бојан стојановски – Kurir.mk

Стојаноски: Пратеничката група на ВМРО – ДПМНЕ во текот на наредните неколку денови ќе го прашува државниот ревизор подетално да ги опише случувањата во Клиниката за радиотерапија и онкологија

Дарко Андоновски — Thu, 12 Oct 2023 09:40:06 +0000

Денес на Комисијата за финансирање и буџет ќе се разгледува Конечниот извештај за извршена ревизија на финансиските извештаи и ревизија на усогласеноста за 2021 година на јавна здравствена установа универзитетска клиника за радиотерапија и онкологија Скопје, ова денеска преку изјава за медиумите го истакна пратеникот од редовите на ВМРО-ДПМНЕ, Бојан Стојаноски. „Ова е прв пат во историјата на Собранието на Република Македонија да биде разгледуван поединечен ревизорски извештај. Од извештајот гледаме дека Државниот завод за ревизија изразил неповолно мислење во однос на вистинитоста и објективноста на финансиските извештаи, како и за усогласеноста на финансиските трансакции со релевантната законска регулатива за 2021 година. Од ревизорскиот извештај можеме да констатираме огромни пропусти во работењето на раководството на клиниката. Одговорни лица на клиниката во 2021 година се д-р Никола Васев, кој е в.д. медицински директор од јуни 2017 година и Нехат Нухи, кој е организациски директор од јуни 2021 година. Не може да се амнестираат ниту министрите за здравство во тие периоди бидејќи и тие имаат клучна одговорност во дизајнирање на систем на функционирање помеѓу Министерството, Фондот и Јавните здравствени установи. Нивна е одговорноста за дизајнирање, имплементирање и одржување на интерната контрола, како и спроведување на активности, финансиски трансакции и информации во согласност со релевантната законска регулатива, упатства и воспоставени политики. Во овој ревизорски извештај се наоѓа потврда за системскиот криминал на Клиниката за радиотерапија и онкологија и затоа ќе ви прочитам еден извадок од ревизорскиот извештај. „Клиниката нема донесено пишана процедура за процесот на прием, издавање, потрошок и евидентирање на залихата на лекови и медицински потрошен материјал во рамките на аптеката и секоја организациона единица одделно. Работењето во оваа област се одвива согласно воспоставена пракса, а месечните извештаи врз основа на кои се евидентира потрошокот на залихите не се соодветно архивирани, потпишани и одобрени од страна на одговорните лица на организационите единици“, вели Стојаноски. Тој додава дека дополнително сакаме да потенцираме дека во текот на 2016 година Министерството за здравство набавило линеарен акцелератор во вредност од 1,7 милиони евра кој до денес не е ставен во употреба. Како резултат на неговото некористење истечен е гарантниот рок и не може да се даде понуда колку би чинело негово инсталирање и пуштање во употреба. -За крај само сакам да истакнам дека раководството на Клиниката за радиотерапија и онкологија воопшто немало коментари и забелешки на овој ревизорски извештај што укажува на можна политичка заштита од врвот на извршната власт. Состојбите на клиниката за радиотерапија и онкологија се алармантни и повеќе од загрижувачки. Овој извештај преставува крунски доказ за случувањата во клиниката. На денешната седница на комисијата за финансирање и буџет повикан е и државниот јавен обвинител Љубомир Јовевски кој ќе треба да одговори како е можно да има волку големи прекршувања, а тие се’уште да немаат покренато обвиненија. До нас има информации дека Државниот завод за ревизија го има пратено ревизорскиот извештај и до јавното обвинителство уште во март оваа година. Дали доколку медиумите не објавеа дека биолошка терапија е продавана во Косово, јавното обвинителство ќе почнеше истрага за работењето на клиниката? Пратеничката група на ВМРО - ДПМНЕ и коалицијата „Обнова на Македонија“ во текот на наредните неколку денови ќе го прашува државниот ревизор подетално да ни ги опише случувањата во Клиниката за радиотерапија и онкологија со цел добивање на дополнителни информации кои ќе бидат искористени од Анкетната комисија со цел побрзо расветлување на овој грозоморен чин. На крајот ќе предложиме заклучоци за брзо надминување на пропустите, а од државниот обвинител ќе побараме истрагата да се интензивира и во најбрз можен рок да се покрене обвинение за овие грозоморни случувања, вели Стојаноски.

