борче георгиевски – Kurir.mk

ВМРО-ДПМНЕ: ОЈО да отвори постапка за набавката за осветлување на Борче Георгиевски и оштетување на буџетот на општина Гази Баба

Тале Кристо — Mon, 24 Jan 2022 07:54:44 +0000

ОЈО да отвори постапка за набавката за осветлување на Борче Георгиевски и оштетување на буџетот на општина Гази Баба, бараат од ВМРО-ДПМНЕ. За само 103 дена Борче Георгиевски од СДСМ како градоначалник на Гази Баба потрошил 11 милиони денари за поставување на нови линии за осветлување, и истовремено додека уште не завршил овој период доделил уште еден тендер од 1.7 милион евра за замена за актуелните светилки со лед, при што исплатил 20% аванс. Георгиевски потрошил 2 милиони евра пари на граѓаните на Гази Баба за нецела година за осветлување. Ја повикуваме општината и градоначалникот Бобан Стефковски да ги ревидира постапките, а институциите да отворат постапка - Дали фактичката состојба на терен соодветствува со таа во надзорот, општината и пријавената од фирмата изведувач. Дали се работи за реални потреби и работи или било потребно само да се исплатат аванси пред избори?, стои во партиското соопштение на ВМРО-ДПМНЕ.

Арсовски: При активен договор за местење лед светилки од 1.7 милиони евра, Георгиевски склучил 2 нови за одржување на старите светилки во вредност од 4 милиони денари

Дарко Андоновски — Sat, 22 Jan 2022 12:33:26 +0000

Пред да ги претставиме тендерите и договорите за денес кои што треба да ги видат граѓаните на тема Гази Баба и јавно осветлување, уште еднаш да ги повикаме институциите да направат ревизија на овие договори кои што ги презентиравме во претходните два дена, ова денеска преку прес-конференција го истакна Димче Арсовски од ВМРО-ДПМНЕ. -Реакцијата на СДСМ и претходниот градоначалник Борис Георгиевски во Гази Баба, ја знаевме однапред што ќе биде и нема одговор уште една зошто милиони евра се дадени за улично осветлување, а Гази Баба не беше средена по однос на тоа прашање. И кога веќе Борис Георгиевски има прашања и недоумици за сопственото работење, бидејќи му се нејасни реакциите, никој не може да каже што сака да каже денеска ќе му поставиме уште неколку прашања. Она што е важно е дека градоначалникот Борис Георгиевски од СДСМ, откако склучил договорот за паметно осветлување во висина од 1,7 милиони евра со ДДВ кој што го презентиравме вчера, по исплаќање на авансот од 340 илјади евра, кој што беше исплатен во првите десет дена инаку 20 проценти од целата сума, Георгиевски не издал никаков налог за работа до заминување на својата функцијата. Значи го земале авансот од фирмата и 2 месеци ништо не срабтиле бидејќи градоначалникот не дал никаква насока или налог писмен за работење, односно за извршување на дејностите согласно договорот кој што го потпишал и местење лед светилки, што уште еднаш покажува дека им било единствено важно само да го исплатат авансот пред изборите во месец август и толку, повеќе ништо не се сработило додека бил градоначалник, вели Арсовски. Тој додава дека дали граѓаните ќе имаат бенефит или не, воопшто не им било важн, ниту на надзорот, ниту на фирмата, ниту пак на Борис Георгиевски. -Со овој договор трбеало да се постават смарт светилки на над 60тина проценти од светилките во цела Гази Баба. Замислете, наместо да се издаде налози од страна на градоначалникот за поставување на нови лед светилки и да се менуваат натриумовите светилки како што велат и во реакцијата, Борис Георгиевски пред заминување од функцијата на 13 октомври 2021 година склучува уште 2 договори за реконострукција и одржување на светилки во вредност од по 2 милиони денари. Вкупно 4 милиони денари со ДДВ, фирмата иста која што и претходното одржување го земала, одредена фирма Електро Микица ДООЕЛ Скопје, а истите реони се каде што би требало и да се местат тие лед светилки. И главното прашање тука кој што треба да го одговори Борис Георгиевски, ако веќе има активен договор за смарт осветлување и ако менува натриумови светилки со паметни светилки, зошто не дал налог да се поставуваат паметни светилки, туку склучил 2 нови договри во висина од 4 милиони денари за одржување на старите светилки или така наречени натриумови? На скандалите им нема крај. Борис Георгиевски со вакви договори за осветлување во вредност од 2 милиони евра во времетраење од половина година, Гази Баба требаше сега да биде поосветлена од Париз, кој важи за град на светлината, вели Арсовски. Тој истакнува дека бараме ревизија на овие договори, каде, колку и дали се спроведени и дали соодвествуваат записниците од надзорите со фактичката ситуација, затоа што 2 милиони евра пари се испланирани да се фрлат во вода или испумпаат, во време кога најголем дел од граѓаните во руралниот дел газат во кал благодарение на неостварените ветувања на СДСМ.

