бојан христовски – Kurir.mk

Христовски: ВМРО-ДПМНЕ заедно со граѓаните дарува крв и донира средства за Леонид, и во иднина ќе продолжиме да ги поттикнуваме граѓаните да бидат хумани

Тале Кристо — Sat, 16 Sep 2023 12:57:45 +0000

Скопјани во многу наврати во минатото покажале и докажале дека се хумани луѓе. Тоа било во случај на природни несреќи и катастрофи како и во случаи на тешка социјалана и економска немаштија. Денеска сме тука собрани да уште еднаш со благородна цел покажеме и докажаме дека знаеме да помагаме, дека сме несебични со отворено срце овојпат ќе даруваме крв и ќе донираме средства за младото момче Леонид Индов, изјави Бојан Христовски, претседател на Градски Комитет на ВМРО-ДПМНЕ. -Ова идеја дојде на една од многуте средби одржани во канцеларијата на Градскиот Комитет на ВМРО-ДПМНЕ каде што имавме разговори со преку 40 невладини организации, фондации и општествено одговорни компании, и заеднички сите договоривме да организираме еден настан од ваков тип. Имено 44 вкупно организации,правни субјекти, општетсвено одговорни организации, невладини организации денеска се тука сите заедно со јавната установа на клиничкиот центар за трансфузиологија, без чија што помош не би можеле да организраме крводарителска акција даруваме крв и преку донирање на средства директно во кутиите коишто денеска тука се поставени и штандовите за храна и пијалоци, големи проценти одвоија општествено одговорни компании, конкретно средства кои што ќе одат за лекување и финансиска помош на младиот Леонид. Ние сме тука заедно со граѓанскиот сектор и денеска и понатаму за да поттикнеме и другите наши сограѓани да бидат хуманитарци, да помагаат како денеска така и понатаму во сите случаи каде што е потребна помош. Денеска сме тука до 16:00 часот со крводарителската акција и до 18:00 часот ќе трае забавата со диџеј „Ogipsilon“. Им благодарам уште еднаш на медиумите коишто ја пренесоа веста за овој настан за со што поголема масовност да придонесеме за овој хуманитарен настан, рече Христовски.

Христовски: Клучните принципи на ВМРО-ДПМНЕ ќе биде борба против корупцијата и организираниот криминал

Ристе Здравков — Mon, 03 Jul 2023 09:14:20 +0000

Претседателот на градскиот комитет на ВМРО-ДПМНЕ, Бојан Христовски гостуваше во емисија на Радио Лидер и говореше за неколку актуелни политички теми, акцентирајќи ја потребата од избори и промена на оваа власт. Тој истакна дека на лидерската средба ВМРО-ДПМНЕ понуди две решенија, но власта не даде одговор за нив. Сега единственото барање на ВМРО-ДПМНЕ се предвремени избори. „ВМРО-ДПМНЕ како силна опозиција со скоро двојно повисок рејтинг од СДСМ бара предвремени избори и ќе се бориме да ги добиеме. СДСМ треба да бидат свесни дека колку повеќе време поминува, толку рејтингот им паѓа се повеќе и повеќе, а рејтингот на ВМРО-ДПМНЕ расте. Мислам дека повеќе и на нив би им одговарало да има предвремени избори, за да не изгубат толку многу колку што би изгубиле следната година“, рече Бојан Христовски. Тој истакна дека клучните принципи на ВМРО-ДПМНЕ ќе бидат борбата против корупцијата и организираниот криминал и борба против корупцијата во судството и обвинителството. „Можеме да видиме голем број на афери кои излегуваат во овој период и во изминатите години за очигледен криминал, за кој што не се реагира“ - рече Христовски и дополни: „Со ваква влада и со вакви институции кои што се држат во заложништво на ДУИ, нема институција која што сега би тргнала против ДУИ и против Али Ахмети. Иако американската амбасада реагираше во случајот со Мерко, не слушаме дека нешто се презема. Или каде е оној директорот на Фонд за здравство кој што го видовме со куферче пари, кај е тој, го заборавивме? Како него не го спречиле да излезе, а другиве ги спречуваат? Прво, очигледно е дека има селективна правда во Македонија, второ, очигледно е дека институциите со ова раководство се неспособни“, заклучи Христовски.