Стојаноски: Дали Ковачевски сака да си наплаќа провизии и затоа ја одбива понудата на Мицкоски за да се обезбеди двојно поевтина струја за стопанството

Дарко Андоновски — Thu, 29 Sep 2022 11:11:43 +0000

Ако Ковачевски одбива средба со лидерот на ВМРО-ДПМНЕ да му обезбеди контакти за да може да се обезбеди двојно пониска струја за стопанството, прашањето е дали позади тоа се крие некој договор односно со кој власта сака да си наплати провизија, вели пратеникот од ВМРО-ДПМНЕ, Бојан Стојаноски на денешната собраниска седница за пратенички прашања.

- Лидерот на ВМРО-ДПМНЕ ви понуди контакти за да се обезбедат суровини за производство на електрична енергија во домашните капацитети која ќе биде користена кон стопанството да користи енергија која ќе биде двојно поевтина од таа што може да се набави на референтната берза. Ако тоа го одбивате, ако добивате да се обезбеди двојно поевтина електрична енергија за стопанството, дали за тоа се крие некој договор односно некоја бонбона бизнис за да може тие суровини кои ќе ги обезбедувате да наплатите провизија? – прашува Стојаноски.

Во однос на второто прашање Стојаноски го запраша премиерот Ковачевски, зошто упорно ги одбива барањата за помош на АДКОМ - Здружението на даватели на комунални услуги во кои се вработени над 10.000 граѓани.

- Второто прашање за повикот за закон за енергетика каде ја повикавте опозицијата да гласа, со тоа што во регулираниот пазар ќе влезат здравствените установи и училиштата. Тоа и ние го баравме од вас, но вие да одговорите зошто не одговарате на барањата на АДКОМ за да им помогнете во антикризните мерки. Во тие претпријатија работат на 10.000 граѓани, а вие знаете дека ќе треба да се качат цените заради цената на струјата. Дали планирате да ги вклучите јавните претпријатија во мерките за да го заштитите буџетот на граѓаните? – вели Стојаноски.

Стојаноски потсети дека Бучим е затворен затоа што не може да го издржи финансискиот притисок од цената на струјата, ФЕ-НИ е затворен од истите причини. Најголемите контрибутори во стопанството нема да добијат помош од владата.

- Ако сте отворени на сите понуди, дали имате намера да го повикате лидерот на ВМРО-ДПМНЕ на средба за да ви ги даде контактите од кои ќе имаат корист граѓаните, затоа што пропаѓа стопанството, пари ќе има се помалку, граѓаните плаќаат поскапа струја и ги чека ново поскапување, изјави Стојаноски.

Овие пратеници биле најактивни во Собранието, најмногу пати земал збор Бојан Стојаноски од ВМРО-ДПМНЕ

