Бојан Кркиќ – Kurir.mk

Бојан Кркиќ ја заврши фудбалската кариера

Ивона Петрова — Fri, 24 Mar 2023 09:46:54 +0000

Поранешниот фудбалер на Барселона, Бојан Кркиќ, и официјално ја заврши професионалната кариера на 32-годишна возраст. - Сега имам 32 години и после толку многу што научив и доживеав сакам да објавам крај на својата кариера на професионален фудбалер, објави Кркиќ. Шпанскиот фудбалер со српско потекло дебитираше за Барселона во сезоната 2007/08 одигрувајќи 163 натпревари на кои постигна 43 голови. Со 17 години и 51 ден беше најмлад стрелец на Барселона во Примера, додека тој рекорд не го урна Ансу Фати. Кркиќ и натаму е најмладиот фудбалер во историјата на Барселона кој прв запишал 100 настапи за каталонскиот клуб. Со Барселона освои три шпански титули, две титули европски и една светски првак. Во кариерата Кркиќ настапуваше и за Рома, Милан, Ајакс, Стоук, Мајнц, Алавес, Монтреал, додека последен клуб му беше јапонски Висел Кобе.

Засилување за Лигата на шампионите: Поранешната ѕвезда на Барселона и шпански репрезентативец потпишува за Црвена Ѕвезда

Матеја Петровски — Fri, 31 Aug 2018 11:24:16 +0000

Бојан Кркиќ и Црвена Ѕвезда преговараат околу евентуално доаѓање на српскиот напаѓач со шпанско државјанство на Маракана. Оваа вест ја објави каталонски „Спорт“, од таму се уверени дека Кркиќ сака да игра во Лигата на шампионите и да се обиде да ја врати својата кариера. Шпанците понатаму наведуваат дека трансферот е блиску до реализација и дека доколку се оди како што треба, Кркиќ ќе го облече црвено- белиот дрес. Ѕвезда ја контактирала агенцијата „Васерман“ која го застапува Кркиќ, а одговорот кои го добиле бил задоволувачки. Кркиќ има договор на две години со Стоук, но тимот не смета на него. Кркиќ своевремено беше голема млада ѕвезда на Барселона, а има и настап за шпанската репрезентација. Тој беше голем талент од кој се очекуваше многу, но сепак не го покажа потенцијалот на кој сите се надеваа.

Кркиќ: Барса фаворит? Предвидувањата не се сметаат

Даниел Василев — Wed, 04 Apr 2018 13:44:06 +0000

Бојан Кркиќ, некогашната голема надеж на европскиот фудбал рече дека натпреварот меѓу Барселона и Рома ќе биде преубав за гледање и оти клубот од Рим не е без шанси. -Тоа ќе биде преубав натпревар, а мечот на Камп ноу ќе биде одлучувачки, изјави напаѓачот. Кркиќ, кој кариерата за почна во Барселона додаде дека предвидувањата не се сметаат и оти Рома има шанса во овој натпревар. -Барселона фаворит? Предвидувањата не се сметаат. Рома шанса доколку на Олимпико дојде до добар резултат, а се почнува од вечерва, посочи Кркиќ. Тој е играч на Стоук, но во моментот е на позајмица во Алавес за кој одигра 13 натпревари и постигна еден гол. Некогашната голема надеж на европскиот фудбал во кариерата по Барселона играше за многу клубови, меѓу кои се Рома, Милан, Ајакс, Мајнц и сега како играч на Стоук. Најмногу голови постигна како тинејџер за Барселона (43), но никогаш не успеа да го исполни потенцијалот.