борбен авион – Kurir.mk

Бајден: САД нема да испраќаат борбени авиони Ф-16 во Украина

Ивона Петрова — Tue, 31 Jan 2023 06:31:02 +0000

Американскиот претседател Џо Бајден изјави дека Вашингтон нема да испраќаат борбени авиони Ф-16 во Украина, пренесуваат британските медиуми. Западните медиуми минатата недела соопштија дека група воени претставници „во тишина“ го наговараат Пентагон да испрати авиони Ф-16 во Киев. За ова прашање францускиот претседател Емануел Макрон, синоќа не ја исклучи можноста Париз да испрати борбени авиони во Киев, но под одредени услови. САД за неколку недели ќе почнат да ги испраќаат ветените 31 тенк „М1 Амбрамс“„ во Украина.

САД и Франција не ја отфрлаат можноста за испраќање борбени авиони во Украина

Ивона Петрова — Fri, 27 Jan 2023 15:26:11 +0000

САД и Франција не ја исклучуваат можноста за испорака на борбени авиони на Украина, посочија денеска претставниците на двете земји. На прашањето дали Вашингтон ја разгледува таа опција, Џон Фајнер, заменик-советник за национална безбедност на американскиот претседател, за телевизијата Ем-Ес-Ен-Би-Си изјави дека ниту еден вооружен систем не е исклучен. Поддршката, вели тој, ќе биде прилагодена на тоа што и треба на Украина и „ќе разговараме за тоа многу внимателно“, рече Фајнер, пренесува Дојче веле. Според пишувањата на британските медиуми, слична изјава во Лондон дал и претседателот на Одборот за одбрана на француското национално Собрание, Томас Гасиу. -Барањата мораме да ги испитаме од случај до случај и притоа сите врати да ги оставаме отворени, додаде тој. Полската влада најави дека ќе го поддржи НАТО доколку одлучи да и испорача борбени авиони на Украина. -Мислам дека ние, НАТО, треба да бидеме похрабри, рече премиерот Матеуш Моравјецки во изјава за француската телевизија LCI. Но, како што нагласи, тоа може да биде само одлука на НАТО во целина. Од друга страна, германскиот канцелар Олаф Шолц ја отфрли можноста за испорака на борбени авиони. Претходно украинскиот претседател Володимир Зеленски повтори дека неговата земја има потреба од дополнителни испораки на оружје, покрај сега ветените борбени тенкови. -Руската агресија може да се запре само со соодветно оружје, рече Зеленски во своето редовно ноќно видео обраќање до сонародниците, додавајќи дека, меѓу другото, се потребни и борбени авиони.

Германски авион летал блиску до рускиот воздушен простор, Русите кренаа борбен авион

Ивона Петрова — Tue, 17 Jan 2023 06:40:51 +0000

Руската војска соопшти дека придружувала германски извидувачки авион над Балтичкото Море подалеку од рускиот воздушен простор. Борбениот авион полетал за да го придружува германскиот поморски извидувачки авион Lockheed P-3 C Orion, соопшти Министерството за одбрана во Москва. Авионот на германските вооружени сили, Бундесверот, свртел пред да стигне до рускиот воздушен простор. Рускиот борбен авион Су-27 потоа исто така се вратил на својот аеродром. „Спречена е повреда на руската државна граница“, соопшти руското Министерство за одбрана. Портпаролот на германската морнарица за ДПА изјави дека авионот извршувал рутински извидувачки лет. Руски пресретнувач тогаш полетал во воздушниот простор во близина на Калининград за да набљудува. И тоа беше рутинска реакција, ништо не се случи, велат претставници на германската морнарица. Тензиите во воздушниот простор над Балтичкото Море меѓу силите на НАТО и Русија се зголемија од почетокот на руската војна против Украина, која почна во февруари минатата година. Со ексклавата Калининград, Москва има силен воен пункт во регионот. Таму се наоѓа и руската балтичка флота.

