бомбашки напад – Kurir.mk

Бројот загинати во бомбашкиот напад во Пешевар достигна 44, голем број од ранетите во критична состојба

Тале Кристо — Mon, 30 Jan 2023 17:00:12 +0000

Бројот на загинатите во денешниот бомбашки напад врз џамија во полициски комплекс во пакистанскиот град Пешавар се искачи на најмалку 44, соопштија официјални лица, додавајќи дека повеќе од 150 луѓе се ранети. Нападот што е еден од најсмртоносните против пакистанските безбедносни сили последните години, го изврши бомбаш-самоубиец, при што од детонацијата на експлозивот се урнал покривот на џамијата врз верниците, од кои повеќето биле полицајци. Во момент на нападот во џамијата имало околу 300 верници. Локалните здравствени власти соопштија дека многу од ранетите се во критична состојба, што значи дека бројот на жртвите не е конечен. Полициски службеник појасни дека бомбашот се разнел додека бил меѓу верниците. Не е јасно како бомбашот успеал да влезе во комплексот ограден со ѕидови во кој се наоѓа седиштето на полицијата – сето тоа во зона со висока безбедност, која вклучува и други објекти на централната власт. Сарбакаф Мохманд, еден од командантите на пакистанските талибанци, ја презеде одговорноста за нападот преку објава на Твитер, но главниот портпарол на вооружената група се уште не се произнел по однос инцидентот.

БОМБАШКИ НАПАД ВО МОГАДИШУ: Најмалку 100 загинати и 300 повредени

Магдалена Андонова — Sun, 30 Oct 2022 08:28:46 +0000

Најмалку 100 лица загинаа, а 300 се повредени во две експлозии на автомобил-бомба што синоќа го потресоа главниот град на Сомалија, Могадишу, изјави рано утринава претседателот Хасан Шеик Мохамуд. -Нашите луѓе се масакрирани… вклучително и мајки со деца во рацете, татковци кои имаа здравствени проблеми, студенти кои беа испратени да студираат, бизнисмени кои се бореа за опстанокот на своите семејства, рече претседателот Мохамуд по посетата на местото на експлозијата. Засега никој се уште не ја презеде одговорноста за нападот, иако претседателот ја обвини исламистичката група Ал Ш абаб. Оваа група вобичаено избегнува да преземе одговорност за нападите кои резултираат со голем број жртви. Првата експлозија се случи во близина на крстосница кај Министерството за образование, а втората следела кога пристигнала брзата помош и луѓето се собрале да им помогнат на настраданите. Британските медиуми јавуваат дека ударниот бран од експлозиите ги искршил прозорците на блиските згради, а крв го прекри асфалтот пред местото на нападот. Нападот се случи на истото место како и во најголемиот бомбашки напад во Сомалија во 2017 година кога загинаа над 500 лица. Претседателот Мохамуд додаде дека е можно бројот на жртви да се зголеми. (МИА)

Во Сомалија девет лица загинаа во двоен бомбашки напад

Ивана Ефремовски — Sat, 29 Oct 2022 17:46:38 +0000

Најмалку девет лица, меѓу кои и деца, загинаа денеска во двоен напад со автомобил-бомба врз Министерството за образование во Могадишу, објавија извори блиски до сомалиските безбедносни сили. Неименуваниот функционер рече дека се пронајдени девет тела, главно цивили, меѓу кои и жени и деца, и додаде дека неколку десетици луѓе се повредени. Засега никој не ја презеде одговорноста за нападот. Таквите напади ги извршува исламистичката група Ал Шабаб, која е поврзана со Ал Каеда. Групата е позната по нападите врз сомалиските безбедносни сили, како и врз хотели и други области, најчесто во главниот град. (МИА)

Најмалку петмина загинати во руските бомбашки напади врз центарот на Харков

Магдалена Андонова — Tue, 30 Aug 2022 10:54:06 +0000

Најмалку пет лица загинаа, седуммина се повредени во денешните руски бомбашки напади врз центарот на Харков, во североисточниот дел на Украина, соопштија градоначалникот и регионалниот гувернер. „Руските окупатори ја бомбардираа централната област на Харков“, наведе гувернерот Олег Синегубов на Телеграм. Градоначалникот на Харков, Игор Терехов подоцна соопшти за петмина загинати и седуммина повредени. Официјални лица апелираа жителите да останат во засолништа. (МИА)

Во двоен бомбашки напад во Буркина Фасо загинаа 15 војници

Тале Кристо — Tue, 09 Aug 2022 19:53:39 +0000

Најмалку 15 припадници на армијата на Буркина Фасо денеска загинаа во двоен бомбашки напад извршен од џихадистите. Нападот се случи во Бурзанга-Џибо, северниот дел на Буркина Фасо. Во нападот еден војник е повреден.

