Бобан Стефковски – Kurir.mk

Стефковски: Гази Баба го слави Денот на општината со подигање на знамето на Македонија

Дарко Андоновски — Fri, 03 Nov 2023 12:16:56 +0000

Општина Гази Баба денес го чествува Денот на општина Гази Баба. Во објава на својата официјална страна на фејсбук, градоначалникот на општина Гази Баба Бобан Стефковски информира дека одбележувањето започна со церемонија на менување на знамето на Република Македонија. Во објавата градоначалникот Стефковски напиша: „СО ПОДИГАЊЕ НА ЗНАМЕТО НА РЕПУБЛИКА МАКЕДОНИЈА ВО ДВОРОТ НА ОПШТИНА ГАЗИ БАБА ЗАПОЧНА ОДБЕЛЕЖУВАЊЕТО НА 3-ТИ НОЕМВРИ, ДЕНОТ НА ОПШТИНА ГАЗИ БАБА. Утрово во дворот на општина Гази Баба се оддржа церемонија на свечено подигање на знамето на Република Македонија, знамето на општина Гази Баба и знамето на Европската Унија. Од оваа година започнуваме со една нова активност со која во иднина ќе започнува одбележувањето на Денот на општината, а тоа е со промена на знамињата. Некој велат зошто токму со ваква активност ќе започнува одбележувањето на Денот на општината? Тоа е затоа што наша должност е да се почитуваат знамето, химната и грбот како симболи на нашата татковина Република Македонија. Знамето е национален симбол кое преставува заедничко обележје на сите оние кои живеат во Македонија, без исклучок на нивната национална припадност. Македонското знаме било главна одлика за непокорот на Македонскиот народ и останало да биде светло на надежта за подобро утре. На церемонијата присуствуваа учениците од општинските основни училишта во општина Гази Баба, бидејќи децата се оние кои ќе го продолжат патот, онаму каде што ќе застанеме ние“. - напиша Стефковски.

Стефковски: Од денес наставата во Гази Баба започнува со химната на Македонија

Ивана Ефремовски — Mon, 30 Oct 2023 08:39:22 +0000

Градоначалникот на општина Гази Баба, Бобан Стефковски утрово беше во посета на ООУ „Кирил и Методиј„ во населеното место Стајковци каде што наставата започна со интонација на химната на Република Македонија.

За посетата, градоначалникот Стефковски информираше на својата официјална страна на Фејсбук на која напиша:

„НАСТАВАТА ВО УЧИЛИШТАТА ВО ГАЗИ БАБА ОД ДЕНЕС ЗАПОЧНУВА СО ИНТОНАЦИЈА НА ХИМНАТА НА РЕПУБЛИКА МАКЕДОНИЈА!

На мое големо задоволство утрово бев во ООУ Кирил и Методиј во населеното место Стајковци каде што наставата започна со интонација на химната на Република Македонија.

Преку интонација на химната на Македонија кај дечињата уште од најмали нозе ја градиме почитта и љубовта кон својата татковина.

Сметам дека сите заедно треба да работиме во насока на подигнување на чувството и почитта кон химната и знамето на Република Македонија како репрезенти и симболи на државноста на нашата мила Македонија.

Одлуката за интонација на химната на Република Македонија на почетокот на наставата секој понеделник ја донесе Советот на општина Гази Баба на последната седница.

Со љубов кон Македонија“! – напиша Стефковски.

