борче костовски – Kurir.mk

СРАМ ВО МАКЕДОНСКИОТ СПОРТ: Тренерот на олимпиецот Георгиевски открива СКАНДАЛ во доделувањето на наградата „8-ми Септември“

Ивана Ефремовски — Mon, 04 Sep 2023 12:47:31 +0000

Многу ретко се случува јавно да изнесам свој став, мојот принцип на работа е многу едноставен, се трудам да создавам дела и помалку да говорам. Овој пат е премногу, овој пат се надминаа сите можни граници, пред неколку дена се случи најголемиот срам за спорот во независна Македонија, истакнува Борче Костовски, тренер на македонскиот олимпиец, таеквондистот Дејан Георгиевски. Тој открива голем скандал во доделувањето на наградата „8 Септември“. Неговото обраќање прочитајте го во продолжение: Имено, оваа година тргнав да си го земам тоа што едноставно ми припаѓа, наградата за животно дело за постигнат спортски успех “8 ми Септември”. За тоа кој ќе ја добие оваа награда одлучува комисија во најтесна спрега со Агенцијата за млади и спорт. Комисијата е составена од луѓе кои значат нешто во Македонскиот спорт, од тој срамен ден, барем за мене нема да значат буквално ништо. Најмалку имам против било кој конкурент за оваа награда, но да игнорираш олимписки сребрен медал е рамно на лудост поврзана со елементарно спортско незнаење. Тој историски медал е најголемиот спортски успех во независна Македонија, единствен сребрен медал од олимписки игри, ако сакате и единствен медал од олимписки игри кој е донесен од Македонец кој медалот под мое водство го ковал тука во Македонија, под суптандардни Македонски услови, вредни за документарен филм кој моментално се подготвува. Сакам јавно да ги поздравам членовите на комисијата кои направија срам од кој никогаш нема да избегаат, неколку од вас лично ми се јавија веројатно од грижа на совест, но со тоа уште толку покажавте срам и немање образ. Покажавте дека вашите имиња и тоа што сте го оствариле во спортот веќе не вреди баш ништо. Неколку членови на комисијата ми се јавија и сите на сличен начин прво ми се извинија а потоа ми се правдаа, ќе парафразирам како одприлика изгледаше тоа: Борче извини, сите знаеме кој е најголем спортски успех за Македонија, сите знаеме дека изборот е јасен, но оваа комисија е формирана политички, тука политиката одлучува, не ние. Многу ни е жал. ( Лично не ги ни познавам, не сум ги запознал лично, но општо се добро познати ) Јас би рекол и треба да ви е жал, не само затоа што политички некој носи одлука да го “поништи” олимпискиот медал од Токио, туку највеќе треба да ви е жал што вие потпаднавте под политичко влијание кога пред вас имате кристално јасна одлука, за која одлучивте да ја промените и си оставите вечна црна дамка. Одлука со која ја поништувате целата ваша спортска кариера. Чест за неколку исклучоци во комисијата кои одлучија со своја глава покрај политичкиот притосок. Како тренер кој донел олимписки медал, сакам нешто да ви кажам. Запамтете, спортистот особено врвниот спортист не е само битие кое носи државни успеси, тој е човек со посебен дигнитет, авторитет и чест. Вие не сте ништо од ова, вие сте аморфна маса која некој по потреба ја контролира. Тоа сте. За политичката одлука и оваа власт навистина немам што да додадам, едноставно е јасно, таа е трагедија од која Македонија доста тешко ќе се исправи, но ќе се исправи. За Агенцијата за млади и спорт, за директорот и луѓето што ја водат, цела среќа што ќе ја водат уште многу малку, после медалот од Токио, АМС систематски работи против најдобриот македонски спортист, но за ова детално во следна прилика. Оваа награда ми припаѓа, таа е веќе моја, најмалку е важно што таа носи, јас аплицирав само затоа што ми припаѓа, и тоа не само мене, туку на овој врвен олимписки спортски успех кој пред се припаѓа на Македонија. Отидовте диркетно против Македонија, против цел народ кој по освојување на медалот беше горд и радосен како ретко кога друг пат. Веќе 18 години пожртвувано работам врвен олимписки спорт во стандарди кои се смешни за сите мои колеги низ светот, тоа го правам пред се од љубов кон Македонија, потоа љубов кон спортот а секако во име на Господ. Вакви и слични бедни местенки никогаш нема да ме демотивираат, многу напротив ми даваат мотив за да продолжам со вжештен метал да ковам уште олимписки медали, да продолжам да пишувам државна спортска историја.

