борче митевски – Kurir.mk

Митевски: Во општина Петровец се изгради пешачко-велосипедска патека во вредност од 23 милиони денари, средствата се обезбедени од буџетот на општината

Дарко Андоновски — Wed, 08 Feb 2023 12:23:06 +0000

Почитувани медиуми, денеска имаме свечено пуштање на пешачко-велосипедска патека во должина од 2.050 метри и ширина 3 метри. Пешачка патека која ги спојува двете најголеми населени места во општина Петровец, тоа е населеното место Петровец и населеното место Р`жаничино. Средствата во висина од 23 милиони денари кои беа за да се изгради оваа пешачка патека во целост се обезбедени од буџетот на општина Петровец, ова денеска преку изјава за медиумите го истакна градоначалникот на општината Петровец, Борче Митевски. „Ова пешачка патека е изградена пред се значи за децата, учениците наши кои учат овдека во ОУ „Кочо Рацин“-Петровец бидејќи знаеме колку е зголемен сообраќајот по регионалниот пат, тоа го ветивме и ние сме сведоци дека она што јас заедно со моите советници го ветив пред изборите дека ќе изградиме оваа пешачко-велосипедска патека, денес сме сведоци дека само за година и неколку месеци веќе е реализиран овој капитален проект за општина Петровец. Ќе продолжиме и понатаму да работиме, во интерес на нашите граѓани да ги подобриме условите, а вие како медиуми ќе бидете поканети повторно за некаде 3 до 4 месеци за уште еден капитален објект кај што ќе сечеме лента, тоа е новата општинска зграда во Петровец“, рече Митевски.

Митевски: Обезбеден е паркинг за амбулантата во Петровец, во изработен е проект за изградба на нова детска градинка

Ристе Здравков — Sun, 06 Mar 2022 13:49:30 +0000

Во населеното место Петровец на ул.22 по завршувањето на канализационата мрежа извршивме целосно асфалтирање на истата, во должина од 280 метри. На трите краци на ул.22 поставена е нова канализациона мрежа со вкупна должина од 280 метри и извршивме приклучување на домаќинствата на канализационата мрежа. Во населено место Петровец на крак од ул.1 е направено канализациона мрежа од 300 метри и истата ја поплочивме со бекатон плочки, а извршивме и темелна реконструкција на културниот дом во населеното место Сушица, изјави градоначалникот на општина Петровец Борче Митевски на денешниот отчет „Промени што носат иднина - 100 дена локална власт отчет на ВМРО-ДПМНЕ“. Митевски додаде дека се исчистени 4 диви депонии во населените места во општината. Извршивме чистење на четири диви депонии. Ја исчистивме дивата депонија на излезот од населеното место Петровец - на патот кон населеното место Огњанци. Исчистена е дивата депонија кај црквата Св. Илија во населеното место Огњанци. Исчистена е дивата депонија кај местото викано Кисела Вода и депонијата во населеното место Петровец кај православните гробишта. Извршивме расчистување и тампонирање на дворното место на амбулантата од здравствениот дом Скопје, со што обезбедивме паркинг простор за повеќе возила, рече тој. Тој додаде дека е извршена реконструкција на детскиот забавен парк во Долно Коњари, а изготвена е и документација за нова детска градинка која треба да се изгради во училишниот двор во ООУ „Кочо Рацин‟. Извршивме докомплетирање на помошните простории на спортската сала во Средно Коњари, како и уредување на дворното место пред спортската сала на ОУ „Братство единство‟ во Средно Коњари. Изработивме проект за нова општинска зграда .Изработивме проект за нова детска градинка која треба да се изгради во училишниот двор во ООУ „Кочо Рацин‟ во Петровец. Го реконструиравме детскиот забавен парк во Долно Коњари. Почитувани мои сограѓани сите овие реализирани проекти финансиските средства во целост се обезбедени од буџетот на општина Петровец, порача Митевски. Митевски нагласи дека голем број на проекти ќе се реализираат и во следниот период во општина Петровец меѓу кои и нова пешачко-велосипедска патека од центарот на Петровец до центарот на Р′жаничино, доизградба на спортската соблекувална на фудбалскиот клуб од Долно Коњари, изградба на канализационата мрежа во населеното место Огњанци, како и Изградба на пешачка патека во населеното место Горно Коњари од центарот на населеното место до бензинската пумпа. Нова општинска зграда од 800m². Нова пешачко-велосипедска патека од центарот на Петровец до центарот на Р′жаничино. Продолжуваме со изградба на канализационата мрежа во населеното место Огњанци. Ќе извршиме доизградба на спортската соблекувална на фудбалскиот клуб од Долно Коњари. Изградба на пешачка патека во населеното место Горно Коњари од центарот на населеното место до бензинската пумпа. Во населено место Ржаничино пред културниот дом ќе изградиме нов детски забавен парк. Во населено место Катланово ќе ја до изградиме и опремиме со инвентар просторијата за пензионери. Во училишниот двор на ООУ “Кочо Рацин” Петровец ќе изградиме нова детска градинка. Ќе асфалтираме и поплочиме со бекатон плочки локални улици во населените места, кажа градоначалникот Митевски.

