болоњезе – Kurir.mk

ОМИЛЕНИТЕ БОЛОЊЕЗЕ ШПАГЕТИ! Вкусот на Италија во вашиот ДОМ!

Ристе Здравков — Fri, 09 Dec 2022 14:54:57 +0000

Болоњезе тестенините се омилено јадење на многу луѓе, бидејќи освојуваат на првиот залак. Италијанската кујна е надалеку позната, бидејќи е тешко да се остане рамнодушен на највкусните тестенини Состојки: две главици кромид 1 лажица маслиново масло 1 чешне лук 500 гр мелено месо 90 гр сечкани печурки оригано или мешан зачин 400 мл сос од домати 1 лажица домати сол, бибер пакување шпагети од 300 гр Подготовка: Во голема тава се ставаат исецканиот кромид и маслото и се пржат на прилично силен оган 3-4 минути. Додадете го лукот и пржете додека состојките не поруменат. Додадете ги печурките и зачините и пржете уште неколку минути. Додадете ги сосот од домати, меленото месо, кечапот или доматното пире и зачините. Почекајте да зоврие, па намалете ја топлината. Покријте и проверете, повремено мешајќи во наредните половина час. Во меѓувреме, сварете ги шпагетите во големо тенџере со зовриена, солена вода. Добро исцедете, исплакнете со топла вода, вратете ги во тенџерето и додадете една лажичка маслиново масло. Потоа додадете го сосот што сте го направиле претходно. Послужете во топли чинии и посипете со пармезан.

Бело „болоњезе“: Рецепт за кремасти тестенини на кои лесно ќе се навлечете

Ристе Здравков — Fri, 04 Nov 2022 10:50:20 +0000

Ако ви здосади класично болоњезе, пробајте бело рагу и послужете го со широки тестенини. По желба заменете ги колбасите со печурки, а слободно додадете и листови жалфија. Состојки: 250 гр таљатели 250 гр мелено говедско месо 150 гр свеж колбас 100 гр сланина 60 гр целер 60 гр моркови 60 гр кромид 1 чешне лук 60 мл суво бело вино 1 коцка путер маслиново масло 1 дл млеко 1 гранче рузмарин 2 ловорови листови вода или булјон пармезан сол, бибер Подготовка: Во тава загрејте ги маслото и путерот и додадете го преполовеното чешне лук. Кога ќе добие боја додадете ги исечканите целер и морков, па кромидот. По десет минути додадете рузмарин и ловоров лист. Исечкајте ја сланината и додадете ја во тавата со зеленчукот. Извадете го колбасот од обвивката, иситнете го со прстите и додадете го во тавата заедно со меленото месо. Варете мешајќи неколку минути, а потоа отстранете го ловоровиот лист и лукот и прелијте ги со виното. Откако ќе испари алкохолот, истурете вода или супа за да го покрие месото и варете околу еден час. Кон крајот на готвењето додадете млеко. Сварете ги тестенините и послужете ги со сосот. Обилно посипете со пармезан.

Италијанците ги молат туристите да не нарачуваат шпагети болоњезе и тврдат дека таков рецепт не постои

Предраг Кукиќ — Fri, 08 Mar 2019 09:07:45 +0000

Шпагетите во болоњезе-сос се омилено јадење во светот, но доколку се обидете да ги нарачате во градот на Вирџинио Мерола, нема да имате среќа. Иако многумина се свесни за италијанскиот темперамент, се чини дека Италијанците секогаш може да изненадат со едно ниво повеќе. Имено, градоначалникот на Болоња прави сè за да објасни дека шпагетите во болоњезе-сос не потекнуваат од неговиот град. „Шпагети болоњезе всушност не постојат, а иронија е тоа што се светски познати“, изјавил градоначалникот Мерола за „Раи“ и додал дека жителите на Болоња сакаат светот да ги познава по тортелините и лазањите, кои се измислени во овој град. Колку Мерола е ангажиран во однос на ова прашање, говори и фактот што на социјалните мрежи поведе кампања во која му објаснува на светот дека шпагетите болоњезе не само што не потекнуваат од неговиот град туку и практично не постојат.