богатство – Kurir.mk

До 2027-ма година глобалното богатство ќе се зголеми за 38 отсто

Ивана Ефремовски — Tue, 15 Aug 2023 15:51:06 +0000

Глобалното богатство, мерено во лични средства, од недвижен имот до акции, ќе порасне за 38 отсто до 2027 година, главно поттикнато од пазарите во развој, покажува студијата објавена денеска од Credit Suisse и UBS. Годишниот извештај за глобалното богатство, кој го проценува богатството на 5,4 милијарди возрасни лица на 200 пазари, вели дека глобалното богатство ќе достигне 629 трилиони долари во следните пет години. Оптимистичките прогнози доаѓаат и покрај тоа што во 2022 година беше забележан првиот пад на нето глобалното богатство на домаќинствата од глобалната финансиска криза во 2008 година. Во номинална смисла, нето приватното богатство падна за 2,4 отсто минатата година, при што загубата е концентрирана во попросперитетните региони како Северна Америка и Европа, покажа извештајот. Најголем пораст на богатството минатата година е забележан во Русија, Мексико, Индија и Бразил. Извештајот предвидува дека богатството во економиите во развој, вклучително и земјите од БРИКС - Бразил, Русија, Индија, Кина и Јужна Африка - ќе порасне за 30 отсто до 2027 година. Понатамошниот раст на пазарите во развој се очекува да придонесе за намалување на глобалната нееднаквост во богатството во наредните години. Најголем пад минатата година има финансиските средства, наспроти нефинансиските средства, како што се недвижностите, кои останаа отпорни. Земано поединечно, ова значеше дека возрасен човек бил „пократок“ за 3198 долари до крајот на минатата година. Сепак, „глобалното медиумско богатство, веројатно позначаен показател за состојбата на просечниот човек, всушност се зголеми за три отсто во 2022 година, за разлика од падот на богатството од 3,6 отсто по возрасен“, се вели во извештајот. Тоа богатство се зголеми за петпати во овој век, главно поради брзиот раст на богатството во Кина. (МИА)

Ќе биде побогат од својата мајка: Еве што ќе наследи кралот Чарлс

Ивана Ефремовски — Tue, 02 May 2023 09:38:06 +0000

Британскиот крал Чарлс Трети, кој ќе биде крунисан на 6-ти мај, има големо богатство, а на тоа богатство се сега додадени и неговите инвестиции во времето кога беше принц. По неговото крунисување, Чарлс III ќе го наследи богатството на неговата мајка, кралицата Елизабета Втора, проценето на 360 милиони фунти (406 милиони евра). Како што пренесуваат британските медиуми, вкупното богатство на британскиот крал ќе изнесува 600 милиони фунти (678 милиони евра). Ова наследство е основано во 14 век за да му даде финансиска независност на кралскиот наследник. Чарлс, како принц, не можел да ги поседува средствата на тој фонд, но ги добива неговите профити додека не се искачи на тронот. Како и 260 фарми, Војводството поседува 52.450 хектари земја и изнајмува 345 милиони фунти комерцијален имот. Тестаментот на кралицата не е јавен, што е специфично и за суверенот. Сепак, замокот Балморал, каде што летува кралското семејство и замокот Сандрингем се меѓу имотите што Чарлс ги наследил, за разлика од Бакингем или Виндзор, историските домови на кралското семејство, кои припаѓаат на државата. Друг историски симбол на британската монархија, накит на круната, исто така се во сопственост на нацијата и затоа се исклучени од проценката на кралското богатство, бидејќи само тие претставуваат неколку милијарди фунти. Како што пренесуваат медиумите, доколку во богатството се вклучат и државните придобивки, како и вредноста на уметничките слики, меѓу кои има и платна на големи мајстори на сликарството, богатството на Чарлс би изнесувало 1,8 милијарди фунти (две милијарди евра).