Митевски: Жителите на Петровец ќе добијат нова општинска зграда, Дом на културата, две детски градинки и спортска сала

Магдалена Андонова — Fri, 12 Nov 2021 11:16:12 +0000

Градоначалникот на општина Петровец Борче Митевски во денешната емисија „Утро со Златев“ на Радио Лидер вели дека се изградиле повеќе индустриски зони во општината се со цел што поголем број на луѓе да се вработат, како и дека во следниот период ќе се започне со неколку капитални проекти во Петровец. - Имаме најголема индустриска зона во Република Македонија, 230 хектари и не само тоа, имаме Индустриска зона во Долно Коњари, имаме Индустриска зона во Катланово, во Ржаничино, направивме две мини индустриски зони на излезот спрема Катланово и спрема Таор. Значи не останавме да се фокусираме на таа Индустриска зона од 230 хектари, сепак се раширивме насекаде за да може луѓето да се вработуваат, истакна тој. Митевски нагласи дека до март ќе се стави камен темелник на нова општинска, дом на културата во дворот на општината, како и нова детска градинка. - Прво ја довршувам канализацијата во Петровец, тоа се последните две улици, на улица 22 значи најголемото населено место. И тоа значи дека 99 проценти е покриено со канализација. За само десет дена отвораме тендер за изработка на проект на нова општина. Некаде во март ќе ставиме камен темелник на нова општинска зграда, исто до март ќе започнеме да градиме уште една детска градинка. Ќе градиме и Дом на културата во дворот на општината, вели Митевски. Митевски, нагласи дека овие три проекти ќе се реализираат за две години, а како што истакна во следните две години од неговиот мандат ќе се изгради уште една детска градинка во Долно Коњари и една спортска сала во населеното место Огњанци. За 2022 и 2023 година ќе има општинска зграда, Дом на културата и детска зграда. Во наредните две години детска градинка во Долно Коњари и спортска сала во населено место Огњанци. Тие ми се пет проекти кои што ќе ги реализирам, рече Митевски.

Митевски: Создаваме нова иднина – Ја направивме најголемата индустриска зона во Македонија, во новиот мандат ќе направиме уште една зона за да се отворат нови работни места во Петровец

Ристе Здравков — Thu, 07 Oct 2021 11:28:02 +0000

Стоиме пред најголемата индустриска зона во Република Македонија ви ветивме дека ќе направиме индустриска зона. Нашето ветување денеска гледаме дека е реализирано. Во наредниот мој 4 годишен мандат заедно со моите советници ветувам дека ќе реализираме уште една индустриска зона. Со градење на индустриски зони, општина Петровец станува финансиски постабилна и економски посилна општина. Продолжуваме, не застануваме, рече во своето обраќање кандидатот за градоначалник на ВМРО-ДПМНЕ, Борче Митевски. -Се наоѓаме во населеното место Средно Коњари, поточно во спортската сала на училиштето „Братство и единство“ од Средно Коњари. Ова е уште едно мое реализирано ветување. Токму од оваа спортска сала ветуваме уште еден проект, уште една спортска сала за населеното место Огњанци, односно за училиштето Кочо Рацин во населеното место Огњанци ќе продолжиме и понатака да градиме спортски објекти за да имаме здрава млада и здрава иднина. Продолжуваме, победуваме. Се наоѓаме пред најубавото училиште во Република Македонија. Тоа е ОУ „Кочо Рацин“ во Петровец Ова е најкрупниот проект што општина Петровец со сопствени средства го изгради. Токму поради ова ветуваме во наредниот мој 4 годишен мандат јас заедно со моите советници дека ќе извршиме темелна реконструкција на подрачното училиште „Кочо Рацин“ од Огњанци и ќе го прошириме за две нови училници. Исто така и за училиштето „Братство и единство“ од Долно Коњари ќе доградиме уште две нови училници и ќе извршиме темелна реконструкција. Правиме се да ги подобриме условите на нашите деца во образованието. Продолжуваме, не застануваме. Победуваме. Продолжуваме да ги поддржуваме сите спортски и културно уметнички друштва. Општина Петровец како до сега така и во иднина ќе ги реновира, ќе ги санира сите фудбалски терени да бидат како овој фудбалски стадион во Петровец кој ги има условите да се такмичи во втора лига. Младината да ја насочиме на фудбалските терени, младината да ја тргнеме од улиците, да имаме здрава младина, истакна Митевски. На 17-ти да излезете да го заокружите бројот 7 за градоначалник на општина Петровец и да го заокружите бројот 7 за советничка листа на ВМРО-ДПМНЕ, додаде тој.

