болки – Kurir.mk

Стресот остава трајни последици: Препознајте го и реагирајте веднаш

Ивана Ефремовски — Fri, 14 Oct 2022 09:31:24 +0000

Брзото темпо на живот врз луѓето остава трајни последици. Ова се некои од индикаторите дека страдате од голем стрес и дека морате да го успорите своето темпо на живот и само да се опуштите. Зголемен замор Нормално е работата и обврските да ве исцрпат, но сè во свои граници. Ако се чувствувате толку уморно што немате сила ниту да се пресоблечете кога ќе дојдете дома, треба да размислите дали тоа што го работите е вредно за вашето психичко и физичко здравје. Најверојатно одговорот секогаш би бил негативен. Болки во грбот Иако седењето често предизвикува болки во долниот дел од грбот, стресот и нервозите ќе ви предизвикаат болки и во горниот и средниот дел и ќе се чувствувате како постојано да носите терет на грбот. Обидете се со длабоко дишење да ги опуштите мускулите и направете си купка со етерични масла за опуштање. Проблеми со спиењето Овој проблем е последица на горенаведениот умор, а главно се случува поради тоа што постојано мислите на работата и она што не сте го завршиле таму. За да не посегнувате по лекови, на перницата истурете неколку капки етерично масло од лаванда, кое би требало да ве опушти и заспие. Раздразливост Симптомот на раздразливост се појавува поради премногу размислувања кои повлекуваат песимистични мисли, кои пак почнуваат да ве измачуваат, па поради тоа секоја ситуација ја гледате негативно. Потрудете се да гледате само на позитивните работи и дајте си малку простор и наградете се за сè што сте направиле за време на неделата. Мигрена Овој интензивен облик на главоболка се јавува поради премалку сон и премногу обврски. Исто така, една од причините за мигрена е хидратацијата. Ако се соочите со мигрена, остатокот од денот дадете си слобода за да се отспиете во затемнета соба. Не заборавајте да пиете доволно вода преку денот.

Ако чувствувате болка во овие две места, можеби сте заразени со омикрон

Ристе Здравков — Mon, 14 Feb 2022 15:34:09 +0000

Варијантата омикрон е веќе раширена низ светот и веројатно предизвикува третина од новите зарази со коронавирус. Иако симптомите се благи, со оглед на тоа што побрзо се пренесува, побрзо и се шири. Со оглед на тоа дека знаците на зараза се слични со обична настинка, понекогаш е тешко да се разликува за кој вид инфекција станува збор. Според податоците, инфекцијата со омикрон во повеќето случаи не доведува до респираторни проблеми. Најчесто тоа се суптилни знаци кои може да се идентификуваат на два дела на телото. Најчести симптоми Болки во мускулите се чест симптом на коронавирусот. Дури и во случај со зараза со омикрон, луѓето чувствуваат затегнување и болка во мускулите. И според докторите во Јужна Африка, каде е пријавен првиот случај на омикрон, повеќето луѓе се пожалиле на болки во мускулите познати како миалгија. Според податоците од делови во светот, повеќето луѓе имаат благи респираторни проблеми со сериозни болки во мускулите. Растечен нос, болки во телото, болки во градите, болки во грбот и умор најчесто се поврзани со омикрон. Две места на кои најчесто може да почувствувате болка Двете најчести места на кои луѓето заразени со омикрон чувствуваат болка се нозете и рамената. Во последните две години познато е дека коронавирусот може да предизвика болка во кој било дел од телото, а во случај на омикрон варијантата, нозете и рамената се најчесто зафатени подрачја. Болката се манифестира на различни начини, а најчесто се карактеризира како болка која се шири и може да се појави и исчезне додека не закрепнете. Некои луѓе се жалат и на чудно чувство како слабост во нозете. Кога зборуваме за рамената, пациентите главно чувствуваат болка, напнатост о слабост, што е можен знак за зараза со омикрон, пишува Times of India.

