бонбона бизнис – Kurir.mk

Арсовски: Дали оваа бонбона бизнис на Шекеринска за грејдери е согласно НАТО стандардите?

Тале Кристо — Sat, 22 Feb 2020 11:29:47 +0000

Трет ден како молчат институциите за случајот со преплатените грејдери во Армијата на Република Македонија. Пред 2 дена имавме и потврда од министерството за одбрана и од Радмила Шекеринска дека навистина се преплатени двата грејдера по многу повисока цена и повторно покрај таа потврда институциите молчат, истакна на денешната прес-конференција портпаролот на ВМРО-ДПМНЕ Димче Арсовски. Грејдерите кои во Србија се продаваат за 108.000 евра по парче тука во Македонија се купуваат за над 230.000 евра по парче, вели Арсовски. -Дали ова не е очигледен криминал? Каде и во чии џебови завршија над 250.000 евра разлика од двата грејдери, пари на граѓаните кои Радмила Шекеринска преку министерството за одбрана ги преплатила истите машини? Дали овој бонбона бизнис на Радмила Шекеринска мислела дека нема да се дознае во јавноста и по медиумите? Дали овој бонбона бизнис е согласно НАТО стандардите кои што ги пропагира СДСМ?, прашува портпаролот на ВМРО-ДПМНЕ Арсовски. Владата на СДСМ мора да одговара за целокупниот сторен криминал. Додека војската во Армијата на Република Македонија нема основни услови за работа и функционирање, Шекеринска над 250.000 евра ги плаќа повеќе грејдерите и никој не знае каде завршуваат истите пари, додаде Арсовски. Одговорност мора да има и ќе има по доаѓањето на ВМРО-ДПМНЕ по 12-ти април. Обнова на Македонија мора да има. И не смее повеќе да се случуваат вакви тендери каде што се преплаќаат за 150% повеќе сумите од она што чинат истите грејдери, порача од денешната прес-конференција портпаролот на ВМРО-ДПМНЕ Димче Арсовски.

1.600.000 евра: Шеќеринска и Анѓушев си поделиле милионска „бонбона“ за Нова Година!

Љупчо Цветаноски — Wed, 15 Jan 2020 08:18:41 +0000

Министерството за одбрана, со кое раководи Радмила Шеќеринска за овогодинешната потрошена струја ќе му плати на се уште актуелниот вицепремиер задолжен за економски прашања во владата на Заев, Кочо Анѓушев, 1.600.000 евра, покажува сајтот на Бирото за јавни набавки. На 30 декември 2019 година, само два дена пред Анѓушев да замине од Владата, Министерството за одбрана склучило едногодишен договор за јавна набавка со Друштвото за трговија и услуги ЕНЕРЏИ ДЕЛИВЕРИ СОЛУШНС ЕДС ДООЕЛ Скопје, односно ЕДС на Кочо Анѓушев. На тендерот имало 4 понуди, а го добила фирмата која случајно ја дала најниската цена – фирмата на Анѓушев.

Комисија за инфраструктура, урбанизам и транспорт на ВМРО-ДПМНЕ: Дали колапсот на железниците во Македонија води кон нов „Бонбона бизнис“ за владата на СДСМ?

