боксер – Kurir.mk

ВОЗНЕМИРУВАЧКО ВИДЕО: Млад боксер почина по брутален удар, борбата траеше само 90 секунди

Ивана Ефремовски — Tue, 17 Oct 2023 16:13:11 +0000

Вознемирувачки вести доаѓаат од Бразил. Имено, животот го загуби младиот боксер Жоао Виктор Пења. Тој почина три дена откако за време на натпревар доби тежок удар во лицето. Борбата траеше само 90 секунди, кога младиот Бразилец доби жесток удар во лицето, по што беше нокаутиран. За жал, тоа ја предизвика неговата смрт. -Победникот од борбата би добил 18,5 долари, а поразениот 9,2 долари. За жал, животот на мојот брат беше изгубен за оваа сума, потврди братот на Жоао Виктор Пења на неговиот погреб.

Rapaz morre após ser nocauteado em evento amador de luta no Ceará. João Victor Penha, de 23 anos, foi atingido com um soco na região da cabeça em uma luta amadora no último sábado (7). Um vídeo que nas redes sociais mostra o momento do combate. As imagens são fortes.#MMA pic.twitter.com/wiJg3DALNh
— Negócio de Luta (@negociodeluta) October 13, 2023

Mомчето кое го претепало познат боксер на сплав во Белград е во кома: Му го скршил черепот, има само 50 отсто шанси да преживее – безбедносните камери забележале сѐ (ВИДЕО)

Ристе Здравков — Thu, 06 Jul 2023 18:56:00 +0000

М.В., момчето на кое боксерот Петар М. (39) му го скршил черепот, односно се обидел да го убие на еден познат белградски сплав е во кома. „Повреденото момче е во кома, шансите да преживее се 50 отсто, а и доколку преживее прашање е во каква здравствена состојба ќе биде“, изјавил соговорник на истрагата за српските меиуми. Безбедносните камери на сплавот го забележале моментот во којшто боксерот му приоѓа на момчето и почнува да се тепа. Како што се гледа од видеото од надзорните камери, три момчиња стоеле на мостот кога Петар М. се залетал кон нив и двапати со тупаница во глава удрил едно од нив, а потоа почнува кавгата. Потоа почнал да го удира другото момче кое се обидувало да ги раздвои, при што го соборил на под и паднал над него. Третото момче кое се наоѓало на мостот постојано се обидувало да го раздвои боксерот од останатите момчиња, но Петар протрчал покрај него и продолжил да го тепа момчето кое го нападнал прв. Секојпат кога момчето ќе се ослободело, боксерот би отишол по него и би продолжил со тупаници да го удира по главата.

pic.twitter.com/PmPszXSwMJ
— Video clips (@_Clip_rs) July 4, 2023

Сослушан во Вишото јавно обвинителство Во Вишото јавно обвинителство во Белград бил сослушан Петар М. (39) поради сомнеж дека на 1 јули годинава како работник на обезбедување во еден белградски сплав со безобѕирно и насилничко однесување се обидел да го лиши од живот М.В. додека на С.В. му нанел полесни телесни повреди. Осомничениот на сослушувањето се бранел со молчење, односно го користел своето законско право да не ја изнесува одбраната. По сослушувањето обвинителството му предложил на судијата за претходна постапка при Вишиот суд во Белград да му одредат притвор од сите законски причини, поради опасност од бегство, да не влијае на сведоците, да не повтори кривично дело во краток временски период, како и поради вознемирување на јавноста. Осомничениот се товари за кривично дело тешко убиство во обид Постои сомнеж дека на 1 јули околу 00:40 часот пред влезот на сплавот на Савскиот кеј, прво работникот на обезбедувањето М.К. влегол во кавга со М.В. и С.В. во која исто така работник од обезбедувањето Петар М. се вклучил, па од непознати причини почнал со тупаници да ги удира оштетените во пределот на главата и телото. М.В. се обидел да бега, но Петар М., како што постои сомнеж, продолжил да го удира, по што оштетениот паднал, а Петар М. му задал уште еден удар во пределот на главата со тупаница, нанесувајќи му тешки телесни повреди опасни по живот во вид на скршеница на черепот, со крвавење меѓу мозокот и черепот. Додека М.В. останал да лежи, Петар М. продолжил да го удира С.В. со тупаници во пределот на главата и телото, нанесувајќи му полесни телесни повреди, по што обвинетиот го напуштил местото.