Алкалоид застана зад македонското таеквондо, заедно до нови македонски успеси

Ристе Здравков — Wed, 15 Feb 2023 12:26:59 +0000

Македонската таеквондо федерација денеска доби и нов официјален спонзор откако успехот на овој спорт кој продолжува да носи медали на Македонија го препозна една од најуспешните македонски компании „Алкалоид“. На денешната пресконференција на која присуствуваа Претседателот на федерацијата Борче Костовски, олимпиецот Дејан Георгиевски и првиот човек на „Алкалоид“, Живко Мукаетов беше потпишан договор со важност од најмалку две години. Задоволството од соработката не го криеја Костовски, Георгиевски и Мукаетов, кои се осврнаа кон претходните успеси на таеквондо федерацијата, а додадоа дека се оптимисти за нови успеси поготово по големата помош од новиот спонзор. „Благодарност до Алкалоид и до Живко Мукаетов, би сакам да напоменам дека нашето таеквондо во последната година бележи страшни резултати, несоодветни за македонското спортско поднебје. Покажавме дека со страст и работа не постои ништо невозможно. Годинава пред нас се уште неколку силни турнири, ова а предолимписка година и заслижуваме голема државна помош бидејќи се бориме за најмалку една олимписка норма. Благодарност до Мукаетов како човек со големо срце кој секогаш помага на македонскиот спорт. Благодарни сме бидејќи ја препозна македонската таеквондо приказна и верувам дека заедно ќе бидеме уште поуспешни отколку што бевме досега“, изјави Костовски. „Мило ми е што денеска сме собрани ова да за потврдиме дека македонското таеквондо е сериозна спортска приказна. Благодарност до Алкалоид за оваа поддршка. Јас можам да кажам дека со мојот тим работиме напордно за повторно да ја израдуваме македонската јваност како што беше на Олимписките игри во Токио“, изјави Георгиевски. Првиот човек на „Алкалоид“, Живко Мукаетов потенцираше дека како општествено одговорна компанија застануваат зад млади и амбициозни лица кои преку спортот носат огромна промоција за Македонија во светот. „Денеска ми е чест и гордост што сум тука со македонската таеквондо федерација и репрезентација. Алкалоид како општествено одговорна компанија дава придонес за јакнење на македонската нација по сите основи. Ние го препознавме тоа што го работат овие млади амбициозни луѓе. Чест ни е што ќе бидеме дел од тимот што ќе се бори за успеси на Македонија. Среќен сум кога ќе видам луѓе што работат заедно максимално посветено и упорно. Оптимист сум дека ќе се радуваме на повеќе олимписки норми и медали во иднина. Ќе градиме уште многу успеси“, изјави Мукаетов. Македонската таеквондо федерација изминатите години забележа огромен успех, освојувајќи медали на европските и светските собири, а на Олимписките игри во Токио испиша и историја со прв пласман на Дејан Герогиевски, кој се закити со сребрен олимписки медал. фото: ekipa.mk

Борче Костовски со нов мандат, Алкалоид нов генерален спонзор на МТФ

Ивона Петрова — Sat, 17 Dec 2022 10:20:03 +0000

Доктор Борче Костовски е едногласно поддржан за нов четири годишен мандат како претседателт на МТФ. Алкалоид Скопје е нов генерален спонзор на Македонската Таеквондо Федерација со фокус на олимписките игри во Париз 2024. За останатите одлуки и решенија од вчерашното годишно собрание на МТФ кое се одржа во Хотел Парк, МТФ ќе излезе со свое детално соопштение.

Позната висината на паричната награда која Дејан Георгиевски и неговиот тренер ќе ја добијат за сребрениот олимписки медал

Ивона Петрова — Wed, 28 Jul 2021 08:44:27 +0000

Владата донесе одлука на нашиот претставник на Олимписките игри во Токио кој се закити со сребрен медал во дисциплината теквондо Дејан Георгиевски да му биде доделена парична награда во висина од 1.200.000 денари. Ваквата одлука е донесена на редовната 92-ра владина седница. На седницата одлучено е на тренер Борче Костовски да му бидат доделени 600.000 денари. Освојувачот на сребрениот медал во теквондо на ЛОИ Токио 2020 ќе биде награден и со дополнителни 600.000 денари од страна на Агенцијата за млади и спорт.

Доктор Костовски со апел до младите спортисти

Ивана Ефремовски — Sun, 22 Mar 2020 17:09:03 +0000

Доктор Борче Костовски кој е и претседател на една од најуспешните спортски федерации во државата, Македонска Таеквондо Федерација, испраќа апел со младите спортисти: „Сакам да апелирам до сите вас одговорно да ги почитувате сите препораки кои ви ги даваат здрвствените авторитети во Македонија и на тој начин вклучувајки голема дисциплина и борбен дух да се справиме со овој голем предизвик. Бидејки практично дел од препораките се и да немаме можност да тренираме, тоа не значи дека не можете самите во домашни услови да ја одржувате својата таеквондо форма која сте ја граделе долг период. Во консултација со вашите тренери јас сум сигурен дека ќе изнајдете модел за домашен трениг кој значително ќе ви помогне во оваа специфична сосотојба. Сакам со посебно внимание да апелирам до сите вас, стравот да не биде командант со вашите мисли, вие сте борци и сега треба да покажете на останатите дека еден таеквондо спортист се одликува со железна дисциплина и храбар пристап кон сите предизвици“, напиша тој.

Борче Костовски реизбран за претседател на Македонската таеквондо федерација

Ивона Петрова — Tue, 04 Dec 2018 11:28:36 +0000

Борче Костовски едногласно е резибран за претседател на Македонската таеквондо федерација (МТФ) на Изборното собрание што се одржа во Скопје. На Собранието присустваа 12 делагати од вкупно 16, соопштија од МТФ. Костовски беше единствениот канидат за пртеседател на МТФ. Делегатите го разгледаа и 4- годишниот извештај за работата на МТФ, при што претседателот Борче Костовски детално се произнесе за успесите на македонското таеквондо за време на неговиот мандат. Тој и се заблагодари на сите тренери, спортисти, судии, делегати за целосната поддршка и соработка, истакнувајќи дека заеднички стигнале до тоа овој олимписки спорт да биде еден од најпрепознатливите во државата. Целиот текст почитајте го на IPON.MK