Ивана Ефремовски — Fri, 05 Feb 2021 12:25:04 +0000

Најактивни, односно пратеници кои на собраниската говорница се задржаа најдолго, се Бојан Стојаноски со 278 минути, Гордана Силјановска Давкова со 256 минути и Панчo Минов со 213 минути. Според тоа колку пати се јавиле за збор, најактивен пратеник е Бојан Стојаноски кој зема збор 57 пати, пратеничката Гордана Силјановска Давкова со 56 пати и Бране Петрушевски со 46 пати. Најактивни пратенички овој период на набљудување беа пратеничките од опозицијата, Гордана Силјановска Давкова, која на говорницата се задржи 256 минути и Дафина Стојаноска со 158 минути. Квалитетот на дебатата во Собранието доби средна оценка 5,5 во Извештајот на Институтот за демократија од Скопје за периодот од 4 август до 31 декември 2020 година. На скала од 1-најнизок до 10-највисок, средната оценка на квалитетот на дебатата во Собранието е 5.5 и е пониска во споредба со претходните периоди на набљудување, за кои оценката за квалитетот на дебатата се движеше од 6.0 до 6.3. За разлика од минатите периоди квалитетот на дебата во Собранието не ја добива минималната потребна оценка (6.0) за да се именува како дебата, стои во Извештајот. Поактивни со вклучување во дискусиите биле пратениците од опозицијата, кои учествувале во 61 отсто од набљудуваните дискусии, додека пратениците од власта учествувале во 39 отсто. Целиот извештај погледнете го ТУКА

Стојаноски: Кога зборувате за оние милијарди и милиони евра, пунктот во Демир Хисар каде што се земаат тестови за болните од Ковид-19 е олицетворение на реалноста

Магдалена Андонова — Fri, 18 Dec 2020 15:47:22 +0000

Јас би сакал да ве прашам една работа, и ве замолувам да ми одговорите во контра репликата, дали оваа слика е вистинита? Ова на вас може ви изгледа како гаража, ама ова е пунктот каде што каде што се земаат тестови за болните од Ковид-19 во Демир Хисар. Е кога ќе зборувате за сите тие милијарди и милиони евра, за тоа што е капитална инвестиција а што не е, оваа слика е олицетворение на реалноста, изјави на денешната собраниска седница, пратеникот од редовите на ВМРО-ДПМНЕ, Бојан Стојановски. Во продолжение може да го погледнете неговиот говор во Собранието.

Пратениците од ВМРО-ДПМНЕ поднесоа 397 амандамни на Предлог буџетот за 2021

Ивона Петрова — Wed, 25 Nov 2020 11:53:29 +0000

Пратеничката група на ВМРО – ДПМНЕ поднесе 397 амандмани на Предлог Буџетот на Република Македонија за 2021 година, коишто, според пратеникот од ВМРО-ДПМНЕ Бојан Стојановски, се однесуваат на најголемите проблеми и предизвици со кои се соочува државата во изминатиот период. -Имено, поднесовме амандмани кои се однесуваат на здравствената криза предизвикана од Ковид 19 за која сме рекордери во црните статистики и негативен пример, како во Европа, така и пошироко. Поднесовме амандмани за бесплатни ПЦР тестови за сите граѓани, како и дополнителни мерки и помош за здравствените работници, но и за градежни зафати за изградба на нови и реновирање на веќе постоечки инфективни одделенија ширум болниците во Република Македонија. Исто така, поднесовме амандмани за обезбедување на средства за помош на другите сектори кои се погодени од оваа криза. Бараме да се обезбедат средства за набавка на компјутери за сите ученици од основното и средното образобание кои не можат да ја следат наставата, како и компјутери за сите наставници и професори во основните и средните училишта, изјави денеска Стојановски во Собранието, каде од вчера во Комисијата за финансирање и буџет се расправа за Предлог-буџетот. Поднеле амандмани, како што дополни, кои се однесуваат на заштитата на животната средина односно амандмани кои што мислиме дека доколку се прифатат ќе дадат голем резултат во решавањето на најгорливиот и повеќедеценискиот проблем во зимските денови односно за намалување на загадувањето на воздухот во Македонија. -Од друга страна, и покрај овие моментално најголеми и најактуелни проблеми со кои се соочуваме сите граѓани во Република Македонија, ние како пратеници на ВМРО-ДПМНЕ, исто така поднесовме голем број на амандани кои се поврзани и се однесуваат на локалните проблеми и барања на граѓаните односно проблеми со кои граѓаните секојдневно се соочуваат. Тука спаѓаат водоводни и канализациони мрежи, локални и регионални патишта, нови градинки, старечки домови и други проекти кои им се неопходни на граѓаните во секојдневното живеење, рече Стојановски. Апелирајќи до пратениците од владејачкото мнозинство да ги прифатат амандманите посочи дека „тие се решение на проблемите со кои се соочуваат граѓаните и државата и претставуваат коректор на Предлог буџетот кој е лош за сите граѓани на Република Македонија. На Предлог државниот буџет за следната година се поднесени 528 амандмани. Покрај од ВМРО-ДПМНЕ, амандмани поднесоа и Алијансата за Албанците и Алтернатива.