Заев и Георгиевски ветија пет градинки, ВМРО-ДПМНЕ истакнува дека жителите на Инџиково, Ќерамидница, Трубарево и Синѓелиќ останаа излажани

Ивана Ефремовски — Tue, 27 Jul 2021 10:59:55 +0000

Зоран Заев и Борче Георгиевски имаа потреба од 3 години за да направат една градинка во Гази Баба, а ветија пет. Толку се неспособни што ниту една од останатите 4 градинки не е ниту почната, ниту има план за градба, велат од ВМРО-ДПМНЕ. „Заев и Георгиевски ветија градинки во Инџиково, Ќерамидница, Трубарево и Синѓелиќ, нови градинки во овие населени места нема. Заев и Георгиевски 4 години не сработија ништо за Гази Баба. Ништо ниту ветеното основно училиште во Ченто. Четиригодини Гази Баба со Заев и Георгиевски стагнира. Четири години општината не се развива, време е Гази Баба да напредува. Време е за Македонија за сите луѓе“ - велат од ВМРО-ДПМНЕ.

Градоначалникот на Гази Баба го победи коронавирусот

Тале Кристо — Fri, 26 Jun 2020 12:24:10 +0000

Драги пријатели, сакам да ве известам дека по извршени два негативни тестови ја напуштив Клиниката за инфективни болести и од денеска сум дома и продолжувам со домашно лекување, објави на својата Фејсбук страница градоначалникот на општина Гази Баба Борче Георгиевски. Упатувам голема благодарност до целиот медицински тим на Клиниката, за нивната огромна пожртвуваност и храброст да помогнат на секој пациент кој се бори со ковид-19. Од моја страна, како знак на благодарност за херојството и поддршка за целокупниот медицинскиот персонал, денес донирав 10 навлажнувачи за кислород и 1 дигитален апарат за мерење на крвен притисок за Клиниката за инфективни болести. Ви благодарам на целата ваша поддршка која ми ја давата овие недели. Ве молам чувајте се сите, почитувајте ги здравствените препораки и носете заштитна опрема.

Градоначалникот на Гази Баба има коронавирус, примен е на Инфективна?

Ивана Ефремовски — Fri, 12 Jun 2020 20:17:28 +0000

Градоначалникот на Гази Баба, Борче Георгиевски е позитивен на коронавирус, дознава КУРИР. Како што дознаваме, тој е сместен на Инфективната клиника во Скопје.

Комисија за локална самоуправа на ВМРО-ДПМНЕ: Бараме оставка од градоначалникот на Гази Баба – Борче Георгиевски и советникот на СДС – Берат Весел!

