бомбици – Kurir.mk

Рафаело бомбици од само три состојки: Неодоливо задоволство од кокос кое сите го сакаат

Ристе Здравков — Tue, 29 Aug 2023 07:43:07 +0000

Лесно се подготвуваат и се погодни за ненадејни гости Нема некој кој не ги сака малите, неодоливи топчиња од кокос попознати како рафаело. Постојат различни рецепти по кои може да се направат, а ние ви пренесуваме еден брзински. Се што ви треба се само три состојки, а подготовката е повеќе од едноставна. Состојки: 250 гр кокос 170 мл кондензирано млеко 15 лешници или бадеми Подготовка: Измешајте го кокосот (оставете малку за валкање на бомбиците) со кондензираното млеко и добро соединете. Кога ќе добиете компактна смеса, земете мали делови и формирајте бомбици. Тријте го меѓу дланките, па на средина ставете лешник или бадем, зависи за што сте се одлучиле. Секое топче извалкајте го во преостанатиот кокос и добро изладете во фрижидер пред послужување.

Неодолива комбинација од ЛЕШНИК, БИСКВИТИ И ЧОКОЛАДО: Бомбици кои нема да можете да престанете да ги јадете (РЕЦЕПТ)

Ристе Здравков — Thu, 25 May 2023 07:36:34 +0000

Кремасто и крцкаво задоволство кое лесно се подготвува Состојки: – 200 гр печени лешници – 150 гр бисквити со лешник – 250 гр чоколаден крем по желба За глазурата: – 200 гр чоколадо – 2 лажици масло – 50 гр печени лешници Подготовка: Лешниците и бисквитите (наполитанките) сомелете ги заедно, префрлете ги во поголем сад и додадете 250 гр омекнат чоколаден крем. Добро измешајте и ставете во фрижидер еден час да се стегне. Потоа од масата направете бомбици кои ќе ги наредите во плех и ќе ги вратите во фрижидер. Чоколадото растопете го со масло, додадете ги изблендираните лешници и оставете да се излади околу 10 минути. Потопете ги бомбиците од фрижидерот во чоколадо, истресете ја вишокот глазура, наредете ги на хартија за печење, префрлете ја хартијата во тава. Повторно ставете го во фрижидер. Подоцна ставете ги бомбиците во корпи за колачи. Ако сакате, во секое топче можете да ставите по еден цел лешник, за да изгледаат поубаво.

БОМБИЦИ СО ЧОКОЛАДО И РУМ! Вашиот кец во ракавот, кога ви треба БРЗ, а вкусен десерт! (РЕЦЕПТ)

Ристе Здравков — Sun, 19 Mar 2023 18:13:35 +0000

Малку бадеми, смокви, какао во прав, рум и уште неколку состојки ќе бидат доволни за овие одлични топчиња Кога сакате брз и вкусен десерт , овие топчиња се вистинскиот избор за вас: СОСТОЈКИ: шолја и пол бадеми чаша суви смокви половина чаша какао во прав сок од четвртина лимон две лажици мед лажичка екстракт од ванила три или четири лажици рум на врвот на ножот сол ПОДГОТОВКА: Ставете ги бадемите во блендер и добро изблендирајте. Потоа додадете смокви, третина од шолја какао во прав, сок од лимон, мед, ванила, рум и малку сол, па измешајте додека не се добие еднолична смеса. Направете топчиња, валкајте ги во преостанатото какао, па ставете ги во фрижидер да одморат еден час.

Вкусни и здрави колачиња: Пробајте ги овие бомбици со ВИШНИ (РЕЦЕПТ)

Ристе Здравков — Mon, 06 Mar 2023 08:39:57 +0000

Ова се колачиња кои можете да ги јадете и доцна навечер… Доколку сакате да уживате во вишни, но и во слатки, тогаш имаме рецепт кој одлично се вклопува. Најдобро е што за неговата подготовка не се користи ниту брашно, ниту шеќер. Состојки: 100 грама овесни снегулки 50 грама свежи урми (отстранете ја семката) 100 грама вишни, можете и замрзнати па малку да ги стопите во микробранова печка 4 коцки темно чоколадо малку кокосово масло Подготовка: Најпрво накратко сомелете ги овесните снегулки неколку секунди, а потоа додадете ги вишните и урмите во блендерот и измешајте. Оставете ја смесата во фрижидер 30 минути да се стегне, а потоа обликувајте бомбици. Прелијте ги или превртете ги во стопените 4 коцки чоколадо со малку кокосово масло. Ставете во фрижидер да се излади и уживајте.

ДЕСЕРТ НА КОЈ НИКОЈ НЕ МОЖЕ ДА МУ ОДОЛЕЕ! Чоколадни бомбици (РЕЦЕПТ)

Ристе Здравков — Thu, 16 Feb 2023 09:07:44 +0000

Направете брзи бомбици со чоколадо. СОСТОЈКИ: 1 пакување бисквити 125 гр. растопен маргарин 2 лажици шеќер во прав 2 лажици какао ½ шолји млеко ½ шолји мелени ореви кокос за валкање ПОДГОТОВКА: Се мелат бисквитите во блендер и се ставаат во сад со топен маргарин, шеќерот и какао, млеко и ореви, па се меша. Се става смесата два часа во ладилник и се прават бомбици кои се валкаат во кокос.

БОМБИЦИ од суви СМОКВИ, бадеми и БРУСНИЦА! Засладете се со овошје полно со витамини!

