борче јовчески – Kurir.mk

Јовчески: Идната Влада на ВМРО-ДПМНЕ ќе помогне во остварување на многу проекти за подобрување на животот на прилепчани

Дарко Андоновски — Sat, 04 Nov 2023 18:33:34 +0000

„Денеска имавме можност како што најави претседателот на Советот на Општина да посетиме повеќе места каде што навистина досега и догледно ќе бидат сработени и изведени нашите проекти кои што ги имавме за време на изборите, но и со годишната развојна програма ветено. Се она што остана несработено од претходната власт ние во интерес на граѓаните сакам да направиме многу, многу повеќе и многу подобро“, истакна градоначалникот на општина Прилеп, Борче Јовчески на денешната средба со граѓани во рамки на кампањата „Важно е! Од тебе зависат промените“. Јовчески додаде дека ќе бидат асфалтирани повеќе од 60 улици, односно 80.000 квадратни метри. Тоа на Прилеп е неминовно потребно за сигурен и безбеден сообраќај. „Воено можеме да се пофалиме дека нашите проекти што до Нова година треба да бидат и започнати, што со гордост ќе се гордееме, што за првпат го објавувам е спортска сала во основното училиште „Блаже Конески“, најави градоначалникот на Прилеп. Тој посочи дека во најскоро време ќе има и катна гаража. „Во иднина ќе продолжиме и да субвенционираме и да помагаме. Ќе креираме и други проекти во интерес за подобро живеење на граѓаните“, рече Јовчески. Тој нагласи дека идната Влада на ВМРО-ДПМНЕ ќе помогне во остварување на многу проекти за подобрување на животот на прилепчани.

Јовчески: Асфалтираме улици и градиме водоводи, динамиката на реализација на проекти во Прилеп е на највисоко ниво

Ивана Ефремовски — Sat, 02 Sep 2023 12:58:23 +0000

Продолжуваме со темпото на асфалтирање улици и рехабилитација. Тоа што го започнавме пред неколку месеци, веќе сме достигнати на 40 илјади квадратни метри асфалтирани улици, рехабилитирани, коишто овој втор реон којшто моментално го гледаме го зафаќа и просторот каде што е лоциран и домот за стари лица „Киро Крстески-Платник“ и тоа е од огромно значење бидејќи досега со години овде имаше само дупки и оштетени позиции, неасфалтирани делчиња коишто навистина во кратко време успеавме да ги рехабилитираме, истакнуваме Борче Јовчески, градоначалник на општина Прилеп. -На половина сме од проектот, бидејќи имавме проект со програма да бидат околу 80 илјади метри квадратни и со тоа докажуваме дека динамиката на работа е навистина на најбрзо ниво. Второ нешто коешто денеска исто така во Прилеп вреди да се пофалиме е воведот во работа пред неколку денови на новиот водовот во населено место Канатларци, кадешто во должина од 2.100 метри имаме нов довод на вода и реконструкција и обнова на старите бунари и реконструкција, односно изградба на нов бунар со пумпни станици. Со тоа капацитетот на водоснабдување конечно после долги години ќе биде на задоволително ниво, со некаде околу 9 литри во секунда за разлика од досегашните едвај 4 литри коишто навистина за тоа населено место им беа недоволни, посебно во летните денови, бидејќи местоположбата на Канатларци е таму каде што е и тоа е навистина едно сиромашно место за природен доток на вода, а и поголемиот прираст на население, којшто од година во година се зголемува, сега е околу 1.200 жители, и тоа е за поздравување во секој случај, бидејќи наталитетот и тоа како ни значи во нашата општина, рече тој. Тој им го честита вчерашниот прв ден на првачињата, но и за почеток на школската година на сите ученици. -Нешто кое што можеме со гордост да го потенцираме е дека локалната самоуправа одвои од буџетот сума која што е за 664 дечиња обезбеден оброк со здрава храна и со тоа го подобруваме и квалитетот на живеење и условите каде што новите првачиња влегуваат во за нив една нова средина. Воедно јас би го спомнал и денешниот, односно почетокот беше од вчера, ги поканувам сите граѓани како од Прилеп, така и од другите градови во Македонија, во Прилеп имаме одлична манифестација, а тоа е фестивалот на пивото каде што во огромен број синоќа, а и денеска и утре го продолжуваме со добра скара ладно пиво, музика и добро расположение, посочи тој.

