Богдан Радивојевиќ – Kurir.mk

Радиивојевиќ: Потпишувам дека ќе имаме најдобра атмосфера оваа сезона

Бошко Тасиќ — Mon, 11 Sep 2023 04:14:36 +0000

Српскиот ракометае има големо искуство па ќе биде од голема корист за мечевите и на европска сцена и во домашниот шампионат каде битолчани имаат за задача да ја одбранат шампионската титула. Според него, особено после Супер-Купот во кои беа поразени од Вардар 1961 мора да работат напорно да ги поправат грешките и веќе на првата средба против Колштад во ЛШ да ги покажат своите квалитети. „Драго ми е што дојдов и што се приклучив кон екипата, за да се подготвиме за она што ни претстои. Не сме задоволни и свесни сме дека некои работи мора да се поправат. За жал загубивме и на првиот важен натшревар против Вардар 1961 во Суперкупот. Лесно е сега да се биде паметен, сите знаевме каде грешевме и што треба да поправиме. Најмногу жалиме за навивачите што поминаа долг пат да нè поддржат, а не можевме да ги наградиме со победа. Сега напорно работиме за Колштад и да ја отвориме Лигата на шампионите со два бода. На секој играч цел му е да игра во Лигата на шампионите. Имаме голема шанса да направиме нешто големо. Овој град и оваа земја живеат за ракометот и тоа сите го гледаме и мора да го почитуваме. Потпишувам дека ќе имаме далеку најдобра атмосфера на натпреварите и тоа треба да го искористиме и мора да научиме да се носиме со притисокот. Да го пренесеме тој притисок на позитива, а не да се уплашиме. Имаме далеку најдобри навивачи во Лигата на шампионите и тоа мора да го искористиме“, рече српското крило.

Богдан Радивојевиќ нов член на Еурофарм Пелистер

Бошко Тасиќ — Wed, 30 Aug 2023 18:21:55 +0000

Српскиот ракометен репрезентативец и поранешен европски првак, Богдан Радивојевиќ, е нов член на Еурофарм Пелистер. Од РК Еурофарм Пелистер информираат дека десното крило Радивојевиќ потпиша едногодишен договор со македонскиот ракометен шампион, а во Битола доаѓа како етаблиран ракометар кој 13 години по ред игра во Лигата на шампионите. Радивојевиќ во својата ракометна кариера настапувал за ПИК Сегед, Партизан, Флензбург и Рајн Некар Левен. Официјалното претставување на Радивојевиќ е предвидено на почетокот на месец септември

Еурофарм Пелистер пред потпис со Радивојевиќ

Бошко Тасиќ — Sat, 29 Jul 2023 06:38:46 +0000

Македонскиот ракометен шампион Еурофарм Пелистер е на прагот на ново големо засилување, откако тимот од Битола влезе во завршна фаза од преговорите со Богдан Радивојевиќ, српскиот репрезентативец кој е слободен играч по заминувањето од Пик Сегед. Тој беше дел од шампионската генерација на Фленсбург од 2014 година во ЛШ, а потоа ги бранеше и боите на Рајн Некар Левен. По заминувањето од Пик Сегед се најавуваше дека српскиот репрезентативец ќе потпише за Динамо Букурешт, но откако романскиот тим не доби вајлд-карта за ЛШ преговорите се искомпликуваа, целата ситуација ја искористи управата на „пелистерци“ која сега е пред потпис со овој 30-годишен ракометар.