борбена готовност – Kurir.mk

Лукашенко нареди целосна борбена готовност на Белорусија

Ивона Петрова — Tue, 27 Jun 2023 09:01:24 +0000

Поради обидот за вооружен бунт во Русија, претседателот на Белорусија, Александар Лукашенко, издаде наредба за ставање на армијата во целосна борбена готовност. „Ги дадов сите наредби армијата да се подигне во состојба на целосна борбена готовност“, рече Лукашенко денеска во Минск, на церемонија на која именуваше генерали. Според Лукашенкo, граѓаните на Белорусија со загриженост го следele обидот за бунт во Русија.

НАТО: Се ставаат во состојба на борбена подготвеност 300.000 војници за „судир што може да се случи во секој момент“

Ивона Петрова — Fri, 19 May 2023 08:31:50 +0000

Северноатлантската алијанса се подготвува за „судир што може да се случи во секој момент“, јавија британските медиуми за воените планови на НАТО. Како што се наведува, овие планови ќе се решаваат на самитот на Алијансата во Вилнус во јули, а нивната цел е „подобра подготвеност на Алијансата за напад и подобрена логистика“. За првпат по Студената војна, НАТО ќе ги ажурира своите борбени планови за тоа како да се одговори во случај на руски напад. -Фундаменталната разлика меѓу менаџирањето со криза и колективната одбрана е тоа што ’не сте вие, туку нашиот непријател е тој кој одлучува кога ќе нападне’, изјави адмирал Роб Бауер, еден од највисоките воени претставници на НАТО. НАТО тоа го нарекува „регионални планови“, а како дел од нив членките на НАТО ќе добијат насоки. -Сојузниците точно ќе знаат какви сили и способности се потребни, вклучително и што, каде и кога да се распоредат, коментираше Јенс Столтенберг, шеф на НАТО, за доверливите документи. Со овие планови се формализира процесот што почна по руската анексија на Крим во 2014 година, кога западните сојузници првпат испратија борбени единици на исток, а Велика Британија, Канада и Германија ги презедоа водечките улоги во трите балтички држави. Алијансата, согласни се експертите, повеќе не се подготвува за голем напад, туку за неколку помали, регионални кризи, за кои ќе бидат потребни сили за брзо распоредување. Впрочем, картите се значително различни отколку во Студената војна, со оглед на повеќето земји- членки и пристапувањето на Финска. Сега и таа граница е значаен дел од сложувалката, а претходно главното потенцијално бојно поле беше Германија. Големата вест е постоењето на беспилотни летала, хиперсоничното оружје и брзата циркулација на информации. Има многу предизвици - треба да се стават 300.000 војници во готовност, од претходните 40.000, а има и производство на муниција и оружје, исцрпени од војната во Украина, се наведува во плановите на Алијансата.

Армијата ќе го брифира врховниот командант Пендаровски за борбената готовност

Ивона Петрова — Mon, 26 Dec 2022 07:03:11 +0000

Началникот на армискиот Генералштаб, генерал-потполковник Васко Ѓурчиновски денеска ќе го информира претседателот и врховен командант на Вооружените сили, Стево Пендаровски за борбената готовност и за степенот на реализација на плановите и задачите на Армијата во текот на 2022 година. Брифингот, кој е редовна годишна обврска на началникот на Генералштабот пред врховниот командант, е со цел претставување на состојбата во областите кои имаат влијание на борбената готовност на Армијата во тековната година. На брифингот ќе присуствуваат и министерката за одбрана Славјанка Петровска, претставниците на Кабинетот на претседателот и генералите во Армијата. – Претседателот Пендаровски подетално ќе биде запознаен со степенот на реализација во функционалните области: персонален менаџмент, морал, операции во земјата и странство, обука и вежби, логистичко обезбедување, планирање, врски и комуникации, буџетирање и цивилно-воена соработка, информираат од Министерството за одбрана.

Белорусија спроведува ненајавена проверка на борбената готовност на трупите

Ивана Ефремовски — Tue, 13 Dec 2022 08:28:04 +0000

Белорусија почна ненајавена инспекција на борбената готовност на своите трупи соопшти денеска Министерството за одбрана. -Активностите ќе бидат сеопфатни по карактер, трупите ќе мора што побрзо да се префрлат во подрачја предвидени за тоа, со инжинерска опрема, да организираат заштита и одбрана и да постават понтонски премини преку реките Неман и Березин, соопшти Министерството за одбрана на Белорусија. Се наведува дека ќе биде транспортирана воена техника и персонал, како и дека поради тоа ќе биде ограничен сообраќајот на одредени јавни патишта. (МИА)

