бока јуниорс – Kurir.mk

Ривер Плата славеше на гости кај Бока (ВИДЕО)

Бошко Тасиќ — Mon, 02 Oct 2023 04:09:30 +0000

Аргентинското „Супер-класико“ ѝ припадна на екипата на Ривер Плата, која се радуваше на гостувањето кај Бока Јуниорс со 0-2 (0-1). Првото полувреме беше симултанка на Ривер кој лесно излезе на крај со комбинираниот состав на ривалот. Во финишот на полувремето Саломон донесе предност од (0-1), за потоа гостинот да се брани. Доминацијата на Бока беше јалова, па за тоа стигна казната. Премногу отворениот домаќин прими уште еден гол, бидејќи Диаз стави точка на победата во 96. минута (0-2). https://www.youtube.com/watch?v=gZmxBkUZfdE

Едисон Кавани е пред трансфер во Бока Јуниорс

Бошко Тасиќ — Fri, 14 Jul 2023 18:06:29 +0000

Уругвајскиот напаѓач Единсон Кавани е блиску до договор со Бока Јуниорс. Агентот на играчот, Валтер Гуљелмоне, отпатува за Буенос Аирес, каде се сретна со раководството на Бока Јуниорс. Според пишувањата на аргентинските медиуми, остануваат уште неколку детали за комплетирање на трансферот на 36-годишниот ветеран во аргентинскиот гигант, а се очекува да потпише договор на една или две сезони. Кавани, кој е поранешен играч на Наполи, Пари Сен Жермен и Манчестер Јунајтед, минатата сезона забележа 28 настапи во сите натпреварувања за Валенсија, постигнувајќи седум гола и две асистенции. Неговиот договор со „лилјаците“ има важност уште една година, а искусниот фудбалер веќе одбил понуда од Саудиска Арабија.

Бока Јуниорс стана шампион со помош на најголемиот ривал Ривер Плата

Бошко Тасиќ — Mon, 24 Oct 2022 06:43:52 +0000

Бока Јуниорс на неверојатно возбудлив начин ја освои шампионската титула во фудбалското првенство на Аргентина. Во драматична завршница во последното коло, „Ла Бонбоњера“ падна во екстаза, иако Бока Јуниорс одигра само 2:2 против Индепендиенте, а најголемата помош за титулата дојде од најголемиот ривал, Ривер Плата. Бока на крајот заврши со 52 бодови, два повеќе од Расинг, кој во последното коло дома загуби од Ривер Плата со 1:2. Пред последното коло Бока Јуниорс имаше еден бод повеќе од Расинг и со победа дома над Индепендиенте немаше да зависи од никого. Сепак, гостите први дадоа гол, а Бока до полувреме израмни на 1:1. На почетокот на вториот дел, Бока поведе со 2:1 и беше пред освојување на титулата, но во 82. минута гостите шокираа со втор погодок и израмнија на 2:2. Во исто време, Расинг играше 1:1 против Ривер Плата, а во 89. минута беше досуден пенал за домаќините. Сепак, голманот на Ривер Плата успеа да го одбрани пеналот во 90 минута и остана 1:1. До крајот на натпреварот, Ривер Плата постигна и победнички погодок. Така, тие му помогнаа најомразениот ривал да се закити со шампионска титула

ПО ТЕПАЧКАТА: Фудбалерите на Бока преспаа во автобус пред полициска станица

Катерина Бојаџиева — Wed, 21 Jul 2021 17:19:02 +0000

Фудбалерите на аргентинскиот фудбалски гигант Бока Јуниорс ја минаа ноќта во автобус пред полициска станица, откако физички се пресметаа со обезбедувањето на натпреварот од Копа Либертадорес против бразилскиот клуб Атлетико Минеиро. По завршувањето на натпреварот, на кој Атлетико триумфираше по подобро изведување пенали, фудбалерите на Бока револтирани поради поништен гол се степаа пред соблекувалната со членови на обезбедувањето. Поради инцидентот, експедицијата на Бока Јуниорс наместо авионски да се вратии дома, со автобус беше спроведена во полициска станица во Бело Хоризонте. Аргентинскиот амбасадор во Бразил, Даниел Скиола, објави денеска на социјалните мрежи дека фудбалерите на Бока до крајот на денот ќе се вратат дома.

Карлос Тевез ја напушта Бока

Бошко Тасиќ — Sat, 05 Jun 2021 13:06:27 +0000

Напаѓачот на Бока јуниорс, Карлос Тевез изјави дека го напушта клубот иако не успеа да каже дека целосно се повлекува од фудбалот. Тевез, кој освои титула во Премиерлигата со Манчестер Јунајтед и Манчестер Сити и беше шампион во Серија А со Јувентус, и помогна на Бока да освои две титули откако се врати во клубот од Буенос Аирес по трет пат во јануари 2018 година. -Денес е еден од најтажните денови во мојот живот, но јас сум задоволен од мојата одлука. Јас не сум 100% психички подготвен, па чувствувам дека морам да се оддалечам и тоа е она што го правам, изјави Тевез.