Ова е боксерот од Црна Гора фатен со 22 тони кокаин: Беше “ѕвер“ во рингот, а сега се соочува со доживотен затвор

Ивана Ефремовски — Tue, 01 Nov 2022 06:27:15 +0000

Американското Министерство за правда во понеделникот обвини поранешен боксер во тешка категорија од Црна Гора за шверц на 22 тони кокаин во вредност од над 1 милијарда долари, од кои повеќето биле дел од една од најголемите заплени на кокаин во историјата на САД. Во прашање е црногорскиот боксер Горан Гогиќ (42). Иако е роден во Пљевље, Горан со години играше за Германија. Во текот на својата 11-годишна кариера забележа 21 победа, четири порази и две нерешени. Кариерата ја заврши во 2012 година и оттогаш до денес живееше затскриено, па малку се знае за неговиот живот по боксерската кариера. Тој повторно се најде во центарот на вниманието по вчерашното апсење на аеродромот во Мајами, кога се обиде да отпатува за Цирих. -Обвинителството соопшти дека превезувале кокаин од Колумбија преку американските пристаништа, пишува Ројтерс. Според медиумите, црногорскиот боксер се занимавал со логистика. Доколку биде осуден, му се заканува доживотен затвор. Најмалку осум члена се изјаснија за виновни по обвиненијата. Обвинителот тврди дека апсењето на Гогиќ е голема победа за американското правосудство.

15 наоружени лица нападнале БОКСЕР: Тоа им била животна грешка – паѓале како круши! (ВИДЕО)

Тале Кристо — Thu, 25 Aug 2022 10:23:27 +0000

Иако роден во Кувајт, Мухамед Фадел Дубоа боксерската кариера ја градел под знамето на Ирска. Позади семе има многу борби во рингот, но најголемата ја имал на улица. Дубоа се присети на настанот од пред седум години. Како турист престојувал во Итанбул. Во момент кога на позната инстамбулска улица посакал од фижидер од продавница да земе шише вода, се случи наеднаш на испопаѓат повеќе шишиња. Сопственикот на продавницата изреволтиран од тоа, тргнал со дрво на боксерот и така предизвикал тепачка која траела неколку минути. Дубоа наеднаш се најде опкружен од поголема група на луѓе која застана во одбрана на сопственикот на продавницата. Поранешниот боксер им се спротистави на групата, така што првиот напаѓач го нокаутирал. После тоа, го напаѓаат уште двајца, едниот со стол, другиот со дрвен предмет. Меѓутоа не успеаја да го соборат.

Retired #Irish #Boxing Beast Eliminates 15 Armed Turks Like A Real Life Action Hero#KO #knockout #ufc #mma pic.twitter.com/eJU3Djv1hX
— Fight Haven (@FightHaven) September 16, 2021

Откако видеото беше објавено на интернет, Дубоа веднаш вил уапсен од турската полиција, обвинет за напад и тешки телесни повреди.На судењето рекол дека само се бранел. -Кога шишињата падна, човекот од продавницата се обиде да ме удри со дрвен предмет. Бев збунет. Потоа други тргнаа на мене. Еден од нив се обиде да ме избоди со нож во грбот. Знаев дека ќе бидам готов доколку паднам на земја. Турскиот судија го ослободи Дубоа од сите обвиненија поради самоодбрана, додека сопственикот на продавницата беше осуден на 3.5 години затвор кои во меѓувреме и ги одлежал.

Како последица на коронавирусот почина кикбоксер кој бил антиваксер

Магдалена Андонова — Wed, 22 Dec 2021 10:33:09 +0000

Белгискиот кикбоксер Фредерик Синистра почина како последица на коронавирусот во 42-та година од животот. Синистра не бил вакцинира, коронавирусот го сметал за мал вирус и се борел против владините мерки, открил неговиот тренер Осман Јигин за белгискиот лист „ЗудИнфо“. Јигин беше тој што го натерал Синистра да оди во болница кога се заразил со коронавирусот кон крајот на ноември. Кикбоксерот од болница објавил неколку фотоградии и видеа на кои лежи во болнички кревет и тешко дише. Подоцна на лична одговорност ја напуштил болницата, одлучил сам да се лечи и неколку дена потоа починал во својот дом. - Ќе се вратам илјада пати појак, напишал во својата последна објава на 13 Декември, а три дена подоцна починал. Зад себе остаил сопруга и двете деца.

ЗАВРШЕНА АУКЦИЈАТА: Цртежите на Мухамед Али продадени за речиси 1 милион, „Бодам како пчела“ го надмина проценетиот износ

Ивона Петрова — Wed, 06 Oct 2021 09:39:02 +0000

Ретка колекција цртежи, скици и слики од боксерскиот шампион Мухамед Али, беше продадена на аукција за речиси милион американски долари. Според Би-би-си, на наддавањето во „Бонам’с“ биле понудени 26 уметнички дела. Едно од најочекуваните дела, „Бодам како пчела“, се продаде за 425.000 долари, што е 10 пати повеќе од проценката пред продажбата, според њујоршката аукциска куќа. Мухамед Али важи за еден од најголемите американски спортисти, активисти и поети, но неговите уметнички дарби се помалку познати. Тој, според наводите, цел живот сликал со поддршка на неговиот татко, кој бил професионален уметник. – Мухамед Али беше културна икона што дефинираше цела една генерација. Неговите уметнички дела ги прикажуваат оние теми што се нему блиски – боксот, граѓанските права, религијата, светскиот мир и хуманитарната работа, рече директорката на одделот за поп-култура во „Бонам’с“, Хелен Хол. Делата беа ставени на аукција од колекционерот и пријател на Али – Родни Хилтон Браун, кој рече дека Али ги нацртал своите први три слики по борбата во Бостон, 1977 година. Вкупната вредност на сликите достигна 945.524 долари.

