бојан трајковски – Kurir.mk

Трајковски уште две години во дресот на Феникс 2010

Бошко Тасиќ — Sat, 28 May 2022 05:09:00 +0000

Бојан Трајковски и следните две сезони ќе биде дел од кошаркарскиот клуб Феникс 2010 откако официјално беше продолжена соработката. Крилниот центар „виолетово-жолтите“ бои ги облече за вториот дел од сезоната, а оттогаш се наметна како незаменлив дел на младиот состав. На 13 одиграни натпревари тој забележа просек од 20.5 поени, 10.1 скок и 3.2 асистенции.

Бојан Трајковски потпиша за Феникс

Бошко Тасиќ — Thu, 20 Jan 2022 19:36:28 +0000

Македонскиот кошаркарски прволигаш Феникс 2010, денеска го претстави репрезентативецот Бојан Трајковски како големо засилување за продолжението на сезоната. Трајковски доаѓа од редовите на актуелниот лидер Пелистер и јасно е дека ќе ги зголеми амбициите на скопскиот тим, кој по досегашните дванаесет рунди има учинок 6-6. Феникс 2010 го најави дебито на Трајковски во новиот дрес веќе на следниот натпревар против Работнички.

Трајковски: Освоивме прво место во кое никој не веруваше пред стартот на подготовките за овој циклус

Ивона Петрова — Thu, 19 Aug 2021 06:41:45 +0000

Капитенот на македонската кошаркарска репрезентација, Бојан Трајковски е задоволен од исполувањето на целта, пласманот во квалификациите за Светското првенство 2023. – Многу работи треба да се подобрат за понатаму, но сега не е време да се говори за тоа. Освоивме прво место во кое никој не веруваше пред стартот на подготовките за овој циклус. Треба да извлечеме една добра поука. Завршуваме први, работевме на пеколни температури 40 дена. Додека сите беа на одмор, ние бевме тука за репрезентацијата. Сега следат квалификациите, од многу работи и противници ќе зависат тие. Не знаеме кој тогаш ќе игра, кој ќе биде спремен, кој повреден, кој не… Сите кои ќе добиеме повик ќе се сплотиме и се надевам на добар резултат. Оценка од најмладиот до најстариот – сите имаат една „десетка“ за настапите, изјави Трајковски. Покрај Македонците, од „балонот“ во Скопје, во квалификациите се пласираа и Словаците, додека швајцарската репрезентација како третопласирана не успеа да мине во следната фаза.

Трајковски: Додека сите беа на одмор, ние бевме тука за репрезентацијата

Бошко Тасиќ — Wed, 18 Aug 2021 21:49:22 +0000

Капитенот на македонската машка кошаркарска репрезентација во претквалификацискиот циклус за СП 2023, Бојан Трајковски, застана во одбрана на колегите кои летово работеа на пеколни температури за да овозможат настап во квалификациите. „Многу работи треба да се подобрат за понатаму, но сега не е време да се говори за тоа. Треба да извлечеме една добра поука. Освоивме прво место во кое никој не веруваше пред стартот на подготовките за овој циклус. Завршуваме први, работевме на пеколни температури 40 дена. Додека сите беа на одмор, ние бевме тука за репрезентацијата. Сега следат квалификациите, многу работи зависат од противниците, а и не знаеме кој ќе игра тогап, кој ќе биде спремен, кој повреден, кој не… Сите кои ќе добиеме повик, треба да се сплотиме и се надевам на добар резултат. За настапите на овие претквалификации, од најмладиот до најстариот – моја оценка е сите имаат една „десетка“!“, – изјави Трајковски. foto:gol.mk

Трајковски: Секако дека сме задоволни сите од прикажаното

Бошко Тасиќ — Mon, 16 Aug 2021 19:40:09 +0000

Капитенот на машката кошаркарска репрезентација Бојан Трајковски како лидер со одлично второ полувреме ја водеше Македонија до победа над Швајцарија вредна квалификации за Светското првенство (СП) во 2023 година. „Секако дека сме задоволни сите, напорно работевме и испочитувавме се што требаше да испочитуваме. Се бодревме и боревме, сите бевме заедно, на крајот резултатот е во наша корист. Швајцарија е една одлична репрезентација, со години наназад растат како национален тим, така што, на крајот добро е што резултатот заврши во наша полза и се реванширавме“, вели Трајковски. До крајот на квалификациите Македонија има уште еден натпревар, против Словачка, кој се игра за два дена.

Трајковски: Сакаме победа и на следните два натпревари

Бошко Тасиќ — Sun, 15 Aug 2021 07:48:52 +0000

Најдобрата македонска кошаркарска репрезентација издвојува убедлива победа над Словачка (69-47) и со тоа направи значаен исчекор на турнирот што се игра во СЦ „Јане Сандански“.

Ова беше дуел на кој нашата селекција покажа дека поразот од Швајцарија, а капитенот Бојан Трајковски најави дека тимот ќе бара триумфи на истите.

-Се што се случи првиот натпревар, го поправивме во вториот. Тоа што се договаравме да не го правиме, не го правевме. Игравме без нервоза и без грешки и на крајот заслужено победивме. Како што го заборавивме поразот од првиот натпревар, така ќе ја заборавиме и оваа победа. Имаме уште два меча до крај, мора да бидеме внимателни. Се надевам дека ќе завршиме со тој позитивен скор. Секој натпревар е приказна за себе, ќе се обидеме да бидеме подобри со Швајцарија и да не промашуваме зицери. Сакаме победи и на следните два натпревари, -изјави Трајковски кој дуелот со Словаците го заврши како најдобар стрелец со 16 поени,

Македонската машка кошаркарска репрезентација има нов капитен

Бошко Тасиќ — Wed, 11 Aug 2021 20:42:53 +0000

Отсуството на Војдан Стојановски, поради тешка повреда на лигаментите, го принуди селекторот на македонската кошаркарска репрезентација да избере нов капитен во пресрет на претквалификацискиот турнир за пласман на СП 2023, кој од утре до 18 август ќе се одржи во Скопје, а на кој ќе настапат уште Словачка и Швајцарија.