Стојаноски: Оваа држава заслужува силна младина

Ристе Здравков — Wed, 24 Jun 2020 15:08:33 +0000

Денеска имавме прекрасна можност да поразговараме со младите луѓе од Ѓорче Петров и да ги претставиме проектите кои ги има во нашата програма со цел да се надминат проблемите со кои тие се соочуваат. Младите луѓе се столбот во оваа држава и ние од ВМРО-ДПМНЕ мислиме дека нашата држава ќе биде силна колку што се силни младите луѓе во нејзе. Изминативе 30 години имаат доста проблеми, a ние сметаме дека со концептот за обнова на државата тие проблеми ќе можеме да ги надминеме. Младите во ВМРО-ДПМНЕ ќе имаат најсериозен сојузник. Ние ќе бидеме тука да разговараме со нив и да им погнеме да ги надминат предизвиците во нивните животи. Имаме безмалку 12 страници во програмата кои се посветени токму на нив и се спомнати преку 172 пати. Тоа значи дека безмалку на секоја страна од програмата на ВМРО-ДПМНЕ младите ќе имаат можност да најдат некој проект кој што ќе им ги олесни нивните животи. Во наредните 20 дена ќе бидеме присутни на терен и ќе разговараме со сите млади луѓе. Оваа држава заслужува силна младина, а овие млади луѓе заслужуваат да живеат во безбедна и просперитетна Република Македонија.

Стојановски: Ѓорче Петров три години заборавено од власта

Ристе Здравков — Fri, 29 May 2020 18:23:40 +0000

Денес се наоѓаме во населеното место Ново Село. Ова е едно место кое што е како и другите во Ѓорче Петров три години заборавено комплетно и апсолутно од сите нивоа на власта. Нема реализирано ниту еден проект, ниту едно ветување не е исполнето. Токму на ова место може да се увиди дека е една од најголемите градски депонии и може да се согледа работењето на СДСМ во Ѓорче Петров на дело. Додека во одреден дел од општината се фалат дека реализирале корзо, улица од отприлика 200-тини метри, која што ќе чини близу половина милион евра, која што е направена само и само да го уреди дворот на градоначалникот и на неговата фамилија која што баш во средината на корзото имаат имот тука се наоѓа депонија која што е голема колку 15 фудбалски игралишта, депонија за која што нема надлежен, градот и општината си ја префрлаат топката, каде што самите камиони на општината ја полнат таа депонија, а никој за тоа не одговара иако има сериозни прекршување на законите. Сакам да кажам дека оваа депонија која што ги труе Ѓорчепетровци и граѓаните на Ново Село брзо ќе биде исчистена, веднаш по обновата на Македонија, ВМРО - ДПМНЕ нема да дозволи вакви проблеми во нашата општина, нема да дозволи да биде познато Ѓорче Петров по тоа што веднаш после Дрисла тука е најголемата градска депонија и навистина ќе почне да реализира проекти што ќе го олеснат животот на граѓаните и во Ѓорче Петров и во Ново Село. Позади мене можете да видите како изгледа работењето на власта на СДСМ во Ѓорче Петров. Фејсбук статус на ВМРО-ДПМНЕ ОК Ѓорче Петров од прес-конференцијата на Бојан Стојановски.