Христовски: Кога директорите на ВМРО-ДПМНЕ си дадоа оставки Градот имаше буџет од околу 500 милиони денари, за половина година со лошото менаџирање на Арсовска Градот има само 56 милиони денари

Катерина Бојаџиева — Tue, 16 May 2023 20:47:58 +0000

„Интересно е да се спомене дека во изминатиов период пред да излезе оваа афера дека Градот всушност е блокиран, дека сметката е блокирана од страна на извршител поради долг кон скопски саем за изградба на згради, претходно градоначалничката кажуваше во јавност, пред Совет на Град Скопје и секаде дека во суштина сметката е ликвидна односно дека Градот е во одлична финансиска состојба. Наеднаш дознаваме од медиумите, иако тоа го негира Градот Скопје и градоначалничката дека сметката на Градот Скопје е блокирана. И тоа блокирана е од извршител за долг од 156 милиони денари, но за жал тоа не можат да го наплатат. Успеале да наплатат само 56 милиони денари според нашите информации бидејќи само толку имало на сметката“, истакна Бојан Христовски, претседател на Градски Комитет на ВМРО-ДПМНЕ во емисијата „Заспиј ако можеш“ на Алфа телевизија. Христовски додаде дека градоначалникот Шилегов со неговото заминување сметката ја има оставено со 680 милиони денари, а претходно градоначалникот Коце Трајановски ја има оставено сметката со околу 780 милиони денари. „Кога ние дадовме оставки како директори, како ВМРО-ДПМНЕ кога се разделивме од концептот т.е. новиот концепт на градоначалничката која што излезе од договорениот концепт со ВМРО-ДПМНЕ и Коалицијата на сметката имаше околу 500 милиони денари, во септември 2022 година за после за само од пола година сметката има 56 милиони денари. И кои што според нашите информации се блокирани односно одземени од сметката, а другите чекаат за да дополнително се приберат и за да се наплатат“, појасни Христовски. Тој посочи дека тоа што Градот Скопје нема пари се должи на лошото менаџирање односно игнорирањето на секојдневни проблеми со кои што се соочува Градот и јавните претпријатија, и граѓаните во градот. И поради тоа Градот е доведен во незавидна ситуација. „Видовме деновиве и дека има напади политички од страна на СДСМ кои што бараат вонредна седница на Совет на Град Скопје, а во исто време веројатно заборавиле дека тие се истите кои што на седниците на Советот на Град Скопје и ги усвојуваат и ги одржуваат финансиските програми на Градот Скопје и јавните претпријатија во Градот Скопје, кои што истите ја даваат поддршката за финансиското работење на Градот кој што не добива генерално поддршка од членовите на Советот од ВМРО-ДПМНЕ и Коалицијата“, рече тој. Христовски нагласи дека СДСМ се истите тие кои што и даваат поддршка на Арсовска на Советот, а ја обвинуваат за лошото менаџирање на Градот. „Гледачите на оваа емисија можат да ги погледнат и последните седници на Град Скопје каде што можат да се уверат во Коалицијата на Данела – СДСМ – ДУИ и Левица. И може да се види на седниците една синергија во говорите, во начинот на функционирање на Советот и не само тоа туку и на крајот доаѓа и гласањето. И може да се види кој ја поддржува градоначалничката во нејзината работа т.е. неработењето, а кој не ја поддржува“, појасни Христовски.