Почина Лион Спинкс, човекот кој го победи Мухамед Али и го испрати во пензија

Магдалена Андонова — Sun, 07 Feb 2021 08:20:26 +0000

Легендата на боксот Лион Спинкс почина на 67-годишна возраст во градот Хендерсон, Невада, по долги години борба против ракот на простата, изјави семејниот пријател Џо Бернал. Спинкс стана планетарно познат кога во 1978 година со одлука на судиите го совлада тогаш непобедливиот Мухамед Али (1942-2016) и ја освои титулата во категорија во супертешка категорија, во натпревар кој важи за еден од најголемите во историјата на боксот , Објави УСА Тудеј. Друг голем шампион, Џорџ Форман (72), за американски весник изјавил дека ставањето на Спинкс во рингот со Али се сметало за шега во тоа време. - Луѓето размислуваа - зошто, од сите луѓе, би го ставиле Спинкс во рингот со Али, човек кој има толку кратка боксерска кариера? Но, тој го претепа од глава до пети, дури и Али беше изненаден. Спинкс беше вистински и заслужи место во историјата на боксерските шампиони, рече Форман. Спинкс освоил бројни награди во текот на неговата кариера, а една од нив бил златен медал на Олимписките игри во 1976 година. Во кариерата имал 46 борби, победил 26 пати, од кои 14 пати со технички нокаут, загубил 17 пати, а имал и три ремија. Тој е познат и по тоа што го испрати Алија да се пензионира (иако Али боксуваше по уште два меча), а Спинкс се повлече на 42-годишна возраст, по борбата со Фред Хоуп во 1995 година. Спинкс е вториот човек кој е светски шампион во бокс и борење, бидејќи титулата во овој спорт ја освои и во 1992 година.

Почина таткото на славниот актер- познатиот боксер се прослави со оваа борба која ја памети целиот свет (ВИДЕО)

Дарко Андоновски — Thu, 16 Jan 2020 08:47:04 +0000

Роки Џонсон таткото на легендарниот Двејн Џонсон кој беше познат борач почина во средата на 75 годишна возраст, пренесуваат светските медиуми. Тој започнал да се бори во 1964-та година работејќи на тоа да стане најпозната ѕвезда во САД. Неговата најпозната борба во рингот беше во 1989 година кога го совлада Тони Атлас во натпреварот без дисквалификација и го освоие шампионатот на WWF. Тој се запиша и во историјата како прв Афроамериканец кој што добил ваква престижна титула.

I am so sorry to hear of the passing of the great Rocky Johnson. Always a gentleman, I always enjoyed talking with him. My deepest condolences to his family, friends, and the fans who loved him. A very sad day for wrestling.#RIPRockyJohnson pic.twitter.com/4agKbOzAry
— Mick Foley (@RealMickFoley) January 15, 2020

R.I.P. Rocky Johnson Thoughts and prayers to the family
— Bruce Prichard (@bruceprichard) January 15, 2020

Македонскиот боксер Гоце Јаневски обезбеди бронзен медал на Балканското првенство во Анталија

Тале Кристо — Wed, 11 Dec 2019 20:53:14 +0000

Македонскиот репрезентативец Гоце Јаневски го победи Србинот Филип Џиниќ во четвртфиналето на Балканскио тшампионат во Турција со 3:2 во категоријата до 75 килограми. Со оваа победа Јаневски обезбеди најмалку бронзен медал. Во полуфиналето тој ќе се сретне со Бесарт Пирева од Косово кој настапи на Златен Гонг 2019. Оваа борба е закажана за петок. Вториот македонски претставник Арсим Етеми загуби од Бирол Ајгун од Турција со 5:0 и го заврши настапот на шампионатот. Утре својата борба од четврфиналето ќе ја има Јасин Љама кој се среќава со Романецот Георге Думитреску во категоријата до 63 килограми.

Трагедија: Почина млад боксер откако доби серија нокаути (ВИДЕО)

Ивана Ефремовски — Sun, 22 Sep 2019 09:20:33 +0000

21-годишниот боксер Исус Величков почина за време на меч на турнирот „Скадар боксинг најт“ во Скадар, пишуваат албанските медиуми. Бугаринот боксирал против домашниот боксер Ардит Мурја, кога во петтата рунда примил неколку удари и паднал. Величков паднал во бесознание, а медицинските екипи се обиделе да го освестат, но безуспешно. Боксерот бил пренесен во болница, но лекарите не успеале да го вратат во живот. Според првичните информации, Величков починал од срцев удар.