Новинарот Христов до Каевски: Немате кворум за носење на закони затоа што пратениците ви заминаа на одмор

Ивана Ефремовски — Tue, 27 Sep 2022 18:00:53 +0000

Новинарот Боби Христов во вечерашната емисија во „Топ тема на Ваша страна“ на телевизија Телма му порача на портпаролот и пратеник од СДСМ, Дарко Каевски дека не можат да ги донесат законите затоа што Собранието нема кворум за гласање, а како причина го наведе одморот на пратениците од парламентарното мнозинство. -Каевски, јас не знам каков договор имала власта и опозицијата, се знае кога има одмор Собранието, но факт е дека многу пред официјалниот ден на одмор на Собранието имаше пратеници кои што постираа фотографии од почнати семејни одмори, па ги имаа дури и до 15-ти, потенцираше Христов. На ова, Каевски одговори, дека не знае за кои пратеници се однесува тоа, при што новинарот Христов му рече дека не може да очекува да покажува принт скинови од пратениците, но дека знаат зошто немаат кворум за одржување на седница. -Си се знаат, ќе се пронајдат. Не очекувате принт скринови да објавуваме сега, си знаете зошто немате кворум сега, му порача Христов на Каевски.

Се скараа Ангелов и Христов: Растот на заболени не е алармантен, не знае зошто не се става на располагање монтажната болница кога капацитетите се полни

Катерина Бојаџиева — Wed, 24 Mar 2021 19:18:23 +0000

Бројките на кои што сме сведоци секој ден покажуваат раст, но растот не е толку алармантен, ние немаме експоненцијален раст, вели Стојанче Ангелов, директорот на Центарот за управување со кризи, на што новинарот Боби Христов вели дека цел Клинички центар и 8-ми Септември се претворени во Ковид центри, нема место ни во битолската, ниту во штипската, ниту во прилепската болница. На ова прашање на Христов, Ангелов прво молчеше половина минута, па рече: Ќе ги насочиме луѓето кои имаат потреба за хоспитализација онаму каде што има место, ако е некој од Прилеп, не мора да биде згрижен во Прилеп, ќе биде згрижен во Битола, ако нема место во Битола во следниот град, државата е во кризна состојба, токму тоа е поентата на кризната состојба. На што Христов одговори: Пак не ми кажавте зошто не ја ставивте во функција планираната болница, го одбегнувате одговорот. -Видете јас овде настапувам како директор на Центарот за управување со криза, да беше чиста политичка емисија ќе се оградев и ќе кажев нешто како политичар, но сега сум со врзани раце, вели Ангелов, на што Христов му посочи дека тој бил одговорен за спроведување на истото. Потоа Ангелов сакаше да постави прашање, на што Христов му посочи дека тој е дојден да одговара на прашања, не да ги поставува, по што Ангелов му замери дека тој упатувал тврдења, а не поставувал прашања. Ангелов истакна исто така дека минатиот бран немало потреба да се ангажираат капацитетите на приватното здравство, на што Христов рече дека тоа не е точно затоа што таа болница е опремена, како и тоа дека може да се извади од архивата на Телма телевизија дали проблемот со нејзе било кислородната поддршка. Ангелов вели дека ако дошло до раст на болните и каде капацитетите нема да бидат доволни дека државата има капацитет да снабди болнички кревети, ако дојде до таква ситуација.

Боби Христов – Kurir.mk

Новинарот Христов до Каевски: Немате кворум за носење на закони затоа што пратениците ви заминаа на одмор

Се скараа Ангелов и Христов: Растот на заболени не е алармантен, не знае зошто не се става на располагање монтажната болница кога капацитетите се полни