болно дете – Kurir.mk

Тинејџерка се потсмевала на соученичка болна од рак, татко и’ и одржа лекција за паметење

Ивона Петрова — Mon, 30 Aug 2021 11:12:50 +0000

Татко на тинејџерка, на Редит откри дека ја натерал својата ќерка да си ја избричи главата. Поранешната сопруга била многу вознемирена поради неговата родителска постапка, но тој тврди дека имал добра причина за таква казна… Девојката ѝ се потсмевала на соученичка болна од рак. -Мојата поранешна сопруга и јас имаме 16-годишна ќерка. Имам старателство над неа бидејќи мојата сопруга се пресели кај нејзиното ново семејство. Го спомнувам ова зашто не се консултирав со мојата сопруга пред мојава постапка и таа сега ме осудува мене. Мојата ќерка неодамна ѝ се потсмеваше на соученичка која ја загубила косата поради лекување од рак. Таа дури ѝ ја симнала периката. Наводно, тоа било продолжение на претходна расправија меѓу нив двете – што не е изговор за однесувањето на ќерка ми. Јас не ја воспитував ќерка ми да се однесува така кон луѓето. Бев згрозен од нејзиниот став, објаснува таткото. За да бидат работите уште полоши, ќерка му не се покајала за однесувањето. -Смета дека девојката (со ракот) го заслужува тоа… Така, ѝ дадов на мојата ќерка две можности за казна – одземање на цела електроника, вклучително и мобилниот телефон, што таа никогаш нема да го направи, а јас никогаш нема да ѝ купам друг, или – да одиме на фризер и да си ја избричи главата, заклучува таткото. Некои следачи само се надеваат дека девојчето ќе сфати дека омразата и инаетот не решаваат ништо.

Меѓу луѓето дефинитивно има монструми: Ограбени родители на дете со неизлечива болест

Ивана Ефремовски — Fri, 26 Oct 2018 09:29:40 +0000

„Внатре има лекови , кои само нему му се важни. Нема уште долго да живее“ , така несреќните родители ги молат крадците, кои ги ограбиле пред нивната куќа во Кент. Попи Криси и Џек Голдап го паркирале автомобилот пред нивната куќа во местото Минстер, во британската област Кент. Тие го зеле своето едногодишно синче Аиртон и влегле дома. Додека да отидат по торбата во автомобилот, крадци им ја украле, а во неа биле лекарствата за детенцето, неговото кебенце и ајпад со негови фотографии. Избезумената мајка преку британските медиуми ги моли крадците да ги вратат барем лековите, кои се вредни само за детенцето, кое боледува од неизлечива болест. -На ајпадот има слики од Аиртон од кога е роден и тие се единствените што ги имам, моли мајката. -Тој нема долго да живее и затоа сакаме да сочуваме се што има врска со него , изјави мајката. На малиот Аиртон му била дијагностицирана Крабеова болест кога имал седум месеци. Станува збор за невролошка болест што предизвикува заостанатост, парализа, слепило и глувост, што завршува со смрт. Докторите сметаат дека детенцето нема да живее подолго од две години и покрај терапијата. За среќа родителите добиле итен рецепт и ги набавиле лековите. Полицијата го истражува грабежот.

Причината поради која оваа жена си го продава мајчиното млеко, ќе ви го скрши срцето (ВИДЕО)

Ивана Ефремовски — Tue, 06 Feb 2018 19:13:14 +0000

Видео снимено во Детскиот парк во Шенжен ја шокира јавноста. Тоа се рашири со брзина на светлината, прегледано е преку 2,4 милиони пати и има над 5.000 коментари. На шокантното видео се гледа како една млада мајка на улица го продава своето млеко за да собере пари за лекување на нејзината ќерка. Мајката и таткото објаснуваат дека мораат да соберат најмалку околу 12.000 евра за да платат за третманот на своето болно детенце. – Ова е единствениот начин брзо да се соберат пари бидејќи една од близначките ќерки е во болница. Докторот ни кажа дека таа ќе биде излечена и да припремиме најмалку 100.000 јуани, рече несреќната жена.

Нивното бебе се бореше за живот, а потоа се појави ТОЈ и се случи чудо (ФОТО+ВИДЕО)

Ивана Ефремовски — Fri, 05 Jan 2018 12:09:41 +0000

Деветмесечно девојче кое боледувало од ретка болест на црниот дроб, е спасено од полицаец кој се јавил преку огласот на Фејсбук. Тој како донатор на органи му дал на бебето дел од својот црн дроб. Слоун Џејмс била здраво бебе се додека не доби жолтица и стомакот ненадејно почнал да отекува кога наполнила три месеци, што довело до четврт степен на откажување на црниот дроб. Бактериите кои ја предизвикале ретката болест опасна за црниот дроб, ги погодуваат само новороденчињата. Никој од семејството не бил соодветен донатор. Во очајниот обид да ја спасат ќерката, родителите Сара и Крис Џејмс (33) објавија на Фејсбук молба до луѓето да донираат орган, откако лекарите рекле дека има само две недели да се направи итна трансплантација. Полковникот Стивен тенеј (40), полицаец од Њу Хемшир, и самиот татко на две деца, ја видел нивната објава и преку заеднички пријател ги исконтактирал. Се утврдило дека е довршен донатор за малата Слоун.