Годишно реферирање за борбената готовност на Армијата

Ивона Петрова — Fri, 24 Dec 2021 06:43:52 +0000

Началникот на Генералштабот, генерал-потполковник Васко Ѓурчиновски денеска ќе го информира врховниот командат на вооружените сили и претседател на државата Стево Пендаровски за борбената готовност на Армијата во тековната 2021 година. На реферирањето, кое е редовна годишна обврска на началникот на Генералштабот, ќе биде презентирана состојбата во Армијата по функционалните области кои се однесуваат на персоналниот менаџмент, моралот, операциите во земјата и странство, обуката и вежбите, логистичкото обезбедување, планирање, врски и комуникации, буџетирање и цивилно-воена соработка, како и за трансформацискиот процес во Армијата. На брифингот за борбената готовност најавено е присуство и на министерката за одбрана Радмила Шекеринска, генералите во Армијата и членови од Кабинетот на претседателот.

Реферирање за борбената готовност на Армијата пред врховниот командант

Ивона Петрова — Wed, 23 Dec 2020 06:28:27 +0000

Во Домот на Армијата во Скопје, пред претседателот и врховен командант на Вооружените сили, Стево Пендаровски денеска, како редовна годишна обврска на началникот на Генералштабот на Армијата, ќе се реализира реферирање за состојбата со борбената готовност на Армијата во тековната 2020 година. Како што најави Генералштабот на Армијата, на брифингот за борбена готовност, кој е прв по полноправното членство во НАТО, ќе присуствува и ќе се обрати и министерката за одбрана Радмила Шекеринска. – Претседателот на Република Северна Македонија и врховен командант на Армијата, Стево Пендаровски од страна на началникот на Генералштабот, генерал- потполковник Васко Ѓурчиновски ќе биде информиран за состојбата, обемот на реализација на плановите и задачите на Армијата во тековната 2020 година кои влијаат на борбената готовност на Армијата, посочуваат во соопштението. На реферирањето на кој ќе бидат присутни и генералите во Армијата и членови од кабинетот на претседателот ќе биде презентирана состојбата во Армијата, согласно функционалните области: персонален менаџмент, морал, операции, обука и вежби, логистичко обезбедување, планирање, врски и комуникации, буџетирање и цивилно-воена соработка, како и трансформациските и интегративните процеси согласно НАТО стандардите.

Турски воени бродови се во борбена готовност крај брегот на Анталија

Тале Кристо — Fri, 07 Aug 2020 05:43:41 +0000

Потпишувањето на договорот меѓу Грција и Египет за обележување на нивните ексклузивни зони, за кои Анкара вели дека опфаќа регион на турскиот континентален гребен, ја налути Турција. Како одговор на тоа, Турција издаде Навтекс што се смета за предупредувачка нота во поморската пракса. Во Навтекс (навигациско соопштение за морска безбедност) објавен на веб-страницата на Турската морнарица се предупредува дека „турските воени бродови ќе изведуваат вежби со пукање во медитеранските води на Турција крај брегот на Анталија на 10-11 август годинава“. Според Анкара, договорот потпишан вчера меѓу Атина и Каиро за заедничка економска зона на Медитеранот е провокативен и има за цел да ја отстрани Турција од источниот медитерански регион. Турција реагираше веднаш испраќајќи ги своите воени бродови крај медитеранскиот брег на Анталија за „вежби со гаѓање цели“. Претходно, турското Министерство за надворешни работи издаде соопштение во кое се вели дека смета дека потпишаниот договор меѓу Грција и Египет за демаркација на нивните економски зони е невалиден. Како и дека се однесува на област од турскиот континентален гребен. Експертите најавуваат нова ескалација на тензиите во источниот Медитеран заради истражување на наоѓалишта на природен гас за што имаат претензии не само Турција, Грција, држави во регионот, но и ЕУ.

Вучиќ нареди состојба на највисока борбена готовност

Ивона Петрова — Sat, 29 Sep 2018 11:58:25 +0000

Претседателот на Србија, Александар Вучиќ нареди ставање на комплетната војска во највисока борбена готовност, јавуваат српските медиуми. Кабинетот на претседателот, кој е Врховен командантм ја потврдил информацијата. Наредбата му била пренесена на началникот на Генералштабот на војската на Србија. Претходно, околу 60 припадници на специјалната полициска сила на Косово, РОСУ, биле распоредени на хидроцентралата Газивода. Министерот за внатрешни работи на Србија, Небојша Стефановиќ изјави дека во полна готовност се и српските полициски сили.