Бојан Крстевски – Kurir.mk

ДА ПОМОГНЕМЕ: Потребни сме му на Бојан – донирајте

Ивана Ефремовски — Wed, 06 Sep 2023 09:40:46 +0000

Боан Крстевски почна успешно да се лечи од стеноза на жолчни патишта во црн дроб во Италија, информираат членови на неговото семејство. Досега за интервенции е платено 65.000 евра, а потребно е тој уште три пати да оди во болницата во Рим. Тоа ќе чини дополнителни 40.000 евра! Бидејќи од државата Бојан добил 11.000 евра, потребна му е хуманоста на граѓаните. -Дали Бојан ќе успее да преживее зависи од Бога, од доктор Иво и болницата Gemelli ама и од нас, хуманите луѓе, се наведува во апелот на социјалните мрежи.

Крстевски: Го забораваме Левице, одиме во Осло да ја „репризираме“ Гевгелија

Бошко Тасиќ — Sat, 25 Feb 2023 05:25:26 +0000

Македонскиот кошаркарски репрезентативец Бојан Крстевски одигра добар натпревар во Левице против Словачка. Но на крајот, неговите, и напорите на другите наши играчи не се покажаа како доволни да се продолжи победничката серија во вториот круг од претквалификациите за пласман на Евробаскетот во 2025 година. Словаците славеа победа (82:73), па сега имаме само една победа повеќе од нив во групата „Д“, во пресрет на последното шесто коло од претквалификациите. – Штета за поразот, имавме добри моменти на натпреварот во Левице. Пред сè на почетокот на третата четвртина, кога имавме отворени ситуации за шут, меѓутоа не ги реализиравме. Од друга страна противникот имаше одличен шутерски ден, заокружен со реализација на 14 тројки, со висок процент на реализација – рече Крстевски.

Крстевски: Знаеме како против Словачка

Ивана Ефремовски — Sun, 28 Aug 2022 07:53:54 +0000

Центарот на македонската кошаркарска репрезентација, Бојан Крстевски е оптимист пред вечерашниот дуел со Словачка во 2. коло од претквалификациите за Евробаскет 2025. „Црвено-жолтите“ пред три дена ја победија Данска во првото коло на гостински терен во Нествед со кош во последната секунда. – Заслужено победивме во Данска, беше еден тежок меч, на крај можеби заврши и среќно за нас со тој шут, но победивме сосема заслужено. Мора да го заборавиме тој меч, затоа што ако не го добиеме овој со Словачка, победата на натпревар нема ништо да ни значи. На терен мора сите да бидеме фокусирани и мотивирани, за да ја оствариме нашата цел. Словаците ни се добро познати затоа што со нив игравме двапати лани, можам да кажам дека горе-долу се во ист состав. Сите работи остануваат на нас, изјави Крстевски за сајтот на КФСМ. Натпреварот ќе се игра во СРЦ „Кале“ во Скопје со почеток во 19 часот. (МИА)

Крстевски: Нема да биде лесно против Шпанија и Украина

Бошко Тасиќ — Tue, 28 Jun 2022 04:57:03 +0000

Бојан Крстевски е еден од поискусните играчи во актуелниот ростер на македонската сениорска репрезентација. – Веќе се навикнавме на ваква ситуација, затоа што никогаш досега не бевме комплетни, меѓутоа што е тука е, ова е шанса за некои од новите генерации да покажат што знаат и умеат. Нема да биде воопшто лесно против Шпанија и Украина. Мора да се прикажеме во добро светло, а и за младите да стекнат некое искуство за иднина, а ние сме сите тука да им помогнеме – рече Крстевски. – Имавме некои солидни моменти во овие квалификации, но не дојдовме до победа на крајот. Мислам дека тогаш пресуди скратената ротација, ако го имавме цел тим, можеше да биде поинаку. Младите се вклопуваат добро, за нив ова ќе биде одлично искуство. Гледам во сите голем потенцијал за иднината, исто и во У20 репрезентацијата, од таму имавме со нас во минатото лето неколку момци. Се наоѓаме на добар пат, добро е помладите да си фатат ритам уште од помлади години за да стекнат искуство, а за талент несомнено дека имаме – вели Крстевски.

МЗТ Скопје без Бојан Крстевски најмалку два меча

Бошко Тасиќ — Tue, 01 Mar 2022 21:09:27 +0000

Искусниот кошаркар на МЗТ Скопје Аеродром Бојан Крстевски има повреда на препоната, поради која ќе биде надвор од тренажниот процес најмалку во следните десет до петнаесет дена. Крстевски речиси сигурно ќе ги пропушти дуелите против Работнички (5 март) и Ангели (12 март), додека лекарскиот тим ќе стори сè да го оспособи за дуелот против Гостивар (16 март), последен пред турнирот од АБА2-лигата во Широки. Крстевски веќе трета сезона е еден од носителите на играта на МЗТ Скопје, а неговото отсуство ќе треба да го покријат останатите високи играчи во тимот, пред сè Роберт Рикиќ, Немања Милошевиќ и Хуан Дејвис.

Крстевски: Со максимална борбеност против Шпанија

Тале Кристо — Wed, 24 Nov 2021 15:02:42 +0000

Македонската кошаркарска репрезентација интензивно се подготвува за претстојниот натпревар против светскиот првак Шпанија во рамки на воведното коло од мундијалските квалификации. Новиот капитен на репрезентацијата Бојан Крстевски истакна денеска дека Шпанија ја носи фаворитската улога, а тој и соиграчите ќе мораат на терен да покажат максимална ангажираност и борбеност во обид да го изненадат светскиот првак. – Имавме пократок временски период за тренирање за разлика од летото и нешто поизменета екипа од претквалификациите. Не сме комплетни, но тоа мора да го оставиме зад нас и да се фокусираме на тоа што го имаме и со кое располагаме. На нас е да излеземе на терен, максимално ангажирани и борбени и да ги исполниме задачите на селекторот, како и да се претставиме во најдобро светло. Секоја чест за Шпанија, но ние нема однапред да ѝ се предадеме, изјави Крстевски. Македонските кошаркари ја пречекуваат Шпанија в петок во салата „Јане Сандански“ во Скопје со почеток од 19:30 часот. Во квалификациската Г – група покрај македонската и шпанската репрезентација се и селекциите на Украина и Грузија.

МЗТ Скопје ја продолжи соработката со Бојан Крстевски

Бошко Тасиќ — Fri, 01 Oct 2021 20:57:56 +0000

Македонскиот кошаркарски првак во машка конкуренција МЗТ Скопје Аеродром пред стартот на новата сезона успеа да се договори со уште еден од македонските кошарткари и го обнови договорот со Бојан Крстевски. Крилниот центар кој има 32 години игра успешно во дресот на аеродромци веќе неколку сезони и реши да не менува средина. Крстевски и МЗТ Скопје ја продолжија соработката на уште две години со оваа екипа/ Двометрашот Крстевски во МЗТ пристигна од Работнички во 2019 година, а репрезентативецот претходно настапуваше и за Кожув, грчка Кавала, Торус, Вардар и Центар.