бонус – Kurir.mk

Од денес бонус плата за вработени во МВР за остварени над 150 часа прекувремена работа во 2022

Ристе Здравков — Tue, 06 Jun 2023 07:34:24 +0000

Министерот за внатрешни работи Оливер Спасовски информираше дека денеска се исплаќа бонус плата за вработени во МВР коишто оствариле над 150 часа прекувремена работа на годишно ниво за 2022 година. „Откако го преземав раководењето со МВР, како приоритет се воспостави редовната исплата на бонус плати за над 150 изработени часови прекувремена работа на годишно ниво, како гарантирано право на вработените во МВР согласно Колективниот договор”, истакна министерот Спасовски, нагласувајќи ја исплатата на претходните бонус плати. „Така, во периодот од 2017 до 2022 исплатени се бонус платите за 2017 и 2018, за коишто не беа обезбедени и исплатени средства од претходното раководство на МВР, а продолживме и со редовна исплата на бонус платите за 2019, 2020 и 2021 година, за што вкупно беа обезбедени и издвоени 561.773.133 денари или 9.060.857 евра, средства од Буџетот на МВР предвидени за остварување на ова право на вработените”, истакна Спасовски. Благодарение на спроведените одговорни економски политики и како резултат на домаќинското работење, беше зголемена просечната плата, а со тоа растеше и поединечниот износ на бонус платите во МВР. „Колку за илустрација, ако бонус платата во 2017 година поединечно изнесуваше 22.928 денари, во 2023 година можеме да се пофалиме со бонус плата за 2022 година во поединечен износ од 31.859 денари, што претставува зголемување на износот од безмалку 40%”, истакна Спасовски, додавајќи дека за актуелното раководство на МВР императив е подобрувањето на статусот на вработените во МВР, а во насока на етаблираниот концепт „Задоволна полиција – безбедни граѓани”, бидејќи веќе покажа одлични резултати во гарантирање на безбедноста на граѓаните и државата и во борбата против секаков вид криминал.

Бонусот за вработените во Ferrari изнесува 27 просечни македонски плати

Ристе Здравков — Sun, 05 Feb 2023 13:34:58 +0000

Италијанскиот производител на спортско-луксузни возила Ferrari минатата година оствари нето добивка од 939 милиони евра, што е за 12,7 отсто повеќе од претходната година и највисока досега. И сходно на тоа и вработените ќе добијат дел од заработката која ќе биде околу 13.500 евра. Тоа е еднакво на 27 просечни македонски плати. Вработените во Ferrari имаат високи плати, а околу 5.500 работници ќе добијат и бонуси. Висината на бонусот ќе биде за 12,5 отсто поголема во однос на претходната година. Ferrari продаде 13.221 автомобил во текот на 2022 година, што е сериозен скок од 18,5 проценти во споредба со 2021 година. Што се однесува до годината што започна, веќе има потенцијал да го собори и овој рекорд, бидејќи ќе започнат испораките на долгоочекуваниот модел Purosangua во вториот квартал. Според првиот човек на Ferrari побарувачката за Purosangue е исклучително висока, над сите очекувања, па поради тоа дури и нарачките се затворени бидејќи веќе има двегодишна листа на чекање. Компанијата се уште останува во тајност за моделите кои ќе бидат пуштени во продажба во наредните месеци, а еден од нив би можел да биде кабриолет базиран на Roma. Во развој е нов V12 суперавтомобил поставен напред, но не е јасно дали наследникот на 812 ќе дебитира оваа година. Гледајќи подалеку во иднината, Ferrari е на пат да го претстави својот прв целосно електричен автомобил во 2025 година. Новиот хиперавтомобил што ќе го наследи LaFerrari ќе дебитира во следните три години, а до 2026 година ќе бидат претставени околу 15 нови модели. Приходите од продажба лани достигнаа 5,09 милијарди евра или 19,3 отсто повеќе од претходната година. До 2026 година се очекува сумата да се зголеми на 6,7 милијарди евра, за што ќе придонесат 15-те нови модели кои Ferrari има намера да ги претстави дотогаш. Ferrari заработува не само со продажба на автомобили, туку и со продавање на своите мотори на производители на други брендови, како што е Maserati, и со маркетинг на брендот, на пример за производи со нивното лого.