ФОТО+ВИДЕО: Сцени од кои солзите не запираат – Бока со посебна чест за Марадона, ќерката не можеше да ја сокрие тагата

Ивона Петрова — Mon, 30 Nov 2020 11:28:35 +0000

Солзи кои се леат како дожд на три различни страни вечра вечерта поради смртта на Диего Марадона. Победи неговата Барселона, неговиот Наполи и на крај на неговата „Ла Бомбоњера“ победи Бока Јуниорс. Ова се сите тимови за кои играше Марадона и кои беа во неговото срце. Бока од него се прости на посебен емотивен начин. Играчите во натпреварот против Њуелс Олд Бојс (уште еден клуб за кој настапуваше Марадона) истрачаа на теренот во ретро дресови од периодот кога тој играл за клубот, а наместо своите го носеа неговото презиме. Капитенот на Њуелс пак носеше посебна капитенска лента со која му оддаде почит на Марадона. Посебно емотивен момент се случил по првиот постигнат гол на Бока кога сите играчи дотрчале до ложата на Марадона од која е спуштен неговиот дрес со број 10 и аплаудирале.

Golazo de Edwin #Cardona y emotivo festejo de cara al palco de Diego. La emoción de @dalmaradona es la emoción de todos. #DiegoEterno. pic.twitter.com/XARnV5Oxms
— Xeneizados (@Xeneizados) November 29, 2020

На неговото посебно место на трибините овој пат седеше неговата ќерка Далма која не можела да ги запре солзите.

¡El momento de la noche! Los jugadores de Boca se acercaron a dedicarle el triunfo ante Newell´s a Dalma Maradona, que vivió el partido en el palco de su padre.#DiegoEterno pic.twitter.com/0XWZgli8jn
— ESPN Argentina (@ESPNArgentina) November 30, 2020

Бока јуниорс ја тужи Барселона

Тале Кристо — Mon, 19 Oct 2020 08:05:34 +0000

Претседателот на Бока јуниорс, Амор Амел објави дека е поведена судска постапка против Барселона, поради трансферот на дефанзивецот Сантијаго Рамос Минго. Трансферот на 18-годишниот Аргентинец се случи во февруари 2020 година. Ние ја тужиме Барселона во врска со случајот Рамос Минго затоа што веруваме дека имаме права. Она што се случи беше варварско и остави многу лош вкус. Постојат работи што не треба да се случуваат. Овој играч имаше потенцијал и огромен талент. Не мислам дека Барселона ќе земе играч кој нема шанси, нели? – вели Амел за „Марка“. Барселона во моментов се соочува со финансиски проблеми и има барање до фудбалерите да се согласат на намалување на платите.

Бока со понуда за Карлос Тевез

Дарко Андоновски — Tue, 23 Jun 2020 14:03:14 +0000

Бока Јуниорс му понуди нов договор на напаѓачот Карлос Тевез до крајот на 2021 година, јавуваат аргентинските медиуми. Триесет и шест-годишниот договор на Тевез со клубот истекува на крајот на месецот. Карлос се пресели во Бока во зима 2018 година, а пред тоа ги бранеше боите на Шангај, Јувентус, Манчестер Сити, Манчестер Јунајтед и други. Во сезоната 2019/20, Тевез одигра 18 натпревари на сите турнири со 9 голови и 2 асистенции.

Навивач не смее да оди на натпревар додека не плати алиментација

Ивона Петрова — Wed, 04 Dec 2019 08:10:11 +0000

Судија од пoкраината Салта во северозападна Аргентина му забрани на еден навивач на Бока Јуниорс да оди на натпревари на неговиот омилен клуб сè додека не ги плати заостанатите алиментации на неговата поранешна сопруга. „Обвинетиот, г. Хуго Федерико Суарез, …Не смее да присуствува на натпреварите на Бока Јуниорс, сè дури тој не ја плати целата сума на заостанатите долгови“, се вели во официјалното соопштение од судот, објавено и од Аргентинската фудбалска федерација. Обвинетиот не плаќал алиментација цела измината година, што ја натера неговата поранешна сопруга да покрене тужба, изјави Силвина Карер, адвокатка вклучена во спорот. – Ова е прва ваква мерка за човек, еден од мнозината коишто не се ни свесни дека децата треба да им бидат пред сè друго, додаде таа

Официјално: Де Роси е фудбалер на Бока Јуниорс (ФОТО)

Ивона Петрова — Fri, 26 Jul 2019 07:03:24 +0000

Бока Јуниорс го објави долгоочекуваниот трансфер и официјално го привлече поранешниот лидер на Рома, Даниеле де Роси. Тој потпиша договор со тимот како слободен агент, откако не е познато колку долго ќе трае соработката. Ветеранот долго време беше поврзуван со аргентинскиот гигант, откако ги преиначи првичните планови за пензија за да заигра на „Ла Бомбонера“. Де Роси ја помина целата своја кариера во „Вечниот град“, но веќе беше непотребен во неговиот омилен тим, откако не му беше предложен нов договор.