Болсонаро – Kurir.mk

Синот на Болсонаро позитивен на коронавирусот

Тале Кристо — Wed, 26 Aug 2020 06:29:39 +0000

Флавио Болсонаро, најстариот син на бразилскиот претседател Жаир Болсонаро, е позитивен на коронавирусот. Кабинетот на сенаторот од Рио де Женеиро соопшти дека Флавио Болсонаро е позитивен и дека нема никакви симптоми, објави Си-Ен-Ен. Флавио Болсонаро работи од дома и го зема лекот хидроксихлорокин, за чија употреба во третманот на коронавирус се залага неговиот татко, иако за тоа нема научни докази, додава американската телевизиска мрежа. Бразилскиот претседател Жаир Болсонаро, исто така, беше тестиран позитивен на коронавирусот на 7 јули, а на Твитер на 25 јули објави дека е негативен.

Болсонаро се надева на победа на Трамп на изборите во ноември

Тале Кристо — Fri, 17 Jul 2020 07:47:27 +0000

Бразилскиот претседател Жаир Болсонаро денеска изјави дека се надева дека американскиот претседател Доналд Трамп ќе биде реизбран на претседателските избори во ноември во САД. Тој ова го соопшти иако претходно изјави дека трговските односи меѓу двете земји се ветувачки дури и доколку победи демократскиот кандидат, пренесуваат британските медиуми. Болсонаро редовно го поддржува Трамп и често пати го нарекуваше модел на политички пример и повлекуваше паралели меѓу нивните политички ставови и однесување.

Болсонаро позитивен и на повтореното тестирање на коронавирус

Тале Кристо — Thu, 16 Jul 2020 06:36:11 +0000

Бразилскиот претседател Жаир Болсонаро повторно е позитивен на тестот за коронавирусот, пренесе Си-Ен-Ен Бразил. Болсонаро, познат по тоа што ја негира моќта на вирусот Ковид-19 и неколку пати го нарекуваше обичен грип, на 7 јули објави дека е позитивен за коронаворусот. Си-Ен-Ен Бразил наведува дека Болсонаро за нивната мрежа изјавил дека неговиот тест на Ковид-19 е повторно позитивен и додал дека повторно ќе се тестира за неколку дена. Откако се зарази неговата здравствена состојба е добра и тој ќе се врати на работа доколку тестирањето подоцна оваа недела покаже дека е негативен на коронавирус, пренесуваат британските медиуми. Бразил е на второто место во светот според бројот на заразени и умрени лица од ефектите на коронавирусот, со 1.939.167 инфицирани и 74.445 смртни случаи, покажувата податоците на Worldometers.