Дарко Андоновски — Tue, 10 Sep 2019 16:12:13 +0000

Фејсбук страната Комисија за инфраструктура, урбанизам и транспорт на ВМРО-ДПМНЕ преку статус прашува „Дали колапсот на железниците во Македонија води кон нов „Бонбона бизнис“ за владата на СДСМ„? -ДАЛИ КОЛАПСОТ НА ЖЕЛЕЗНИЦИТЕ ВО МАКЕДОНИЈА ВОДИ КОН НОВ “БОНБОНА БИЗНИС“ ЗА ВЛАДАТА НА СДСМ? Со ребалансот на буџетот за 2019 година, најголемо намалување на средствата за капитални расходи е во делот на железничката инфраструктура. За околу 22 милиони евра се намалуваат средствата кои беа планирани за инвестициски зафати, во делот на железничката инфраструктура. Владата предлага кратење од 63% на средствата планирани за инвестиции во железничката инфраструктура. На сметка на тоа, се предлага зголемување од 4,6 милиони евра или 66% на средствата за непродуктивни трошоци во делот на субвенции и трансфери. Со ова се покажува дека Владата нема план и интерес за вложување и развој на железниците во Македонија. Се потврдува дека лажни биле ветувањата на Владата во својата програма за нови проекти во железницата. Да се потсетиме, Владата во својата програма за работа ветуваше: - Приградски патнички железнички сообраќај, - Електрифиција на пругата Скопје – Кичево, - Почетна фаза на изградба на нова пруга од Крива Паланка до Деве Баир (трета фаза на Коридор 8 од Куманово до Република Бугарија), - Физибилити студија за изградба на железнички крак до Струмица и Република Бугарија, - Реконструкција на пругата Велес – Битола, - Изработка на основни проекти и друга потребна техничка документација за изградба и надзор на нова пруга на железнички краци до индустриските зони (крак од железничка станица Миладиновци кон индустриска зона Бунарџик) - Безбедност во сообраќајот: осигурување на патните премини на коридорот 8 и коридор 10 - Соларни железнички станици - реконструкција и модернизација на железничките станици на Коридорот 10 и 10д. Ништо од овие ветувања не е реализирано! Напротив железниците во Република Македонија се доведени до тотален колапс. Ниту проектите кои беа започнати од претходната Влада не се завршени. Сеуште не е завршен започнатиот ремонт на делницата Ногаевци – Градско – Неготино – Вардар, а камоли да се започне со нов проект. Железниците во Македонија никогаш не биле во полоша состојба. НЕМА никакви нови проекти, НЕМА никакви нови инвестиции и вложувања. НЕМА инвестиции за одржување и ремонт на пругите и возовите. Впрочем со предлогот на овој ребаланс на буџет се потврдува сево ова. Владата воопшто не планира да ја подобрува состојбата на железниците. Всушност, причините за катастрофалната состојба на железниците во Македонија лежат исклучиво во тоталната незаинтересираност и неспособност на оваа Влада за овој многу важен сектор. Се поставува прашањето: Која е целта на систематското уништување на железниците во Македонија? Сведоци сме дека во изминатиов период во неколку наврати Владата на СДСМ јавно најави приватизација на железниците во Македонија. Па од таму, се појасно е дека целта на ова систематско уништување е да се ослабне Македонски Железници Транспорт АД, со цел да се обезвредни, да се клекне на колена и да се продаде по смешно ниска цена како “бонбона бизнис“. Легитимно се поставуваат следните прашања: 1. Дали СДСМ по принцип на за нив добро познатиот метод прво ќе ја обезвредни и ќе ја прикаже во лошо светло состојбата на МЖ Транспорт АД, а потоа ќе ја продаде (читај, некој ќе си ја купи) за неверојатно ниска цена? 2. Дали е точно дека на затворена седница на Владата на Р. Македонија веќе е донесена одлука за продажба на Македонски Железници Транспорт АД? 3. Дали Република Македонија ќе стане единствена земја во светот која што ќе нема своја државна железница? 4. Дали Владата на Р. Македонија има направено анализа колку вработени ќе останат без работа со продажбата на Македонски Железници Транспорт АД? Граѓаните и вработените во МЖ Транспорт АД заслужуваат одговори на овие прашања. Сеуште се свежи сеќавањата од 2005-та година кога над 700 вработени на Македонски Железници останаа на улица без своите работни места, благодарение на лошите политики на тогашната Влада предводена од СДСМ. Лесно е да се продаде, способност е да се оддржува она што го имаш. Но, за жал способноста не е одлика на Владата на СДСМ. Република Македонија никогаш не била во полоша состојба во делот на железничкиот сектор. Ова уништување мора што поскоро да запре. Со доаѓањето на ВМРО ДПМНЕ на власт ќе се запре процесот на уништување и ќе започне голема обнова на железниците во Р. Македонија. #Оставка #Предвремениизбори, стои во нивниот пост на Фејсбук.