Во Германија уапсено 16-годишно момче кое планирало бомбашки напад во училиште

Магдалена Андонова — Thu, 12 May 2022 12:30:53 +0000

Германската полиција во Есен приведе 16-годишно момче, откако во неговиот дом пронашла материјали за изработка на бомби. Тинејџерот е приведен под сомнение дека планирал напад во училиште. Министерот за внатрешни работи на покраината Северна Рајна Вестфалија, Херберт Реул изјави дека материјалите за правење бомби и други експлозивни материи биле откриени утрово за време на рација во домот на тинејџерот. Набргу потоа, полицијата започна голема операција во две училишта во Есен. – Полицијата најверојатно спречила кошмар, посочи Реул. (МИА)

Расте бројот на жртви во самоубиствениот бомбашки напад во пакистанска џамија

Катерина Бојаџиева — Fri, 04 Mar 2022 11:52:56 +0000

Најмалку 45 верници загинаа во денешниот самоубиствен напад во џамија во северозападниот пакистански град Пешавар, а 65 лица се повредени, од кои многумина се во критична состојба, соопшти локалната полиција. Шефот на полицијата во Пешавар, Мухамед Ејаз Кан, изјави дека насилството започнало кога двајца вооружени напаѓачи отвориле оган врз полицијата пред џамија во стариот дел на Пешавар. Во престрелката загинале еден напаѓач и еден полицаец, а уште еден полицаец е ранет. Вториот напаѓач потоа влетал во џамијата и активирал бомба. Претставникот на локалната полиција Вахид Кан изјави дека експлозијата се случила додека верниците се собирале на молитва во џамијата Рисалдар Хаус, и додаде дека бројот на жртвите најверојатно ќе се зголеми бидејќи многумина се повредени во критична состојба. Во моментот на експлозијата во џамијата имало најмалку 150 верници. Засега никој не ја презеде одговорноста за експлозијата.

Пентагон: Неколку американски војници загинаа во нападот во Кабул

Магдалена Андонова — Thu, 26 Aug 2021 18:05:24 +0000

Според американската влада, неколку американски војници загинале во нападот пред аеродромот во Кабул, соопшти вечерва портпаролот на Министерството за одбрана на САД, Џон Кирби. Кирби не даде точен број на жртви. Неколку американски војници беа повредени, рече тој, а во нападот загинаа и неколку Авганистанци. Според некои светски медиуми, во нападот загинале четворица американски маринци, а тројца се повредени. (МИА)

Најмалку 13 загинати, а повеќе од 60 се повредени во бомбашките напади во Кабул

Магдалена Андонова — Thu, 26 Aug 2021 16:41:24 +0000

Најмалку 13 луѓе загинаа, а над 60 се повредени во двата бомбашки напади кои попладнево се случија на влезот во аеродромот во Кабул. Како што јавуваат западните медиуми, најмалку две експлозии одекаа на аеродромот каде илјадници луѓе чекаат евакуација. Меѓу жртвите има и цивили, но и воен персонал од Соединетите Американски Држави. Властите засега не соопштуваат официјални бројки на загинатите. Според извештаите на медиумите, властите се сомневаат дека зад нападите стојат припадници на ИСИС. Портпаролот на Пентагон Џон Кирби рече дека експлозиите се случила на два различни влеза во аеродромот. Американски претставници сметаат дека најмалку една експлозија била предизвикана од самоубиствен бомбашки напад. Русија соопшти дека биле изведени два самоубиствени напади и дека најмалку 13 луѓе загинале.

Убиени 12 разузнавачи во бомбашки напад додека политички лидери имаа средба

Катерина Бојаџиева — Sun, 07 Feb 2021 17:35:02 +0000

Најмалку 12 безбедносни агенти се убиени денеска при напад со бомба поставена покрај пат во близина на сомалискиот град Душамареба, каде политичките лидери се сретнаа во обид да го решат спорот околу процесот на претседателските избори што треба да се одржат утре. Исламистичката милитантна група Ал Шабаб ја презеде одговорноста за нападот. Меѓу убиените е и Абдирашид Абдунур, шеф на Агенцијата за национално разузнавање и безбедност во Душамареба, изјави полицискиот портпарол.