СЛЕДЕТЕ ВО ЖИВО: „Ова е Македонија за сите” – реализација на проекти во Прилеп

Ивана Ефремовски — Sat, 02 Sep 2023 10:42:24 +0000

Денес (02.09.2023) со почеток во 13:30 часот, претседателот на ВМРО-ДПМНЕ, Христијан Мицкоски заедно со градоначалникот на општина Прилеп, Борче Јовчески во рамките на активноста „Ова е Македонија за сите“, ќе присуствуваат на увид на градежни активности. По завршувањето на настанот изјава за медиуми ќе даде претседателот на ВМРО-ДПМНЕ, Христијан Мицкоски. Изјавата можете да ја следите во живо на линкот во продолжение:

Бесплатен оброк за сите првачиња, по прв пат во општина Прилеп

Ивана Ефремовски — Wed, 30 Aug 2023 13:08:58 +0000

Општина Прилеп за оваа 2023/2024 учебна година обезбеди бесплатен оброк за секое прваче. -Сите 664 првачиња од основните училишта од Општина Прилеп оваа учебна година ќе добиваат бесплатен оброк составен од здрава храна. Целта е финансиски да им олесниме на родителите, кои за прв пат ги запишуваат своите деца во училиште, но и правилна и навремена исхрана за развој на децата. Нашите ученици заслужуваат квалитетно образование, но и добри услови за работа за што се залагаме сите ние и локалната самоуправа и раководителите на образовни институции, за да создадеме можности за подобра иднина на нашите деца, вели градоначалник на општина Прилеп, Борче Јовчески.

Јовчески нпарви увид во темелното чистење на речното корито на Градска река

Ристе Здравков — Wed, 14 Jun 2023 11:12:03 +0000

Извршивме увид во темелното чистење на неурбанизираниот дел од речното корито на Градската река. Овој потег на реката не е исчистен со години со ваква градежна механизација. Заедно со директорот Рубинчо Абрашоски разговаравме за динамичкиот план за оваа акција за чистење која што сигурно ќе се одвива до каде што има пристап механизацијата, се вели во Фејсбук статусот на градоначалникот на општина Прилеш Борче Јовчески. Воедно во месец март , речното корито беше исчистено на потегот од мостот на ул ,,Трајко Николоски’’, до потегот кај железничкиот надвозник, но и овој дел од речното корито повторно ќе се исчисти со оглед на големите поплави кои зад себе оставија многу отпад, земја и мил. Копањето на наталожената земја и мил, чистењето на отпадот и транспортот до депонијата во Алинци на сиот отпад, ќе потрае дефинитивно подолго време, затоа што само досега се транспортирани над 120м3 отпад. Остануваме на висина на своите работни задачи и обврски, истакна Јовчески.

Јовчески и Бочварски потпишаа договор за реализација на Проектот за „Реконструкција на улицата Леце Котески“, аплициран преку Проектот за поврзување на локалните патишта – финансиран од Светска банка

Дарко Андоновски — Sat, 10 Jun 2023 14:01:57 +0000

Градоначалникот на Прилеп, Борче Јовчески преку статус на Фејсбук пишува дека потпишал договор за реализација на Проектот за „Реконструкција на улицата Леце Котески“, аплициран преку Проектот за поврзување на локалните патишта – финансиран од Светска банка а имплементиран од Министерството за транспорт и врски. „🗣️ Денес потпишавме договор за реализација на Проектот за „Реконструкција на улицата Леце Котески“, аплициран преку Проектот за поврзување на локалните патишта – финансиран од Светска банка а имплементиран од Министерството за транспорт и врски, претставувано од Министерот, Благој Бочварски. ✅ Убава вест за сите наши граѓани од Општина Прилеп. Нашата Локална самоуправа ги спроведе сите технички документации и после година и половина чекање, конечно дојдовме до фаза на почеток на градежните работи на овој наш значаен влез на градот кој што не поврзува со општина Крушево. ☝️Подобрувањето на патната инфраструктура, со цел да создадеме погодни услови за зајакнување и унапредување на бизнис климата во нашата општина останува наша цел. Во таа насока, за да обезбедиме реализација на што е можно поголем број на проекти од капитално значење за нашиот град, ќе продолжиме да работиме и соработуваме со сите надлежни институции“, стои во неговиот пост на Фејсбук.

