боговиње – Kurir.mk

Маж од Гостивар паднал од скала, пренесен во болница

Ивана Ефремовски — Fri, 15 Jul 2022 14:22:51 +0000

На 14.07.2022 во 21:00 часот, А.Г.(52) од Гостивар во СВР Тетово пријавил дека 34-годишниот В.Б. од тетовско Боговиње, работејќи на објект во изградба во Гостивар, паднал од скала и се здобил со повреди. Потоа бил пренесен во гостиварската Општа болница „Ферид Мурад“ за укажување на лекарска помош. Увид извршила екипа од Одделението за внатрешни работи Гостивар.

Три лица нападнале девојка од Боговиње, познати нивните идентитети

Ивана Ефремовски — Fri, 09 Jul 2021 11:55:24 +0000

Две машки лица од Бродец и девојка од Горно Палчиште се приведени откако за физички напад ги пријавила 25 – годишна девојка од Боговиње. Настанот се случил вчера на улицата „Илинденска“ во Тетово. -Вчера (8 јули) околу 14 часот и 30 минути, полициски службеници на СВР Тетово ги привеле В.А.(22) и З.Д.(22) од тетовски Бродец и 23-годишната Е.Б. од Горно Палчиште, постапувајќи по претходна пријава дека на улица „Илинденска“ во Тетово, физички ја нападнале 25-годишната М.Ј. од Боговиње. Се расчистува и документира случајот, по што против инволвираните ќе следуваат соодветни поднесоци, информираат од СВР Тетово.

Млад човек почина на работното место во фирма – трагедија во Боговиње

Ивана Ефремовски — Tue, 16 Feb 2021 15:07:27 +0000

На 15.02.2021 во 17:15 часот во СВР Тетово било пријавено дека околу 16:30 часот во фирма во тетовско Боговиње, при извршување работни задачи, вработениот Ј.С.(33) од Боговиње се здобил со повреди од кои починал на местото. С.И.(31), исто така, вработен во фирмата се здобил со тешки телесни повреди, констатирани во тетовската Клиничка болница. Јавен обвинител и екипа од СВР Тетово извршиле увид и се преземаат мерки за документирање на случајот.

Кривична пријава против градоначалникот на Боговиње

Магдалена Андонова — Tue, 04 Aug 2020 14:29:32 +0000

Кривична пријава поднесе СВР Тетово против градоначалникот на Боговиње, кој е осомничен за „несовесно работење во службата“. СВР Тетово поднесе кривична пријава против Џ.А.(49) од тетовското село, градоначалник на општина Боговиње, поради постоење основано сомнение за сторено кривично дело „несовесно работење во службата“ и против правно лице од с.Боговиње, сопственост на М.А.(51) од с.Боговиње, поради постоење основано сомнение за сторено кривично дело „бесправно градење“, се наведува во соопштението на МВР. Првопријавениот, во текот на јули 2020 година, како градоначалник на општина Боговиње, постапил несовесно во вршење на својата службена должност и овластување и, спротивно на законот, овозможил почеток на изградба на водовод за потребите на граѓаните на с.Синичане, тетовско, без да обезбеди потребна документација и одобрение за отпочнување на градба. Притоа во име на општината, преку Јавното комунално претпријатие, Џ.A. дал насоки да се ангажира економскиот оператор, односно второпријавеното правно лице, чиј сопственик M.A., иако знаел дека за изградбата на водоводот не постои одобрение, го прифатил ангажманот и започнал со градежни активности, се додава во соопштението.

