боксирач – Kurir.mk

Приведен 18 годишник од Тетово: Кај него полицијата нашла боксирач, лицето немало ни документи за идентификација

Магдалена Андонова — Wed, 23 Feb 2022 11:32:43 +0000

На 23.02.2022 околу 00.20 часот во централното подрачје на Тетово, полициски службеници на СВР Тетово го привеле 18-годишниот тетовец В.Л., кој не поседувал документи за идентификација и кај кого бил пронајден метален боксирач. Тој е задржан во Полициската станица Тетово и по целосно документирање на случајот ќе му биде изготвен поднесок по член 80 од Законот за оружје.

Младо момче уапсено, еве што најде полицијата во неговото возило

Ивана Ефремовски — Tue, 08 Sep 2020 14:31:52 +0000

На 07.09.2020 во 23:00 часот на регионалниот пат Тетово-Јажинце, во с.Глоѓи, полициски службеници од Полициското одделение Теарце го лишиле од слобода А.М.(20) од с.Слатино , тетовско, поради тоа што при контрола на возилото „ауди“, што го управувал бил пронајден нож и еден „боксирач“. Тој бил приведен во полициска станица и против него ќе биде изготвен соодветен поднесок.

ХАОС ЕДЕН ЧАС ПО ДОАЃАЊЕТО НА ВЕЛИГДЕН: Ги поканил на семејна веселба, се појавиле со ловечка пушка и боксирач

Дарко Андоновски — Sun, 19 Apr 2020 11:47:09 +0000

Утрово околу 01,00 часот во скопското село Долно Соње, во куќа на ул.12. сопственост на П.К. (56) од Скопје, каде што претходно имало семејна веселба, се случил инцидент во кој биле употребени ловечка пушка и боксирач. Од МВР денеска информираат дека во куќата во село Долно Соње дошле лицата М.М. (27) и С. Т (24), кои од страна на сопственикот биле поканети и по кусо време заминале. Но набргу пак се вратиле при што С.Т. со себе носел ловечка пушка, а пак М.М. боксирач. – Влегле во дворот на куќата при што М.М. го нападнал Б.К. (27) инаку син на сопственикот на куќата, а пак С.Т. испукал еден проектил во правец на неколку лица. Во тој момент лицето Н.К. ја фатил пушката што била во рацете на С.Т. по што вториот проектил бил испукан во воздух. По ова М.М. и С.Т. го напуштиле местото на настанот, се појаснува во соопштението од МВР. Веднаш по известувањето на полицијата на местото на настанот се упатиле припадници на ЕБР и полициски службеници од полициската станица Кисела Вода, а лицата М.М. и С.Т. се пронајдени и приведени во станица за понатамошна постапка. Се работи на целосно расчистување на случајот.

Електрошок и боксирач пронајдени кај малолетници во „57“

Ивона Петрова — Thu, 20 Feb 2020 10:48:09 +0000

На 19.02.2020 во 13.10 часот, полициски службеници од СВР Скопје, по претходна пријава за нарушен јавен ред и мир во автобус на ЈСП бр.57, на ул.„Александар Урдаревски“, кај двајца малолетници на возраст од 16 години од Скопје пронашле електрошок и боксирач, информира МВР. По документирање на случајот, против нив ќе биде поднесен соодветен поднесок.