блок 1 – Kurir.mk

Исклучени Блок 1 и Блок 3 во РЕК Битола

Тале Кристо — Fri, 06 Oct 2023 06:23:16 +0000

Проблем во трафостаницата на МЕПСО што се наоѓа во непосредна близина на РЕК Битола, рано утрово предизвика испад на Блок 1 и Блок 3 од електроенергетскиот систем. Веднаш по инцидентот преземени се сите мерки и активности за санација на оштетените делови во РЕК Битола, по што започнаа операции за враќање во функцијата на двата блока, соопшти АД ЕСМ. Се очекува во претпладневните часови постројките да бидат повторно на мрежа и да испорачуваат електрична енергија. Заради сличен проблем во електропреносниот систем, во ноември 2021 година беше тешко оштетен трансформаторот на Блок 3 на РЕК Битола и постројката беше надвор од функција повеќе од една година. Овојпат, нема сериозни штети врз опремата на РЕК Битола, а стручни лица од РЕК Битола и АД МЕПСО работат на утврдување на точните причини за денхешниот инцидент. Потребите на потрошувачите за електрична енергија во моментов се задоволуваат од домашните капацитети на АД ЕСМ.

Блок 1 на РЕК Битола исклучен од мрежа

Ивона Петрова — Tue, 07 Feb 2023 08:39:51 +0000

Блок 1 на РЕК Битола утрово е исклучен од мрежа заради интервенции во цевководниот систем на постројката, сервисни и ремонтни активности на млинските кола и нега на постројките во машинската сала на блокот, информираат од АД ЕСМ. Како што нагласуваат, се очекува блокот да биде ставен во функција во следните 24 до 48 часа. -Заради енергетската криза во која се наоѓа земјата и потребата од постојано и зголемено производство на електрична енергија, ремонти и санација на блоковите не се изведуваат како што вообичаено тоа се прави, со застои на производствениот процес на блок во период од 60 до 90 дена. Сите неопходни зафати во овој период се прават кога се апсолутно неопходни или кога ќе се укаже можност за тоа, соопшти АД ЕСМ. Блок 2 и Блок 3 на РЕК Битола, се посочува во соопштението, во моментов работат без проблеми. Ремонтни активности на Блок 2 се предвидени за следната недела. -За сиот овој период, АД ЕСМ ги задоволува потребите за електрична енергија на конзумот со производство од останатите свои капацитетите. Увоз на електрична енергија нема, потенцираат од компанијата.

Блок 1 на РЕК Битола утрово исклучен од мрежа поради скинати цевки во котелот

Ивона Петрова — Wed, 04 Jan 2023 08:32:31 +0000

Блок 1 на РЕК Битола утрово е исклучен од мрежа заради скинати цевки во котелот на постројката. Во тек е дефектажа која точно ќе ги лоцира аномалиите, по што во најбрз можен рок Блокот ќе биде саниран и вратен во функција, соопштија од АД ЕСМ. -На Блок 1 пред една недела беа извршени сервисно – ремонтни активности кои, за жал, не можат да предвидат или превенираат ситуација како денешната. Секој од трите блока на РЕК Битола има котел составен од цевки со должина од околу 700 километри, поставени на различни нивоа, низ кои поминува пареа со топлина од над 500 степени Целзиусови. Кон санација на оштетувањето се пристапува откако ќе се создадат физички услови за интервенција, појаснуваат од АД ЕСМ Воедно, наведуваат дека заради енергетската криза во која се наоѓа државата и потребата од постојано и зголемено производство на електрична енергија, ремонти и санација на делови од блоковите се изведуваат кога ќе се укаже можност за тоа, без притоа да се загрози стабилноста на постројките.

Блок 1 на РЕК Битола утрово вратен во мрежа

Ивона Петрова — Thu, 29 Dec 2022 08:56:05 +0000

Блок 1 на РЕК Битола утрово е вратен во мрежа. Од АД ЕСМ соопштија дека по завршување на сервисно–ремонтните активности, постројката е во функција и работи со максимален капацитет. – РЕК Битола во моментов работи со два од трите блока. Покрај Блок 1, во функција е и Блок 2, а на Блок 3 во тек се активности за монтажа на новиот трансформатор, информираа од АД ЕСМ. Поради енергетската криза во која се наоѓа државата и потребата од постојано и зголемено производство на електрична енергија, како што подвлекуваат д АД ЕСМ, ремонти и санација на делови од блоковите се изведуваат кога ќе се укаже можност за тоа, без притоа да се загрози стабилноста на постројките.