Тале Кристо — Thu, 16 Apr 2020 17:28:25 +0000

Почекавме да поминат неколку дена од грубото прекршување на сè што значи правна држава и морална одговорност. Страстите можеби се смирија, но последиците од настанот во с. Сингелиќ остануваат да бидат пример за тоа како оваа власт практикува правна држава!, региораат преку соопштение објавено на Фејсбук од комисијата за локална самоуправа на ВМРО-ДПМЕ. Бидејќи градоначалникот на Гази Баба - Борче Георгиевски и советникот Берат Весел немаат ни трошка морална одговорност, ги повикуваме да си поднесат ОСТАВКА! Доколку неможете да се сетите зошто, ќе ви направиме мал рекапитулар што се случи во Сингелиќ за време на полициски час. Што ни покажа Сингелиќ? 1.Видовме како се толерира уништување на урбана опрема поставена со парите на граѓаните само заради тоа што на некому не му се допаѓа. Да биде куриозитетот поголем, еден од тие што уништуваа е советник во општина Гази Баба. Истиот тој, на вараварски начин и за време на полициски час отстранува легнат полицаец поставен заради безбедност на учесниците во сообраќајот. Зошто го поставиле за советник, ако неможе на легален начин, преку делување во советот да отстрани барем еден легнат полицаец, е прашањето кое веројатно сите си го поставуваме. 2.Истиот советник во општина Гази Баба не го почитува полицискиот час и собира толпа луѓе, кога полицијата ги приведува заради прекршување на истиот. 3.Толпа луѓе се собира и се заканува (како што слушаме од снимките) со оружје доколку приведените не се ослободат. 4.Градоначалникот Борче Георгиевски, како што вели, самоиницијативно го прекршува полицискиот час и излегува за да го извади советникот и неговите другари од полициската станица. 5.Епилогот е: советникот е изнесен од полициска станица и донесен во Сингелиќ. Почитуван Градоначалник и советник од општина Гази Баба - вие ја поништивте правната држава. Вие сте пример за тоа: - како оваа власт го уништи системот на одговорност пред институциите; - како СДС владее со сите инстуции; - како не си ја почитувате сопствената влада; - дека не функционира правниот систем во државата; - дека вас не ви е битно здравјето на граѓаните, туку вашиот личен интерес; - дека Македонија е див запад кој го водат Шерифи како Борче Георгиевски и Берат Весел! Веројатно и овој повик ќе го игнорирате, но сепак би требало да знате дека правда и правна држава ќе има, а тогаш - ќе одговарате!, стои во соопштението на комисијата за локална самоуправа на ВМРО-ДПМНЕ. https://www.facebook.com/KomisijaZaLokalnaSamoupravaVMRODPMNE/posts/241089083937665

Граѓаните прашуваат: Дали градоначалникот на Гази Баба, Борче Георгиевски, ќе плати глоба за прекршување на полицискиот час?

Ивана Ефремовски — Tue, 14 Apr 2020 09:42:15 +0000

Откако вчера доцната во ноќта во скопската населба Ченто полицијата приведе три лица кои што не го почитувале полицискиот час, граѓаните бурно реагираат прашувајќи дали законите не важат само за членови и функционери на СДСМ. Имено, според информациите, советник во општина Гази Баба од редовите на СДСМ, Берат Вејсел, заедно со свои пријатели среде полициски час ваделе легнат полицаец, по што морало да интервенира и полицијата. Од објавените снимки може да се забележи голем број на симпатизери и членови на владејачката СДСМ излегле на сред улица прекршувајќи го полицискиот час во знак на поддршка за уапсените лица, а меѓу нив и градоначалникот на Гази Баба од СДСМ, Борче Георгиевск,и каде што ги убедуваше граѓаните дека тој лично ќе ги ослободи приведените лица. „Во ред е соберете се, ќе го викнам началникот. Ќе идам до станица, ќе ги земам, ќе се вратам со началникот. Значи имате од мене збор“, вели Георгиевски во разговор со дел од групата која што протестираше вчера на сред улиците. Повеќе од јасно е дека голем број на граѓани вчера го прекршиле полицискиот час и ќе мора да платат глоба од 2000 евра, но симптоматично од целиот настан е дали скопскиот градоначалник Борче Георгиевски имал дозвола за движење за време на полицискиот час и во кое својство тој може да ги ослободи приведени лица кои што јасно го кршат законот? Останува да се провери дали сепак реакциите и револтот од страна на јавноста е оправдано, односно дали навистина законите и правилата не важат единствено само за високите функционери на владејачката СДСМ?!