Јапонија, Велика Британија и Италија заеднички ќе развиваат борбен авион од новата генерација

Ивона Петрова — Fri, 09 Dec 2022 09:05:01 +0000

Јапонија ќе соработува со Велика Британија и Италија на проектот за нова генерација борбени авиони, соопштија денеска трите земји. Токио, Лондон и Рим ќе започнат амбициозен проект за развој на борбен авион од новата генерација, а прототипот се очекува до 2035 година, како дел од „Глобалната борбена воздухопловна програма (GCAP – Global Combat Air Programme), посочуваат владите на трите земји во заедничкото соопштение. Како што се наведува, ќе има можности за соработка и со други партнери. Јапонија се стреми да ја прошири соработката во областа на одбраната и со други партнери покрај нејзиниот традиционален сојузник САД. Соработката ќе се заснова на истражувања кои веќе ги иницираа трите земји во областа на високите технологии во борбената авијација, како што се беспилотни летала, и претставува прво здружување на Јапонија со европски партнери во оваа област. Многу детали за проектот се уште не се познати, ниту колку ќе чини, изјави претставник на јапонското Министерство за одбрана, кој прецизираше дека производството треба да започне околу 2030 или 2031 година за да може да се создаде прототип до 2035 година. – Кога ќе ги погледнете другите земји, САД го имаат Ф35, а Европа го има Еурофајтер. Ние секако ќе се стремиме да развиеме борбени авиони кои ги надминуваат можностите на тие модели, рече тој функционер. Во центарот на проектот би требало да бидат јапонските Мицибуши хеви индастрис )Mitsubishi Heavy Industries), британската BAE Systems и италијанскиот Leonardo, посочува јапонскиот економски весник Никеи. „Ние сме решени да го браниме слободниот меѓународен поредок, отворен и заснован на правила, што сега е поважно од кога било, бидејќи овие принципи се оспорувани, а заканите и агресијата растат“, се вели во соопштението на трите земји. „Со оглед на тоа што е важно да ја браниме нашата демократија, нашата економија и нашата безбедност и да ја заштитиме регионалната стабилност, ни требаат цврсти партнери во областа на одбраната и безбедноста, опремени и зајакнати со веродостојна моќ за одвраќање“, се додава во соопштението.

ФОТО: Први фотографии од местото каде се урна хрватскиот МиГ

Ивона Петрова — Tue, 06 Dec 2022 18:09:55 +0000

Хрватски Миг-21 се урна денеска во ненаселена област кај Слатина. Од Министерството за одбрана објавија и официјално соопштение за пилотите - двајцата се пронајдени и надвор од животна опасност и се транспортирани во болница. -Повредениот пилот е евакуиран со хеликоптер и му е укажана медицинска помош. На теренот имало 28 припадници на горската спасувачка служба, со беспилотно летало, додека на пат биле над 95 припадници на со 11 летала кои имаат можност за пребарување и во вечерни услови и 4 тимови за пребарување со кучиња трагачи. Први на терен излегоа членовите на станицата ХГСС Ораховица, ја презедоа иницијативата и ја завршија целата работа, а ние се вклучивме и помогнавме. Паралелно со испраќањето луѓе на терен, нашиот центар работи на примање информации ја дефинира патеката на летот на авионот и можниот пат на паѓање, изјави Звонимир Милер, раководител на потрагата во ХГСС. Несреќата ја коментираше и хрватскиот претседател Зоран Милановиќ. -Во овој момент најважно е што двајцата пилоти на хрватското воздухопловство се живи и дека на местото на авионската несреќа нема жртви или повредени, како и нема штета на имотот на граѓаните. На повредениот пилот му посакувам брзо закрепнување. Во постојан контакт сум со началникот на Генералштабот на вооружените сили на Република Хрватска, адмирал Роберт Храње, кој ме информира за ситуацијата. Очекувам што поскоро да се утврдат околностите и причината за падот на авионот МиГ-21, се вели во писмената изјава на претседателот Зоран Милановиќ.

