боб марли – Kurir.mk

Почина внукот на Боб Марли

Ивона Петрова — Wed, 28 Dec 2022 07:32:21 +0000

Почина Џозеф Мерса Марли, внук на легендарниот Боб Марли. Имаше 31 година, објави магазинот Пипл. Неговиот портпарол ја потврди смртта. Според радиото WZPP, Џозеф бил пронајден во неговиот автомобил, но официјалната причина за неговата смрт се уште не е објавена. Од него се прости и премиерот на Јамајка. -Нека најде вечен мир додека ние жалиме за неговото заминување, рече Ендрју Холнес.

Синовите на Боб Марли подготвуваат изненадување за роденденот на починатата реге-икона

Ивана Ефремовски — Thu, 30 Jan 2020 09:40:26 +0000

Јамајка и голем број земји низ светот на 6-ти февруари ќе го слават 75. роденден на реге-иконата Боб Марли. Тој почина во 1981 на 36 години. Неговото семејство, синовите: Зиги, Стефан, Ки-Мани, Џулијан и Демијан планираат повеќе активности за да го одбележат големиот јубилеј. Зиги, кој живее во Калифронија, за „Јамајка обсервер“ неодамна најави дека планираат да се издаде фотокнига, со некои необјавени фотографии од нивниот семеен албум. -Додека разговаравме со Стив (Стефан) во студиото, си рековме па зошто да не објавиме песна во чест на нашиот татко-“, рече Зиги. Одлучиле да направат модерна верзија на една од неговите песни „Cornerstone“, која не е толку популарна, но како што вели, има голема симболика за неговиот татко, бидејќи ја напишал во тежок период. „Одлучивме да ѝ дадеме навистина модерен призвук“, вели тој.

Нејмар го цитира Боб Марли

Ивона Петрова — Wed, 21 Aug 2019 06:38:26 +0000

Фудбалерот на Пари Сен-Жермен, Нејмар објави на Инстаграм изјава на познатиот уметник Боб Марли. – Проблемот е што кога сте вистински, тие ве мразат. Кога сте лажни, тие ве сакаат, напиша Нејмар. Претходно се појавија информации дека парискиот клуб решил да се ослободи од играч кој е принуден да тренира сам. За него се заинтересирани Реал Мадрид, Барселона и Јувентус. Во сезоната 2018/19 година, Нејмар одигра 28 натпревари за парижаните, постигна 23 голови и 13 асистенции. Бразилецот во моментов на фудбалскиот пазар се проценува на 180 милиони евра.

Зборовите на Боб Марли кои сите мажи мора да ги знаат: Тој најдобро ја опишува жената

Ивана Ефремовски — Sun, 07 Apr 2019 12:50:11 +0000

Боб Марли инспирирал многумина со своите цитати за жените и љубовта, а на совршен начин опишал како треба да се сака една жена. Тој е еден од ретките реге ѕвезди кои постигнале статус на светска суперѕвезда, а неговите зборови и до ден-денес се раскажуваат. “Можеби нема да бидеш нејзиниот прв маж, ни последен или единствен. Сакала пред тебе и можеби ќе сака и по тебе. Но, ако сега те сака зарем е важно нешто друго? Таа не е совршена, но не си ни ти. Вие двајца можеби никогаш нема да бидете совршени заедно, но ако таа те смее, те тера два пати да се замислиш, признава дека е човечко суштество и дека греши, држи се до неа и дај ѝ најмногу што можеш да ѝ дадеш”, велел Марли. “Можеби нема да мисли на тебе секоја секунда во текот на денот, но ќе ти даде дел од себе за кој знае дека можеш да го скршиш – нејзиното срце. Затоа немој да ја повредиш, немој да ја менуваш, немој да ја анализираш и не очекувај повеќе од она што таа може да ти го даде. Смеј се кога те прави среќен, дај ѝ до знаење кога те излудува и нека ти недостига кога не е во твоја близина”, гласат неговите зборови.