Ракијата навистина е лек, со неа ќе им кажете “збогум“ на овие болки

Ивана Ефремовски — Sat, 06 Nov 2021 23:30:15 +0000

Ракијата е пијалок кој се конзумира на Балканот и често постарите знаат да кажат дека таа е лек за многу болести. Тоа е точно, а ова се дел од болките кои можат да ви поминат со ракија: Болка во желудник – доколку сте јаделе тешка храна која ви предизвикува болка во желудникот, прст-два од лозова ракија веднаш ќе ја смири болката. Забоболка – голтка ракија држете ја десетина секунди на болниот заб и тоа повторете го неколку пати, ќе помогне во намалување на забоболката. Болки во грлото- ако имате болки во грлото тогаш тоа е предизвикано од бактериска инфекција, ракија со неколку капки прополис успешно ќе го дезинфицира грлото. Болки во грбот – малку ракија лесно втријте ја на болниот и вкочанет грб и болката и вкочанетоста ќе исчезнат. Вкочанет врат – исто како и кај грбот, вкочанетиот врат исто така може да се санира на овој начин. Лоша циркилација – нашите баби и дедовци често по будењето конзумирале ракија за подобра циркулација на крвта во организмот во текот на денот. Уролошки проблем – ракија со магдонос е сјаен сојузник во борбата против бактериски инфекции на уринарниот тракт.

7 алармантни знаци кои ве предупредуваат итно да посетите гинеколог

Магдалена Андонова — Mon, 29 Mar 2021 09:57:29 +0000

Иако се неопходни редовни гинеколошки прегледи, многу жени имаат тенденција да ги прескокнат. Покрај тоа, некои жени не посетуваат лекар дури и кога имаат болка или други гинеколошки симптоми кои можат да укажат на сериозни нарушувања. За жал, занемарувањето на здравјето може да доведе до сериозни компликации кои лесно се спречуваат. Затоа, подобро е да закажувате редовни прегледи со вашиот лекар. Ова се некои од алармантните знаци дека треба веднаш да посетите гинеколог. 1. Болки во карлицата Карличната болка е обично еден од најчестите симптоми на гинеколошки состојби. Може да се појави пред и за време на менструацијата, додека овулирате или може да биде симптом на други неповрзани здравствени проблеми. Состојби како што се ендометриоза, воспалително заболување на карлицата, цисти на јајниците, торзија на јајниците и многу други може да придонесат за развој на болка во карлицата. Ако чувствувате болка или непријатност во карличната област, треба да го посетите гинекологот за да ја откриете точната причина за болката. 2. Неправилна менструација или отсуство Постојат многу фактори кои можат да доведат до одложена или отсутна менструација. Најчести се значителните промени во телесната тежина, стресот, хормоналната контрацепција, како и хормоналната нерамнотежа. Ако менструацијата е одложена или отсутна поради хормонална нерамнотежа, може да поминете третман што ќе го нормализира менструалниот циклус. 3. Болна менструација Болката што се јавува за време на менструалниот циклус се нарекува дисменореа. Примарната дисменореа е природна лесна болка за време на периодот што може да се реши со помош на лекови против болки. Меѓутоа, секундарната дисменореа е силна болка предизвикана од основната медицинска состојба, како што е ендометриоза или миома на матката. Ако го доживеете ова, прашајте го вашиот гинеколог за достапните опции за третман. 4. Крварење помеѓу циклусите Може да се случи по интимeн однос или без очигледна причина - во повеќето случаи нема причина да се грижите. Меѓутоа, ако стане редовно, вреди да се напомене дека постојат многу опасни состојби што можат да предизвикаат крварење. 5. Абнормален исцедок од вагината Исцедок од вагината е нормален дел од менструалниот циклус. Претежно е јасна или бела боја без силен мирис. Ако вагиналната секреција ја смени бојата, мирисот и / или текстурата, тоа може да биде знак на инфекција. Бидејќи многу вагинални инфекции имаат слични симптоми, најдобро е да посетите гинеколог. 6. Притисок на карлицата Чувството на притисок во областа на карлицата може да биде последица на аденомиоза или миома на матката. Аденомиозата е состојба во која ендометриумот расте во внатрешноста на sидовите на матката и ова може да доведе до зголемување на матката. Од друга страна, миомите на матката се бенигни израстоци кои се појавуваат на ѕидовите на матката. Покрај тоа, тие можат да растат екстремно (до големината на дињата) и да предизвикаат притисок во карлицата. 7. Болка при интимен однос