Ристе Здравков — Tue, 24 Jan 2023 08:44:30 +0000

Доколку сакате суви смокви и општо суво овошје и јаткасти плодови, задолжително пробајте ги овие топчиња или бомбици, сигурни сме дека ќе ви се допаднат… Уживајте! Состојки: шолја суви смокви шолја бадеми четвртина шолја какао во прав малку цимет малку суви брусница лажица екстракт од ванила Подготовка: Сувите смокви исчистете ги од дршките, прелијте ги со топла вода, оставете ги да отстојат десетина минути, па исцедете ги. Во меѓувреме измешајте ги бадемите во блендер со какаото, циметот и ванилата. Додадете ги смоквите и брусницата и мешајте додека не се добие еднолична смеса. Формирајте топчиња и послужете. На здравје!

ДЕСЕРТ НА КОЈ НИКОЈ НЕ МОЖЕ ДА МУ ОДОЛЕЕ! Чоколадни бомбици (РЕЦЕПТ)

Ристе Здравков — Thu, 29 Dec 2022 08:39:10 +0000

Направете брзи бомбици со чоколадо. Состојки: 1 пакување бисквити 125 гр. растопен маргарин 2 лажици шеќер во прав 2 лажици какао ½ шолји млеко ½ шолји мелени ореви кокос за валкање Подготовка: Се мелат бисквитите во блендер и се ставаат во сад со топен маргарин, шеќерот и какао, млеко и ореви, па се меша. Се става смесата два часа во ладилник и се прават бомбици кои се валкаат во кокос.

Без печење и готови за брзо време: Кокос бомбици од само три состојки!

Ристе Здравков — Mon, 21 Nov 2022 08:29:43 +0000

Има некои слатки на кои возрасните им се радуваат како деца, а ова е дефинитивно едно од нив. Овие топчиња се толку вкусни и лесни за правење, а сигурно малкумина можат да им одолеат. Дури и ако не сте љубител на кокос, вкусот може да ве натера да му дадете втора шанса. Еве како да направите топчиња од кокос. Состојки: 500 мл слатка павлака за шлаг 400 гр бело чоколадо 300 гр кокос + 150 гр кокос за посипување Подготовка: Загрејте ја слатката павлака додека не зоврие на ниска температура. Кога ќе зоврие, прелијте врз белото чоколадо кое претходно сте го исекле на помали парчиња. Мешајте додека целосно да се растопи чоколадото. Кога чоколадото ќе се растопи и ќе се соедини со кремот, во смесата додадете го кокосот и соединете сè. Оставете да се излади и да се стегне. Можете да го ставите и во фрижидер за да го забрзате ладењето. Кога ќе се стврдне, фатете ја смесата со лажица и формирајте топчиња со дланките. Валкајте ги топчињата во кокос, а потоа вратете ги во фрижидер.

ЕДНОСТАВНА И БРЗА ПОДГОТОВКА: Рецепт за РАФАЕЛО БОМБИЦИ, најубавите ситни колачиња

Ристе Здравков — Fri, 18 Nov 2022 14:17:04 +0000

Превкусни се! Состојки: 350 гр млеко во прав 200 гр шеќер 150 гр кокосово брашно 150 гр путер 80 гр лешници 1,5 – 2 дл вода Подготовка: Шеќерот зовријте го со водата. Се трга од оган и постепено се меша со млекото во прав и путерот. Кога смесата ќе се олади, направете топчиња, во секое топче ставете по еден лешник и валкајте ги во кокос.

Покрај нив децата забораваат на тортата: Вака се прават домашни бомбици кои успеваат од прва!

Ристе Здравков — Tue, 01 Nov 2022 09:18:57 +0000

Роденденските забави се секогаш полни со предизвици и моменти кои се паметат цел живот. Децата тогаш уживаат во секој момент, а она без што не може да помине ниту еден важен момент е тортата. За децата да бидат што позадоволни, родителите се трудат да подготват разни деликатеси. Ви носиме докажан, одличен рецепт за домашни бомбици кои ќе ги направите веднаш, дури и ако никогаш порано не сте правеле. Потребни состојки: - 300 гр. мелени бисквити; - 100 гр. мелени ореви или лешници; - 100 гр. рендано чоколадо; - сецкани желе бонбони (по желба); - 150 гр. шеќер во прав; - 125 гр. маргарин; - околу 1 dcl. млако млеко. За глазура: - околу 200 гр. чоколадо; - 2 лажички масти (да, масти, бидејќи тогаш чоколадото нема да испука); - неколку лажици вода. Покрај ова, ќе ви требаат и стапчиња, украсни трошки за декорација, подлога обложена со хартија за печење и парче подебел стиропор. Подготовка: Сите наведени состојки освен оние за глазурата ставете ги во еден сад. Направете компактна маса, која ќе можете да ја обликувате со раце во убави топчиња. Кога ќе ги формирате топчињата, оставете ги во фрижидер да отстојат половина час, за малку да се стегнат. Во тенџере ставете го чоколадото, водата и мастите и сè растопете на тивок оган. Сега секое стапче потопете го во глазурата, а потоа во садот. Потоа потопете го целото топче во чоколадото и држете го наопаку неколку секунди за да се исцеди вишокот. Залепете го стапчето на стиропорот и посипете со украсни трошки. Доколку ви се стврдне глазурата, слободно ставете ја повторно на шпорет да се стопи.