боби илиевски – Kurir.mk

Денешен: Брат на судијката Ристова, блиска до СЈО, објави каква пресуда ќе добие Груевски

Матеја Петровски — Tue, 22 May 2018 13:28:56 +0000

Во јавноста веќе подолго време се зборува дека процесите кои се водат против функционерите од поранешната власт на ВМРО-ДПМНЕ зад себе имаат длабока политичка позадина. Сериозни се сомнежите дека пресудите се веќе договорени, дека се работи за еден класичен политички прогон, објави порталот Денешен. Уште поголем сомнеж врз фер водењето на овие случаи фрла и братот на судијката Оља Ристова, Боби Илиевски, кој на Фејсбук објавува постови во кои пишува кој од обвинетите во случаите на СЈО, какви казни ќе добие. -До 3 години затвор за Н.Г., Ѓоко Поповски одговорниот за набавка на мерцедесот, може да добие над 6 години. П.С. Сега ги чекам бранителите на Н.Г и фамилијата кои тврдат дека е невин и нема да биде осуден. Ајде бранители на Н.Г. јавете се со име и презиме, пишува во еден статус Илиевски. -НГ ќе биде осуден. Тип: 1:1 и 3+, пишува во друг пост тој. -Во пресрет на првата затворска казна Н.Г., е уште еден од постовите. -Ги молам сите тролови кои тврдат дека Н.Г. ќе остане невин да се воздржат од тролање до 23-ти мај, е уште еден од може да се каже типовите на Илиевски. Инаку, Оља Ристова, сестрата на Илиевски е судијката која прва бараше нелегално стекнатите разговори да се прифатат како докази во судот, иако тоа според сите европски и светски регулативи е противзаконски. Уште посимптоматично е што сестрата на Илиевски, судијката Ристова е блиска пријателка со една од трите главни обвинителки во СЈО, Ленче Ристовска. За што доказ се и фотографиите кои тие ги имаат заедно. На социјалните мрежи фотографија со обвинителката од СЈО има и Илиевски. Имено, во судските ходници кружат разговори дека судијката Оља Ристова е блиска со судијата Владимир Туфекџиќ. Пред една недела, на 14-ти мај, поранешниот премиер на Република Македонија, Никола Груевски кажа дека постоеле најави и медиумски натписи во кои се тврдело дека Заев направил одреден договор со главниот судија во процесот за „Тенк“ и „Поткуп“, Добрила Кацарска. -Дека тој нејзе ќе и овозможи да напредува, да стане судија на Апелациониот суд, а веднаш потоа и претседател на Апелациониот суд, а дека за возврат тој ќе биде прогласен за невин во случајот „Поткуп“, каде што има еклатантни докази, со ПИМ мерки, изјави Груевски.

Груевски кажа дека договорот е и тој да биде осуден. -Неговата скандалозна изјава ја зацврстува основата на претходните јавни пишувања на одредени медиуми дека Заев има непринципиелен, незаконски договор со судот, договор со кој тој ќе биде прогласен за невин, јас за виновен, а за возврат тој да овозможи преку политички притисоци, преку политички очигледно прашања да овозможи напредок на одредени судии кој што ги судат и мојот предмет и предмет „Поткуп“. Тоа покажува дека станува збор за еден чист политички предмет, еден чист политички прогон кој што се случува во Република Македонија, темиран во време кога треба да се донесат клучни одлуки по прашањето за името на Република Македонија и интенцијата за промена на уставното име, а се поочигледно и менување на Уставот на Република Македонија, изјави Груевски. Тој напомена што не е случајно што токму сега се забрза и неговиот случај, како и случајот каде тој е обвинет, овој месец Груевски на судот за овој спор беше повеќе од пет пати, што според него не е нормално.

До каде оди злобата на партиските послушници на СДСМ (ФОТО)

Катерина Бојаџиева — Wed, 28 Mar 2018 20:01:51 +0000

Партискиот твитерџија на СДСМ, Влатко Васиљ ликува на повторниот притвор на поранешниот министер за внатрешни работи Митко Чавков. Но, Васиљ не е осамен во ваквите размислувања. На него му се придружува и поранешниот новинар Боби Илиевски.

Партиско- независниот твиреџија Васиљ откако беше најпрво во Влада па на свое барање го раскина мандатот и премина во град Скопје нема апсолутно никаков твит против сегашната власт на СДСМ. Но, тоа е разбирливно ако се знае дека Васиљ освен што е вработен во кабинетот на градоначалникот Шилегов, тој исто така е пикнат во Управен одбор во едно од многуте претпријатија на Градот. Дојде животот за Васиљ.

Поранешниот новинар Боби Илиевски исто како Васиљ освен што се “замара“ со членовите на ВМРО-ДПМНЕ ништо нема напишано против оваа власт на СДСМ. Тој во јавноста стана познат откако јавно го навредуваше поранешниот градоначалник на Аеродром, Ивица Коневски.