Стојановски: Наумовски и Ацевски шират само лажни вести

Ристе Здравков — Fri, 22 May 2020 19:51:53 +0000

Фотографијава е школски пример за лицемерие и лажни вести ❗ Ги повикувам градоначалникот Наумоски и поранешниот пратеник Ацевски уште утре да отидеме заедно на просторот на депонијата и да провериме до каде се ветувањата што ги дадоа❗ ▶️На лице место да се увериме дали таму постои зелен појас или огромна, масовна депонија од 11 хектари ⁉️ ▶️Да видиме дали ќе се санкционира самиот градоначалник Наумоски за ова дело ⁉️ ▶️Каде завршија потрошените пари за чистењето на депонијата, ако истата воопшто не е допрена ⁉️ На лагите, криминалот и неспособноста им доаѓа крајот. Ѓорче не виде ништо добро од вас. ???‼ Фејсбук статус на Бојан Стојановски од ВМРО-ДПМНЕ

Стојановски: После една година од ветувањето на Заев за Клинички во Ѓорче Петров на локацијата стои само ледина и плацот на градоначалникот

Дарко Андоновски — Sun, 02 Feb 2020 15:03:20 +0000

Зоран Заев и СДСМ повторно ги излажаа граѓаните на Ѓорче Петров, ова денеска преку изјава за медиумите го истакна Бојан Стојановски од ВМРО-ДПМНЕ ОК Ѓорче Петров. -Во недостиг на реализирани проекти, а соочен со лажните ветувања, Зоран Заев вети дека до крајот на 2019-та година ќе се удрат темелите на новиот Клинички центар во Ѓорче Петров, а граѓаните на нашата општина ќе ја добијат најголемата гринфилд инвестиција во Република Македонија. Од таа изјава помина скоро цела година, а изговорите се редеа како на лента, за на крајот да излезе дека ниту геолошките испитувања се завршени, ниту е направена финансиската конструкција за овој проект. На местото каде што е предвиден Клиничкиот центар стои само ледина и плацот на градоначалникот. Оваа мега лага може да конкурира со останатите лаги како 500 км автопати, 30.000 денари плата, 100.000 денари плата за докторите, базен во Ѓорче Петров. Знаејќи го Заев и неговиот карактер нема да не чуди деновиве да излезе и јавно да каже дека градбата е во напредна фаза. Владата предводена од Заев и СДСМ нема реализирано ниту еден проект во Ѓорче Петров во изминатите три години, рече Стојановски. Тој додава дека граѓаните на Ѓорче Петров од СДСМ и Зоран Заев добија само понижување и газење на националното достоинство, промена на име, на Устав и национално обезличување. За да ги затскрие своите криминали, Зоран Заев се обиде да направи чувство во кое човек да ја сака својата земја и да е патриот е на граница на злодело. -Зоран Заев за Ѓорчепетровци е прочитана книга, а на предвремените парламентарни избори на 12-ти април ќе биде жестоко поразен и испратен во историјата. Граѓаните на Ѓорче Петров ќе изберат Обнова на Македонија и општество во кое даденото ветување ќе се исполнува, ветените проекти ќе се реализираат и ќе се штитат националните интереси на Република Македонија, рече Стојановски.

Стојановски: Откако Заев е премиер Општина Ѓорче Петров нема видено ниту една капитална инвестиција

Предраг Кукиќ — Sat, 19 Oct 2019 13:39:24 +0000

Претседателот на ВМРО-ДПМНЕ ОК Ѓорче Петров Бојан Стојановски денеска заедно со комисијата за градежништво, инфраструктура и урбанизам беше во Општина Ѓорче Петров, во населбата Волково за, како што вели, да се види со граѓаните и да се поразговара со нив, да види кои се нивните проблеми и кои се нивните идеи и визии за новата програма на ВМРО-ДПМНЕ. Стојановски потенцира дека откако Зоран Заев е премиер Општина Ѓорче Петров нема видено ниту една капитална инвестиција.