Бојан Богдановиќ – Kurir.mk

Бојан Богдановиќ се повлекува од националниот тим на Хрватска

Бошко Тасиќ — Tue, 14 Feb 2023 05:37:44 +0000

Најдобриот хрватски кошаркар Бојан Богдановиќ изјави дека повеќе нема да игра веќе за националниот тим и сака кариерата да ја заврши во НБА-лигата. Богдановиќ во интервју за „Мундо Депортиво“ кажа дека неговиот став е ист како и минатото лето, односно дека повеќе нема да го облече дресот на Хрватска. „Имавме многу проблеми со повредите кога Хрватска требаше да игра на големите натпреварувања. Така беше во текот на целиот мој живот. Секогаш бевме без најдобрите кошаркари. Требаше да бидеме подобри, не знам што да кажам“, вели Богдановиќ.

Бојан Богдановиќ останува во Детроит

Бошко Тасиќ — Mon, 06 Feb 2023 05:33:51 +0000

Бојан Богдановиќ, кошаркарот на Детроит Пистонс, нема да ја промени средината, барем до крајот на сезоната. Се шпекулираше дека хрватскиот кошаркар би можел да го напушти овој тим, но познатиот новинар Џејк Фишер носи нова вест. „Заинтересираните екипи почнуваат да веруваат дека Бојан Богдановиќ ќе остане во Детроит“, напиша новинарот на „Јаху спортс“. Богдановиќ е предводник на Детроит оваа сезона и на теренот и надвор од него. Тој има просек од 21,4 поени, 3,6 скока и 2,4 асистенции.

Бојан Богдановиќ и Богдан Богдановиќ ќе му се придружат на Далас?

Бошко Тасиќ — Sun, 05 Feb 2023 07:17:02 +0000

Лука Дончиќ и оваа сезона ја игра на фантастично ниво, но евидентно е дека тимот на Далас нема капацитет да се вмеша во борбата за титулата со овој ростер, без оглед на квалитетите на словенечката суперѕвезда. Газдата Марк Кјубан е свесен за ова и планира мини-ремонт во тимот, се со цел Дончиќ да ја добие неопходната помош за маверикс во наредните две години да се доизгради како тим со амбиции за највисок пласман. Наместо тоа, челниците на Далас ја разгледуваат опцијата од тимот да направат екс-ју колонија, па на Словенецот Дончиќ на помош да му ги донесат Хрватот Бојан Богдановиќ и Србинот Богдан Богдановиќ.

ЛА Лејкерс во трка за потписот на Бојан Богдановиќ

Бошко Тасиќ — Fri, 16 Dec 2022 06:04:41 +0000

Лос Анџелес Лејкерс посакува да се засили со хрватскиот интернационалец Бојан Богдановиќ. Од почетокот на сезоната „езерџиите“ бараат начин да го засилат ростерот. Хрватот моментално е дел од Детроит Пистонс. За него Лејкерси ги нудат Кендрик Нан, Патрик Беверли и еден заштитен пик од прва рунда на драфтот. Преговорите се во тек, меѓутоа Пистонси се надеваат дека ќе извлечат повеќе за својата прва ѕвезда. Славната франшиза од Калифорнија игра лоша сезона и има негативен скор по неколку месеци во тековната сезона.

Тешка повреда на Бојан Богдановиќ

Бошко Тасиќ — Sat, 26 Nov 2022 18:30:02 +0000

Бојан Богдановиќ зааработи тешка повреда на натпреварот помеѓу Деторит и Голден Стејт. Хрватскиот интернационалец во последната минута од натпреварот дојде до контакт со Тори Крег кој стапна на неговото стапало. Првичните информации велат дека станува збор за повреда на коленото и во моментот се уште не познато колку Хрватот ќе отсуствува од терените. Богдановиќ изминатото лето премина од редовите на Јута во Детроит, а таму експресно стана лидер на својот тим. Искусниот 33-годишник бележи просек од 20.6 поени, 4.0 скока и 2.5 асистенции на 21 одигран натпревар.

Богдановиќ добива богат договор од Детроит Пистонс

Ристе Здравков — Mon, 31 Oct 2022 11:18:19 +0000

Хрватскиот кошаркар Бојан Богдановиќ договори продолжување на соработката со Детроит Пистонс, пренесуваат американските медиуми. Искусниот бек ќе потпише двогодишен договор со Пистонс, вреден 39.1 милион долари. 33-годишникот во клубот од Мичиген дојде пред почетокот на сезоната во трејд, откако три сезони претходно беше дел од Јута Џез. Хрватскиот репрезентативец во НБА дебитираше во 2017 година во дресот на Бруклин Нетс, а играше и за Вашингтон Визардс и Индијана Пејсерс.