Митевски: Се’ што сум ветил сум исполнил, Петровец ќе стане вистинска европска општина од нова општинска зграда и културен дом до вложување во сите населени места

Дарко Андоновски — Wed, 06 Oct 2021 16:19:53 +0000

На вечерашниот митинг на ВМРО-ДПМНЕ и коалицијата во Петровец, кандидатот за градоначалник Борче Митевски, истакна дека се' што ветил исполнил, а сега ветува изградба на нов културен дом, нова општинска зграда, асфалтирање на преостанатите улици, спортски сали, пречистителни станици за отпадни води, две нови градинки, велосипедски патеки, за Петровец да стане европска општина. -Во иднина ќе продолжиме да се почитуваме како сограѓани, без разлика на верска или политичка определба, во изминативе години изградивме многу проекти, изградивме канализациони мрежи, пешачки патеки, санација на културниот дом во Сушица, месната заедница во Катланово и во Огњанци, поплочивме голем број улици, направивме три индустриски зони со што општина Петровец стана број еден општина по привлекување на нови инвестиции во Македонија, а со тоа ја направивме општината финансиски јака и стабилна, порача Митевски. Митевски истакна дека се што ветил пред граѓаните исполнил, а ќе продолжи да го прави тоа сега со уште поголеми ветувања за нови проекти кои ќе бидат реализирани. -Овде на ова место ќе изградиме нов културен дом, нова општинска зграда, ќе изградиме две нови градинки една во Ржаничино, една во Долно коњари, ќе изградиме во Огњанци нова спортска сала, ќе изградиме нови пречистителни станици за отпадни води во Петровец и во Ржаничино, во Средно Коњари ќе иградиме нова местна заедница, нови велосипедски патеки, ќе извршиме асфалтирање на сите преостанати улици во сите населена места, гарантираше Митевски. Митевски гарантира исто така дека ќе се грижи за младината со поддршка на сите културно уметнички друштва, со нови велосипедски патеки, спортско-рекреативни патеки, проширување на неколку училишта со дополнителен број на училници, со спортски сали таму каде што нема, градинки и се она кое недостасува во Петровец.

Митевски: Нов културен дом, нова општинска зграда, детски градинки, спортска сала и продолжување на инвестициите во Петровец

Ристе Здравков — Fri, 01 Oct 2021 11:10:09 +0000

Во изминатиов период реализиравме голем број на проекти кои се значајни за вас мои сограѓани, но тука нема да застанеме, рече кандидатот на ВМРО-ДПМНЕ за општина Петровец, Борче Митевски. -Со реализација продолжуваме и во следниот мандат, јас заедно со моите советници овде во дворот на општина Петровец ќе изградиме нов современ културен дом. Исто така ќе изградиме и нова општинска зграда. За потребите на учениците од населено место Огњанци ќе изградиме нова спортска сала, мислиме и за најмладите, најмилите, за дечињата од населеното место Ржаничино и од населеното место Долно Коњари ќе изградиме детски градинки, истакна Митевски. Продолжуваме да инвестираме на сите полиња, продолжуваме да го подобруваме животот во нашата општина, додаде тој.

Митевски: Во општината Петровец ќе направиме уште две нови градинки, родителите повеќе нема да мора со километри да ги носат децата

