема да можат адекватно да се грижат за близначиња бебињата, кога ќе доживеат моменти како овие сфаќаат дека сè вредело. Мајката ги ставила своите ќеркички во нивното креветче, а тие одлучиле да си позборуваат. За среќа, мајката веднаш ја земала камерата и го забележала овој прекрасен момент.