болно девојче – Kurir.mk

СКАНДАЛ: Државата и Венко Филипче се изигруваат со болно девојче кое има прекин во дишењето и одбива да го прати во странство

Дарко Андоновски — Tue, 29 Jan 2019 12:06:13 +0000

Револтирана мајка на болно девојче од ретка болест со денови чека одговор од министерот за здравство Венко Филипче, но и од државата која ја остава на милост и немилост судбината на нејзината 20 годишна ќерка. Во изјава за КУРИР револтираната мајка вели дека додека не се знае судбината на нејзината ќерка, министерот Филипче го одбил конзилиумот кој е потпишан детето да се лечи во странство, со образложение дека тука ќе се направел таков центар, но не се знае кога. -Јас работам сестра на детска клиника, моето дете Емануела Костоска има 20 години, од 12 години на детска клиника го лечеа грешно под дијагноза „Церебрална парализа“, се обратив после тоа до Светската здравствена организација и тие ми кажаа каде да се обратам во Германија и во интернационалната организација за „Sy Prader-Willi синдром“ и преку нив отидов бесплатно преку овој светски проект. Ема првиот пат отиде бесплатно во Германија, после тоа беше шест месеци повторно во Германија и половина цена 25 илјади евра плати Германија, а 25 илјади плати фондот, за шест месеци детето дојде повторно тука пред умирање, бидејќи нема центар и никој не ја прима во државата. Пет години беше во Германија и последниот пат во септември докторите ми рекоа ако стави ова дете три кила на себе ќе умре, веќе има 12 кила ставено и има прекини во дишење, за КУРИР раскажува Валентина. Таа додава дека се обратила и со отворено писмо до премиерот Зоран Заев, до Народниот правобранител како и до министерот Венко Филипче, а одговор се уште немам никаков освен од Народниот правобранител. -Детето ми е дома со прекини во дишење, не се знае во секундата што не чека, државата се изигрува. Филипче овие документи кои што ги објавив ги има кај него веќе десетина дена и никако не ги дава. Денес бев на ендокринологија за возрасни, конзилиум е потпишан детето да се лекува во странство, а Филипче ги крие документите. На крајот викнал некоја комисија за ретки болести и ќе правеле тука центар за „Прадер вили синдром“, нека прават, но 20 години не го направија, дотогаш што правиме?, прашува револтираната Валентина.

Малото девојче чека трансплатација на срце, а имаше скромна желба: Погледнете ја реакцијата кога во болницата дојде ТОЈ (ВИДЕО)

Ивана Ефремовски — Tue, 21 Aug 2018 12:48:15 +0000

Софија Санчез (11) во болницата Lurie Children’s Hospital чека трансплантација на срце. Една од нејзините најголеми желби била да го запознае Дрејк. Таа е огромен негов фан и го изведувала дури и предизвикот „Kiki Dance Challenge“. На 20-ти август Дрејк дошол во болницата да ја посети, а нејзината реакција е неверојатна.

Девојче болно од леукемија имаше една скромна желба: Тогаш Лука Модриќ ја покажа својата големина како човек (ФОТО)

Ивана Ефремовски — Tue, 24 Jul 2018 16:08:52 +0000

„Поради такви храбри навивачи како што си ти ние секогаш даваме се’ од себе. Ти благодрам што си била со нас! Суба и Шиме многу ја поздравуваат твојата сестра, Вида твојата мајка, а јас тебе ти испраќам најмногу поздрави и прегратки“, пишува Лука Модриќ. Откако минатата недела 24сата.хр објавиле писмо на малечката Селена (5) кој е болна од леукемија, во кое наведува дека единствена желба и е Лука Модриќ да и одговори на писмото, пристигнал и одговорот на Модриќ кој ХНС го објавил на својата страна на Фејсбук. Покрај писмото, Модриќ, на малечката Селена и испратил и дрес од хрватската репрезентација. „Драга Селена, Го добив твоето преубаво писмо кое многу ме израдува. Како што ти навиваш за мене и за Хрватска, така и ние играчите навиваме за тебе. Поради таквите храбри навивачи како што си ти, ние секогаш даваме се од себе. Ти благодарам што си била со нас! Суба и Шиме многу ја поздравуваат твојата сестра, Вида твојата мајка, а јас тебе ти испраќам најмногу поздрави и прегратки. Од срце, твој Лука Модриќ“. Селена веќе три години се бори со акутна лимфобластична леукемија која и зафатила 98 отсто од телото, а има само две желби. Една е потполно да оздрави, а другата и била идолот Лука Модриќ да и одговори на писмото и да го угости на пикник во својот дом. Откако ја восхитил на Светското фудбалско првенство во Русија, веќе напишала неколку десетици писма. Му пишувала секој ден. „Драг Лука, писмото го пишува мојата сестра бидејќи јас сум се уште малечка па не знам. Имам само 5 години. А кога ќе дојдеш ти кај нас? Еден ден ќе те однесам на пикник..“ пишува меѓу друго малечката Селена. Инаку, Селена е родена на 31. јануари 2013. година како потполно здраво бебе. Убаво напредувала со постарата сестра и помладиот брат. Есента 2015. година сите тројца била настинати, но Селена после антибиотиците не се опоравила.