Јовчески: Прилеп е домаќинска општина и враќаме долгови, а паралелно ги реализираме проектите за граѓаните

Ивана Ефремовски — Tue, 06 Jun 2023 16:44:39 +0000

Борче Јовчески, градоначалник на град Прилеп на денешната трибина на тема земјоделие, а во рамки на активностите на „Ова е Македонија“ за сите рече дека Прилеп е град на можности во кој има активности. „Нашата одлука беше да ги слушнеме граѓаните и ги реализираме нивните идеи. Делуваме транспарентно и ни останува уште малку да реализираме од она што е предвидено за до крај на годинава. Наследивме голем долг и затоа побаравме општинска обврзница за да се реализираат предвидените проекти“, рече Јовчески. Според градоначалникот граѓаните се задоволни затоа што се слуша нивниот глас и оти се работи транспарентно. „Вративме 120 милиони денари долг и покажавме дека работиме домаќински. Прилеп е град меѓу првите десет општини кој е пример за домаќинско работење. Значи работиме и проекти, а враќаме и долгови“, рече градоначалникот. Јовчески информираше и за тековните проекти. „Почнавме градежна офанзива и со свои средства ќе се асфалтираме повеќе од 60 улици. Не постои училиште кое не е реновирано како внатрешните простории, така и спортските терени на отворено. Се одвојува многу и за културата и спортот, ни следи театарскиот фестивал Војдан Чернодрински“, информираше Јовчески.

Јовчески: За една година реализиравме над 60 % од ветеното и покрај наследените долгови од 5 милиони евра

Ивана Ефремовски — Fri, 25 Nov 2022 10:14:37 +0000

Реализирани околу 60 проценти од програмата и покрај тешката наследена финансиска состојба е одличен резултат во првата година од мандатот на градоначалникот на Прилеп, Борче Јовчески.

Во неговото обраќање за регионалната средба и трибина на општините од Пелагонискиот плански регион, Јовчески се осврна на дел од проблемите со кои се соочил како градоначалник на општината.

-Наследивме долг од 300 милиони денари и оваа состојба мораше да биде почетната точка на мојот мандат. Изминатава година веднаш започнавме да се справуваме со предизвиците и ветувањата кои ги дадовме пред изборите на граѓаните, а годинава успеавме да исполниме голем број од нив, кажа градоначалникот Јовчески.

Јовчески даде и краток осврт за најголемите проекти кои ги реализира општината во првата година општина Прилеп.

-Завршени се градежните работи на градинката во населба Точила, а остануваат уште некои активности на министерството за труд и социјална политика околу внатрешното доопремување. Градинката е со капацитет за најмалку 250 деца, а за најмладите го реализиравме и ветувањето за доделување по 6000 денари за секое новородено дете во нашата општина. Во завршна фаза е изградбата на крак на плоштадот Методија Андонов Ченто, кој е со површина од околу 3.500 метри квадратни, кој е изграден со целосна инфраструктура и урбана опрема, додаде Јовчески.

Како еден од најголемите капитални проекти на општина Прилеп во идната 2023 година, градоначалникот Јовчески го издвои проектот за уредување на еден од влезовите во Прилеп, од страната на Крушево. Станува збор за ново булеварско решени во должина од повеќе од 2 километри, каде општината ја има завршено целата потребна документација, а следна фаза е спроведување на тендерските постапки и почеток на градежни работи, која градоначалникот Јовчески најави дека може да започнат до крајот на годинава.