Секој ќе посака да работи во „Ферари“: Вработените добија РЕКОРДЕН БОНУС

Ивана Ефремовски — Fri, 03 Feb 2023 18:04:56 +0000

Во Ферари решија да ги наградат своите вработени со бонус за исклучително успешната деловна година. Имено, во текот на 2022 година, Ферари испорача 13.221 автомобил, што е зголемување за дури 18,5 отсто во однос на годината пред тоа. Како што потврди првиот човек на компанијата Бенедето Виња, на работниците ќе им биде исплатен бонус од 13.500 евра. И на секој од околу 5.000 лица, колку што се вработени во погоните на Ферари. Во однос на претходната година, ова е зголемување од 12,5 отсто. Добро е што следната година вработените во Ферари би можеле да добијат уште поголем бонус. Имено, оваа година на пазарот доаѓа кросоверот Purosangue, кој веќе има двегодишна листа на нарачки. Ако се земе предвид како профитот се максимизира на ваквите модели, веќе можат задоволно да си ги тријат рацете во Ферари. Се чини дека втората најдобра работа за поседување автомобил Ферари е вработувањето во Ферари. Да потсетиме, на почетокот на годинава и од Мерцедес најавија дека ќе доделат рекордни бонуси на работниците. Сите 100.000 работници во Германија ќе добијат бонус од 7.300 евра.

Реал ќе им даде бонус на своите играчи од 450.000 евра

Тале Кристо — Tue, 30 Aug 2022 18:40:12 +0000

Секој фудбалер на Реал Мадрид ќе добие околу 450.000 евра нето награда за освојувањето на трите трофеи минатата сезона, изјави денеска претставник на Кралскиот клуб. Реал минатата сезона ја освои Лигата на шампиони, шпанската лига и националниот Суперкуп. Мадридскиот клуб оваа сезона ја отвори со уште еден трофеј по триумфот над Ајнтрахт во европскиот Суперкуп. Во Ла Лига екипата на Карло Анчелоти по воведните три кола има три победи над Алмерија, Еспањол и Селта.

Европски страв од инфлација: Работодавците претпочитаат да даваат бонус наместо зголемување на платата

Ристе Здравков — Thu, 09 Jun 2022 09:11:57 +0000

Платите во еврозоната растат, но може да се покаже како привремено, бидејќи работодавците во целиот 19-член блок претпочитаат да даваат еднократни бонуси наместо постојано зголемување на платите поради неизвесните изгледи за економски раст и инфлација. Преферирање на работодавците да даваат повремени покачувања може да биде фрустрирачко за работниците кои се борат со кризата и трошоците за живот, но тоа ќе биде поздравено од креаторите на политиката на Европската централна банка кои стравуваат од самоодржлива спирала на раст меѓу платите и инфлацијата, пишува Ројтерс. Поради инфлацијата од 8,0 отсто во еврозоната, семејствата забрзано ја губат куповната моќ, па прашање на време е кога ќе побараат зголемување на платите, поттикнати од рекордно ниската невработеност и недостигот на работна сила, што е се поболен проблем за компаниите. Од друга страна, нивното трошење дополнителни пари за возврат би поттикнало уште поголема инфлација, која ЕЦБ сака да ја врати на целната стапка од 2,0 отсто. Работодавците, пак, се обидуваат да се спротивстават на големите зголемувања на платите бидејќи гледаат дека војната во Украина го поткопува економскиот раст и се надеваат дека сегашниот скок на инфлацијата ќе биде поттикнат од привремените цени на енергенсите. Површно, се чини дека податоците сугерираат дека работодавците и ЕЦБ полека, но сигурно ја губат битката – платите во еврозоната пораснале за 2,8 отсто во првиот квартал. Ова беше нивната најбрза стапка на раст од почетокот на 2009 година, поттикната од зголемувањето на платите за 4,0 отсто во Германија, најголемата од 19-те економии што ја сочинуваат еврозоната. Меѓутоа, кога се исклучени еднократните плаќања, зголемувањето на платите во Германија беше само околу 2,0 отсто, што покажува дека компаниите ги зголемиле приходите на вработените за да ги ублажат ефектите од инфлацијата и пандемијата, но на ограничен начин што не треба да ја поттикнува инфлацијата. Фактите покажуваат дека компаниите од Италија до Франција и Холандија преземаат слични чекори за зголемување на платите за да ги надминат сегашните тешкотии, но тешко дека тоа ќе се претвори во трајно зголемување на платите. Околу 15.000 работници на аеродромот Шипхол во Амстердам добија дополнителни 5,25 евра на час во текот на летото за да го ублажат сериозниот недостиг на персонал кој ги принуди авиокомпаниите да откажат стотици летови оваа пролет. Во Франција, владата на претседателот Емануел Макрон активно ги охрабрува компаниите да го ублажат негативното влијание на инфлацијата врз вработените преку разни бонуси кои не се оданочуваат, како што се дополнителни пари за плаќање превоз до работа. И во Италија, каде што растот на платите е сè уште пригушен, некои компании плаќаат значителна еднократна помош на работниците како форма на компензација за инфлацијата и со цел да се спречат барањата за зголемување на платите. Производителот на очила Лукотика неодамна им понуди на работниците голем бонус пред оданочување од 3.800 евра, а неговиот помал ривал Де Риго на вработените им даде бонус од 1.000 евра на вработените кои заработуваат помалку од 40.000 евра годишно. Други истакнати италијански компании кои ја прифаќаат истата стратегија се производителот на обувки Geox и производителот на кочници Brembo. „Работодавачите се вкопаа и не сакаат повторно да ги отворат преговорите за платите. Затоа работниците се откажуваа и поднесуваа отказ“, рече Борис Пласи, одговорен за преговорите за платите во францускиот синдикат CGT. Германскиот синдикат ИГ Метал минатиот месец излезе на насловните страници барајќи зголемување на платите за 8,2 отсто на работниците во челичната индустрија, што работодавачите го одбија и наместо тоа понудија еднократна исплата, па не е исклучен можен штрајк таму. Војната во Украина е уште еден фактор што го попречува растот на платите, бидејќи мрачната перспектива и се почестото спомнување на можна глобална рецесија предизвикува страв кај луѓето за работни места. Германската централна банка, Бундеснбанк, соопшти дека „во претстојните преговори за платите, неизвесноста околу економскиот развој и загриженоста за можните загуби на работни места може да го задуши зголемувањето на платите“. Но, освен наглото забавување на економијата, забрзаниот раст на платите во евра е само прашање на време, а начелниот договор на Европската унија за Директивата за соодветни минимални плати, постигнат во вторник, веројатно ќе го забрза тоа, се заклучува во текстот. извор: denar.mk

