боксери – Kurir.mk

Британските боксери го бојкотираат СП

Ивана Ефремовски — Wed, 05 Apr 2023 20:00:25 +0000

Британските боксери нема да учествуваат на Светското првенство во аматерски бокс кое од 30 април до 14 мај ќе се одржи во главниот град на Узбекистан, Ташкент. Ова доаѓа откако британската Боксерска федерација (ГБ Боксинг) претходно го бојкотираше и женското Светско првенство кое минатиот месец се одржа во Индија. „Нашата одлука ја одразува постојаната загриженост за иднината на боксот во олимписката програма и неодамнешната одлука на ИБА да им дозволи на боксерите од Русија и Белорусија да се натпреваруваат под национални обележја, што е во спротивност со ставот на МОК за настапите на спортисти од овие земји“, објави ГБ Боксинг. Во соопштението се изразува осуда на руската инвазија врз Украина и солидарност со украинскиот народ, како и боксерите, тренерите и официјалните претставници на боксерскиот спорт во Украина. Британската страна, притоа, најави дека ќе учествува на Европските игри во Полска, кои се официјален квалификациски турнир за Олимпијадата идната година во Париз. (МИА)

Македонските боксери ги добија противниците на Европското првенство

Ивана Ефремовски — Fri, 13 Nov 2020 20:19:51 +0000

Тројцата македонски боксери кои ќе настапат на Европското првенство за младинци во Будва ги дознаа првите противници. Илхан Озмен ќе го прескокне првото коло согласно епилогот од ждрепката, а во второто коло во категоријата 64 кг, ќе ги вкрсти ракавиците со подобриот од мечот меѓу Романецот Висентиу и Ерменецот Галустјан. Ајхан Озмен во категоријата 75кг, за противник го доби Сантијаго Селимај од Албанија, оваа борба е на програмата во недела. Ардијан Аземи во категоријата 91 кг, за противник во првото коло го има Јакуб Стражевски од Полска, оваа борба е на програмата утре. Европското првенство почнува утре, 14 ноември 2020. (МИА)

Македонија со три боксери и еден судија на Балканското првенство во Анталија

Ивона Петрова — Wed, 11 Dec 2019 07:46:35 +0000

Македонската боскерска репрезентација од денеска до недела ќе настапи на Балканското првенство во Анталија, Турција. Репрезентација е во состав, Јасин Љама ,Гоце Јанески и Арсим Етеми. Водач и тренер на екипата е Скендер Јахиу. Љама ќе настапи во категоријата 69 кг, Јанески во 75кг и Етеми во 81 кг. Овие тројца наши боксери настапија на Европското првенство во Минск оваа година. Покрај тројцата боксери на шампионатот ќе настапи и Стефан Цубалевски, тој ќе биде наш претставник кај судиите на Балканското првенство. Ждрепката е денеска во 12 часот по локално време.