Богданка Кузеска – Kurir.mk

Кузеска вели дека растот на минималната плата е доказ дека Владата се грижи за работниците

Ристе Здравков — Tue, 14 Mar 2023 11:36:14 +0000

Портпаролката на СДСМ, Богданка Кузеска, на денешната прес-конференција изјави дека со минималната плата од 20.175 денари, Владата оствари уште едно ветување. Година и половина порано, го реализираме ветувањето дадено пред граѓаните и работниците на изборите во 2020 година. Со СДСМ работникот го добива она што го заслужува, достоинствена плата за работата што ја извршува, изјави Кузеска. Таа тврди дека времето кога работниците биле третирани како евтина работна сила заврши и дека Владата сега се грижи за нив. Зголемувањето на минималната плата е особено значајно во време на криза, затоа што го јакне стандардот на работниците. Според неа, растот на минималната плата е системско решение договорено со синдикатите и работодавачите и минималната плата ќе продолжи да расте, согласно растот на трошоците за живот и растот на просечната плата.

Кузеска: СДСМ го задржува бројот на министри како досега

Ристе Здравков — Thu, 09 Feb 2023 21:44:51 +0000

Централниот одбор (ЦО) на СДСМ го овласти партискиот лидер и премиер, Димитар Ковачевски, да ги заокружи разговорите за поголемо мнозинство и да предложи кадровски решенија за реконструкција на Владата. Како што соопшти портпаролката на СДСМ, Богданка Кузеска, по денешната седница на ЦО, СДСМ го задржува бројот на министри како досега, а наскоро може да се очекува Ковачевски да излезе со решенијата кои ќе значат и реконструкција на Владата. Кузеска предупреди дека „опасноста е земјата да биде зафатена од радикални елементи како Левица кои сакаат да го сменат нашиот пат кон ЕУ и да не испратат во изолација и сиромаштија“. Поради тоа, напомена, мора да се здружат силите и да не се дозволи повторно 11-годишна блокада. -Денеска можеме да објавиме дека се прави добар исчекор, имаме поголемо парламентарно мнозинство за реформи, економски политики и интеграција во ЕУ. ЦО на СДСМ го овласти претседателот на партијата Ковачевски да ги заокружи разговорите за поголемо мнозинство и да предложи кадровски решенија за реконструкција на Владата. Со принципите на платформата за соработка со Алијанса за Албанците кои денеска ги одобри Централниот одбор, се обезбедуваат сите услови за политичка стабилност и зголемена ефикасност на Собранието и институциите, истакна Кузеска. Според неа, кадровското освежување ќе внесе нова енергија во реализација на мерките и политиките на Владата предводена од СДСМ во интерес на сите граѓани и иднината на земјата, а се отвора можност и за соработка на локално ниво во општините и советите. -СДСМ го задржува бројот на министри како досега, имаме зголемено мнозинство во Собранието, поголема поддршка на реформскиот и европскиот курс и политичка стабилност, потенцира Кузеска. На новинарско прашање околу кадровските решенија и кога може да се очекува средба Ковачевски – Таравари, портпаролката најави дека наскоро лидерот на СДСМ и премиер ќе излезе со решенијата кои ќе значат и реконструкција на Владата. -Не би зборувала во моментов за кадровските решенија со оглед дека денеска одлуката на ЦО е овластување на Ковачевски да ги продолжи и заокружи преговорите. Значи, за кадровските решенија би зборувале откако тој процес ќе биде заокружен. Може да се очекува наскоро премиерот да излезе со решенијата кои ќе значат и реконструкција на Владата, рече Кузеска. Осврнуајќи се на „радикалните елемнти“, таа оцени дека Левица го зема ВМРО-ДПМНЕ како заложник. -Опасноста е земјата да биде зафатена од радикални елементи како Левица кои сакаат да го сменат нашиот пат кон ЕУ и да не испратат во изолација и сиромаштија. За жал, Левица го зема ВМРО-ДПМНЕ како заложник исто како во деновите на Груевски кога беа блокирани евроинтеграциите. Денеска повторно закана за нашата иднина доаѓа од Апасиев и Мицкоски. Мора да ги здружиме силите и да не им дозволиме да не блокираат повторно 11 години, подвлече Кузеска. Изборите, како што дополни Кузеска, ќе се одржат според планираното, во 2024 година што е добро, рече, за стабилноста, инвеститорите и економијата.