О2 иницијатива: Градоначалникот на Гази Баба спротивно законските овластувања и волјата на граѓаните даде на заем земјиште кое ќе стане индустриска зона

Дарко Андоновски — Sat, 17 Aug 2019 14:41:24 +0000

Градоначалникот на Гази Баба, Борис Георгиевски, спротивно законските овластувања, да не зборуваме за волјата на граѓаните и нивните барања, се обидува да ги отстрани сите пречки на патот земјиштето кај Железара, кое не смееше да го даде под закуп на 99 години со намена Г1 - тешка индустрија, стане нова индустриска зона, ова преку својата Фејсбук страна го потенцираат од О2 иницијативата. ? Прво, продолжи со јавниот повик и електронското наддавање, иако не смееше поради постапката која се водеше пред Уставен суд. ДУПот во чиј опфат е и градежната парцела во јавниот повик е предмет на одлучување пред Уставниот суд. ? Потоа, два месеци откако општината преку своите служби ги потврди нашите докази пред Уставен, за време на седницата кога одлуката за укинување на ДУПот ќе беше донесена, градоначалникот бара одлагање. Испраќа е-маил порака до судиите ЗА ВРЕМЕ на седницата (седницата започнала во 09:30, пораката била испратена во 09:51), каде вели дека накнадно ќе презентирал доказ. ⛔️ Предметот е тргнат од дневен ред за одлучување, иако е спротивно на начинот на работење на судот да се прифати вакво барање во тек на седницата кога се носи одлука. Уставните судии и тука до донесување на конечната одлука не донесоа времена мерка за запирање на извршување на дејствија или акти кои произлегуваат од ДУПот, како и во случаите за ДУПовите во Карпош, иако тоа го баравме и ние како подносители и самата општина (не градоначалникот). Но, затоа судиите донесоа времена мерка брзо и без проблем кога стана збор за укинувањето на мораториумот во Центар. Антикорупциската комисија отвори предмет по наше барање за испитување на работењето на уставните судии. Чекаме финални резултати од истрагата. ? Недела дена откако побара да се одложи предметот пред Уставен, градоначалникот Георгиевски го испраќа "доказниот" материјал до судијата Јован Јосифовски. Доказот е нечитлива копија од логови, каде е издвоен логот за Одлуката за неспроведување на стратегиската оцена. Тоа треба да претставува доказ дека Одлуката била објавена на веб страната на општината. Snapshot направен од веб страната во тој период не ја покажува објавена Одлуката. Од објавите на веб страната се гледа дека сите логови од листот на градоначалникот се објавени освен Одлуката за неспроведување на стратегиска оцена. Дополнителните докази ги доставивме до Уставниот суд. ⛔️ Градоначалникот на општина Гази Баба во својот обид да протне нешто што не смее, извршил серија на сериозни прекршувања: - продолжил со јавниот повик и електронското наддавање (два пати) со само една пријавена фирма (претходно договорена??), без да ја сочека одлуката на Уставниот суд; - за време на самата седница на Уставниот суд кога требало да се донесе одлука барал одлагање на предметот; - праќал докази директно до судијата кој го има предметот, наместо тоа да го направат соодветните служби одговорни за тоа во општината на соодветен начин; - судијата кој е овластен за предметот не треба да е познат на страните вклучени во постапката, па следствено - од каде и зошто градоначалникот ја имал оваа доверлива информација; - дава спротивен одговор до Уставен од првичниот на општината и тоа два месеци подоцна на самиот ден на седницата кога требало да се донесе одлука за укинување на ДУПот; - доставил копија на логови како доказ од кои сите се објавени на веб страната во тоа време, но не и Одлуката за неспроведување на стратегиската оцена, како што градоначалникот тврди. Со ова само се зацврстуваат сомнежите дека градоначалникот на Гази Баба не работи за интересите на граѓаните, туку за нечии други интереси поради кои е спремен да прекрши и закони и протоколи и процедури. Да се надеваме дека не фалсификувал докази пред Уставниот суд. Но, за градоначалник кој се обраќа со "затвори ја веќе устата", кој ги известува граѓаните отпосле за презентација на катастарот на загадувачи, кој ДУПот за Вардариште, горливиот проблем на сите Скопјани, не го носи, иако редица други ДУПови се донесени (ама таму ќе се градат згради, бензински, молови, ваму не) и кој предизборно потпишува барања на граѓански активисти кои се обврзува да ги исполни, за после избори комплетно да ги игнорира и ниту еднашка да не даде одговор во врска со нив, надежта е изгубена, стои во нивниот пост на Фејсбук.