Која е побогата, сопругата на Меси или на Роналдо? Георгина Родригез и Антонела на парична „вага“

Ристе Здравков — Fri, 23 Dec 2022 12:47:31 +0000

Сопругата на Меси, Антонела, и партнерката на Роналдо, Георгина Родригез беа главна атракција на трибините во Катар, а многумина се прашуваат која повеќе „тежи“.

View this post on Instagram

A post shared by Antonela Roccuzzo (@antonelaroccuzzo)

Имено, богатството на Георгина се проценува на 12 милиони евра, што е речиси половина од богатството на Антонела, чие богатство се проценува на повеќе од 20 милиони евра. Според неофицијални информации, Меси е побогат и од Роналдо. Нето богатството на Меси се проценува на 560 милиони евра, а на Роналдо на 470 милиони евра.

View this post on Instagram

A post shared by Georgina Rodríguez (@georginagio)

Најбогатите акумулираа 45,6 отсто од богатството во 2021 година

Дарко Андоновски — Wed, 21 Sep 2022 09:17:30 +0000

Вкупното светско богатство порасна за 9,8 отсто и во 2021 година достигна 463,6 милијарди долари. За тоа најзаслужни се САД со учество поголемо од половината од вкупното зголемување на богатството. Кина придонесува со четвртина. Во меѓувреме, Африка, Европа, Индија, Латинска Америка заедно сочинуваат само 11,1 отсто од растот на глобалното богатство во 2021 година, се наведува во извештајот објавен од банката „Креди Свис“. Најбогатиот еден отсто од планетата продолжува да акумулира 45,6 отсто од богатството во 2021 година, пишува „Ел Паис“. Извештајот на „Креди Свис“ предвидува малата група да продолжи да расте. Бројот на милионери, со богатство поголемо од милион долари, ќе достигне 87 милиони, а бројот на ултрабогати, со нето богатство поголемо од 50 милиони долари, ќе достигне 385.000 во наредните пет години. Во основата на пирамидата се оние кои во 2021 година имале капитал помал од 10.000 долари и кои претставуваат 53 отсто од светската популација. Во поглед на зголемувањето, двете најуспешни економии се САД и Кина, двете со стапка на раст од околу 15 проценти. На дното е Европа, која расте само 1,5 отсто во 2021 година, но ја акумулира втората најголема маса на богатство зад САД и пред Кина. За наредните пет години, извештајот предвидува земјите со среден приход да бидат главен мотор на светската економија, со 42 отсто од глобалниот раст. Што се однесува до распределбата на богатството, според извештајот, овој век глобалната нееднаквост се намалила, поттикната од забрзаниот раст на пазарите во развој. Претпоставката е поткрепена со тоа што сегментот на оние со богатство меѓу 10.000 и 100.000 долари најмногу пораснал од почетокот на векот, од 504 милиони на 1.800 милиони поединци. Во извештајот на „Креди Свис“, 2021 се смета за добра година за финансии.

Бидете претпазливи кога другите се алчни и обратно: Поучни цитати од милијардери кои сами стекнале огромно богатство

Ивана Ефремовски — Thu, 18 Aug 2022 12:08:54 +0000

Постои разлика меѓу тоа да наследиш огромно богатство од своите родители и да го стекнеш сам. Луѓето од втората категорија се соочуваат со многу тешкотии на патот до него, но успеале да ги надминат. И затоа треба да ги знаеме и следиме нивните зборови. Инспирирајте се со овие цитати на некои од најпознатите милијардери. Марк Цукерберг, основачот на Facebook: „Целта никогаш не била само да создадам компанија. Сакам да направам навистина голема промена во светот.“ Ворен Бафет, извршен директор на Berkshire Hathaway: „Ќе ви кажам како да се збогатите. Бидете претпазливи кога другите се алчни. Бидете алчни кога другите се претпазливи“. Еван Шпигел, творец на Snapchat: „Не сакав да го продадам бизнисот. Многу малку луѓе имаат можност да создадат нешто. Само да го продадам за мене не е интересно.“ Опра Винфри: „Причината да бидам толку финансиски успешна е дека фокусот никогаш, дури ни за една минута не го ставав на парите. Џеф Безос, шеф на Amazon: „Мислам дека штедливоста ги стимулира иновациите. За да излезеш од тесна кутија, треба да си пронајдеш излез.“ Џек Ма, шеф на Alibaba Group: “Да правиш пари е лесно. Но да стекнеш одржливо богатство и во исто време да си одговорен пред јавноста и да се обидеш да го подобри светот – тоа е веќе тешко. ” Мајкл Дел, извршен директор на Dell: „Треба да си составите стратегија пред да градите структура на бизнис. Ако го плеткаш редоследот, ќе пропадне.“