„СДСМ го соголи народот, 60.000 останаа без работа, 5.600 фирми се затворија, една година државата е во рецесија“

Магдалена Андонова — Wed, 07 Jul 2021 13:29:31 +0000

СДСМ и во најтешките моменти за македонската држава се обидува да ги засмејува граѓаните. Според Центарот за дезинформации и лажни вести на СДСМ Македонија доживува економски раст, платите само што не станале 500 евра, невработеноста паѓа, а фирмите ги бележат своите златни години. Во реалноста животот е многу тежок, и не се опишува со ниту еден збор на хартија. СДСМ го соголи народот. 60.000 луѓе останаа без работа, 5.600 фирми ставија клуч на врата, а економијата една година е во рецесија, стои во реакцијата на ВМРО-ДПМНЕ по повод прес конференцијата на Богданка Кузеска. Од партијата велат дека додека сите земји во регионот бележат раст, Македонија со Заев една година е во минус. - Народот едвај врзува крај со крај, а ценовниот шок е огромен. Само за една година цените на продуктите во малопродажба е зголемена и до 40%. Поскапи се млекото, месото, зејтинот, брашното, сите основни продукти се покачени, а згора на тоа во изминатиов период вклучувајќи го и последното покачување кое се планира Заев лично ги поскапе горивата за 14 денари, тоа е трајно покачување, кое не зависи од светските берзи. Економијата е во период на мачен и тежок период. Време е оваа несигурност да запре. Време е за Македонија за сите луѓе, посочуваат ВМРО-ДПМНЕ.

Уште еден висок функционер на СДСМ позитивен на коронавирус- овој пат станува збор за жена

Дарко Андоновски — Tue, 27 Oct 2020 20:04:29 +0000

Портпаролката на СДСМ Богданка Кузеска преку статус на Фејсбук вечерва информираше дека е позитивна на коронавирусот. -Би сакалa да ве информирам дека вечерва добив позитивен резултат за Ковид 19. Немам симптоми и се чувствувам добро, но се тестирав заради сигурност со оглед на моите професионални, но и приватни активности. Сметав дека така е правилно и одговорно. Во текот на утрешниот ден ќе бидат тестирани и моите деца и сопруг. Во овој период секој мора да биде одговорен, апелирам за строго почитување на мерките, не 99, туку 100 % почитување на сите мерки за заштита на здравјето. Чувајте се!, стои во нејзиниот пост на Фејсбук.

Би сакалa да ве информирам дека вечерва добив позитивен резултат за Ковид 19. Немам симптоми и се чувствувам добро, но... Posted by Bogdanka Bo Kuzeska on Tuesday, October 27, 2020

