болест – Kurir.mk

ПРВПАТ ВО ЈАВНОСТА ОТКАКО И БЕШЕ ДИЈАГНОСТИЦИРАНА БОЛЕСТА – еве како изгледа славната пејачка, една промена неа со сигурност ќе забележите (ФОТО)

Дарко Андоновски — Thu, 02 Nov 2023 12:21:08 +0000

Популарната пејачка Селин Дион се соочува со сериозни здравствени проблеми, поради што мораше да ги откаже сите работни обврски. Селин Дион јавно откри дека ѝ е дијагностициран синдром на вкочанета личност (SPS), а во мај минатата година им се обрати на своите фанови и објави дека има големи шанси никогаш повеќе да не настапи. Поради оваа ретка болест, таа страда од силни болки и грчеви, што резултираше со откажување на турнејата. По откажувањето на турнејата, Селин Дион речиси и не се појавуваше во јавноста. Меѓутоа, сега се објавени нејзини фотографии од хокеј натпревар во Лас Вегас, каде пејачката навивала за родниот Монтреал.

View this post on Instagram

A post shared by chantalmachabee (@chantalmachabee)

„Одлична посетеност на нашиот натпревар во Вегас вчера. Ти благодариме Селин Дион за твојата великодушност. Целиот тим е многу среќен што те запозна тебе и твоето семејство“, соопшти канадскиот тим заедно со фотографии со пејачката. Судејќи по фотографиите, Селин Дион била добро расположена, а фановите се надеваат дека овие фотографии се показател дека пејачката успешно закрепнува.

View this post on Instagram

A post shared by Céline Dion (@celinedion)

„Парите не беа проблем, но немаше лек“: Сања Маринковиќ проговори за големата загуба, со таа болка живее секој ден

Ивана Ефремовски — Tue, 17 Oct 2023 13:13:24 +0000

Водителката Сања Маринковиќ на крајот на 2020-та година се соочи со страшна загуба, по која нејзиниот живот никогаш повеќе нема да биде ист. По само осум недели борба со опасна болест, починал нејзиниот татко, за кого била исклучително приврзана. Кога го ставиле на апаратите за одржување во живот, тоа остави голема празнина во срцето на Сања. -Има и рани кои никогаш нема да заздрават, кога татко ми почина на крајот на годината. Никој никогаш нема да го исполни тоа место во моето срце. Секогаш ми е навистина тешко да зборувам за тоа бидејќи се случи навистина ненадејно, буквално преку ноќ. Во моментот кога ја слушнав дијагнозата се онесвестив, но бев доволно присебна да не му кажам дека му останале само уште два месеци, раскажала Сања во емисијата „Премиера – викенд специјал“ и открила како се обидувала да му помогне на својот татко на секој можен начин да заздрави. -Замина, а не ни знаеше од што е болен. Му кажав сè, татко ми беше секогаш тука за брат ми и мене, што и да ми требаше, татко ми беше секогаш таму. Нема клиника на која не пишавме, парите не беа проблем, но за жал, немаше лек, открила Маринковиќ на која татко и и недостасува секој ден, особено за време на празниците. -За време на празниците ми недостасуваат оние кои засекогаш го напуштија моето семејство. Татко ми како добар домаќин, беше задолжен да ги почитува традициите и сите обичаи, а мајка ми секогаш се потпираше на неговата жртва. Секој ден се повеќе ни недостига, а не е точно дека времето лечи рани во срцето и душата, напротив, изјавила Сања за „Пинк“.