Со овие едноставни трикови ќе се збогувате со болката во грбот (ВИДЕО)

Ивана Ефремовски — Mon, 29 Mar 2021 09:49:02 +0000

Многумина секој ден се мачат со болки во грбот. Најголем дел од денот го поминуваме во седечка положба, работиме на компјутер, не спиеме правилно и држењето на телото ни е погрешно. Овие едноставни трикови ќе ви помогнат да имате здрав и правилен став, а притоа ќе ги отстранат болките во грбот, доколку ги чувствувате. Најдоброто е тоа што нема да ви одземат премногу време. Баш напротив, тие се брзи и ефикасни.

ВИДЕО: Овој татко е најголем малер на светот – сакал да го открие полот на бебето, но следниот момент завршил со болки

Дарко Андоновски — Fri, 12 Feb 2021 21:00:25 +0000

Откривањето на полот на бебето во последно време е многу популарен тренд на социјалните мрежи. Џема Бејлајф Њуби решила да објави снимка на Јутјуб и да покаже како тоа изгледало во нејзиното семејство. Самиот почеток на снимката ветува: Слатко семејство, татко, мајка и девојче. Девојчето доаѓша до таткото кој држи туба со конфети. Тубата работи едноставно, се отвора горниот дел и конфетите излегуваат. Розевата боја значи дека е девојче, а сината дека е момче. Таткото се обидува да ги покаже конфетите, но нешто го спречува. Мајката не ни помислувајќи дека има проблем, ги пушта балоните. Балоните се сини и бели што значи дека ќе добијат син, а слаткото девојче почнува да се радува. Тубата и понатаму не работи, таткото почува да ја врти и таа го погодува на незгодно место. Погледнете го видеото:

Внимавајте при изборот на влечки за дома, не се толку добри за вас како што мислите

Ивана Ефремовски — Thu, 05 Nov 2020 20:11:55 +0000

Симптомите на артритис, како што се болки и отоци на зглобовите на рацете и нозете, може да се влошат и засилат поради носењето домашни влечки. Така барем тврдат докторите кои спроведувале истражувања за разните производи за стапала. Тие предупредуваат дека носењето влечки, со текот на времето, може да го влоши начинот на кој одиме, бидејќи наместо да одиме, ние се лизгаме, не ги креваме премногу нозете од подот и само ги „влечеме“ наоколу. Експертите сметаат дека тоа е една од причините зошто и здравите луѓе понекогаш можат да почувствуваат болка во зглобовите, кои се всушност преоптоварени поради тоа што ги „носат“ влечките, а стапалата се во неприродна положба. Болката во стапалата предизвикана од неудобните обувки е честа појава и кај младите луѓе, бидејќи тие редовно бираат обувки кои не им да ја даваат потребната потпора на стапалата. Кај жените, болката се јавува почесто доколку носат високи потпетици, а ситуацијата се влошува кога стапалата ќе се „оладат“, па можеби и самите сте ја почувствувале болката од воспалените стапала кога сте станале наутро. Докторите препорачуваат да носите топли дебели чорапи наместо влечки во текот на зимата, бидејќи така стапалата ќе ја одржат потребната топлина и без влечки. Доколку сепак не сакате да одите боси, набавете си топлинки, бидејќи тие ќе му дадат потпора на целото стапало. Така стапалата ќе останат во природната положба и нема да ги преоптоварите зглобовите.

