Наместо на избори, ќе оди во затвор: Кандидат за претседател на Бугарија претепал ЛГБТ активист

Ивана Ефремовски — Wed, 03 Nov 2021 19:58:53 +0000

Екстремно десничарскиот националистички кандидат за претседателските избори во Бугарија, Бојан Расате, е уапсен и обвинет за хулиганство и повредување член на ЛГБТ-заедницата за време на викендот во центарот на Софија, соопштија обвинителите. Расате, како што пишуваат медиумите во регионот, е политичар познат по своите силни ставови против членовите на ЛГБТ-заедницата и бил приведен 72 часа по укинувањето на имунитетот. Тој се изјаснил за невин и одбил да даде изјава, соопштија обвинителите. Група од десетина луѓе, предводена од Расате, упаднале во клуб во саботата доцна вечерта притоа предизвикувајќи тепачка и удирајќи едно лице, превртувајќи ги масите и столовите, пишуваат медиумите. Водечките бугарски политички партии го осудија нападот, како и 11 западни амбасади во Софија, кои ги нарекоа нападите луди и го посетија клубот во знак на солидарност во понеделникот. На Расате, претходно осуден за нарушување на јавниот ред и мир за време на првата Парада на гордоста во 2008 година во Софија, му се заканува затворска казна до пет години.

Приведен кандидат за претседател на Бугарија

Катерина Бојаџиева — Wed, 03 Nov 2021 07:40:49 +0000

По учеството на БНТ, синоќа приведен е кандидатот за претседател на Бугарија Бојан Расате. Како што јави дописникот на МИА од Софија, Расате е приведен во првата регионална управа на МВР во Софија. Претходно во текот на денот, обвинителството во Софија објасни дека претседателскиот кандидат не бил пронајден на ниту една од адресите познати на истражителите. Во понеделникот, главниот бугарски обвинител, Иван Гешев, побара да му се укине имунитетот на Расате како претседателски кандидат, а ЦИК му дозволи да остане без одбрана откако беше обвинет за напад на ЛГБТИ клубот „Рејнбоу Хаб“ во Софија. Врз основа на барањето на Гешев, ЦИК едногласно го одобри укинувањето на имунитетот. Како што јави дописникот на МИА од Софија, Расате ќе биде обвинет за хулиганство со посебна дрскост во соучесништво со други лица, изјави портпаролот на главниот обвинител на Сиика Милева. Министерството за внатрешни работи на Бугарија соопшти дека за случајот Бојан Расате е поведена предистражна постапка, на која работата продолжува истражител во градското обвинителство на Софија. За делото што го извршил Расате може да добие затворска казна до пет години. Единаесет амбасади во Софија на САД, Австралија, Белгија, Данска, Шпанија, Канада, Холандија, Обединетото Кралство, Португалија, Република Ирска и Франција остро го осудија нападот врз невладината организација. ЛГБТИ правата се основни човекови права и ги повикуваме сите Бугари да го отфрлат насилството и нетрпеливоста за кои нема место во ниту едно демократско општество, се вели во ставот на амбасадорите на 11-те земји. Расате е лидер на ултимативната националистичка организација Бугарски национален сојуз – Нова демократија.

Бојан Расате – Kurir.mk

Наместо на избори, ќе оди во затвор: Кандидат за претседател на Бугарија претепал ЛГБТ активист

Приведен кандидат за претседател на Бугарија