Иран егзекутира две лица осудени за богохулство

Катерина Бојаџиева — Mon, 08 May 2023 08:18:10 +0000

Иран егзекутира две лица кои беа осудени на смрт за богохулство, јавија светските агенции повикувајќи се на иранската веб-страница за судски вести Мизан. Во информацијата се наведува дека погубените Јусеф Мехрдад и Садрола Фазели Заре направиле кривични дела, меѓу кои богохулство, навреда на исламот, пророкот итн. Според американската Комисија за меѓународна верска слобода, тие биле уапсени во мај 2020 година за учество на канал на Телеграм наречен „Критика на суеверието и религијата“. Двајцата мажи биле држени во самица со месеци и немале можност да стапат во контакт со нивните семејства, според американската комисија.

Во Грција повлечен предлогот за криминализирање на богохулството

Ивана Ефремовски — Tue, 12 Nov 2019 19:17:09 +0000

Грчките власти денеска се откажаа од плановите бласфемијата да се прогласи за кривично дело, откако предлогот наиде на бројни критики во парламентот за време на расправата меѓу претставниците на конзервативната Влада и левичарската опозиција. Министерот за правда Костас Цијарас рече дека е повлечен предлог-законот за криминализација на богохулството, потсетувајќи дека со тој предлог била предвидена казна затвор до две години. Но предлогот наиде на бројни критики. -Само фундаменталистичките држави во Азија и на Блискиот Исток иммаат такви закони, изјави опозицискиот пратеник Спирос Лапас. Грчката православна црква го поздрави овој предлог-закон, оценувајќи дека тој би „помогнал во зачувување на религиските чувства на верниците“. (МИА)

богохулство – Kurir.mk

Иран егзекутира две лица осудени за богохулство

Во Грција повлечен предлогот за криминализирање на богохулството