Белчев: Лагите на градоначалникот Борче Георгиевски како одминува времето излегуваат на виделина

Дарко Андоновски — Sat, 17 Aug 2019 09:16:58 +0000

Лагите на градоначалникот Борче Георгиевски како одминува времето излегуваат на виделина, ова го истакна Живко Белчев од советничката група на ВМРО-ДПМНЕ и Колицијата. -Да потсетиме, на јавна расправа пред жителите на населеното место Јурумлери градоначалникот Георгиевски вети дека секоја куќа во населеното место Јурумлери до јуни 2019 година ќе биде приклучена на фекална канализација. Денес сме месец август а во населеното место Јурумлери не е завршена ниту примарната мрежа на фекалната канализација а не пак да се спроведе секундарната мрежа, потенцира Белчев. Тој додава дека со ова Борче Георгиевски повторно на дело докажа дека ги манипулира граѓаните на населеното место Јурумлери. Граѓаните на Општина Гази Баба се сведоци дека од ветениот живот во Гази Баба нема ништо. Општина Гази Баба стана општина пример на незаконски дејствувања, дивоградби, непотизам... Општина Гази Баба под раководство на Борче Георгиевски нема иднина. -Советничката група на ВМРО-ДПМНЕ и Коалицијата за Подобра Македонија и во наредниот период ќе продолжи да се бори за интересот и потребите на граѓаните на Општина Гази Баба, вели Белчев.

Белчев: Општина Гази Баба секој ден уназадува, ветените проекти на Георгиевски остануваат мртво слово на хартија

Катерина Бојаџиева — Thu, 25 Apr 2019 10:27:04 +0000

Општина Гази Баба секој ден уназадува, ветените проекти на Борче Георгиевски остануваат мртво слово на хартија. Во делови во нашата општина на граѓаните им се одзема дури и правото на чиста животна средина кое е загарантирано. Жителите се соочуваат со огромни проблеми, а надлежните од општина Гази Баба и градот Скопје се недопирливи и глуви на нивните апели, истакна Живко Белчев, советник од ВМРО-ДПМНЕ во Совет на Гази Баба. -На територија на Општина Гази Баба создадени се огромни депонии на смет и шут кој се носи од целиот град. Во вечерните часови како што беше случајот и пред неколку денови со депонијата во населеното место Кирил Петрушевски се случува огромен смет да биде запален и директно да се загрозува здравјето на жителите, рече Белчев и додаде: „Господине Георгиевски, вие и Петре Шилегов имате одговорност за последиците по здравјето на граѓаните во овој случај. Како е можно да го игнорирате ова злодело? Дополнително алармот е вклучен со тоа што Јавното комунално претпријатие го претворивте во прибежиште на членови на СДСМ од месните организации и е тотално нефункционално за намената за која што треба да ја извршува. Но секако е функционално кога треба да одработува за партијата СДСМ, како што вчера обелоденија дел од медиумите каде камион сопственост на ЈКП „Гази Баба 2007“ е фотографиран пред штабот на СДСМ како разнесува рекламен материјал“. ВМРО-ДПМНЕ и советничката група на ВМРО-ДПМНЕ и коалицијата, потенцираше тој, со сите средства ќе се бори за правата на граѓаните и доследно ќе ги застапува нивните интереси.