Ивана Ефремовски — Mon, 06 Sep 2021 09:49:37 +0000

Кандидатот и актуелен градоначалник на општина Петровец од ВМРО-ДПМНЕ, Борче Митевски во „Утро со Златев“ на Радио Лидер истакна дека како и во новиот мандат ќе се посвети на максимална реализација на проектите. Тој вели дека резултатите од неговата работа зборуваат сами по себе бидејќи досега се што побарале жителите на сите населени места од општината е сработено повеќе од 90%. -Кога вие сте направиле канализација, водовод, улици, училишта. Во Чифлик направивме ново школо и повеќе децата не одат со комбе до друго, туку имаат школо на 50 метри од домовите. Една од работите на кои сум горд од сработеното е што успеавме да го изградиме најмодерното и најубавото училиште „Кочо Рацин“ во Петровец каде условите за учење се идеални. Но не само тоа училиште. Ги реновиравме сите училишта на територија на општината, почнувајќи од Сушица, завршувајќи до Катланово. Направивме спортски сали во Катланово, Средно Коњари, во Петровец, рече Митевски. Тој посочи дека е направена и нова градинка, но ќе се направат уште две други во општината за да им излезе во пресрет на родителите да не патуваат со километри да ги носат своите деца во градинка. -Направивме и нова градинка, имавме прилив на нови дечиња, уште 60 деца заради ковид мерките чекаат и затоа во наредниот мандат предвидувам нова градинка во село Ржаничино да се прави и ќе се растерети градинката во Петровец. Нова градинка ќе направам и во Долно Коњаре кое ќе ги опфати околните села, да им излеземе во пресрет на родителите да не ги носат децата по 10 километри секој ден, рече тој. Митевски нагласи и дека уште една од работите на кои е горд е индустриската зона Чојлија каде бројот на компании пораснал од 5 на 150, но и со другите индустриски зони низ општината.

Митевски: Општина Петровец продолжува со своите градежни активности

Ивана Ефремовски — Thu, 02 Sep 2021 13:25:05 +0000

Општина Петровец продолжува со своите градежни активности. Во Катланово ја асфалтираме последната улица која ни остана, во вкупна должина од 250 метри и ширина од 6,5 метри. Средствата за изградба на оваа улица, во целост, се обезбедени од буџетот на општината. Ова денес го истакна градоначалникот на општина Петровец, Борче Митевски. -Освен во ова населено место, во исто време општина Петровец работи во Долно Коњари, во средно Коњари асфалтираме две улици во должина од 650-700 метри, во Сушица извршивме темелна реконструкција на училиштето и вчера имавме и свечено отворање. Исто таму направивме и нов културен дом, за него општината издвои околу 35.000 евра. Ќе продолжиме и во другите населени места, истакна тој. Градоначалникот посочи дека се работи на целосно завршување на канализационата мрежа во населено место Петровец. -Ни остана само уште една улица и очекувам понеделник или вторник да започнеме со поставување на канализациона мрежа и на улицата 22, посочи Митевски.

Митевски: Само за една година донесовме 24 инвеститори, развојот на Петровец ќе продолжи и во наредните 4 години

Ивона Петрова — Wed, 25 Aug 2021 11:37:52 +0000

Во изминатиов период Општина Петровец во ниту еден момент не престана со работа и покрај тешките услови кои ги предизвика пандемијата, истакна актуелниот градоначалник на Општина Петровец и кандидат за нов мандат, Борче Митевски. Општина Петровец е најуспешната општина по број на влезени домашни и странски инвеститори. Само во 2021 година Општина Петровец стана побогата за нови 24 инвеститори. Во изминатиов период како нај крупни проекти кој беа реализирани во нашата општина можеме ќе ги наброиме: • Фекалната канализациона мрежа за населено место Петровец и населено место Ржаничино • Изградба на спортски сали во населените места Катланово и Средно Коњари • Реконструкција на културен дом и темелна реконструкција на О.У. "Братство Единство" во населеното место Сушица • Изградба на 90% на локалните улици во сите населени места во Општина Петровец Во наредниот мој нов 4 годишен мандат како по крупни проекти ќе ги наброиме: • Изградба на современ културен дом и нова општинска зграда во Петровец • Изградба на нова детска градинка во населеното место Ржаничино и населеното место Долно Коњари • Изградба на спортска сала и доизградба на канализационата мрежа во населеното место Огњанци • Исто така ќе ги доизградиме сите локални улици во сите населени места во Општина Петровец • Ќе продолжиме со политиката на привлекување на домашни и странски инвеститори се со една единствена цел, да го намалиме бројот на невработени лица и да ги подобриме условите за живеење во нашата Општина. • Исто така ќе реализираме и други проекти по барање на жителите од секое населено место, а кој нема да бидат ставени во нашата програма. Почитувани мои сограѓани, како досега така и понатака ќе продолжиме да ја градиме и обновуваме Општина Петровец, да стане една од најубавите места во нашиот регион и едно убаво место за живот на сите жители во неа.

