бомбаш самоубиец – Kurir.mk

Бомбаш-самоубиец се разнесе во Триполи, црн чад ги голтна улиците

Магдалена Андонова — Tue, 01 Sep 2020 10:23:40 +0000

Силите на командантот Калифа Хафтар во јуни, по 14 месеци борба, ја запреа опсадата на Триполи и повеќемесечното гранатирање на градот. Силна експлозија денеска одекна во Триполи, и густ црн чад се крева високо над градските улици. Локалните медиуми објавија дека станува збор за напад на бомбаш-самоубиец кој со мотор стигнал до раскрсницата на најголемиот пат кој од исток влегува во Триполи од исток, но властите не ја потврдиле информацијата. Силите на командантот Калифа Хафтар во јуни, по 14 месеци борба, ја запреа опсадата на Триполи и повеќемесечното гранатирање на градот.

Бомбаш самоубиец усмртил најмалку 8 војници во Авганистан

Ристе Здравков — Mon, 20 Jul 2020 18:30:33 +0000

Бомбаш самоубиец со камион се залетал во воен конвој и усмртил најмалку осум авганистански војници, соопшти министерството за одбрана. Уште девет војници се ранети во нападот кој се случил во провинцијата Мајдам Вардак. Се уште никој не преземал одговорност за нападот, но талибанците и припадниците на локалната Исламска држава веќе рутински вака ги напаѓаат авганистанските безбедносни сили, пишува „АП“. Талибанците ги зачестиле нападите ширум Авганистан и покрај потпишувањето на мировниот договор со САД во февруари. Договорот е потпишан со цел да се отвори пат за разговори помеѓу побунениците и авганистансите власти, со што би се создале услови за окончување на повеќедецениската војна. Разговорите требало да започнат овој месец, но процесот запрел поради бавното спроведување на договорот за ослободување на затвореници. Со мировниот договор авганистанските власти се обврзале да ослободат 5.000 заробени талибанци во замена за 1.000 заробени припадници на властите од страна на талибанците. До сега владата ослободила повеќе од 4.200 луѓе, а талибанците околу 800.

Деветмина убиени од бомбаш-самоубиец во Чад

Дарко Андоновски — Mon, 20 Jan 2020 16:35:25 +0000

Бомбаш-самоубиец уби девет цивили во село во Западен Чад. Областа во минатото беше поле на дејствување на џихадистичката група Боко Харам, објави денеска армијата. Нападот се случил ноќеста во селото Каига Кинџирија.

Бомбашки напад пред американска воена база во Авганистан

Ивона Петрова — Wed, 11 Dec 2019 07:30:05 +0000

Бомбаш-самоубиец детонираше експлозив пред главната американска база Баграм во Авганистан, соопштија авганистанските власти, како и високи функционери од НАТО. „Во нападот нема мртви, но сериозно е оштетена медицинската база, која се гради за локалното население“, соопшти НАТО мисијата во Авганистан. Еден од лекарите информираше дека болницата, која се наоѓа во близина, исто така била под оган. Тој дополни дека во болницата биле примени петмина повредени, сите од Авганистан. Генерал Махфуз Вализада, полициски командант на северната провинција Парван, го потврди нападот, но не даде информации за жртви

Дошол на нивната свадба, па активирал бомба и се разнесол- свадба заврши пеколно за 1.200 гости (ВИДЕО)

Дарко Андоновски — Sun, 18 Aug 2019 07:43:20 +0000

Бомбаш самоубиец активира експлозив на свадба во Кабул при што загинаа најмалку 63 лица и 182 се ранети, изјави портпарол на авганистанското Министерство за внатрешни работи. Меѓу жртвите има деца и жени. Нападот бил извршен во сала за свадби во западниот дел од Кабул во шиитски кварт. Речиси 1.200 луѓе биле поканети за свадбата. Талибанците негираа дека се вмешани и го осудија нападот.

Напад на хрватски војници во Авганистан, едно лице се бори за живот

Ивона Петрова — Wed, 24 Jul 2019 09:11:05 +0000

Хрватското министерство за одбрана денес соопшти дека во мисијата во Авганистан дошло во вонреден настан. Медиумите наведуваат дека ранети се тројца војници. -За жал, утринава се случи напад во Кабул над возило со хрватски војници. Имаме тројца повредени војници, од кои еден е во сериозна состојба и се бори за живот. Другите двајца се тешко повредени, но се надвор од животна опасност, истакна хрватскиот министер за одбрана Дамир Крстичевиќ. Тој објаснил дека војниците се движеле во три возила кон кампот во Лион, кога во нив се забил мотор со бомбаш самоубиец. -На лице место излегле авганистанските сили кои на нашите повредени војници им пружиле помош, додал министерот.