Христовски: Ако СДСМ има забелешки за Град Скопје треба да види во своите редови кои заедно со ДУИ и Левица ја поддржуваат Данела Арсовска

Катерина Бојаџиева — Mon, 24 Apr 2023 17:59:12 +0000

Бојан Христовски, претседател на Градскиот комитет при ВМРО-ДПМНЕ на гостување во емисијата За или против што се емитува на телевизија Алфа се осврна на ситуацијата во градот и скопските општини укажувајќи дека подолг период градоначалничката Данела Арсовска работи заедно со СДСМ, ДУИ и Левица. „Заедно со ДУИ и Левица ја поддржувате Арсовска и тоа може да се види и на последната седница на Советот на Град Скопје. Имаше една таква синергија и поддршка за Арсовска и нејзините директори, нивните извештаи, а ништо не е направено“, рече Христовски обраќајќи се на Васко Кичевски, прв човек на Градската организација на СДСМ кој беше дел од дебатата. Христовски се осврна на низата лаги на градоначалничката Арсовска. „Истата таа го напаѓаше тогашниот директор на Водовод за Договорот за пречистителна станица. Па таа го потпиша истиот Договор, истиот оној за кој го напаѓаше тогашниот директор. Понатаму директор на ЈСП беше од редовите на СДСМ,“ рече Христовски. Зборувајќи за капитални проекти тој се осврна и на Универзалната сала за која како што рече „многумина таму ги живееле поубавите моменти“ и оти истата не успеа да ја направи претходниот градоначалник Петре Шилегов кој имаше поддршка и од извршната власт. Христовски се осврна особено на хигиената на централното градско подрачје или на општина Центар. Тој го покани Кичевски едно утро да поминат низ централниот дел на градот и да ја видат заедно хигиената.

Христовски до Кичевски: Како го браните Договорот за изградба со коридорите, а го немате видено

Тале Кристо — Mon, 24 Apr 2023 17:24:17 +0000

Договорот за коридорите 8 и 10д се прави тајно, не би имало дилеми доколку договорот е јавно објавен. Се бара измена на 8 закони во кои меѓу другото на пример доколку не се смени Законот за работни односи во делот на работното време не се смени во даден рок од 45 дена ќе се плаќаат пенали од 53 милиони евра и за секој месец дополнителни пари од околу 2 милиони евра, рече Бојан Христовски, претседател на Градскиот комитет при ВМРО-ДПМНЕ на гостување во емисијата За или против што се емитува на телевизија Алфа. Според Христовски за коридорите нема никакви активности досега. Тој посочи дека овој Договор нас многу не чини дури и пред неговото потпишување имаше трошоци. „Ништо не е почнато на терен има само една табла, а и пред потпишување на договорот имаше трошоци или се исплаќаа 4 експерти од по 300 илјади евра“, посочи Христовски. Христовски укажувајќи на важноста Договорот да се објави го праша Васко Кичевски кој е прв човек на Градската организација на СДСМ, а кој беше дел од дебатата, дали воопшто го видел Договорот за да го брани истиот. Христовски укажа дека за измените на законите кои произлегуваат од Договорот ќе гласаат пратеници кои не го виделе истиот. „Клучно е прашањето зошто овој Договор е класифициран, а од истиот произлегуваат многу работи. Потоа сертификати на пример издава Дирекција за безбедност на класифицирани информации, а проверки прави Агенција за национална безбедност од која излегуваат низа на скандали. Дури видовме и пратеници на кои намерно не им се издаваа сертификати, а се дел од собраниска комисија која ги контролира овие служби“, рече Христовски и праша зошто пратениците од ВМРО – ДПМНЕ кои ги имаат сертификатите не го добиле Договорот. Христовски се осврна и на низа други спорни прашања како делот за експропријација, за тоа кој е координатор на целата работа со коридорите. „Како министерот за политички систем, станува главен за изградба на коридорите, каде е министерот од надлежното министерство и директорите од јавните претпријатија или каде е министерството за транспорт и ЈП Државни патишта“, рече Христовски.

Христовски: Во новиот штаб на Градскиот Комитет на ВМРО-ДПМНЕ на улица Македонија граѓаните ќе може да остварат средби со народните претставници и да ги презентираат своите идеи за подобро Скопје

Дарко Андоновски — Wed, 19 Apr 2023 15:20:43 +0000

Денеска ми е чест и задоволство што го отвораме новиот штаб на Градскиот комитет на улица Македонија. Заедно со отворањето на канцеларијата на Градскиот Комитет започнуваме и и со проектот „Иницијативи за Скопје“, станува збор за проект кој ќе опфаќа граѓански дијалог. Оваа канцеларија ќе биде место каде граѓаните секојдневно ќе може да остваруваат директни непосредни средби со нашите народни избрани претставници, ова денеска преку изјава за медиумите го истакна Бојан Христовски од ВМРО-ДПМНЕ.