Јапонија, Велика Британија и Италија ќе разработуваат проект за нов борбен авион

Тале Кристо — Fri, 02 Dec 2022 07:52:22 +0000

Јапонија, Велика Британија и Италија идната седмица ќе објават договор за заеднички развој на нов напреден воен авион. За Токио и Лондон тоа претставува кулминација на се поблиски одбранбени врски, што на Велика Британија и даваат поголема безбедносна улога во Азија, а на Јапонија нови безбедносни партнери во спротивставувањето на растечката воена моќ на соседна Кина. Плановите за спојување на британскиот проект „Темпест“ со јапонскиот „Еф-Икс“ првпат беа објавени од медиумите во јули годинава. Новиот заеднички проект ќе означи прва соработка на Јапонија во поголем проект од воената сфера со други држави настрана од САД. Разговорите по однос проектот што ќе го реализираат „BAE Systems Plc (BAES.L)“ и „Mitsubishi Heavy Industries (7011.T)“, Јапонија, Велика Британија и Италија ќе ги продолжат следната година со разработување на деталите, како проучување и размена на дизајни и варијанти на секој од партнерите во проектот.

Се урна борбен авион, пилотот се катапултираше и се спаси

Катерина Бојаџиева — Thu, 03 Nov 2022 21:24:46 +0000

Француски борбен авион „Мираж“ се урна денеска во источна Франција, при што пилотот се спаси откако го искористи седиштето за исфрлање, јави ДПА. Авионот „Мираж“ се урна денеска во источна Франција, на 5 километри северно од воздухопловната база „Луксеј-ле-Бен“, соопшти Министерството за одбрана во Париз. Невооружениот авион се урнал во пошумена област, избегнувајќи штета при удар со земја. Пилотот не е повреден.

Се сруши борбен авион во Турција: Пилотот загина (ВИДЕО)

Магдалена Андонова — Wed, 07 Apr 2021 12:46:13 +0000

Пилотот на турскиот борбен авион Нортроп НФ-5 загина кога авионот се урна денес во централниот дел на Турција, потврди тамошното Министерство за одбрана. Авионот се сруши во провинцијата Коња околу 14 часот и 45 минути по локално време, а причината за падот на авионот се уште не е позната. Спасувачките екипи се на терен, а властите веќе започнаа истрага за да се откријат причините за падот. Турскиот претседател Реџеп Таип Ердоган изрази сочувство до семејството на загинатиот пилот.

#SonDakika Konya'da askeri eğitim uçağı düştü... Olay yerine sağlık ve itfaiye ekipleri sevk edildi pic.twitter.com/2zEUtAyuEd
— Habertürk TV (@HaberturkTV) April 7, 2021

Според локалните медиуми, авионот што се срушил бил дел од аеробатскиот тим на турското воено воздухопловство, а несреќата се случила за време на тренинг летот.

На Далечниот исток се урна најмодерниот руски борбен авион

Дарко Андоновски — Tue, 24 Dec 2019 07:57:32 +0000

На рускиот Далечен исток, кај Комсомолск на Амур, се урна ловец „Т-50“ ( Су-57), соопшти администрацијата на Хаберскиот округ, пренесоа руските медиуми. Авионот се уште не и припаѓал на руската војска, туку бил тестиран од локалната фабрика „Гагарин“, која ги произведува овие авиони. Инцидентот се случил на 120 километри од аердормот „Џомги“, во текот на тестирањата. Пилотот успеал да се катапултира, а потоа бил собран од хеликоптер „Ми-8“. Засега останува непозната здравствената состојба на пилотот. Стручњаците наведуваат дека црните кутии треба да ја откријат причината за падот на авионот, а засега се претспоставува дека станува збор за дефект на леталото или грешка на пилотот. Авионот „Су-57“ е руски ловец од петтата генерација. Првиот лет на овој авион бил изведне во 2010 година. Руското Министерство з аодбрана има нарачано 76 вакви ловци.

Шпански авион-ловец од невнимание истрела проектил во Естонија

Предраг Кукиќ — Wed, 08 Aug 2018 07:47:20 +0000

Шпански борбен авион, стациониран во Литванија, по грешка, за време на обука, испушти ракета над југозападна Естонија. притоа тој не предизвикал никаква штета, соопшти шпанското Министерство за одбрана, кое отвори истрага за случајот. Шпанското Министерство соопшти дека инцидентот се случил вчера попладне, „во зона во која таков тип вежба е дозволен“. „Ракетата воздух-воздух не погоди ниеден авион. Министерството за одбрана отвори истрага за да утврди како точно се случил инцидентот“, се наведува во соопштението. (МИА)