Кочов бара поддршка од навивачите на дуелот со Борац Чачак

Дарко Андоновски — Wed, 03 Oct 2018 08:05:02 +0000

По стартната победа против словенечки Хелиос, кошаркарите на МЗТ Скопје Аеродром вечер го пречекуваат Борац од Чачак во обид да стигнат до втората победа во регионалната АБА 2 лига. - Убеден сум дека со помош на навивачите, кон кои апелирам да дојдат во што е можно поголем број, ќе го совладаме Борац и ќе се израдуваме на втората победа. Но, за да го сториме тоа ќе треба сериозно да се испотиме, во што воопшто и не се сомневам. Не очекува пресметка со исклучително квалитетен и пред се искусен противник. Клучно ќе биде да одиграме добро под кошевите, пристапот да ни биде како што посакуваме и секако да бидеме агресивни во одбраната, изјави Кочов за клупскиот сајт на МЗТ. Натпреварот ќе се игра во СЦ „Јане Сандански“ со почеток во 19 часот.

Згасна поранешниот ракометен европски шампион

Ристе Здравков — Thu, 13 Sep 2018 11:56:11 +0000

Поранешниот европски првак во ракомет Борац од Бања Лука денес престанува да работи поради финансиски и инфраструктурни проблеми. Директор на клубот Владимир Бранковиќ рече дека Борац остана без било каква поддршка и сите селекции од најмладите до првиот тим престануваат со работа поради катастрофалните услови. И покрај максималниот напор на Управниот одбор не сме во можност да ги обезбедиме основните услови за работа и затоа сме принудени на радикален чекор, изјави Бранковиќ. Клубот од Бања Лука, минатата сезона го освои Купот на Босна и Херцеговина. Борац е основан во 1950 година, шампионот на Европа беше 26 години подоцна и го освои Купот на ЕХФ во 1991 година.

борац – Kurir.mk

Кочов бара поддршка од навивачите на дуелот со Борац Чачак

Згасна поранешниот ракометен европски шампион