МОЌТА НА МАЈКАТА: Таа навистина чувствува кога нејзиното дете е болно

Ивана Ефремовски — Tue, 10 Oct 2023 11:37:43 +0000

Кога мајката се сомнева дека нејзиното дете е болно, таа обично е во право, покажува студија на Универзитетот во Тексас - затоа лекарите им кажуваат на мајките да им веруваат на своите инстинкти. -Причината за ова е големата поврзаност помеѓу родителите и децата. Родителите лесно можат да препознаат промена во однесувањето на нивните деца, објасни Метју Томпсон, раководител на студијата. Воспалението на дишните патишта е една од најчестите болести за кои родителите бараат лекарска помош, а дури и првите знаци Доколку детето е бледо или кожата има сивкав тон, најдобро е да посетите лекар, а помага и мерење на пулсот на рачниот зглоб. Просечниот број на отчукувања во минута во предучилишна возраст е од 80 до 100 отчукувања. Забрзувањето на овој ритам може да укаже на променета здравствена состојба. Не треба да ја отстранувате малку покачената температура, бидејќи тоа е само знак дека телото се бори со инфекција. Најчести причини за треска се вирусни или бактериски инфекции и никнување на забите. Малите деца често ставаат играчки во устата и на тој начин внесуваат бактерии. Меѓутоа, ако дете под три месеци има температура над 38 степени, треба да се однесе на лекар. Постојано плачење, силно будење, болки во стомакот се исто така алармантни знаци.

Важни совети за родителите од познат педијатар: Не правете ги ОВИЕ 5 грешки кога вашето дете е болно

Ивана Ефремовски — Wed, 06 Sep 2023 11:33:32 +0000

„Како и секој родител, знам колку е тешко да се грижиш за дете кое се разболело. Тоа вклучува жестока мешавина на емоции: страв, љубов, збунетост и тага. А кога вашето дете е болно, последното нешто треба да бидете преплавени со конфликтни емоции, информации или несакани совети. Само сакате тие да се чувствуваат подобро“, пишува педијатарот Кели Фрејдин, мајка на две деца и автор на прирачник за родителство. Во напис за порталот CNBC, Фрејдин, која е педијатар со диплома од Харвард, но и мајка на две деца, на родителите им дал пет практични упатства за моментите кога нивните деца ќе се заразат со еден од вообичаените вируси. Таа рече дека никогаш не ги прави овие пет работи кога нејзините деца се болни: 1. Ако имаат температура, но спијат, никогаш не ги будам за да им дадам лекови Спиењето е важно за заздравување, закрепнување и раст, а може да биде тешко да го натерате детето да заспие ако кашла или носот е затнат и тоа го држи будно. Иако можеби сте исплашени затоа што вашето дете има температура, ако му е удобно и се одмара, тоа не е итен случај што бара итно лекување. И ако ги оставите да се одморат, можно е нивниот имунолошки систем подобро да ја заврши својата работа и да помогне во борбата против вирусот. 2. Никогаш не се двоумам да им дадам антипиретици ако изгледаат лошо Ако вашето дете има треска и дише побрзо и потешко од вообичаеното, пие помалку течности или има проблеми со спиењето, не би се двоумела да дадам широко користени, безбедни и ефективни лекови за ублажување на симптомите како што е ибупрофен. Но, ако откриете дека ги земате овие лекови три или четири пати на ден, повеќе од три дена, време е да посетите лекар. 3. Никогаш не правам проценка на состојбата врз основа на температурата на термометарот Термометарот не е секогаш најточниот инструмент. Добив многу панични повици од родители кои видоа голем број како 40! Но, добро погледнете го вашето дете пред да почнете да паничите. Ако тие дејствуваат и се чувствуваат нормално, дишат нормално и се добро хидрирани, веројатно не е итен случај. Меѓутоа, ако изгледаат многу болни и вашиот термометар не покажува температура, можеби сепак ќе им треба лекарска помош, пишува Фројдин за CNBC. 4. Никогаш не користам ништо за ублажување на кашлицата освен мед Лековите за кашлица можат да направат повеќе штета отколку корист, а Американската академија за педијатрија препорачува да не се користат. Сирупите за кашлица со многу лекови во еден производ може да го зголемат ризикот од грешки при лекувањето. За деца постари од една година користам само мед или сируп против кашлица со мед како главна состојка. Се покажа дека делува исто како и другите лекови, но со помалку ризици. 5. Никогаш не дозирам лек на лажички Речиси 700.000 деца одат на лекар секоја година поради лекарски грешки. Малите деца се изложени на најголем ризик затоа што често се грижат за нив неколку луѓе кои можеби не се сеќаваат секогаш да проверат кој каков лек им дал и кога, иако се обидуваат. Исто така, употребата на течни лекови понекогаш е сложена. Дозите за деца се разликуваат според возраста и тежината. Лажиците се со различни големини, а чајните лажици често се мешаат со лажици за супа. Од безбедносни причини, секогаш давам информации за дозирањето во милилитри за да бидам попрецизна и да спречам потенцијални грешки.

