Блумберг – Kurir.mk

Блумберг: Турција би можела во март да ја одобри кандидатурата на Финска за НАТО

Ивана Ефремовски — Fri, 03 Feb 2023 14:49:59 +0000

Турција е блиску до одлука да го одобри приемот на Финска во НАТО следниот месец, додека статусот на шведската апликација за членство во Алијансата останува неизвесен, јави Блумберг повикувајќи се на неименувани извори. „Претседателот на Турција, Реџеп Тајип Ердоган е блиску до одлуката за одобрување на членството на Финска во НАТО … согласноста од Анкара за пристапување на Финска во НАТО треба да се очекува во средината на март“, наведува Блумберг. - Се осврнавме на прашањата што Анкара ги смета за вознемирувачки. Очекуваме Турција и Унгарија да го ратификуваат нашето членство во НАТО што е можно поскоро, изјави претходно премиерката на Финска, Сана Марин. Таа додаде дека „важно е да се испрати јасна порака – Финска и Шведска заедно се пријавија заедно, и во интерес на сите е да се приклучат“. Но, статусот на Шведска останува неизвесен, пред се поради влошените односи меѓу таа Стокхолм и Анкара. (МИА)

Блумберг: ЕУ треба да предложи одложување на клучната забрана за увоз на руска нафта за да се постигне договор

Тале Кристо — Sun, 29 May 2022 09:49:55 +0000

Европската унија треба да предложи одложување на ограничувањата за увозот на руска нафта од клучниот нафтовод во обид да ги задоволи унгарските приговори и да постигне договор за блокираниот пакет санкции, шести на блокот, кој би ја таргетирал Москва за нејзината војна во Украина. Се очекува да се достави ревидиран предлог со кој привремено ќе се поштедат испораките на нафта преку гигантскиот нафтовод Дружба од поширока забрана за испорака, јави Блумберг цитирајќи извори во ЕУ блиски до тоа прашње. Со предлогот првично ќе се укинат само испораките преку море, а подоцна ќе се прошири на испораките од Дружба откако ќе се најде техничко решение што ги задоволува енергетските потреби на Унгарија и другите нации главно без излез на море, наведоа изворите. Испораките преку море сочинуваат околу две третини од увозот на руска нафта. Некои земји-членки се залагаат за постигнување договор пред лидерите на ЕУ да се сретнат в понеделник во Брисел за да разговараат за војната во Украина. Компромисот ќе купи време за ЕУ и унгарскиот премиер Виктор Орбан да ги испеглаат техничките детали за постепено укинување на испораките на гасоводот за неговата земја, велат луѓето. Унгарија со недели ги блокираше плановите за забрана на руската нафта. Предлозите не се финализирани и може да се променат пред да бидат изнесени и договорени од земјите-членки. Пакетот санкции бара поддршка од сите земји-членки. Неколку нации претходно се спротивставија на разликата помеѓу испораките преку море и нафтоводи поради загриженоста дека таквиот расцеп е неправеден бидејќи несразмерно погодува. ЕУ претходно предложи постепено укинување на увозот на руска нафта до почетокот на следната година. Унгарија и Словачка би добиле рок до крајот на 2024 година, додека на Чешка би добила изземање до јуни 2024 година. Русија минатата година испраќаше околу 720.000 барели сурова нафта на ден во европските рафинерии преку својот главен гасовод во регионот. Сепак, најголемиот дел од испораките на гасоводот се во Германија и Полска, кои сигнализираа дека ќе се одвикнат од руските испораки без оглед на каква било акција на ЕУ. Како дел од компромисот, на Бугарија може да и се додели подолг преоден период, наведоа изворите. Грција и Кипар, исто така, бараат подолга транзиција на предложената забрана.