ОВИЕ ЖЕНСКИ ИМИЊА ПРИВЛЕКУВААТ БОГАТСТВО И СРЕЌА: Нивните родители им обезбедиле благосостојба за цел живот

Магдалена Андонова — Sun, 14 Aug 2022 18:26:03 +0000

Експертите за биоенергија велат дека името, благодарение на неговата вродена енергија, може да влијае на судбината на неговиот сопственик. Излегува дека носителите на тие имиња никогаш не се откажуваат, секогаш се среќни и насмеани. Првата група вклучува жени чии имиња привлекоа богатство и просперитет. Ова се трите имиња: Ана, Викторија и Марина. Жените со името Ана имаат поголема сила од другите, вредни се и упорни. Во принцип, Викторија е секогаш победник во сè. Способноста да ја анализира ситуацијата и дарот на убедување и помагаат да ги постигне своите цели. Марина се смета за природен лидер. Не се плаши од голем тим - одлично се справува со нив. Стилот на управување на Марина е вистинскиот. Во втората група спаѓаат жени кои имаат моќ да привлечат богати мажи во својот живот. Во оваа група спаѓаат имињата: Анастасија, Злата и Софија. Анастасија се речиси секогаш оние жени кои не се стремат кон богатство, но сепак се мажат за успешни и богати луѓе. Судбината ги фаворизира и тие секогаш живеат добро. Името Злата привлекува пари како магнет. Жената што го носи ова име е секогаш успешна кога се во прашање финансиите. Софија ја краси животна мудрост. Судбината ја фаворизира жената што го носи ова име. Софија мудро ќе избере личност која е стабилна, па секогаш ќе има убав проток на пари во куќата, додека самата ќе работи на одржување и проширување на тоа богатство.

ВИДЕО: Пронајдено богатство од брод потонат пред 350 години

Ивона Петрова — Mon, 01 Aug 2022 10:40:34 +0000

Поморски архролози останале без зборови откако откриле непроценливо богатство кои одамна било изгубено под брановите кај Бахамите. Шпансата галија полна со злато потонала во 1656 година, а се до сега била сон на многу археолози ширум светот. Амајлии и разен накит украсен со скапоцени камења, златни ланчиња и парички по три ипол века се извадени од дното на морето. Бродот "Nuestra Señora de las Maravillas" потонал на околу 70 километри далеку од западниот брег на Бахамите, но богатството завршило километри далеку од местото. Организацијата „Allen Exploration“, во соработка со бахамските и американските археолози и нуркачи, добила дозвола од владата на Бахамите во научни цели да го истражи бродот и се шро ќе пронајде ќе биде изложено во новиот музеј. Златно филигранско ланче со бројни мотиви е еден од откриените предмети кои укажуваат на тоа дека товарот бил наменет исклучиво за богати аристократи. Бродот од Хавана тргнал на пат кон Шпанија и пренесувал злато од Америка за аристократи. Покрај тој, имало и непријавени предмети. На 4 јануари 1656 година бродот потонал кога поради грешка во навигацијата влегол во плитка вода и удрил во подводен гребен. Само 45 од 650 луѓе преживеале, а многумина кои завршиле во водата биле изедени од ајкули.