Нови бонусни акции во Sport Life

Super Admin — Mon, 13 Jul 2020 11:06:43 +0000

Sport Life подготви два нови бонуса за онлајн обложувачите. Со Welcome бонусот до 6.000 денари, ќе им посака добредојде на корисниците кои прв пат уплаќаат депозит за онлајн обложување, додека на оние кои веќе го искористиле почетниот бонус, Sport Life им овозможува нов месечен reload бонус од 50%, а во износ до 3.000 денари. За активирање на акциските бонуси потребно е одигрување на најмалку три натпревари на онлајн тикет, со минимална квота по натпревар - 1,40 и минимален износ на online тикетот/ите да е еднаков на износот од внесениот депозит. По одигрувањето на целиот депозит, акцискиот бонус автоматски се додава на сметката на корисникот. Потоа, акцискиот бонус исто така треба да се искористи со одигрување на тикети по претходно наведните правила, во двојно поголем износ од добиениот бонус за да може да се најави исплатата на тикетот. Минималниот износ на депозитот за онлајн обложување изнесува 300 денари. Welcome бонусот важи од 22.06.2020 до 31.08.2020 и се однесува на првите 1.000 корисници кои ќе ги исполнат условите за добивање на бонусот. Сите детали за Welcome бонусот на Sport Life можете да ги најдете ТУКА. Воедно, од 1-ви јули па сè до крајот на месецот, сите регистрирани корисници на sportlife.com.mk кои веќе го имаат реализирано својот прв депозит на својата корисничка сметка, ќе имаат право на Monthly Reload бонус до 50% од износот на депозитот, а најмногу до 3.000 денари. Имено, бонусот се доделува за првиот нов уплатен депозит во овој месец. Повеќе информации за добивање на овој бонус на Sport Life можете да прочитате ТУКА. Со новите бонуси Sport Life ја наградува лојалноста на играчите. Тие добиваат можност да играат повеќе, да добиваат повеќе и да ги откријат предностите на онлајн обложувањето на Sport Life.

Мурињо брка бонус од два милиони фунти

Ивона Петрова — Fri, 17 Jan 2020 10:07:19 +0000

Менаџерот на Тотенхем, Жозе Мурињо, ќе добие бонус од 2 милиони фунти ако успее да се пласира во Лигата на шампионите следната сезона. Сепак, оваа задача не изгледа лесна, бидејќи во моментов лондонскиот тим заостанува девет бода од четвртото место во Премиер лигата. Ситуацијата дополнително се искомпликува по повредата на голема sвезда и прв стрелец на тимот, Хари Кејн. Сепак, Мурињо веќе започна да го засилува својот тим, при што првиот нов додаток веќе го привлече. Се работи за Жедсон Фернандеш. Кшиштоф Пјатек, кој треба да го замени Кејн, исто така се очекува наскоро да пристигне во Лондон. Покрај првенството, Мурињо има уште една шанса да го квалификува Тотенхем да се натпреварува во најпрестижната клупска трка, но да го стори тоа, Спарс треба да ги подобрат своите перформанси од минатата сезона, кога стигнаа до финалето, а овој пат да го освојат трофејот во Лигата на шампионите.