Блумберг престанува со работа во Русија и во Белорусија

Ивона Петрова — Tue, 29 Mar 2022 06:09:26 +0000

Блумберг ЛП (Bloomberg LP), матичната компанија на Блумберг њуз, ја прекинува работата во Русија и во Белорусија поради воведените санкции. Но, медиумскиот проект на Блумберг ќе продолжи со работа, се наведува во соопштението на компанијата. Клиентите во Русија и во Белорусија нема да имаат пристап до ниту еден од финансиските производи на Блумберг. Во согласност со меѓународните санкции, голем број руски функции за тргување со хартии од вредност се деактивирани, руските акции се отстранети од глобалните берзански индекси на Блумберг, а обврзниците на земјата се отстранети од индексите со фиксен приход при ребалансот на крајот на месецот. Уште на 4 март, Блумберг соопшти дека престанал да известува од Русија по законот воведен од Путин со кој се затвораат вестите кои владата ги опиша како „лажни“.согласност со меѓународните санкции, голем број руски функции за тргување со хартии од вредност се деактивирани, руските акции се отстранети од глобалните берзански индекси на Блумберг, а обврзниците на земјата се отстранети од индексите со фиксен приход при ребалансот на крајот на месецот. Уште на 4 март, Блумберг соопшти дека престана да известува од Русија, откако беше усвоен Законот против лажните вести.

Блумберг: ЕУ исклучува седум руски банки од СВИФТ

Ивана Ефремовски — Tue, 01 Mar 2022 20:54:29 +0000

Амбасадорите на ЕУ се согласија да ги исклучат банките ВТБ, Русија и Откритие, како и Novikombank, Promsvyazbank, Sovcombank и VEB.Russia од системот СВИФТ, објави денеска новинската агенција Блумберг, повикувајќи се на договорената листа. Како што е наведено, списокот вклучува голем број банки кои веќе се санкционирани од страна на Унијата. Истовремено, се нагласува дека Сбербанк и Газпромбанк се уште не се вклучени во списокот. Забележано е дека листата подлежи на корекции. (МИА)

Руските милијардери изгубиле 39 милијарди долари за еден ден

Ивона Петрова — Fri, 25 Feb 2022 06:11:44 +0000

Најбогатите Руси изгубиле 39 милијарди долари за помалку од 24 часа, пишува Блумберг. Рускиот референтен берзански индекс МОЕКС Русија забележа пад од 33 проценти, што е петти најлош пад во историјата на берзата. Вагит Алекперов, претседател на управата на Лукоил, доживеа најголем пад на својата нето вредност – таа падна за околу 6,2 милијарди долари на 13 милијарди долари. Акциите на московскиот производител на нафта паднаа за околу 33 отсто. Алексеј Мордашов, претседател на управата на Северстал челик, изгуби 4,2 милијарди долари, намалувајќи го своето богатство на 23 милијарди долари. Владимир Потанин, претседател на Норилск Никел и моментално најбогат човек во Русија, изгубил три милијарди долари, пишува Блумберг.

По грешка Блумберг објави наслов „Русија ја нападна Украина“

Тале Кристо — Sat, 05 Feb 2022 09:31:31 +0000

Американската агенција Блумберг вчера на својата веб-страница објави наслов „Русија ја нападна Украина“, што предизвика шок во медиумите. Набргу потоа објавата беше избришана, а медиумот информира дека веста е објавена по грешка. „Подготвуваме наслови за различни сценарија и насловот „Русија ја нападна Украина“ беше случајно објавен на нашата веб-страница околу 16:00 часот во Источна временска зона (EST). Длабоко жалиме за грешката“, се вели во денешното соопштение. Се прецизира дека раководството на агенцијата ја разјаснува причината за тоа што се случило.

Блумберг: Европа годинава за енергија ќе потроши рекордни еден трилион долари

Катерина Бојаџиева — Wed, 12 Jan 2022 15:18:22 +0000

Европските земји во 2022 година за приоритетните енергетски ресурси ќе потрошат рекордни за последнава декада еден трилион долари, соопшти Блумберг, повикувајќи се на извештај на „Ситигруп“. Според агенцијата, причина за овие трошоци ќе бидат повисоките цени на загревање и електрична енергија во регионот, откако хиперинфлацијата врз цените на гасот и струјата ги погоди домовите и фабриките ширум континентот. -Гасот и електричната енергија стануваат прескапи. Потрошувачите и производителите во регионот можеби ќе треба да донесат тешки одлуки за потрошувачката на енергија, изјави аналитичарот на „Ситигруп“, Аластер Сајм. Додека претходните пикови во голем степен главно беа условени од зголемувањето на цените на нафтата, овојпат станува збор за трошоци за греење и снабдување со сè, од домовите до транспортот и големите индустриски постројки, што ќе помогнат да се намалат емисиите на јаглерод. Се проценува дека цените на природниот гас во Европа во последната година се пораснати за повеќе од 3,5 пати, а со тоа и цената на електричната енергија, со оглед на важноста на природниот гас во производство на електрична енергија. Според Блумберг, природниот гас моментално покрива четвртина од енергетските потреби на Европа. Европа есеноска доживеа енергетска криза, кога цените на гасот пораснаа на над 1.000 долари за 1.000 кубни метри. На 21 декември, за првпат во историјата, цената на гасот на европската берза ја надмина границата од 2.000 долари за 1.000 кубни метри, среде почетокот на студените и невообичаено ниски резерви на гас во подземните складишта во Европа.

