Бобан Стајиќ – Kurir.mk

Бобан Стајиќ се договори со Работнички

Бошко Тасиќ — Wed, 23 Aug 2023 04:03:39 +0000

Кошаркарскиот клуб Работнички го договори потписот на македонскиот репрезентативец Бобан Стајиќ, кој минатата сезона ги бранеше боите на Пелистер. Дваесет и деветгодишниот плејмејкер по четири години се враќа во тимот од Градски парк. Бобан Стајиќ во кариерата покрај за Работнички и Пелистер, играше и за Кожув, Куманово, МЗТ Скопје, Фени Индустри и Лирија, а токму со Работнички го освои последниот трофеј, Купот на Македонија во 2019 година.

Бобан Стајиќ се враќа во составот на Македонија за мечот со Словачка

Бошко Тасиќ — Sat, 27 Aug 2022 19:05:49 +0000

Селекторот на македонската кошаркарска репрезентација, Александар Јончевски, направи една измена за натпреварот против Словачка кој следи во рамки на претквалификациите за Европското првенство (ЕП) кое се игра во 2025 година. На гостувањето во Нествед, Јончевски го немаше на располагање плејмејкерот Бобан Стајиќ кој имаше мала повреда, но за мечот со Словачка се враќа во тимот. Стајиќ во сениорската репрезентација доаѓа на местото на младиот Димитар Пандев кој беше како дебитант во А-тимот предводен од новиот селектор. Мечот меѓу Македонија и Словачка се игра в недела од 19:00 часот.

Бобан Стајиќ останува во Пелистер и наредните две сезони

Бошко Тасиќ — Thu, 10 Jun 2021 15:32:23 +0000

Македонскиот кошаркар Бобан Стајиќ денеска го обнови договорот со екипата на Пелистер и тоа за следните две години.

Тој беше еден од најдобрите во зелено-белиот табор минатата сезона, во која пелистерци беа најдобри во регуларниот дел од сезоната, но испаднаа во полуфиналето од плејофот, како и во четвртфиналето од Купот на Македонија. Искусниот плејмејкер на 22 средби одиграни сезонава просечно реализираше 11,5 поени, 2,7 скока и 5,7 асистенции.