ГИ МОЛЕШЕ ДОКТОРИТЕ ДА НЕ УМРЕ ОД РАК: Лепа Брена итно оперирана откако и било соопштено дека има мутиран ген!

Дарко Андоновски — Tue, 11 Jul 2023 16:13:19 +0000

Пејачката Лепа Брена не сака да ги открива приватните проблеми, но открила дека се соочила со здраствен проблем, поради кој морала да оди на итна операција. Имено, Брена признала низ што морала да помине. „Имав сериозна операција на циста на јајникот во 2010 година. Мојот доктор Саша Љубиќ ми кажа да го направам тој познат БРЦ тест, кој покажа дека имам мутиран ген и големи шанси да добијам рак на дојката. Тумор маркерот ми беше доста зголемен и итно заминав на операција на циста на јајникот“ – рекла пејачката пред неколку години. „Едно два дена не можев да го кажам мојот број на телефон, бидејќи бев во шок. Имав таков страв дека нема да ги изнесам децата на пат, дека сешто може да се случи. Ужасни слики ми поминуваа низ глава. Сепак, најдобро е да ги прифатите тешките моменти на време и да знаете како да се борите со нив и да не бегате од проблемот“ – рекла Брена, која во тој момент подготвувала два солистички проблеми, но молчела за ова за да не ги вознемири луѓето кои работеле со неа. Сепак, со пријателите и семејството споделила се она што ја мачело, а болеста на Лепа Брена ги вознемирило и нив.

„Таа плачеше секој ден. Го молеле докторот да ја спаси, му велеше дека не сака да умре од рак… Низ глава и поминуваа разни мисли. Ние ја тешевме колку можевме“ – изјавила нејзина блиска пријателка.

Брус Вилис првпат виден во јавноста по објавата за болеста ФТД

Ивона Петрова — Fri, 03 Mar 2023 13:05:37 +0000

Глумецот Брус Вилис е првпат виден во јавноста откако неговото семејство минатиот месец објави дека му е дијагностицирана болеста фронтотемпорална деменција (ФТД). „Уште од објавувањето на дијагнозата на афазија во пролетта 2022 година, состојбата на Брус се избиструваше и сега имаме поконкретна дијагноза - ФТД. За жал, проблемите со комуникацијата се само еден од симптомите на болеста со која Брус се соочува. Иако ова е болно, вистинско олеснување е конечно да се има точната дијагноза“, се вели во известувањето на семејството. Познатиот актер, според последните наводи, вчера го минал денот со двајца пријатели, во пекарница и на прошетка во Санта Моника, Калифорнија, САД. Но, и покрај болеста, неименуван извор за „Дејли мејл“ тврди дека Брус сè уште го препознава гласот на поранешната сопруга Деми Мур. - Деми е во постојан контакт со Брус. Таа ја користи секоја слободна можност да го мине времето со него. Ако не е со него, тој ја повикува да го слушне нејзиниот глас, сведочи неименуваниот пријател. За жал, се чини, Брус не може многу да зборува и малку разбира од она што му го говорат, според наводите.