ОК на ВМРО-ДПМНЕ – Боговиње со честитка по повод почетокот на рамазанските пости

Тале Кристо — Thu, 23 Apr 2020 18:52:45 +0000

Општинскиот Комитет _ВМРО ДПМНЕ _ - - БОГОВИЊЕ-- НА СИТЕ ВЕРНИЦИ ОД МУСЛИМАНСКА ВЕРОИСПОВЕСТ, ИМ ГО ЧЕСТИТА ПОЧЕТОКОТ НА РАМАЗАНСКИТЕ ПОСТИ И ИМ ПОСАКУВА ЛЕСНО И СМИРЕНО ДА ГО ДОЧЕКАМЕ _РАМАЗАН БАЈРАМ_....!!!! https://www.facebook.com/alisherif.shekspir/posts/3046510465372382

СЈО демантира дека инцидентот во Боговиње е обид за атентат врз Фетаи

Курир — Sun, 11 Feb 2018 12:50:03 +0000

Од Специјалното јавно обвинителство демантираат дека имало обид за атентат врз обвинителката Фатиме Фетаи. Како што претходно објавија некои медиуми, Фетаи избегнала организирано сценарио за нејзина ликвидација во средата во нејзината куќа во село Боговиње. „Ова Јавно обвинителство категорично ги демантира написите на некои медиуми во кои се тврди дека определен инцидент во село Боговиње, случен на 7 февруари оваа година, е поврзан со обвинителката Фатиме Фетаи и во кои се шпекулира дека во заднината на инцидентот бил обид за атентат врз неа. Информираме дека на тој ден обвинителката ниту била во Боговиње, ниту пак тој настан има каква било поврзаност со Фетаи“, велат од СЈО. Дел од медиумите поврзаа обид за атентат со случај во средата кога имаше престрелка меѓу полициски службеници и неколку лица во село Боговиње, тетовско. Според информациите од билтенот во средата околу 18.00 часот, полициски службеници му дале знак на патничко моторно возило „БМВ“ со скопски регистерски ознаки да застане. Откако возилото застанало, и кога полициски службеник се доближил, возачот го стартувал „БМВ“-то и удрил во полициското возило и во други паркирани возила. При обидот за бегство, едно од лицата кое било сопатник во возилото испукало два куршуми од пиштол во воздухот, а неколку куршуми во воздух испукале и полициските службеници. Подоцна во денот лицата биле пронајдени и приведени во полициска станица.

Наместо басни за живот и јазици, жителите на Боговиње бараат ново училиште (ВИДЕО)

Ивана Ефремовски — Sat, 03 Feb 2018 20:19:21 +0000

Ова училиште во Ново Село, Боговиње изгоре пред три месеци поради дотраената инсталација. Од тој ден ништо не е преземено за обновување на училиштето. Наместо во училници, учениците наставата ја следат во џамија, чајџилница или во амбулантата, пренесува ТВ 21. „Не се учи тука, подобро во старото училиште отколку тука“, вели една ученичка. Наставниците велат дека воопшто не им е лесно да работата во овие услови. „Наставата, откако изгоре училиштето, ја одржуваме во многу тешки услови. Учениците сакаат да се изгради училиштето и постојано прашуваат. Таму имавме многу добри услови“, смета еден наставник, пренесува телевизијата. Директорот на училиштето Таип Мифтари, вели дека е изготвена целата документација и дека истата ја испратиле до министерството за образование, и дека сега чекаат одговор. Тој се надева дека учениците до крајот на годината ќе влезат во новиот објект. „Согласно волјата на државата се надеваме дека во реновираното училиште ќе влеземе на почетокот на училишната 2018-2019 година. Доколку не влеземе на 1 септември тогаш ќе влеземе на 1 октомври. Оваа календарска година се надевам дека ќе почнеме со настава во новиот објект“, додава Мифтари. Надлежниот за образование во Општина Боговиње, Нуриман Тефику вели дека училиштето ќе биде изградено од темел, но дека чекаат министерството за образование да отвори тендер. „Се надевам дека месецов или во март ќе започне административната постапка, но имајќи предвид дека станува збор за планинско село, треба да чекаме да се создадат временските услови за да се почне со изградба на училишната зграда“, додава Тефику. Од Министерството за образование велат дека ќе излезат со конкретен план за капиталните инвестиции. Останува неизвесно дали и ова училиште ќе биде опфатено во планот или не. Инаку во ова училиште настава следат околу 200 ученици, пренесува ТВ 21.