Bojan Bogdanovic agrees on a two-year, $39.1 million extension with the Detroit Pistons, per @wojespn pic.twitter.com/aywjSAUqlS
— Bleacher Report NBA (@BR_NBA) October 30, 2022

Бојан Богдановиќ потпишува за Детроит Пистонс

Бошко Тасиќ — Thu, 22 Sep 2022 16:59:33 +0000

Бојан Богдановиќ има нов клуб. Најдобро информираните новинари во САД пренесуваат дека Јута договорила трејд со Детроит и останува тој само да биде потврден и официјално. Хрватот ќе замине во редовите на Пистонс, додека Јута ќе ги добие Кели Олиник и Сабин Ли. „Џезерите“ претходно ја завршија соработката и со најголемите ѕвезди, Руди Гобер и Донован Мичел, најавувајќи дека планираат целосно проветрување на тимот и создавање нова екипа која би имала поголеми амбиции за неколку години. Богдановиќ имаше просек од 18,1 поен за Јута минатата сезона, а сега ќе се пресели во една од најслабите екипи во НБА лигата.

Хрватски репрезентативец ќе игра во Далас

Бошко Тасиќ — Sun, 11 Sep 2022 07:50:31 +0000

Едно од можните засилувања за НБА тимот на Далас е 33-годишниот Бојан Богдановиќ кој во овој момент е со Хрватска на Евробаскетот. На Богдановиќ му завршува договорот со Јута кој е вреден 19.5 милиони долари. Маверикс не се единствената екипа заинтересирана за неговиот потпис, се споменуваа уште Лејкерси, Нујорк Никси и Феникс Санс. Засега не е познат и ставот на Јута, дали тие ќе му понудат нов договор или сакаат обнова на тимот.

НБА: Меч на кариерата за Богдановиќ, 48 поени на Хрватот за нов триумф на Јута

Ивона Петрова — Sat, 08 May 2021 07:48:33 +0000

Хрватскиот кошаркарски репрезентативец Бојан Богдановиќ го одигра најдобриот натпревар во својата НБА кариера, предводејќи го синоќа тимот на Јута до триумф на домашен терен над Денвер со 127:120. Богдановиќ уфрли 48 поени, реализирајќи притоа осум тројки од 11 обиди, а додаде и осум скокови и две асистенции. Резултати од натпреварите во НБА лигата одиграни ноќта меѓу петокот и сабота: Филаделфија – Њу Орлеанс 109 :107 Чикаго – Бостон 121 : 99 Шарлот – Орландо 122:112 Мајами – Минесота 121 :112 Милвоки – Хјустон 141 :133 Далас – Кливленд 110:90 Јута – Денвер 127:120 Феникс – Њујорк 128 :105 Портланд – ЛА Лејкерс 106 :101 Сакраменто – Сан Антонио 104:113.

Јута Џез повторно тројкашки расположена

Бошко Тасиќ — Sun, 04 Apr 2021 07:50:41 +0000

Лидерот на Западната конференција во НБА лигата, Јута Џез, во убедливиот триумф над Орландо Меџик со 137:91, постави неколку рекорди. Кошаркарите на Јута реализирани 26 тројки од 55 обиди, од кои 18 беа во второто полувреме, што е апсолутен рекорд. Ова четврти пат сезонава Џезерите да погодат 25 или повеќе тројки во еден меч, израмнувајќи се со учинокот на Хјустон рокетс од сезоната 2018/19. Донован Мичел предводеше со 22-та домашна победа во низа со 22 поени и 6/7 за три, го следеше Богдановиќ со 17 поени и 4/6 за три поени. Во рекордната домашна победа, Јута заостана за три тројки да го урне апсолутниот НБА рекорд од 29 реализирани шута за три поени во еден меч. Преостанати резултати НБА: Вашингтон 87:109 Далас, Детроит 81:125 Њујорк, Мајами 115:101 Кливленд, Филаделфија 122:113 Минесота, Сан Антонио 133:139 Индијана, Портланд 133:85 Оклахома, Сакраменто 128:129 Милвоки.