Кузеска призна Аватар од дискотека се преименува во кафуле

Магдалена Андонова — Wed, 09 Sep 2020 18:59:40 +0000

Портпаролката на СДСМ Богданка Кузеска, во гостување во емисијата Само Вистина на Канал 5 телевизија призна дека ноќниот клуб Аватар продолжил со работа и по бурните реакциите од страна на граѓаните за непочитување на здравствените прописи, но преименувајќи се во кафе бар Аватар. Имено, во дебата портпаролот на ВМРО-ДПМНЕ Димче Арсовски потенцираше дека министерот за здравство Венко Филипче и комисијата за заразни болести прогласи победа на пандемијата од корона вирусот уште во мај, прашувајќи зошто ако е прогласена победа над корона кризата тогаш рестораните за организирање на свадбени прослави и понатаму не работат. -Ние се уште немаме реални мерки, од страна на Венко Филипче и тој фамозен одбор на доктори кои што требаше да се справат со кризата, односно тоа координативно тело за справување прогласи победа на корона кризата уште во мај месец. Ако прогласија победа во мај тогаш зошто сега во моментот не функционираат одредени дејности како ресторани за свадбени прослави. Јас имам пријатели кои што се надвор од работните места и велат еве нема повеќе што да работиме во моментот работат на други места колку да преживеат бидејќи никој не го есапи угостителксиот сектор, а од друга страна блиските релации на сопстевници од Струмица со Зоран Заев и со неговиот зет, порача Арсовски. При што, Кузевска рече: Веднаш се интервенираше диското беше затворено. На ова Арсовски додаде дека диското Аватар било отворено, како и дека децата на семејството Заеви се чести посетители на истото, на што Кузевска додаде дека тоа било пренаменето од ноќен клуб во кафе бар со што класично призна дека пренамената е направена само за да се избегне казната за непочитување на здравствените прописи. -Децата на семејството Заеви беа во диско и се имаа сликано. Па какво е тоа диско да извади дозвола за работа до 12 часот, да прави свирки и да пушта безброј луѓе и се уште не е затворено, додаде Арсовски.

Арсовски до Кузеска: Говорите за судство каде што Заев беше фатен во мито, а не лежеше затвор

Магдалена Андонова — Wed, 09 Sep 2020 18:11:41 +0000

-ВМРО-ДПМНЕ веќе три години не е на власт, а единствено власта што беше во ваши раце е вие да требаше онаму каде што имаше криминал преку судството кое што се испостави и се виде дека го поседува Зоран Заев преку своите канџи требаше да го откриете, посочи портпаролот Димче Арсовски на Богданка Кузеска при гостување во дебатната емисија „Само Вистина“. Арсовски додаде дека имотот на ВМРО-ДПМНЕ е блокиран од онаа институција која што соработуваше со лидерот на СДСМ, Зоран Заев. Имотот беше блокиран од страна на СЈО. А, за СЈО цела јавност знае како заврши. СЈО беа фатени во рекет од неколку милиони евра кој што го земале од бизнисмени. И целата јавност знае каде завршија тие пари. А, тие завршија кај семејството Заеви и СДСМ. -А, за сето тоа треба доказ да изнесе Рускоска обвинителството, бидејќи таа го презема целиот предмет да го води, за кој што гледаме дека еве буквално не е до ниедна точка, односно не е завршен предметот како што треба. Се отвораат предмети колку да се замачкаат очите на јавноста, а веќе зборите за судство. За кое судство?, ја запраша Арсовски портпаролката на СДСМ, Кузеска. Арсовски истакна дека има едно сега судство каде што пред неколку дена не се осуди еден човек кој што свртел на две полни ленти. Судство каде што пред извесен период, пред неколку месеци беше убиено дете во Ново Лисиче со нож, а убиецот беше осуден само на три години. Судство каде што Зоран Заев беше фатен во мито, а не лежи затвор. -За судство каде што се испумпаа пари за фондот за иновации и еве тој случај исчезна едноставно. Никаде го нема. Се отвори случај на истрага, до каде е? До никаде е за жал. Судството единствено служи за дефокусирање на јавноста за да се зема мито од бизнисмените, рече Арсовски.

Во самоизолација и портпаролката на СДСМ

Ивона Петрова — Tue, 02 Jun 2020 09:18:13 +0000

Портпаролката на СДСМ, Богданка Кузеска оди во самоизолација по средбата која ја имала со директорката на УЈП, Сања Лукаревска, а која вчера информираше дека е позитивна на коронавирус. -По насоки и препорака на епидемиолозите, во наредниот период ќе бидам во самоизолација, поради кратка средба што ја имав со мојата пријателка Сања Лукаревска. Немам никакви симптоми, се чувствувам одлично, а ќе се тестирам во текот на утрешниот ден. На мојата драга пријателка Сања, на другарот Мухамед Зекири и неговото семејство и на сите граѓани кои се позитивни на Ковид-19 и се во самоизолација, им посакувам брзо оздравување и добро здравје – напиша на Фејсбук Кузеска.