„Секојдневно ќе имаат можност граѓаните да се сретнат со членови на совети од општините и Град Скопје, претставници на ВМРО-ДПМНЕ и Коалицијата, а исто така ќе може да остваруваат директни средби со нашите градоначалници во Скопје исто така и со пратениците од Собранието на Република Македонија“, вели Христовски.

Тој додава дека со тоа овој штаб воедно покрај онаа улога за редовни активности на Градскиот Комитет ќе има својство и на граѓанска канцеларија каде ќе може сите граѓани да остварат средби со избраните функционери и иницијативите, идеите, визиите на скопјани да се преточат во конкретни иницијативи за иднината на подобро и поубаво Скопје, место за живеење за сите.

Христовски: ВМРО-ДПМНЕ отвора канцеларија на ул. „Македонија“, граѓаните секој ден можат да даваат идеи под мотото „Иницијативи за Скопје“

Ивана Ефремовски — Thu, 13 Apr 2023 13:13:05 +0000

Љубовта кон Скопје и Македонија нè мотивираат да креираме и создаваме можности и дела. Секојдневно се соочуваме со предизвици кои бараат посветеност и одговорност, истакна Бојан Христовски, претседател на Градски Комитет на ВМРО-ДПМНЕ во Скопје. „Визијата на скопјани ќе ја создаде иднината на Скопје. Иницијативите на граѓаните бараат ажурност, исполнителност и брза реализација. За таа цел ја отвораме новата канцеларија на Градскиот Комитет на ВМРО-ДПМНЕ на ул. Македонија во центарот на Скопје. Тоа ќе биде место каде што секојдневно ќе има отворени денови за граѓаните под мотото „Иницијативи за Скопје“. Ги очекуваме вашите идеи, директно и непосредно да бидат пренесени на нашите народни избрани претставници“ - посочи тој.

Градскиот комитет на ВМРО-ДПМНЕ организарше настан под мотото #диши по повод Меѓународниот ден на шумата (ВИДЕО)

Дарко Андоновски — Mon, 20 Mar 2023 13:00:47 +0000

Бојан Христовски преку статус на Фејсбук пишува дека Градскиот комитет организирал настан под мотото #диши по повод Меѓународниот ден на шумата. „Прекрасни временски услови, весели луѓе и позитивна енергија. Овие зборови би биле најсоодветни за опис на првиот настан на Градскиот комитет, кој се одржа под мотото #диши, а по повод Меѓународниот ден на шумата. Настанот со свое присуство го поддржаа членови и поддржувачи на ВМРО-ДПМНЕ, но и граѓани, активисти и здруженија до кои допре јавниот повик со искрени намери за заштита на животната средина, како и афирмација на убавините на Скопска Црна Гора и заложбите и проектите на Општината и градоначалникот Бобан Стефковски. Голема благодарност до сите учесници и поддржувачи“, стои во неговиот пост на Фејсбук.

Христовски: Поради неспособноста на МВР и институциите да се справат со дојавите за бомби, 4 месеци се дозволува некој да си игра со судбините на нашите деца