Состојките сигурно ги имате дома: Рецепт кој ќе ве спаси од болката во коските и зглобовите

Ивана Ефремовски — Wed, 30 Sep 2020 07:11:10 +0000

Рускиот писател Генадиј Петрович Малахов, во својата книга Прирачник за самолекување забележал и една многу благотворна облога за лекување на болката во коските и зглобовите. Рецептот е многу едноставен, а состојките веројатно веќе ги имате дома. Болките би требало да исчезнат многу брзо, а облогата треба да се подготви и стави навечер пред спиење. Потребни состојки:

Мед
Брашно
Јаболков оцет
Вотка или ракија

Начин на подготовка: Измешајте ги сите состојки во еднакви количини, зависно колкава облога ви е потребно да добиете. Од состојките замесете тесто. По потреба додадете повеќе брашно за да добиете хомогена смеса. Начин на користење: Тестото развлечете го или обликувајте го како лепче и ставете го на болното место. Врз него ставете целофанска фолија, па прицврстете ја облогата со памучна ткаенина. Така легнете да спиете. Рок на користење: Облогата се користи само еднаш и наутро се фрла. Тогаш веќе ќе почувствувате олеснување на болките и подобра подвижност на болните зглобови.

Едноставна десетминутна вежба: Го подобрува држењето и ги елиминира болките во грбот еднаш засекогаш! (ВИДЕО)

Магдалена Андонова — Tue, 11 Aug 2020 07:25:04 +0000

Современиот начин на живот кој подразбира многу седење и поминато време пред компјутер, придонесе за појава на болки во грбот и неправилно држење. Речиси секој втор човек страда од некој вид болка во грбот, но добрата вест е што постојат вежби кои го решаваат овој проблем. Особено добро е тоа што се многу лесни за изведување, а и не одземаат многу време. Овие вежби ги зајакнуваат мускулите на грбот, но и стомачните мускули кои имаат значајна улога во правилното држење на телото. Во следново видео погледнете како изгледаат овие вежби и почнете да ги правите уште денес…

Како да ги ублажите лошите последици од долгото седење?

Ристе Здравков — Fri, 03 Jul 2020 13:14:38 +0000

Дури ни најдобрите столици не можат да го спрeчат негативното дејство од долготрајното седење, но тоа не значи дека морате да бидете осудени на неправилно држење… Променете ја положбата Најголем проблем кај предолгото седење не е самиот факт дека долго седиме, туку дека поминуваме премногу време во иста положба. Голем притисок се создава на вратот и долниот дел од грбот, а бидејќи телото има способност за прилагодување, честа последица е неправилното држење, односно неправилниот став. Менувајте ја положбата на секои десетина минути, а особено избегнувајте ги прекрстените нозе. Доколку имате обичај да се потпрете на столот, обидете се да седнете на средината на столот за мускулите да бидат тие кои му овозможуваат потпора на вашето тело, а не столот. Направете пауза Предолгото гледање во екранот предизвикува напрегнување на очите, што секако негативно се одразува на вашиот вид. На секој половина час поминати пред компјутерот одделете неколку минути за да ги одморите очите па така искористете ја шансата да се истегнете и прошетате. Ако можеби овој предлог звучи претерано, бидете свесни дека и најмалата активност го спречува штетното дејство на предолгото гледање во мониторот. Ако заборавате, активирајте потсетник на мобилниот телефон. Излезете надвор Дури ни најдобрата столица не може да го спречи негативното дејство на долготрајното седење, но постојат многу начини да ги опуштите напнатите мускули, да ги зајакнете, и да ја подобрите циркулацијата. На вас ви останува да одлучите кој вид на физички активности сакате да го практикувате – обично се препорачуваат јога или пилатес, а дури десет минути изведување на одредени вежби секако дека се подобра опција од занемарувањето на физичките активности во целост.