Оваа замена за шеќер е поштетна отколку што мислите, популарниот засладувач може да предизвика мозочен и срцев удар

Ивана Ефремовски — Tue, 28 Feb 2023 19:34:51 +0000

Замена за шеќер наречен еритритол е поврзана со згрутчување на крвта, мозочен удар, срцев удар и смрт, покажува новото истражување, пренесува CNN. „Степенот на ризик не е скромен“, вели водечкиот автор на студијата, д-р Стенли Хејзен, директор на Центарот за кардиоваскуларна дијагноза и превенција на Институтот за истражување Лернер на Клиниката во Кливленд. Луѓето со постоечки фактори на ризик за срцеви заболувања, како што е дијабетесот, имале двојно поголема веројатност да доживеат срцев удар или мозочен удар доколку имаат највисоки нивоа на еритритол во крвта, наведува студијата објавена вчера во магазинот Nature Medicine. „Доколку нивото на еритритол во крвта беше на врвот од 25% во споредба со долните 25%, имаше околу двапати поголем ризик од срцев удар и мозочен удар. Тоа е на исто ниво со најсилните фактори на срцевиот ризик, како што е дијабетесот“, рече Хазен. Побрзо згрутчување на крвта Дополнителни лабораториски и животински студии презентирани во трудот открија дека еритритолот предизвикува побрзо згрутчување на крвта. Згрутчувањето може да патува до срцето и да предизвика срцев удар или до мозокот и да предизвика мозочен удар. „Се чини дека постои ризик од згрутчување на крвта со употребата на еритритол“, рече Фримен. „Очигледно се потребни повеќе истражувања, но можеби има смисла да се ограничи еритритолот во исхраната засега.

Се лекувате од настинка, а сепак не се чувствувате добро? Можеби ги правите ОВИЕ грешки

Ивана Ефремовски — Wed, 22 Feb 2023 14:20:07 +0000

Настинката обично трае меѓу три и шест дена, но понекогаш трае многу подолго ако не направите сè како што треба за да се подобрите. Ако го имате овој проблем, постои можност да правите една од овие грешки. 1. Не се одморате доволно Спиењето е една од најважните работи кога станува збор за закрепнување. Спиењето му помага на имунолошкиот систем да работи правилно. Кога ќе настинете, ви треба повеќе сон и одмор за вашето тело да може да се бори против вирусите и да ви помогне да станете подобри. Првите три дена, од појавата на првите симптоми, одморете повеќе. Дополнително, и кога сте здрави, ако сте ненаспани и уморни, полесно ќе настинете бидејќи имунитетот ви е слаб, а со тоа и телото е поподложно на болести. Според едно истражување, луѓето кои спијат помалку од седум часа се речиси три пати посклони на болести од оние кои имаат редовен и квалитетен сон. 2. Не пиете доволно течности За време на настинка, телото често дехидрира, па затоа е неопходно да се внесува што повеќе течност. Без разлика дали се работи за супи, вода или чаеви, неопходно е да се хидрира телото. Може да имате болки во грлото, што ќе го отежне голтањето дури и обична вода. Исто така, покачената температура го забрзува трошењето на влагата од телото како и зголеменото производство на слуз. Затоа е многу важно да пиете повеќе течности од вообичаено. Совет е да се воздржите од кофеин и алкохол за време на настинка бидејќи тие доведуваат и до дехидрација. 3. Под стрес сте Сите знаеме дека стресот лошо влијае на имунитетот, па така е иста ситуација кога сте настинати. Поради изложеноста на стрес, телото не може да се бори со настинките како што треба. Кога сте под голем стрес, поголема е веројатноста да се разболите, а ако веќе сте болни, процесот на закрепнување ќе биде многу побавен. 4. Не станува збор за настинка Во случај на настинка и вирус, симптомите често се преклопуваат и се многу слични. На пример, мислите дека сте настинати, имате одредени симптоми, но колку и да земате лекови, тоа никогаш не поминува, бидејќи вие сте всушност алергичнина нешто. Секако, може да се работи и за вирус, па затоа е важно да се обратите кај лекар кој ќе ги направи сите потребни тестови, за да се опоравите на најдобар можен начин.