Изборот на падна на највозрасниот во тимот, центарот на Пелистер, Бојан Трајковски, кој воедно има и најдолг репрезентативен стаж од кошаркарите кои во моментов му се на располагање на селекторот Драган Бајиќ. Македонија турнирот ќе го отвори веќе во среда и тоа со пресметка против Швајцарците, за потоа да игра секој втор ден со оглед што трите репрезентации ќе треба да играат по двапати помеѓу себе. Пласман во квалификациската фаза ќе обезбедат двете најдобри селекции на крајот.

Трајковски: Ние од првиот натпревар со Италија па се до оној со Естонија, ќе влеземе максимално подготвени

Бошко Тасиќ — Fri, 12 Feb 2021 18:17:21 +0000

Кошаркарите на нашата репрезентација ги извршуваат последните подготовки во Скопје, пред заминувањето за Перм, а еден од најискусниот во нашиот табор Бојан Трајковски најпрво посака сите кошаркари да бидат здрави и на крајот да се радуваме на успех и пласман на ЕП. „Како што го кажав тоа и претходно, пред патувањето во Естонија, прво сакам на сите во нашиот тим да им посакам здравје, да бидеме сите здрави и живи. Да излеземе сите ‘негативни’ како пред тоа патување во Естонија.Што се однесува до организацијата, мислам дека таа отиде на малку повисоко ниво. Сигурно е дека тој чартер-лет ќе ни биде една многу олеснителна околност. Патувањето нема да трае 24 часа, нема да менуваме аеродроми, еден, два три, каде што ризикот да се заразиме е малку поголем отколку во оваа ситуација со директен лет до Перм. Се надевам дека сите ќе бидеме здрави и живи пред патувањето. Дека ќе направиме добри тренинзи, добри подготовки, па понатака, здравје боже, ќе видиме“, вели искусниот центар. „Непишано правило во спортот е дека секогаш кога се прават некои математики крајниот резултат никогаш не излегувал како што се посакува. Како и да е, ние од првиот натпревар со Италија па се до оној со Естонија, ќе влеземе максимално подготвени. Со сите ќе играме максимално, па здравје боже, ако добиеме еден од првите три натпревари тогаш можеме да направиме некои калкулации да бидеме поодморени, посвежи за тој натпревар со Естонија. Но пак ќе кажам, не зависи се од нас. Може и Естонија да изненади и да победи со Италија или Русија. И на крајот математиките да останат само математики“. Внатрешната линија ќе биде засилена со уште еден натурализиран играч, Џејок Вајли, а свое деби ќе чека и највисокиот во овој актуелен ростер, Теодор Симиќ. „Со Вајли се знаеме доста подобро. Се запознавме со него во претходниот циклус, беше со нас во тој ‘балон’ во Естонија. Му посакувам да биде максимално подготвен, особено по ситуацијата во која влезе со неговиот клуб Гран Канарија во изминатиот период. Пред нас имаме десет дена во кои повторно ќе работиме заедно. Ќе се запознаеме уште подобро. Дечкото е феноменален, како личност, како играч. Ќе ни биде од многу голема помош. Тео, за него е најдобро, за почеток барем, што е тука. За играње, мислам дека нема да има некој поголем простор во Перм. Но најбитно е што е тука, затоа што од високите играчи од оние млади категории, отскокнува во однос на сите други. Се надевам дека ова ќе му биде некоја лекција постепено во годините што следуват, да дојде до она потребно играчко искуство од ваков тип, репрезентативно, и да биде идниот лидер и на сениорскиот национален тим“ Трајковски вели дека секој меч во Перм ќе биде приказна за себе и ветува дека на секој од нив ќе влезат со максимална ангажираност. „Ќе се повторам дека треба добро да се подготвиме во овие десетина дена. Олеснителна околност е што со една организација на повисоко ниво од страна на федерацијата, ни е овозможено чартер лет. Добиваме на време, ќе бидеме одморени во Перм , и таму четири-пет дена да се подготвуваме . Секој натпревар ќе биде приказна сама за себе. Одиме подготвени на секој натпревар. Пак ќе кажам, математики нема да правиме. Се надевам дека сите мои сограчи размислуваат исто како мене за ова. Ќе влеземе максимално во секој меч.Јас сум оптимист, во секој поглед. Дури сум оптимист уште за првиот натпревар на турнирот во Перм, со селекцијата на Италија. Затоа што во претходниот период не бевме комплетни. Затоа што сите овие последни седум-осум години како генерација не бевме комплетни. Се надевам дека сега тоа ќе биде така. И дека ќе дадеме максимум на крајот ќе се радуваме сите заедно, дај боже, на тоа европско првенство“, завршува Трајковски за сајтот на КФСМ. Да подсетиме Македонија ќе го отвори турнирот со Италија на 18 февруари, ден подоцна ќе се сретне со Русија, а потоа ќе има слободен ден и повторно ќе излезе на терен со „азурите“. За крај на 22 февруари следува дуел со Естонија, против која најмногу се надеваме на победа.