МАЛИОТ Е МИЛИЈАРДЕР! Синот на Ријана има само седум дена, а веќе е направена проценка на неговото богатство!

Магдалена Андонова — Fri, 20 May 2022 12:58:55 +0000

Пејачката Ријана и нејзиното момче Асап Роки, минатата недела, поточно во петокот на 13 мај, станаа родители на момче. Според странските медиуми, никој не знаел дека пејачката се породила, а неколку дена подоцна веста излезе во јавноста. Она што сега е актуелно е веста дека новороденото дете на Ријана веќе има богатство проценето на 1,2 милијарди фунти, кога ќе се спои богатството на мајката и таткото, кое е многу поскромно изнесува 7,2 милиони. Ријана последен пат беше видена во јавноста на 9 мај кога излезе на романтична вечера со Асап Роки. Според странските медиуми, Ријана е во својот дом во Лос Анџелес и се чувствува добро. Ова е прво дете на Ријана и Асап Роки, а странските медиуми пишуваат и дека парот тајно се свршил и дека Ријана во таа прилика облекла црвена венчаница со превез.

Пиете горко или благо кафе – тоа може да открие дали ќе бидете богати!

Ристе Здравков — Wed, 23 Mar 2022 10:02:57 +0000

Знаете ли за онаа изрека „кој пие горко кафе, животот му е сладок“? Е, па сега таа теорија е научно докажана. Луѓето кои во кафето или чајот ставаат две или повеќе лажици шеќер, веројатно се посиромашни од оние кои додаваат помалку, открило едно истражување. Студиите кои се спроведени во магазинот „The Grocer“, споредиле навики за пиње чај и кафе во различни социо-економски групации и откриле дека 36% од оние со помали приходи ставаат шеќер во кафето или чајот, додека истото го прават и оние со солидна плата, само во помал број, односно 26%. Оние кои ставаат две или повеќе лажици шеќер ги има 9% меѓу богатите, додека кај сиромашните 19%.

Богатите Руси го префрлаат богатството во Дубаи

Ивона Петрова — Thu, 10 Mar 2022 12:32:30 +0000

Богатите Руси се преокупирани со трансфер на барем дел од своето богатство од Европа во Дубаи за да го заштитат својот имот од поостри санкции против Русија поради инвазијата на Украина, изјавија финансиски и правни извори, објави Фајненшал тајмс. Дубаи, финансиски и деловен центар познат по недостигот на строга регулатива, долго време е познат како магнет за ултрабогатите во светот, а одбивањето на Обединетите Арапски Емирати да застанат на страната на Западот и Москва беше сигнал до Русите дека нивните парите би биле безбедни. ОАЕ се воздржаа од осуда на руската инвазија на Украина за време на гласањето во Советот за безбедност на ОН. Емиратите, кои ги продлабочија врските со Русија во последниве години, не воведоа санкции од западен стил, ниту пак централната банка на ОАЕ издаде инструкции за санкции од САД и европските сојузници. Во секој случај, богатите Руси во моментов во Лондон и Швајцарија се обидуваат да го пренесат своето богатство на безбедно, изјави банкар во голема швајцарска приватна банка. Ова го потврди и адвокат во Дубаи, кој рече дека неговата компанија добила прашања од руски поединци и компании за тоа како тие брзо можат да префрлат „значителни средства“ во вредност од стотици милиони долари во арапската земја во Персискиот залив. „ОАЕ е погодно место (за бизнис) – на само неколку часа и без регулатор што е во договор со западните регулатори“, рече менаџерот за инвестиции. Руски клиенти со сметки во приватни банки, откри еден банкар, отвораат сметки во регионалната канцеларија на истата банка во ОАЕ, додека некои други отвораат сметки во локалните банки. Тие исто така се обидуваат да инвестираат пари во недвижен имот и фондови кои не откриваат информации за имотот.