Регионалната средба беше организирана од страна на Комисијата за локална, Комисијата за инфраструктура, урбанизам и транспорт, Комисијата за енергетика и Комисијата за финансии при ВМРО-ДПМНЕ.

Градските власти ќе им помогнат на прилепските семејства со опожарените куќи, отворен е повикот за помош

Ивона Петрова — Thu, 28 Jul 2022 12:21:34 +0000

На четирите семејства кои во пожарот предизвикан од гром ги загубија домовите им е понудено привремено сместување, јавните комунални претпријатија расчистуваат и општината ќе помогне со максимална можна финансиска помош. Апелот за помош е отворен до сите добронамерни. Според прилепскиот градоначалник Борче Јовчески кој го посети местото на трагедијата, за четирите прилепски семејства по пожарот околу полноќ предизвикан од удар на гром, вели дека сѐ ќе се направи да им се помогне. -Повикав итна средба со сите релевантни структури и претставници на институции со цел да им излеземе во пресрет на овие семејства на кои им се случи оваа трагедија и се она што го печалеле цел живот го снема за миг. Јавните комунални претпријатија уште во раните утрински часови со свои екипи се присутни на теренот и ги расчистуваат остатоците од опожарените куќи. Овие семејства ќе бидат ослободени од комунални давачки додека се обновуваат нивните куќи, а Општината ќе помогне со максималната можна финансиска помош предвидена за вакви немили случаи. На семејствата ќе им биде понудено привремено сместување во прилепскиот интернат „Орде Чопела“ и во Домот за стари лица „Киро Крстески Платник“ и ќе добиваат топол оброк од кујната. Упатувам апел до сите општествено одговорни компании, како и до сите хумани луѓе да им излезат во пресрет и да им помогнат на овие семејства да си ги обноват своите домови, затоа што секоја помош е добредојдена, изјави Јовчески. Седумтемина од четирите куќи не се повредени, но се потресени и останаа на улица по големата трагедија кога околу полноќ по удар на гром на балконот од дедната куќа изби пожар и ги зафати четирите еднодо друго куќи во што изгоре сето што го имаа семејствата. За среќа нема повредени зашто навреме ги предупредиле соседите.

Јовчески: Во Прилеп се асфалтираат улици, се реконструира старата водоводна мрежа се со цел градот да биде поубав и попристапен

Тале Кристо — Sat, 28 May 2022 12:56:51 +0000

Денес во присуство на потпретседателот на партијата, Александар Николоски направивме увид на тековните активности од кој што денеска можеме со гордост да се пофалиме дека имаме еден зафат на асфалтирање на три улици „Киро Пајмакоски“, „Браќа Ламески“ и вклучувањето спрема старата општина на „Јоска Јорданоски“ во должина од 400 метри, некаде околу 2.000 квадратни метри површина на нов асфалт, изјави градоначалникот на општина Прилеп Борче Јовчески. -Веднаш потоа се продолжува со асфалтирање „Дабнички Завој“ во должина од околу 300 метри, исто со квадратура од околу 2.000 квадратни метри и акцијата продолжува на асфалтирање, гребење односно и рехабилитација на други улици, веќе од понеделник со нови улици кои што допрва ќе бидат рехабилитирани. Исто така денес на плоштадот „Методија Андонов Ченто“ од споменикот на Пеце Атанасоски до основното училиште „Кочо Рацин“ во должина од 230 метри треба да се започне рехабилитација, а воедно и реконструкција на старата водоводна мрежа со нова, со дебелина од фи90 вода, водоводна мрежа. Површината е со нов плочник во некаде од околу површина од 3.000 метри квадратни за кој што обезбедивме средства околу 25 милиони денари, што значи Прилеп ќе го добие повторно својот сјај, воедно ќе започне и економски развој во нашата општина. Нареден чекор ни е рехабилитација и на други улици кои што во овие 2 до 3 месеци навистина ќе одекне добро за Прилеп да изгледа поубав, попристапен и регулирање на сообраќајот, рече Јовчески.