Блумберг: Европа во следните два месеца може да остане без гас

Ивона Петрова — Wed, 05 Jan 2022 10:46:56 +0000

Европа ризикува во следните два месеца да остане без гас поради студеното време и малите резерви од синото гориво, пишува Блумберг. Авторите на написот забележуваат дека предусловите за кризата со горивото се преминот кон обновливите извори на енергија и намалувањето на локалното производство на природен гас. Како резултат на тоа, производството на електрична енергија во европските земји минатата година падна поради нестабилната енергија на ветерот и сончевата енергија. „Ни претстојат два од најстудените месеци во зимата и затоа постојат стравувања дека Европа може да остане без гас“, се наведува во написот. Од своја страна, Масимо Ди Одоардо, потпретседател на консултантската фирма „Вуд Мекензи“, го посочи, според него, единствениот излез од ситуацијата. „Не е сосема јасно како може да се надополнат резервите на гас без дополнителни испораки од Русија преку „Северен тек 2“ или преку сегашните рути“, рече Ди Одардо. Цената на гасот во Европа од изминатата пролет нагло порасна, при што просечната цена на TTF се движеше меѓу 250 и 300 долари за илјада кубни метри. Во последните денови од летото, цената за договоро за ден надмина 600 долари, а на почетокот на октомври на повеќе од илјада долари. Веќе во декември цитатите се удвоија. Вака постојано високите цени не се забележани во историјата на гасните центри од 1996 година. Експертите растот на цените го припишуваат на неколку фактори: ниските нивоа на вработеност во подземните капацитети за складирање гас во Европа, ограничувањата во снабдувањето од страна на главните добавувачи и големата побарувачка за течен природен гас (LNG) во Азија.

Блумберг: ОПЕК очекува нафтата ослободена од резервите да доведе до прекумерна понуда на пазарот

Катерина Бојаџиева — Thu, 25 Nov 2021 07:21:35 +0000

Организацијата на земјите извознички на нафта, ОПЕК, размислува да го откаже планираното зголемување на производството во јануари во случај на презаситеност на пазарот со ослободените резерви. Претставниците на организацијата предвидуваа дека уделот на нафта извлечена од стратешките државни резерви може да доведе до значителни вишоци на достава на светскиот пазар. Според неофицијален документ, во кој Блумберг имал увид, под услов од резервите да се извлечат околу 66 милиони барели нафта, вишокот нафта може да се зголеми за 1,1 милион барели дневно во следните два месеци. Веста доаѓа откако САД завчера соопштија дека ќе ослободат 50 милиони барели нафта од стратешките државни резерви. Белата куќа нагласи дека голем број други земји, вклучувајќи ги Велика Британија, Индија, Кина, Јужна Кореја и Јапонија, планираат да искористат дел од нивните нафтени резерви.

Блумберг: Се очекува Бајден да објави ослободување на нафтените резерви

Тале Кристо — Mon, 22 Nov 2021 19:35:23 +0000

Американскиот претседател Џо Бајден најверојатно утре ќе објави дека ќе ослободи дел од нафтата од стратешките резерви на земјата со цел да влијае на цените на енергијата, соопшти Блумберг. Според агенцијата, слични изјави се очекуваат и од други земји. Индија пред неколку дена го одби барањето на американската администрација да ја разгледа можноста за ослободување на дел од стратешките нафтени резерви и нивна продажба со цел да се намалат цените на светскиот пазар. Администрацијата на Џо Бајден претходно побара од владите во Јужна Кореја, Кина, Индија и Јапонија да размислат за продажба на дел од стратешките резерви, иако законодавството во тие земји не ги таргетира стратешките нафтени резерви за продажба. Вашингтон предложи координирана акција за намалување на цените на енергијата и на тој начин да и помогне на глобалната економија да закрепне. Заедно со САД, четирите азиски економии ги сочинуваат петте најголеми потрошувачи на нафта во светот.