Шеф за пример: На своите 200 вработени им подготвил неверојатен подарок, а кога слушнале што добиваат плачеле од среќа (ВИДЕО)

Ивана Ефремовски — Mon, 24 Dec 2018 11:13:07 +0000

Ли Шенхер, директорот на една приватна компанија во Мичиген, одлучил да израдува 200 вработени со бонус од 4 милиони долари. Тоа би значело дека вредноста на бонусот ќе биде од 20.000 до 60.000 долари по вработен. Фабриката произведува пена која потоа се продава во голем синџир на продавници во САД, како и преку „Амазон“ и е наменета за декорирање и цветни индустрии. Компанијата „Флора крафт“ е основана во далечната 1946-та година, а нејзиниот сегашен извршен директор и сопственик, Ли Шенхер, ја води од 1973-та година.

FloraCraft chair gives almost $4 million in Christmas bonuses to employees. https://t.co/aLS4CjeJSy pic.twitter.com/PdiNCfoYIQ
— Mason Co. Press (@MasonCoPress) December 17, 2018

Тој на 14-ти декември ја објавил одлуката за бонусите, на свечената вечера со вработените. Вработените му аплаудирале, а некои дури заплакале од среќа. „Тоа е нешто што Ли со години сакаше да го направи. Во февруари, на собирот на управниот одбор рече: 'Мислам дека оваа година мора да изнајдеме начин за тоа да го реализираме.' Поминавме голем дел од годината смислувајќи ја вистинската програма“, рекол Ерик Ервин, еден од главните менаџери. Како што соопштила компанијата, висината на бонусот зависи од тоа колку долго работеле во фирмата. Вработените ќе добијат бонус од два дела. Првиот дел ќе го добијат во готово и тоа до крајот на наредната година, а вториот дел ќе им биде префрлен на сметка, до крајот на март, 2020-та година. Сè до свечената вечера, компанијата тоа го чувала како строго доверлива тајна. Инаку, во оваа фирма никогаш немало отпуштање на вработените поради технолошки вишок или поради лошо работење.

Екстра бонуси од Спорт Лајф – Од 2.000 добивка, 750 евра бонус

Ивона Петрова — Thu, 15 Nov 2018 13:13:19 +0000

Спорт Лајф им донесе дополнителна добивка на своите типувачи со новите бонуси. Типувач од Кисела Вода тоа го искористи и направи висок скок од 50 до 221.750 денари! Едноставно вложил 50 денари и решил да игра 9 пара од националните лиги само со конечни типови 1 или 2, освен за мечот Борусија Дортмунд и Баерн Минхен, каде го добил типот Т12+& ГГ. Б. Дортмунд го победи Баерн со 3:2 на свој терен и покрај водството на Баерн во прво полувреме со голот на Левандовски. Пресвртите сигурно му ги истенчиле нервите на нашиот типувач бидејќи Борусија најпрво резултатот го изедначи од пенал, но по само 3 минути повторно прими гол од Левандовски, за ново водство. Потоа, Борусија направи пресврт, возвраќајќи со 2 последователни гола и резултат за конечна победа и висок скор на типувачот на Спорт Лајф од 3 600 евра. Вториот и уште повисок бонус од 750 евра е остварен во Гостивар, каде играчот заминал со вкупна добивка од 2 000 ЕУР или 123.635 денари. Нанижал дури 16 натпревари од разните национални лиги, иако со пониски квоти, ги погодил сите и ја остварил целта повторно со само 50 денари влог. А типовите се едноставни предвидувања за конечните резултати или победи на овие натпревари. Така оваа недела, со конечни типувања 1 или 2 до одлични бонуси и високи добивки. Добитните тикети видете ги подолу.

Дополнителна награда за ракометарите ако двапати ја победат Романија- Еве колкав бонус ќе добијат доколку изборат пласман на СП

Дарко Андоновски — Wed, 11 Apr 2018 15:56:50 +0000

На денешната седница на Управниот одбор на Ракометната федерација на Македонија (РФМ), беше одлучено ракометарите да бидат наградени со 30.000 евра, доколку изборат пласман на Светското првенство во 2019 година, што ќе се одржи во Германија и Данска. Новост е дополнителниот бонус од десет илјади евра, ако Македонија ја совлада Романија на двата бараж натпревари. Средбите со Романија се играат на 10 јуни во Скопје, односно на 13 јуни на гостински терен. Директорот на репрезентацијата Милчо Чакарески го поднесе извештајот за оствареното на Европското првенство во Хрватска и настапот го оцени како успешен, меѓутоа не и како максимум што можевме да направиме.