Боцвана – Kurir.mk

Атлетичар го продава првиот олимписки медал во историјата на Боцвана

Ивона Петрова — Thu, 11 May 2023 17:55:40 +0000

Атлетичарот од Боцвана, Најџел Ејмос, најави дека го продава првиот олимписки медал во историјата на оваа африканска држава, кој го освои на Игрите 2012 во Лондон, бидејќи мора да го издржува своето семејство по изречената тригодишна суспензија поради допинг. Ејмос беше суспендира на 3 мај, откако беше позитивен на метаболит на тестирањето пред ланското Светско атлетско првенство во Јуџин. „Имав средба со тим кој сака да го купи олимпискиот медал за 4.5 милиони боцвански пули (339.750 долари), но кога документарецот за мојот живот ќе биде достапен на Нетфликс, вредноста би можела да порасне на 7.5 милиони пули“, изјави 29-годишниот атлетичар. Ејмос на трката на 800 метри на Игрите 2012 во Лондон го освои среброто, што беше прв олимписки медал во историјата за Боцвана.

ФОТО: Ископан третиот најголем дијамант во светот

Ивона Петрова — Thu, 17 Jun 2021 06:55:59 +0000

Рударската компанија „Дебсвана“ од Боцвана, соопшти дека е ископан дијамант од 1.098 карати. Скапоцениот камен најден на 1 јуни, му беше покажан и на претседателот на државата, Мокгвеетси Масиси. – Се верува дека ова е третиот најголем дијамант во светот… Овој редок и извонреден камен значи многу за работата со дијаманти во Боцвана. Дава надеж на нацијава што има своја борба, изјави директорката на „Дебсвана“, Линет Армстронг. Како што објави „Њуз централ“, се работи за рударска компанија со седиште во Боцвана, која е една од водечките светски производители на дијаманти. Работи со четири рудници за дијаманти во оваа африканска земја, како и со еден рудник за јаглен. Ова е најголемиот скапоцен камен откриен во историјата на оваа компанија, а тоа се случи во заеднички проект на Владата и глобалната групација „Де Бирс“ – меѓународна корпорација специјализирана за вадење и трговија со дијаманти. Најголемиот откриен дијамант досега има 3.106 карати и е пронајден во Јужна Африка 1905 година, а вториот – од 1.109 карати е откриен 2015 година во североисточна Боцвана.

Македонија во друштво со Џибути, Боцвана, Уганда, Замбија и Конго по однос на почитувањето на работничките права

Тале Кристо — Thu, 20 May 2021 10:42:24 +0000

Македонија се најде во друштво со Кенија, Џибути, Боцвана, Уганда, Замбија, Конго и низа други земји од т.н. трет свет по почитувањето на работничките права според извештајот на Mеѓународната Конфедерација на синдикати, извештај кој се смета за најрелевантен кога станува збор за оценување работничките права во земјите низ светот. Македонија е класифицирана со оценка четворка, односно со оценка „систематско кршење на работничките права“, заедно со земји од третиот свет. Полоши од Македонија се само работничките права во Палестина која е зафатена од неколкудеценсики конфликт, Сомалија, Судан, Сирија, Јемен, Либија, Бурунди и Централно Африканска Република. Македонија е во друштво со Кенија, Џибути, Боцвана, Уганда, Замбија, Конго и низа други земји од т.н. трет свет по почитувањето на работничките права според извештајот на Mеѓународната Конфедерација на синдикати, извештај кој се смета за најрелевантен кога станува збор за оценување работничките права во земјите низ светот. Од Македонија подобро се рангирани сите Балкански земји, освен Србија. Со подобра оценка се Црна Гора, Албанија, Бугарија, Хрватска и Словачка. Но подобри се и африканската Того, Мозамбик, Буркина Фасо. Оценката која ја доби Македонија – 4, односно „Систематско кршење на работничките права“, означува дека во земјата се работничките права се кршат од страна на Владата и компании блиски до владата. Владата е вклучена во систематско уништување и задушување на колективниот глас на работниците и нивно организирање во синдикати.

Боцвана повторно се соочува со масовна смрт на слонови

Магдалена Андонова — Fri, 29 Jan 2021 14:22:19 +0000

Властите во Боцвана започнаа истрага за причините за ненадејната смрт на 11 слонови во еден од резерватите во земјата. Според Министерството за животна средина, природни ресурси и туризам, група специјалисти е испратена во резерватот Мореми да земат примероци од животинско ткиво за понатамошно истражување. Минатата година, меѓу мај и јуни, 330 слонови угинаа во делтата Окаванго, а истражувањето откри дека нивната смрт била предизвикана од голтање токсини произведени од цијанобактерии содржани во алгите во тамошните водни базени. Тие влегле во телото на животното преку водата, предизвикувајќи интоксикација и смрт. Денес, во Боцвана се наоѓа најголемата популација на слонови во Африка, 130 000. Во моментов има 350.000 слонови низ целиот континент. (МИА)

Стотици слонови најдени угинати во Боцвана

Магдалена Андонова — Thu, 02 Jul 2020 08:09:07 +0000

Повеќе од 350 слонови мистериозно угинале во Боцвана за околу еден месец. Тоа стручњаците го опишуваат како еколошка катастрофа. Слоновите угинале од непознати причини, а фотографиите од воздух ги покажуваат нивните трупови расфрлани низ делтата на реката Окаванго и други делови на северот од земјата. – За време на тричасовниот лет беа забележани 169 мртви слонови… Еден месец подоцна, истрагата покажа бројка достигнува до 350, рече д-р Нијал Меккан за Би-би-си. Владата на Боцвана се уште не извршила тестови за траги на отрови или патогени. Антраксот, меѓутоа, се отфрла како причина за смртта. Труењето со цијанид претходно било користено од ловокрадци во Зимбабве. Научниците ја повикаа владата да ги тестира животните што е можно поскоро, за да се отфрлат потенцијално опасните патогени кои би можеле да се пренесат од животните на луѓето. (МИА)

И покрај прогласената пандемија со коронавирусот, во овие држави се уште се игра фудбал

Тале Кристо — Tue, 24 Mar 2020 20:04:44 +0000

Минатиот викенд, на општо изненадување со оглед на ширењето на коронавирусот, почна новата фудбалска сезона во Белорусија. Но, поранешната советска република не е единствена во која најважната споредна работа во светот во моментот и пркоси на пандемијата на Ковид-19. Денеска, на пример, фудбал се играше или се игра во уште три земји во светот од кои две се европски. Закажани се осум натпревари од пријателски карактер и тоа во Русија, во Шведска и во Боцвана.