бочварски – Kurir.mk

ВМРО-ДПМНЕ: Градоначалниците на СДСМ се фалат со смешни проекти, 1000-те километри улици граѓаните не ги видоа од оваа власт

Магдалена Андонова — Sun, 18 Jul 2021 13:05:10 +0000

Граѓаните секојдневно ги гледаат незапочнатите улици и неизградените автопати низ Македонија, кои се само бледа сенка на она кое градоначалниците и министерот Бочварски го ветуваа бомбастично пред четири години. СДСМ потфрли и излажа за се’ она кое го вети и наместо локален развој и напредок, успеаја да ги задолжат општините неспособните кадри на власта. Се избетонира сето зеленило во урбаните општини, зграда до зграда за плус тендер во четири очи, а реализацијата на штетните ДУП-ви е во полн ек, стои во реакцијата на ВМРО-ДПМНЕ на прес конференцијата на Благој Бочварски. Од партијата го потсетуваат министерот кој сега се фали дека обезбедувал подобра инфраструктура, дека стојат како лажни бедеми на ветувањата на власта автопатот Кичево кон Охрид, автопатот Скопје кон Блаце, пругата кон Бугарија, експресниот пат Градско-Прилеп, регионалниот Прилеп-Битола, гасификацијата на Македонија, и стотици други кои незавршени проекти на оваа власт. - Бочварски се фали со проектот „Македонија без кал“, реализирале смешни 50-тина километри асфалт, а со ова темпо до 450-те ветени километри ќе стигнат веројатно во 2031 година. СДСМ не знае да креира политика и програми кои ќе значат инфраструктурен прогрес и инвестиции во општините кои ги водат, затоа што не знаат како. Власта по општините се фали со смешни проекти кои јавноста ги исмејува како мостчето во Битола или кровот во Куманово. Од толку што се добри политиките на Бочварски, Македонија останува да биде слепо црево во Европа, додека регионот работи со забрзан развој. Факт е дека oваа Влада предводена од СДСМ и Заев не бележи никакви успеси во полето на инфраструктурата. Затоа време е за нови луѓе кои ќе работат често и посветено и ќе обезбедат локален развој. Време е за Македонија која ќе биде лидер во инфраструктурниот развој, Македонија за сите луѓе, додаваат ВМРО-ДПМНЕ.

ВМРО-ДПМНЕ: СДСМ во Штип не направи ниту еден проект 3 години, единствено ја злоупотребуваа власта за лично богатење на Бочварски

Тале Кристо — Sun, 22 Nov 2020 15:22:01 +0000

Љупчо Николовски и Сашко Николов безочно ги лажат граѓаните на Штип. Како што знаат само во СДСМ Љупчо Николовски и Сашко Николов се расфрлаат со ветувања за граѓаните на Штип. Тие и сега како и пред три години немаат што да им понудат на граѓаните освен лаги, се вели во париското соопштение на ВМРО-ДПМНЕ. 3 години не реализираа ниту 5 проценти од програмата на претходните локални избори. 3 години не направија ниту еден капитален проект, ја нема гасификацијата, ја нема браната, ја нема жичарата. Гледаме дека во овие 3 години власт на СДСМ во Штип единствено функционира делењето на тендери на фирмите на Бочварски. СДСМ, Николовски и Николов молчеа за злоупотребите за тендерите. Наместо да ги спречуваат ги охрабрувале. Затоа граѓаните на Штип немаат доверба во тоа што го кажуваат СДСМ. Затоа СДСМ организира избори во кризна состојба и го изложуваат во опасност здравјето на граѓаните само за да го покрие своето неработење и злоупотребите кои ги имаат направено во Штип, стои во соопштението на ВМРО-ДПМНЕ.

Штипскиот татко Бочварски призна: „Имавме мало опуштање…“

Љупчо Цветаноски — Tue, 09 Jun 2020 16:38:09 +0000

На прашањето на што се должи зголемениот број на случаи на коронавирус во Штип во последната недела, во емисијата „10МИНУТИ“ на ТВ 21 градоначалникот Благој Бочварски призна дека „имале мало опуштање“, по што следувала ескалацијата ан заразени. „Имавме опуштање после тој прв бран, и затоа сега имаме зголемување на случаите. Но сега луѓето брзо сфатија дека ситуацијата е алармантна, и затоа мислам дека ги почитуваат мерките, иако, за жал, има и такви кои не се придржуваат до мерките и не веруваат во вирусот“, рече Бочварски.