Блок 1 на РЕК Битола во прекин до понеделник

Ивона Петрова — Fri, 18 Nov 2022 07:59:50 +0000

Од електроенергетскиот систем синоќа околу полноќ е исклучен Блок 1 на РЕК Битола. Од ЕСМ информираат дека се работи за планско исклучување заради санација на кондензаторот и на дел од цевководниот систем во постројката. -Преземени се сите чекори со цел интервенцијата да биде кратка и ефикасна и в понеделник блокот повторно да биде на мрежа. Исклучувањето на блокот е планирано за време на викендот заради вообичаено намалениот конзум на електрична енергија во овој период од седмицата, се вели во соопштението. Електричната енергија од Блок 1 на РЕК Битола, АД ЕСМ ќе ја надомести со зголемување на производството во останатите свои постројки, како и со набавката на струја за која компанијата има веќе склучен договор до 20 ноември.

Во тек ремонт на Блок 1 во РЕК Битола

Ивона Петрова — Tue, 04 Oct 2022 06:57:34 +0000

Во РЕК Битола во полн ек е ремонтот на Блок 1. Во активностите се вклучени вработени на комбинатот и стручни лица од домашни компании, известуваат од ЕСМ. Оттаму додаваат дека заради енергетската криза во државата и Европа, ремонтите на блоковите во РЕК Битола годинава ќе бидат изведени за помалку од 30тина дена, наместо вообичаените 45 и повеќе. -Фокусот е ставен на највиталните делови од постројките кои после техничко-технолошкото освежување треба да обезбедат стабилност на производството. Ремонтот на Блок 1 на РЕК Битола предвидено е да заврши до 15 октомври, по што ќе следуваат исти активности и на Блок 2. Во меѓувреме се очекува да пристигне трансформаторот за Блок 3, по што РЕК Битола би продолжил со работа со полн капацитет, информираат од ЕСМ.

БЛОК 1 НА РЕК БИТОЛА ОД ДЕНЕС НА РЕМОНТ

Дарко Андоновски — Mon, 19 Sep 2022 07:16:09 +0000

АД ЕСМ соопшти дека денеска започна ремонтот на Блок 1 на РЕК Битола, и во следните триесетина дена на постројката ќе бидат извршени неопходните зафати со цел зголемување на нејзината стабилност и доверливост во текот на претстојната грејна сезона. Заради енергетската криза во која се наоѓа Република Северна Македонија и Европа и потребата од континуирано и зголемено производство на електрична енергија, ремонтот на Блок 1 на РЕК Битола ќе се изведува пократко од вообичаениот период. Потребите за електрича енергија на граѓаните и малите потрошувачи се задоволуваат целосно преку другите производни капацитети на АД ЕСМ. Од денеска во погон е ставен РЕК Осломеј, а од 22 септември започнува со работа и ТЕЦ Неготино. По завршувањето на ремонтот на Блок 1, планирани се ремонтни активности и на Блок 2, додека Блок 3 се очекува да биде ставен во функција на почетокот на ноември, информираат од АД ЕСМ.

Поради дефект по само еден месец работа Блокот 1 во РЕК Битола повторно исклучен од работа

Дарко Андоновски — Sat, 15 Sep 2018 11:10:00 +0000

Вчера утрото и покрај еден од најскапите ремонти на Блокот 1 во РЕК Битола истиот беше исклучен и испадна од работа. Блокот 1 има дефект дури на 26 цевки во котелот, а исто така исклучен е и третиот блок за ремонт откако се пофалија за успешните ремонти на блоковите 1 и 2. Инаку ремонтот на Блокот 1 беше капитален ремонт кој траеше 90 дена и после само еден месец од пуштањето во погон истиот откажа од работа.