Дарко Андоновски — Tue, 28 Feb 2023 11:25:15 +0000

Денешната изјава ќе ја започнам со еден цитат: „Никој не смее да дозволи да си игра со судбините на децата. Ова е сензитивна тема и без разлика кој го нарачува сето ова, треба да има на ум дека не може да си игра со системот и со граѓаните на Република Македонија.“ Ова го изјави министерот за внатрешни работи, Оливер Спасовски на 27.10.2022 година кога за прв пат во 8 училишта во Скопје беа пристигнати лажни закани за поставени бомби. Од тогаш до денес, во скоро 40 наврати, на речиси 500 локации, од кои најголем дел училишта, па дури и градинки ширум земјава, веќе 4 месеци сме беспомошни сведоци и жртви на страв, немир, паника и терор. Но, во исто време сме и жртви на лошото владеење со институциите кои не можат да се справат со овој проблем, ова денеска преку изјава за медиумите го истакна претседателот на Градскиот Комитет Скопје на ВМРО-ДПМНЕ, Бојан Христовски. -Очигледно некој дозволува да си игра со судбините на децата, да си игра со системот и со граѓаните на Република Македонија, што е сосема спротивно на она што го изјави Спасовски пред 4 месеци. Но тоа е апсолвирана тема. Оваа власт, МВР со ова раководство, но и останатите надлежни институции, за жал не се способни да се справат со проблемот кој го вознемирува целото наше општество. Прекинот на редовната настава, како последица од лажните пријави, покрај психолошкиот, социјалниот и образовниот негативен инпакт врз децата, сериозно влијаат и на животот и работата на нивните семејства. Имено, не секој родител може да го напушти работното место за безбедно да го спроведе детето до својот дом. Од таа причина, многу деца остануваат без соодветна поддршка и помош при честите ситуации со лажни пријави за бомби, што понатаму може да предизвика дополнителни несакани последици. Поради тоа, јавно го повикуваме Министерството за образование и наука итно и во најкус можен рок да преземе активности за изготвување на официјален план и протокол кој ќе предвидува функционални мерки и процедури за постапување при случаи на лажни пријави за бомби и други безбедносни закани во училиштата и други објекти. Државниот образовен систем не смее да остави ниту едно дете без соодветна поддршка, превоз и безбедна локација, после пријави за бомби кои сериозно влијаат на психофизичкиот развој на децата, вели Христовски. Тој додава дека бараме од надлежните институции да престанат со игнорантниот однос и наместо да бидат соучесници во креирање хаос, неизвесност и недоверба во системот со своето неделување, веднаш да изготват применлив план со кој, секое дете ќе биде соодветно згрижено и заштитено, а родителите изземени од незавидна ситуација во која секојдневно се наоѓаат. -Јавно апелирам и до сите останати чинители, училишта, локална самоуправа, родителите и сите останати да бидат вклучени во овој процес. Доста е молчење. Време е за акција. Децата се наш приоритет и се што е поврзано со нив не трпи импровизации, вели Христовски.

Христовски: Влезот на Алијанса за Албанците во Влада не е природен, само со избори може да се прекине тонењето на државата

Ивана Ефремовски — Fri, 10 Feb 2023 12:05:54 +0000

Алијанса за Албанците влегува во Влада која многу ја критикуваше и не е баш природно да е таму, но можеби имаат идеја да сменат нешто. Сепак за да се смени нешто тоа може да се стори само со избори, рече Бојан Христовски, претседател на Градскиот комитет на ВМРО-ДПМНЕ на денешното гостување на радио Лидер. Иако има проширување со коалициски партнери, според Христовски се уште ништо не е јасно. „Мислам дека и самите не се сигурни дали имаат мнозинство воопшто. Тие си прават Влада и без избори. Избори се неопходни и кога и да се ВМРО-ДПМНЕ ќе ја предводи победата на ова зло во државата. Ние сме сведоци само на корупција, несоодветен третман на болни, лица умираат. Има илјадници случаи кои не ги ни знаеме, а за кои нема соодветен одговор“, вели Христовски. Христовски се осврна на работата на Градскиот комитет укажувајќи дека добрата функционалност во истиот е најважна. „Акциите како директна средба е многу важно затоа што граѓаните сакаат изворно да слушнат. Идејата е да допре до граѓаните за да може ад се креираат политиките. Сепак тој посочи дека има разлика меѓу локални и парламентарни избори затоа што сите не проблеми немаат“, рече Христовски. Говорејќи за актуелната тема со најавите за бомби Христовски вели дека не е во ред толкав временски период да нема никаков напредок во истрагата. „Сега требаше да бидат најдени виновниците. МВР и надлежните агенции досега требаше и да ги пронајдат и да ги санкционираат овие случаи. Таму има професионалци, но лицата не се на вистинските позиции“, вели Христовски.