бомба – Kurir.mk

Полицијата во Париз застрела жена која се заканувала дека ќе детонира бомба

Ивана Ефремовски — Tue, 31 Oct 2023 10:10:40 +0000

Француската полиција отвори оган и рани жена која упатувала закани на железничка станица во Париз, изјави полициски извор за француски медиуми. Според очевидци, жената, која била целосно прекриена, извикувала „Алаху акбар“ („Бог е најголем“) и се заканувала дека ќе детонира бомба, изјави изворот, пренесува францускиот портал Локал. Според изворот, „полицијата пукала затоа што се плашела за својата безбедност“. Жената е ранета во стомак и е во критична здравствена состојба. Полицијата не пронашла експлозивна направа. (МИА)

Во Атина пронајдена бомба од Втората светска војна

Тале Кристо — Thu, 26 Oct 2023 07:43:27 +0000

Бомба од Втората светска војна, беше пронајдена вчера во населба во јужниот дел на Атина, а денеска, поради планираното деактивирање и од безбедносни причини затворени се улици и евакуирани четири згради, јави дописничката на МИА од Атина. Станува збор за бомба од стар тип со тежина од над 220 килограми, а беше пронајдена за време на извршување градежни работи. Деактивирањето ќе биде претпладнево, евакуирани се четири згради и во прекин е сообраќајот на улиците што се наоѓаат во околина.

Версајската палата повторно евакуирана поради закана за бомба

Тале Кристо — Sun, 22 Oct 2023 16:58:59 +0000

Версајската палата денеска повторно е евакуирана поради анонимна закана за бомба, соопшти управата на туристичката атракција во близина на Париз, цитирана од ДПА. Како што објави ДПА, полицијата ги претресува просториите на палатата на француските кралеви. Ова е седмо затворање на „Версај“ во рок од осум дена поради закани за бомб. И покрај тоа што еден осомничен е веќе уапсен, пријавите продолжуваат, а за сите досега е потврдено дека се лажни. Во текот на изминатите неколку дена, стотици училишта во Франција, како и регионалните аеродроми, беа принудени да затворат поради лажни пријави за поставени експлозивни направи. Властите соопштија дека многу од заканите биле упатени од млади луѓе.

Евакуација на околу 14.000 луѓе во полскиот град Лублин откако е откриена огромна неексплодирана бомба

Ивона Петрова — Fri, 11 Aug 2023 12:11:37 +0000

Околу 14.000 луѓе се евакуирани денеска во источниот полски град Лублин, откако градежен работник откри огромна неексплодирана бомба. Станува збор за бомба тешка 250 килограми, закопана во земја. Евакуацијата беше извршена со помош на полицијата, припадниците на Територијалната одбрана и градскиот транспорт, а тоа беше акција која мораше да се изврши пред воените инженери да ја отстранат бомбата и да ја однесат на неутрализација. Жителите беа пренесени на безбедно во училиштата и другите големи објекти, а сите патишта беа затворени. На сите им било наредено да ги исклучат гасот, водата и струјата во своите домови, да ги затворат прозорците и вратите, а да ги донесат само личните карти и потребните лекови. Пред Втората светска војна, во таа област се наоѓала полска фабрика за авиони и аеродром, кои можеле да бидат цел на напад.

Берлин: Деактивирана бомба од 500 кг. од Втората светска војна, евакуирани 15.000 луѓе

Ивона Петрова — Thu, 13 Jul 2023 18:56:43 +0000

Бомба тешка 500 килограми од Втората светска војна, откриена во источниот дел на Берлин, беше деактивирана вечерва откако беа евакуирани 15 илјади луѓе од 27 станбени блокови, соопшти полицијата. Евакуацијата опфати преместување на станарите од три дневни центри, три училишта, дневен престој по настава и продавници, пренесе ДПА. Полицијата на Твитер објави дека бомбата е деактивирана. Работниците ја открија бомбата од Втората светска војна на тениско игралиште во вторникот. Во евакуацијата учествувале околу 350 полицајци.