Стефковски: Исполнето уште едно ветување, учениците добија бесплатни униформи

Дарко Андоновски — Fri, 27 Oct 2023 14:21:34 +0000

Градоначалникот на општина Гази Баба Бобан Стефковски, денес ги подели бесплатните униформи на учениците од ООУ Наум Наумовски Борче во Маџари. За настанот, градоначалникот Стефковски информираше на својата официјална страна на фејсбук на која напиша: „УЧЕНИЦИТЕ ВО ООУ НАУМ НАУМОВСКИ БОРЧЕ ГИ ДОБИЈА БЕСПЛАТНИТЕ УЧЕНИЧКИ УНИФОРМИ. Посебно сум среќен што денес имав можност да ги поделам бесплатните ученички униформи на учениците во општинското основно училиште Наум Наумовски Борче. Ова е за прв пат, општина Гази Баба да обезбедува бесплатни ученички униформи за сите 6800 ученици. Со реализацијата на овој проект обезбедуваме социјална еднаквост и на еден начин ги надминуваме економските и класните разлики кои можеби постојат помеѓу семејствата и овозможуваме тоа да нема никакво влијание врз учениците. Приоритетна активност на учениците останува да биде зголемување на знаењето. Како градоначалник на општина Гази Баба сум посветен на создавањето на амбинет во кој учениците за време на престојот во училиштата ќе се чувствуваат пријатно, еднакво и без никакви предрасуди. Проектот бесплатни ученички униформи беше дел од мојата изборна програма со која ја побарав довербата од граѓаните и од денес тој станува реалност, што претставува доказ дека дадените ветувања се исполнуваат“, напиша Стефковски.

Стефковски: Учениците од ООУ “ Наум Наумовски Борче“ ги добија бесплатните ученички униформи

Тале Кристо — Fri, 27 Oct 2023 11:30:56 +0000

УЧЕНИЦИТЕ ВО ООУ НАУМ НАУМОВСКИ БОРЧЕ ГИ ДОБИЈА БЕСПЛАТНИТЕ УЧЕНИЧКИ УНИФОРМИ. Посебно сум среќен што денес имав можност да ги поделам бесплатните ученички униформи на учениците во општинското основно училиште Наум Наумовски Борче. Ова е за прв пат, општина Гази Баба да обезбедува бесплатни ученички униформи за сите 6800 ученици. Со реализацијата на овој проект обезбедуваме социјална еднаквост и на еден начин ги надминуваме економските и класните разлики кои можеби постојат помеѓу семејствата и овозможуваме тоа да нема никакво влијание врз учениците. Приоритетна активност на учениците останува да биде зголемување на знаењето. Како градоначалник на општина Гази Баба сум посветен на создавањето на амбинет во кој учениците за време на престојот во училиштата ќе се чувствуваат пријатно, еднакво и без никакви предрасуди. Проектот бесплатни ученички униформи беше дел од мојата изборна програма со која ја побарав довербата од граѓаните и од денес тој станува реалност, што претставува доказ дека дадените ветувања се исполнуваат, објави на социјалната мрежа на Фејсбук градоначалникот на општина Гази Баба Бобан Стефковски.

Стефковски: Ново покачување на платите на сезонскита работници во Гази Баба

Катерина Бојаџиева — Wed, 25 Oct 2023 10:48:01 +0000

Денес, градоначалникот на општина Гази Баба Бобан Стефковски беше во посета на ЈКП Гази Баба каде имаше средба со сезонските работници. На средбата, градоначалникот Стефковски ги информираше сезонските работници за новото зголемување на платите. За посетата, градоначалникот Стефковски објави на својата официјална страна на фејсбук на која напиша: „НОВО ПОКАЧУВАЊЕ НА ПЛАТИТЕ НА СЕЗОНСКИТЕ РАБОТНИЦИ ВО ЈКП ГАЗИ БАБА. Утрово имав средба со сезонските работници, ангажирани во ЈКП Гази Баба на која ги информирав за новото покачување на платите во висина од 2000 денари. Ова е трето покачување на платите на сезонските работници кои се грижат за комуналната хигиена во општина Гази Баба од моето доаѓање за градоначалник. Во 2021 година, работниците примаа плата во висина од 14.500 денари, а со ова покачување платата ќе изнесува 19.000 денари. Со задоволство можам да кажам дека платите во изминатите две години се зголемени за 31%. Сите ние сме сведоци на секојдневен раст на инфлацијата и токму поради тоа моја лична заложба е трендот на зголемување на платите да продолжи и во следниот период“. – напиша Стефковски.

