Нема парно во детската болница „Козле“: Родители се жалат – децата наместо да се лекуваат, се доразболуваат

Ивана Ефремовски — Wed, 18 Oct 2023 15:42:53 +0000

Наместо да се лекуваат, дополнително се разболуваат. Мајки кои со своите деца лежат во детската болница „Козле“, се жалат дека со денови нема парно. Зад камера, полни со поплаки се и лекарите во болницата. Екипа на Алфа беше во „Козле“. Не дочекаа студени ходници и амбуланти, но и ветување од менаџментот дека наскоро проблемот ќе бил надминат. Смрзнувачка во детската болница „Козле“. Пациенти се жалат дека нема греење во собите каде што лежат заедно со своите бебиња. Мајка на три месечно бебе реагира дека ова е нечовечки чин и бара овој проблем да се реши. Во изјава за Алфа вели дека во болницата повеќе се разболуваат, отколку што оздравуваат. Рече дека немало парно греење ниту во болничките соби, ниту пак во амбулантите. -Нема парно. Веќе три дена како сме тука нема, а грејната сезона почна. Јас сум со мало бебе од три месеци и мислам дека е некоректно ова да ни се случува. Наместо да оздрави бебето, ние се доразболуваме, и мислам дека треба ова да го решат веднаш, зашто ноќите се навистина студени, реагира мајка на бебе кои се на лекување во „Козле“. Дека детската болница „Козле“ има проблем со парното греење потврдија и од таму, но сепак не сакаа да дадат дополнителни изјави околу настанатиот проблем. Во разговор за Алфа од менаџментот рекоа дека проблемот ќе биде надминат, и сега пуштале греалки за затоплување на просториите. -Алфа беше во детската болница „Козле“ и навистина ходниците и амбулантите беа студени, но затоа во канцелариите на надлежните беше топло, но не и во болничките соби. Дека нема парно греење во болницата реагира и персоналот, кој не сакаше јавно да зборува. Најголемо е незадоволството има кај докторите, бидејќи во некои оддели немало топла вода за да ги измијат рацете, пренесе телевизијата. Економскиот директор во разговор за Алфа рече дека сепак температурата била поволна и дека наскоро ќе проработел системот за греење во болницата. Грејната сезона почна на 15-ти месецов и ќе трае до 15 април.

Родителите чии дечиња се во болницата во Козле плаќаат по 1000 денари дневно, а погледнете каков појадок добиваат (ФОТО)

Ивана Ефремовски — Fri, 22 May 2020 07:02:15 +0000

Родител чие дете е болно и сместено во Детската болница во Козле утрово ја контактираше редакцијата на КУРИР. Бидејќи еден од родителите останува како придружба на детето, за тоа плаќаат сума од 1000 денари за еден ден. Секако, ретко кој родител би го оставил детето само во болница. За таа сума, која воопшто не е ниска, родителот добива оброк. Оброкот кој утрово го добил родителот кој ја контактираше нашата редакција можете да го погледнете на фотографијата подолу. По една основна пресметка, овој оброк не чини ни 40 денари. Ова, ќе признаете, е срамота! Родителите загрижени за своите болни дечиња,будни седат до нив по 24 часа и за тоа плаќаат дополнителни 1000 денари дневно. Кога треба да добијат нормален оброк, тие добиваат едно варено јајце, павлака, леб и чај! И за ваков оброк плаќаат како да се сместени во хотел, а не во болница поради своите дечиња!

болница во козле – Kurir.mk

Нема парно во детската болница „Козле“: Родители се жалат – децата наместо да се лекуваат, се доразболуваат

Родителите чии дечиња се во болницата во Козле плаќаат по 1000 денари дневно, а погледнете каков појадок добиваат (ФОТО)