Гладков: Гори енергетска централа во Белгород врз која дрон фрли бомба

Тале Кристо — Mon, 05 Jun 2023 07:46:23 +0000

Гувернерот на рускиот Белгородски огруг Вјечеслав Гладков утринава соопшти дека во овој регион избувнал пожар во енергетска централа, потврдувајчи дека пожарот бил предизвикан од бомба фрлена од дрон. Гувернерот тврди дека во нападот нема повредени, а објектот не е оштетен. Проукраински сили, составени од руски бунтовници, веќе неколку недели вршат диверзантски акции во Белгородската област. Во последниот вчерашен напад на овие руски партизани биле заробени неколку руски војници, кои, наведуваат овие проукраински сили, ќе им ги предадат на украинските власти. Рускиот волонтерски корпус ова го соопшти преку видео порака на каналот Телеграм, откако претходно беше нападнато село во руската Белгородска област. Корпусот, заедно со борците од руската Легија на слободата, ја презеде одговорноста за серијата напади на руска територија, вклучително и нападот минатата недела во кој Москва соопшти дека двајца цивили биле убиени за време на борбите.

Екслозија на бомба во Белград: Оштетени три автомобили

Катерина Бојаџиева — Sat, 03 Jun 2023 10:55:38 +0000

Три автомобили се оштетени утрово при фрлена бомба во белградската општина Звездара, а според првичните информации нема повредени, јави Бета. Бомбата била фрлена од непознато лице од возило во движење. Полицијата врши увид на лице место, по што ќе се знаат повеќе информации.

Од водите на Охридското езеро извадена бомба од Втората светска војна

Дарко Андоновски — Thu, 30 Mar 2023 09:19:15 +0000

Oд водите на Охридското Езеро, во близина на Градското пристаниште, вчера безбедно е извадена и подигната неексплодирана бомба М-24, која датира од Втората светска војна. Вадењето и транспортирањето на бомбата е извршено од страна на пиротехничари од Дирекцијата за заштита и спасување.

Спасовски: Само два дена имаше дојави за бомби од воведувањето на новите протоколи

Ивона Петрова — Thu, 16 Mar 2023 13:18:34 +0000

Од кога се воведени новите протоколи за функционирање во услови на дојава за експлозивни направи, следниот ден имавме една дојава за бомба, а наредниот ден уште една. Понатаму веќе немаше дојави за бомби, потенцираше на денешната прес-конференција министерот за внатрешни работи Оливер Спасовски, одговорајќи на новинарско прашање. Инаку, новиот протокол, кој предвидува преземање на посебни мерки при дојава за бомба, беше воведен во текот на овој месец, за што Спасовски потенцираше дека истиот ќе биде дел од решението на процесот. -Состојбата е целосно под контрола. Полицијата е тука, ќе биде во секое од училиштата, во сите институции. Будно работиме, во целиот изминат период, затоа што за нас сигурноста, безбедноста и спокојот на граѓаните се на прво место, порача неодамна министерот Спасовски.

Фрлена бомба во куќата на лидерот на „забранетата“ фракција навивачи на Партизан

Ивана Ефремовски — Fri, 03 Mar 2023 16:56:23 +0000

Денеска била фрлена бомба во куќата на Немања Бојовиќ, познат како Хеми, лидерот на „забранетата“ фракција на навивачи на Партизан, а како што дознаваат српските медиуми, во овој инцидент нема повредени. На куќата се видливи помали оштетувања, а шрапнели погодиле и возила кои биле паркирани пред куќата Инаку, Хеми важи за наследник на „земунскиот клан“, а наводно е многу близок со Шкаљарскиот клан. Тој беше уапсен во октомври 2008 година, кога беа запленети 1,9 килограми амфетамин и 13,6 грама марихуана. Бојовиќ е осуден на шест години затвор за трговија со дрога, обид за убиство, рекет и грабеж. По излегувањето од затвор, повторно бил уапсен, во едно белградско кафуле, кога кај него биле пронајдени кокаин и спид. Како што пишуваат српските медиуми, Немања Б. неодамна бил застрелан во Земун, заедно со неговиот пријател, кога напаѓачите го чекале пред куќата на неговата мајка.