Стефковски: Во Гази Баба се отвора дневен центар за лица со попреченост, проект вреден 16 милиони денари

Ивона Петрова — Fri, 20 Oct 2023 10:13:22 +0000

Денес е значаен ден за општина Гази Баба, заедно со претседателот на ВМРО-ДПМНЕ, Христијан Мицкоски и директорот на Центарот за развој на Скопскиот плански регион, Јане Мицевски направивме увид и отворање на објект кој што ќе биде наменет за лица со телесна и интелектуална попреченост, истакна градоначалникот Бобан Стефковски. Посочи дека дневниот центар ќе овозможи поголема инклузивност на лицата со попреченост, а ќе обезбеди нивно секојдневно сместување, реедукација и рехабилитација. -Овој проект чини 16 милиони денари, од кои што 10 милиони денари се обезбедени од буџетот на општина Гази Баба, а 6 милиони денари се обезбедени преку Скопскиот плански регион. Гази Баба сериозно се развива, реализираме голем број на проекти со кои што ќе ги подобриме условите за живот за сите категории на граѓани, вклучувајќи ги и лицата со попреченост, истакна Стефковски.

Наставата во Гази Баба ќе започнува со химната на Република Македонија

Ивана Ефремовски — Thu, 19 Oct 2023 13:51:57 +0000

Секој понеделник наставата во училиштата на територија на општина Гази Баба ќе започнува со интонирање на химната на Република Македонија. „Нашата цел е да создадеме навика кај децата да од најмали нозе имаат почит и љубов кон својата татковина. Химната и знамето на нашата Македонија се нераскинлив дел од нашиот повеќевековен идентитет и тие ја заслужуваат нашата должна почит. На денешната редовна седница, Советот на општина Гази Баба ја донесе оваа Одлука која е задолжителна за сите општински основни училишта на нашата територија“ - истакна градоначалникот Бобан Стефковски.

Стефковски со обраќање до граѓаните: Во овие две години реализиравме 420 нови проекти

Катерина Бојаџиева — Tue, 17 Oct 2023 08:36:48 +0000

По повод две години од оддржувањето на локалните избори на кои граѓаните на општина Гази Баба му ја дадоа довербата на градоначалникот Бобан Стефковски, утрово на својата официјална страна на фејсбук тој објави видео обраќање до граѓаните. Во обраќањето градоначалникот Стефковски упати благодарност до граѓаните на општина Гази Баба за дадената доверба на изборите во 2021 година и истакна дека во изминатите две години од мандатот во општината се реализирани 420 нови проекти. Дополнително Стефковски информира дека повеќе од еден месец тим во општината работи на подготовка на отчет кој ќе се даде пред граѓаните за работата во изминатите две години.

Стефковски го објави слоганот со кој ќе даде отчет за својата работа

Ивана Ефремовски — Mon, 16 Oct 2023 16:31:46 +0000

Градоначалникот на општина Гази Баба, Бобан Стефковски го објави слоганот со кој ќе даде отчет за својата работа „2 години - Работа што носи резултати е слоганот под кој ќе дадам отчет за мојата работа како градоначалник на општина Гази Баба во изминатите две години“ - посочи тој.

Настава без мобилни телефони во училиштата во Гази Баба

Ивана Ефремовски — Fri, 13 Oct 2023 10:19:42 +0000

Наставата без мобилни телефони ќе придонесе да се зголеми квалитетот на образовниот процес. За таа цел од денес во сите општински основни училишта на територија на општина Гази Баба се воспоставува настава без мобилни телефони, истакнува градоначалникот Бобан Стефковски. „Сите основни училишта извршија набавка на специјално изработени џебови кои се поставени во секоја училница. Секој ученик на почеток на секој час го остава својот мобилен телефон во џебот на кој е испишан бројот на ученикот од дневникот“ - посочи тој.