Тажна вест од Бразил: Ракот на Пеле прогресира

Ристе Здравков — Thu, 22 Dec 2022 08:25:33 +0000

Ракот со кој се бори бразилскиот фудбалски великан Пеле почна да прави сè посериозни проблеми, се огласи болницата во која се лекува 82-годишната фудбалска легенда. Некрунисаниот крал на фудбалот и единствениот играч во светот кој три пати го освоил Светското првенство, е во болница нешто повеќе од три недели. Неговата ќерка се огласи на социјалните мрежи за да ги извести фановите на Пеле дека Божиќ ќе го помине во болница. „Би-Би-Си“ повикувајќи се на свои извори од болницата „Алберт Ајнштајн“ во Сао Паоло пренесува вест, во која се вели дека Пеле има „напреден карцином кој бара повеќе внимание во однос на бубрежната и срцевата дисфункција“. На Пеле му беше отстранет тумор на дебелото црево во септември 2021 година и оттогаш добива редовен третман. „Нашиот Божиќ во домашни услови нема да се случи. Со лекарите решивме дека, од различни причини, подобро е да останеме овде со сета грижа што ни ја пружа ова ново семејство во болницата Алберт Ајнштајн“, напиша на Инстаграм ќерката на Пеле, Кели Насименто. Веднаш откако беше примен, болницата во Сао Паоло соопшти дека Пеле „имал добар одговор на третманот за респираторни инфекции“ и додаде дека е подложен на „повторна евалуација на хемотерапијата“. Пеле е најдобар стрелец на сите времиња во Бразил со 77 гола во 92 натпревари и учествувал во трите освоени Светски првенства во 1958, 1962 и 1970 година.

Селин Дион плачејќи им се обрати на фановите: Проговори за болеста со која се бори и соопшти тажна вест

Ивана Ефремовски — Thu, 08 Dec 2022 14:00:32 +0000

Селин Дион неодамна откри дека боледува од реткото нарушување SPS (Stiff Person Syndrome), кое предизвикува неконтролирано стегање на мускулите. Познатата пејачка во видеото кое го објави на својот Инстаграм профил го сподели ова сознание со своите фанови и откри како се манифестира оваа ретка болест. Таа со солзи во очите рече дека ќе мора да ја откаже европската турнеја: "Здраво на сите, извинете што ми требаше толку време да разговарам со вас. Многу ми недостигате и едвај чекам да разговарам повторно со вас од сцената“ - започна Селин, а потоа во солзи продолжи: - Отсекогаш сум била како отворена книга, но до сега не бев подготвена да зборувам за ова. Неодамна ми беше дијагностицирано ретко нарушување кое погодува еден од милион луѓе во светот. Барем сега ми е јасно зошто имам напади. За жал, спазмот ми го нарушува секојдневието. Понекогаш не можам да одам, понекогаш не можам да зборувам или да пеам. Многу ми е жал, но не ни верувам дека ќе успеам да ја започнам турнејата во февруари следната година. Работам со најдобрите лекари и спортски лекари за повторно да си ги вратам силите и способностите за настап, но морам да признаам дека тоа е тешка битка, рече пејачката. -Додека сè уште дознаваме за оваа ретка состојба, сега знаеме дека тоа беше причина за грчевите од кои страдав, истакнала познатата пејачка и продолжила: „За жал, овие грчеви влијаат на секој аспект од мојот живот и ми го отежнуваат движењето, а не ми дозволуваат да ги користам гласните способности на начин на кој сум навикната. Тешко ми е да ви кажам дека тоа значи дека нема да бидам подготвена да ја продолжам европската турнеја во февруари, како што беше претходно најавено. Ве сакам и се надевам дека наскоро повторно ќе се видиме“ додала Селин.

View this post on Instagram

A post shared by Céline Dion (@celinedion)