Борче Митевски: Единствена мoтивaциja ми се граѓаните, градежната екcпaнзиja ќе продолжи, се отвораат се повeќe нoви paботни мecта

Дарко Андоновски — Tue, 24 Aug 2021 11:56:19 +0000

Градоначалникот Борче Митевски е еден од најуспешните градоначалници во Македонија и веќе 10-тина години е на чело на општината Петровец која доживеаа вистинска позитивна трансформација. Во интервју за Инфомакс, Митевски вели дека сите овие години најмногу го мотивира во работата токму довербата од граѓаните кои му даваат безрезервна поддршка. Тој потенцира дека во општина Петровец се одвива градежна експанзија како никогаш досега и се отвораат нови работни места. И покрај проблемите кои ги предизвика пандемијата, Митевски вели дека советот и администрацијата функционираа одлично, а сите програми беа донесени во законските рокови и беа реализирани голем број проекти. Ја добивaте повторно поддршката од вашата партија да се кандидирате за градоначалник на општина Петровец, што ве мотивира најмногу за да се борите за нов мандат? -Самото ваше прашање во суштина е и одговор, токму довербата на моите сограѓани кои го препознаа мојот труд и залагање за развојот на општината беа одлучувачки фактор кој ме мотивираше да прифатам уште една кандидатура за градоначалник на Општина Петровец. Нормално таа доверба од граѓаните се потврди во направените анкети од страна на мојата партија ВМРО-ДПМНЕ, на која анкета убедливо ја добив довербата од граѓаните, за на крај сето тоа се потврди во скоро акламативна поддршка од страна на партијата и нашиот претседател Христијан Мицкоски. Што би одвоиле од вашата програма како клучен проект од најголемо значење за граѓаните на Петровец на претстојните локални избори во октомври годинава? Не можам да одделам еден проект, бидејќи сите проекти кои ги работиме или треба да ги отпочнеме се големи и битни за моите сограѓани, но сепак ако морам би ги одделил, ставањето во функција на целата мултифункционална зона Ќојлија ,одобренијата за градење во најголем дел се издадени, така што пред нас е една градежна експанзија и отворање на голем број нови работни места што во време на корона е навистина значајно, и како второ, комплетно завршување на канализационата мрежа во Петровец, Ржаничино и Огњанци, со што и овој горлив проблем на повеќе од две третини од граѓаните би се разрешил. Како пандемијата се одрази на вашата и работата на општината, им останавте ли должни за некој проект на граѓаните? Пандемијата е едно светско зло и нормално дека и нас не погоди. Неколку мои соработници а и јас го прележавме ковидот , но факт е дека со добра организација и ротација, и со користењето на мобилните конекции, во ниту еден момент не застанавме. Советот и администрацијата функционираа , сите програми беа донесени во законските рокови и нивната реализација иако отежнато се одвиваше, за што се сведоци големиот број реализирани проекти. Доволно е да прошетате низ Општина Петровец , низ било кое населено место и сами ќе се уверите во тоа. Во изминатите 10-тина години општина Петровец постепено се урбанизираше и стана привлечно место за живеење за голем број млади брачни парови, каква е вашата визија за понатамошен развој на општината? Не само млади брачни парови , туку и многу други ги увидоа предностите што ги нуди Општина Петровец , да се живее надвор од градскиот метеж а да бидеш само на 15 минути од центарот на градот Скопје, близу до Куманово и Велес. Децата да раснат во природа, да учат во ново современо училиште или да ја посетуваат новата детска градинка, да изградиш семеен дом со евтини комуналии, кој не би го посакал тоа. Е тоа е она што ние го нудиме а граѓаните правејќи споредба го препознаваат и се преселуваат во нашата општина. Пописот тоа и со бројки ќе го потврди. Вашата општина е пример за соживот помеѓу православни и муслимани и одлични односи помеѓу различните етнички заедници на што се должи тоа? Прво, соживотот е традиција на овие простори, но во него треба да се инвестира континуирано. Не смееме да дозволиме она што нашите предци го граделе ние да го уништиме. Затоа треба да го негуваме и се грижиме за тој соживот. Јас со моите политики се обидувам да не запоставам ниту едно населено место. Никој не смее да се почувствува како граѓанин од втор ред. Јас сум отворен за соработка и мојата врата секогаш е отворена за сите мои сограѓани без разлика на вера и нација. Моите сограѓани тоа го препознаваат и на крај како потврда сакам да кажам и тоа дека мојот заменик е од албанската етничка заедница За крај би ве запрашал, имате ли проблеми со централната власт поради различната политичка определба, како би ја споредиле поддршката која сега ја дава државата за помалите општини и во времето на претходната Влада на ВМРО-ДПМНЕ? Последно морам да кажам дека поддршката не е иста, но кога имаш квалитетни проекти и кога знаеш што сакаш, на која врата и да тропнеш се е полесно. Добрите проекти секој мора да ги види и прифати, па и оваа влада. На крај , во Општина Петровец живеат луѓе со различни политички определби, и кога еден проект се реализира тоа е благодет за сите, без разлика на определбата.